Share
 
Comments
Svanidhi Scheme launched to help the pandemic impacted street vendors restart their livelihood: PM
Scheme offers interest rebate up to 7 percent and further benefits if loan paid within a year : PM
Street Vendors to be given access to Online platform for business and digital transactions: PM

প্রধান মন্ত্রী শ্রী নরেন্দ্র মোদীনা মধ্য প্রদেশকী লম্বীদা দুকান ফম্লিবশিংগা 'স্বানিধি সম্বাদ' পাঙথোকখ্রে। ভারত সরকারনা জুন ১, ২০২০দা কোবিদ-১৯না চৈথেং পীবীরবা লাইরবা লম্বীদা দুকান ফম্লিবশিংনা শেন্দান লম্বী অমুক হন্না হঞ্জিনবা য়ানবগীদমক পি.এম. স্বানিধি স্কিম হৌদোকখিবনি। মধ্য প্রদেশতা লম্বীদা দুকান ফম্বা মীওই লাখ ৪.৫না মিং থাজিনলকখি, মসিগী মনুংদগী লম্বীদা দুকান ফম্বা মীওই লাখ ১.৪ রোমদা লুপা করোর ১৪০ রোমগী অয়াবা পীখি।

থৌরম অদুদা ৱা ঙাংলদুনা প্রধান মন্ত্রীনা লম্বীদা দুকান ফম্লিবশিংনা মহৌশাগী পুন্সিদা অমুক হঞ্জিন্নবা হোৎনরক্লিবা থৌনা অসিবু থাগৎখি অমসুং মখোয়না মশাদা থাজবা থমজরিবা, খাঙবা কনবা অমসুং হোৎনবা কনবগী মতৌ অসিবু শিংথাখি।

মহাক্না মধ্য প্রদেশ সরকারনা লম্বীদা দুকান ফম্বা মীওই লাখ ৪.৫ হেন্না শক খঙদোকপা অমসুং দুকান ফম্বা লাখ ১ হেনবদা থা অনীগী মনুংদা লাইচৎকী খুদোংচাদবশিং তুংওইনরগা লোন পীনবা থৌরাং লোইশিনখিবসিদা থাগৎপা ফোংদোকখি।

প্রধান মন্ত্রীনা হায়খি, খুদোংথীবা অমহেক্তনা লাইরবশিংদা মখোয়গী থবক, চীঞ্জাক, অমসুং তুংশিঞ্জবা শেলদা অকাইবা পীরি।

মহাক্না উপাই লৈত্রবা মাইগ্রেন্তশিংনা মখোয়গী খুঙ্গংশিংদা হন্দবা য়াদবা অৱাবা মতমদুবু নিংশিংখি।

শ্রী মোদীনা হায়খি মদুদি সরকার অসিনা হেক অহৌবা নুমিত্তগী লোকদাউন অমসুং লাইচৎ অসিনা লাইরবা অমসুং ময়াই ওইবা ইমুংশিংদা পীরিবা অৱাবা চৈথেং অসি কোকহন্নবা হোৎনদুনা লাক্লি। মহাক্না হায়খি মদুদি সরকার অসিনা প্রধান মন্ত্রী গরীব কল্যান রোজগার য়োজনাগী মখাদা থবক পীবগী মথক্তা চানবা পোৎলম, গ্যাস সিলিন্দর লেম্না পীদুনা লাক্লি।

শ্রী মোদীনা হায়খি মদুদি সরকার অসিনা অতোপ্পা খুদোংচাদ্রবা কাংলুপতা হায়বদি লম্বীদা দুকান ফম্লিবশিংদসু মীৎয়েং চঙলি অমসুং হায়রিবা দুকান ফম্বশিং অসিনা নৌনা শেন্দাং লম্বীদা হল্লকপা ঙম্নবগীদমক অহোঙবা শেনবুম পীবীনবগীদমক পি.এম. স্বানিধি য়োজনা লাওথোকখি। শ্রী মোদীনা হায়খি মদুদিন হায়রিবসিনা ইহান হানবা ওইনা লম্বীদা দুকান ফম্বা মীওই লাখ কয়ানা হথেংননা কান্নবা ফংজনবগীদমক সিস্তেম অসিগা শম্নহল্লি।

প্রধান মন্ত্রীনা হায়খি মদুদি স্বানিধি য়োজনাগী পান্দমদি লম্বীদা দুকান ফম্লিবশিং অসিদা স্বরোজগার, স্বাব্লম্বন অমসুং স্বাভিমান (সেল্ফ ইমপ্লোইমেন্ত, সেল্ফ-সস্তেনেন্স অমসুং শেল্ফ কনফিদেন্স) পীনবা হোৎনবনি।

প্রধান মন্ত্রীনা লম্বীদা দুকান ফম্লিবা খুদিংমক্না স্কিম অসিগী মতাংদা খঙবগী তঙাইফদবা লৈরিবসিদা পুক্নিং চিংশিনখি। হায়রিবা স্কিম অসি ইচম চম্বা মীওই অমহেক্তনা মসিগা পাউ ফাওনবা ঙমজনবগীদমক য়াম্না লাইবা মওংদা শেমখিবনি। মহাক্না হায়খি মদুদি কনাগুম্বা অমহেক্তনা স্কিমসিদা কমন সর্বিস সেন্তর নত্ত্রগা ম্যুনিসিপালিতী ওফিস্তা এপ্লিকেসন অমা থাজন্দুনা ক্যু লেপ্নদনা মিং চনবা য়াগনি। মসিতা নত্তনা বেঙ্ককী বিজিনেস করেস্পোন্দেন্ত অমসুং ম্যুনিসিপাল স্তাফ অমনা লম্বীদা দুকান ফম্লিবশিংগী মনাক্তা লাক্তুনা এপ্লিকেসন লৌরবসু য়াই।

মহাক্না হায়খি মদুদি স্কিম অসিনা শেন্দোইদা চাদা ৭কী চাংদা রিবেৎ পীগনি অমসুং করিগুম্বা মীওই অমনা বেঙ্কতগী লৌখিবা শেনফম অদু চহী অমগী মনুংদা শিংবা ঙমজরবদি শেন্দোই হন্দোকপীগনি। মহাক্না মখা তানা হায়খি মদুদি দিজিতেল ত্রাঞ্জেক্সন তৌবা মতমদা কেস বেকসু লাক্কনি। অসুম্না, অপুনবা তুংশিঞ্জবা শেল অদুনা অপুনবা শেন্দোইদগী হেনগনি। মহাক্না হায়খি মদুদি, লৈবাক অসিদা দিজিতেল ত্রাঞ্জেক্সনগী চৎনবী অসি হৌখিবা চহী ৩-৪ অসিদা কা হেন্না হেনগৎলক্লি।

"স্কিম অসিনা নৌনা অমুক হৌহনবা অমসুং অরাইবা শেনবুম লৌনবা হোৎনবদা মতেং পাংলগনি। ইহান হানবা ওইনা, লম্বীদা দুকান ফম্বা মীওই মিল্লিয়ন কয়াগী নেৎৱার্ক অমসু সিস্তেম অসিদা কোনশিল্লে, মখোয়গী শক্তাকচে অমসু ফংজরে।"

স্কিম অসিনা কনাগুম্বা মীওই অমবু শেন্দোইদগী লাপ্না লৈবা ঙমজরগনি। স্কিম অসিগী মখাদা, চাদা ৭কী চাংদা শেন্দোই হন্দোকপীবা হৌখ্রে। বেঙ্ক অমসুং দিজিতেল পেমেন্ত পীরিবশিংগা খুৎশম্নদুনা অনৌবা থৌওং অমা হৌদোক্লিবসিনা ঐখোয়গী লম্বীদা দুকান ফম্লিবশিং অসিবু দিজিতেল ওইনা দুকান ফম্বদা মনীং হলহনলোইদৌরি" হায়না মহাক্না ফোংদোকখি।

প্রধান মন্ত্রীনা হায়খি মদুদি কোরোনাগী লাংফম অসিদা, পোৎ লৈরিবা মীওইশিংনা শেল পীবগী মহুত্তা দিজিতেল ত্রাঞ্জেক্সন ওইনা তৌনিংবগী অপাম্বা হেনগৎলি। মহাক্না লম্বীদা দুকান ফম্লিবশিং অসিদা শেল হন্দোক হঞ্জিন্দা দিজিতেল ওইনা তৌনবা খঙহল্লক্লি।

শ্রী মোদীনা হায়খি মদুদি সরকারনা লম্বীদা দুকান ফম্লিবশিং খুদিংমক্না মখোয়গী লল্লোন ইতীক অদু দিজিতেল ওইনা তৌবা য়ানবগীদমক ও.তি.তি. প্লেৎফোর্ম পুশিল্লক্লি।

প্রধান মন্ত্রীনা হায়খি মদুদি পি.এম. স্বানিধি স্কিম অসিগী কান্নবা লৌগদৌরিবশিং অসিনা উজ্জ্বালা গ্যাস স্কিম, আয়ুশ্মন ভারত স্কিম, অসিনচিংবা কয়াসু হান্না তৌগদৌবশিংগী মরক্তা ফংহনগনি।

মহাক্না হায়খি মদুদি, প্রধান মন্ত্রী জন ধন য়োজনাগী মখাদা, লাইরবা, ময়াই ওইবা ইমুংশিংনা করোর ৪০ হেনবগী বেঙ্ক একাউন্তশিং হাংদোকখ্রে, অমসুং হৌজিক্তি মখোয়না কান্নবা কয়াবু মখোয়গী একাউন্ততা হকথেংননা ফংবা ঙমজরে অমসুং মসিনা লোন লৌবদসু হেন্না খুদোংচাবা হেনগৎহল্লি। মহাক্না অসিগা মান্ননা অতোপ্পা স্কিম হায়বদি দিজিতেল হেল্থ মিসন, প্রধান মন্ত্রী সুরকশা বিমা য়োজনা, প্রধান মন্ত্রী জীবন জয়োতি য়োজনা অমসুং আয়ুশ্মন ভারত মাই পাকখিববুসু পনখি।

প্রধান মন্ত্রীনা হায়খি মদুদি, হৌখিবা চহী তরুক্লোমসিদা, লৈবাক অসিদা লৈরিবা লাইরবা কয়াগী পুন্সিবু হেন্না লাইথোকহন্নবগীদমক খোংথাং কয়া লৌখৎলক্লি। সরকার অসিনা শহর অমসুং মরুওইবা শহর মচাশিংদা অহোংবা মমলদা কা ভরা ফংহন্নবগীদমক মরুওইবা স্কিম অমসু লৌখৎলে হায়না ফোংদোকখি।

মহাক্না লৈবাক অসিগী মফম অমহেক্তদগী রাসন লৌবা য়াহনগদবা লৈবাক অমা রাসন কার্দ অমবুসু পনখি।

প্রধান মন্ত্রীনা খুঙ্গং লাখ ৬তা লাক্কদবাই নুমিৎ ১০০০গী মনুংদা ওপ্তিকেল ফাইবর তিংবগী হৌজিক হৌজিক পায়খৎলিবা থবক অসিবুসু পনখি।

মাহক্না হায়খি, মসিনা ভারতকী খুঙ্গং খুদিংমক লমদম অসিগী অমসুং মালেমগী কৈথেলগা শম্নহন্দুনা খুঙ্গংগী পুন্সি মহিংদা হেন্না খুদোংচাবা পীরগনি।

প্রধান মন্ত্রীনা লম্বীদা দুকান ফম্লিবশিং অসিদা তরু তন্না লৈনবা অমসুং কোবিদ-১৯ শন্দোকপা লাকশিন্নবগীদমক খোংথাং খুদিংমক ইন্ননবা খঙহনখি। মসিনা মখোয়গী লল্লোন ইতীক্কী থবকশিং হেনগৎহনগনি হায়না মহাক্না ফোংদোকখি।

 

 

 

 

 

 

 

 

Click here to read full text speech

Pariksha Pe Charcha with PM Modi
Explore More
It is now time to leave the 'Chalta Hai' attitude & think of 'Badal Sakta Hai': PM Modi

Popular Speeches

It is now time to leave the 'Chalta Hai' attitude & think of 'Badal Sakta Hai': PM Modi
Rs 49,965 Crore Transferred Directly Into Farmers’ Account Across India

Media Coverage

Rs 49,965 Crore Transferred Directly Into Farmers’ Account Across India
...

Nm on the go

Always be the first to hear from the PM. Get the App Now!
...
সোসিয়েল মিদিয়াগী মফম 11 মে, 2021
May 11, 2021
Share
 
Comments

PM Modi salutes hardwork of scientists and innovators on National Technology Day

Citizens praised Modi govt for handling economic situation well during pandemic