প্রধান মন্ত্রী শ্রী নরেন্দ্র মোদীনা ঙসি নই দিল্লীগী নেস্নেল এগ্রিকলচরেল সাইন্স সেন্তর (NASC) কমপ্লেক্সতা 32শুবা ইন্তর্নেস্নেল কনফরেন্স ওফ এগ্রিকলচরেল ইকনোমিস্তস (ICAE) হৌদোকখ্রে। চহি অসিগী কনফরেন্সকী থিম অসি “সস্তেনেবল এগ্রি-ফুদ সিস্তেমশিংগী মাইকৈদা অওনবা পুরকপা” অসিনা ওইরি। মসিনা ক্লাইমেৎ চেঞ্জ, নেচরেল রিসোর্সশিং হন্থরকপা, পোৎ পুথোকপদা চংবা মমল অমদি কনফ্লিক্তশিং হেনগৎলকপা অসিগুম্বা মালেমগী ওইবা শীংনবশিং অসিদা সস্তেনেবল এগ্রিকলচরগী য়াম্না মথৌ তারিবা অদু থেংননবা পান্দম থম্মি। কনফরেন্স অসিদা লৈবাক 75 রোমদগী দেলিগেৎ 1,000 রোমনা শরুক য়াখি।
ইন্তর্নেস্নেল এসোসিএসন ওফ এগ্রিকলচরেল ইকনোমিস্তস (ICAE) অসি চহি 65গী মতুংদা ভারত্তা পাংথোকপা অসিদা নুংঙাইবা ফোঙদোকখি। মহাক্না ভারতকী লৌমী মিলিয়ন 120, নুপী লৌমী মিলিয়ন 30 হেনবা, ঙামী মিলিয়ন 30 অমসুং শন-শন য়োক্লিবা মিলিয়ন 80গী মহুৎ শিন্দুনা দেলিগেৎশিংবু তরাম্না ওকখ্রে। “লাইবস্তোক মিলিয়ন 500 হেনবগী লৈফম ওইরিবা লমদম অসিদা নখোয়না লাক্লি। ঐহাক্না ভারতকী লৌউ-শিংউ অমসুং শা-শন পামজবশিংগী লৈবাক অসিদা তরাম্না ওক্লি,” হায়না শ্রী মোদীনা ফোংদোকখি।
প্রধান মন্ত্রীনা লৌউ-শিংউ অমসুং চিঞ্জাক্কী মতাংদা অরিবা মতমগী ভারতকী থাজবশিং অমসুং এক্সপরিয়েন্সশিং অসি মতম শাংনা লৈগনি হায়না অকনবা ৱাফম থমখি। ভারতকী লৌউ-শিংউগী চৎনবীদা সাইন্স অমসুং লোজিকপু মরুওইনা লৌরি হায়না মহাক্না ফোংদোকখি। মহাক্না হায়খি মদুদি চিঞ্জাক্কী মেদিসিনেল প্রোপর্তীশিংগী মরুমদা সাইন্স লৈ।
চহি লিশিং কয়াগী মমাংদগী লৈরক্লবা ৱাখল্লোন অসিগী য়ুম্ফমদা লৌউ-শিংউনা চাউখৎলক্লি হায়না প্রধান মন্ত্রীনা ফোংদোকখি। মহাক্না চাউরবা হেরিতেজ অসিদা য়ুম্ফম ওইদুনা লৌউ-শিংউগী মতাংদা চহি 2000গী মমাংগী লাইরিক অমা ওইরিবা "কৃশি পরশর্"গী মতাংদা পনখি। প্রধান মন্ত্রীনা ভারত্তা এগ্রিকলচর রিসর্স অমসুং এজুকেসনগী মপাঙ্গল কনবা পথাপ অমা লৈরে হায়না পনখি। মহাক্না হায়খি, " ICAR মশামক্কী রিসর্চ ইন্সতিত্যুৎ 100 হেন্না লৈরি।" মহাক্না মখা তানা হায়খি মদুদি লৌউ-শিংউগী এজুকেসনগীদমক্তা কোলেজ 500 হেন্না অমসুং কৃশি বিজ্ঞান কেন্দ্র 700 হেন্না লৈরি।
ভারতকী লৌউ-শিংউগী থৌরাং তৌবদা পন্থা তরুক্কী মরুওইবা অদু পল্লদুনা প্রধান মন্ত্রীনা এগ্রো-ক্লাইমেতিক জোন 15গী অখন্নবা ক্বালিতীশিং অদু পনখি। মহাক্না পনখি মদুদি লৌউ-শিংউগী পোত্থোকশিং অসি লৈবাক অসিদা কিলোমিতর 100 চৎলবদি হোংই। "লৈবাক, হিমালয়, মরু ভুমি, ঈশিং ফংদবা লমদমশিং নৎত্রগা কোস্তেল রিজনশিংদা লৌউ-শিংউ তৌবা ওইরবসু, মসিগী মখল-মখা কয়া অসি মালেমগী ওইবা ফুদ সেক্যুরিতীগীদমক য়াম্না মরু ওই অমসুং ভারত অসি মালেমদা আশাগী মঙাল অমা ওইহল্লি,"হায়না প্রধান মন্ত্রীনা ফোংদোকখি।
চহি ৬৫গী মমাংদা ভারত্তা পাংথোকখিবা ইন্তর্নেস্নেল কনফরেন্স ওফ এগ্রিকলচরেল ইকোনোমিস্তশিং নিংশিংলদুনা প্রধান মন্ত্রীনা হায়খি মদুদি ভারত অসি নৌনা নীংতম্বা লৈবাক অমা ওইরি। মসিনা ভারতকী ফুদ সেক্যুরিতী অমসুং লৌউ-শিংউদা অরুবা মতম অমা ওইহল্লি। ঙসিদি, প্রধান মন্ত্রীনা হায়খি, ভারত অসি ফুদ সরপ্লস লৈবাক অমা ওইরে, শঙ্গোম, হৱায়, অমসুং মরু-মরাংশিং খ্বাইদগী চাউবা প্রদ্যুসরনি, অমসুং চেং-হৱায়, মহৈ-মরোং, মনা-মশিং, লৈশিং, চিনী, চা অমসুং ফার্মগী ঙা অনিশুবা খ্বাইদগী চাউবা প্রদ্যুসরনি। ভারতকী ফুদ সেক্যুরিতী অসি মালেমগী ওইনা নুংনাংনীংঙাই ওইবা ৱাফম অমা ওইরম্বা মতম অদু মহাক্না নিংশিংখি অদুগা ঙসিদি ভারতনা মালেমগী ফুদ অমসুং ন্যুত্রিসন সেক্যুরিতীদা সোলুসন পীরি। মরম অদুনা, প্রধান মন্ত্রীনা হায়খি মদুদি ভারতকী এক্সপরিয়েন্স অসি ফুদ সিস্তেম ত্রান্সফোর্মেসনগী মতাংদা খন্ন-নৈনবদা কান্নবা পীগনি অমসুং গ্লোবেল সাউথতা কান্নবা ফংহনগনি।
পি.এম. মোদীনা মালেমগী য়াইফ-থৌরাংগীদমক ভারতনা 'বিশ্ব বন্ধু' ওইনা লেপ্লিবা অদু অমুক হন্না ফোংদোকখি। মহাক্না মালেমগী য়াইফনবা ভারতকী মীৎয়েং অদু নৌহৌনা নীংশিংখি অমসুং ভারতনা তোঙান-তোঙানবা ফোরমশিংদা থমখিবা তোঙান-তোঙানবা মন্ত্রশিং হায়বদি "ৱান আর্থ, ৱান ফেমিলী অমসুং ৱান ফ্যুচর", "মিসন লাইফ" অমসুং "ৱান আর্থ ৱান হেল্থ" য়াওনা ৱাফম কয়া পনখি। শ্রী মোদীনা মীওইবা, পাম্বী অমসুং শা-ঙাগী হকশেলবু সিলোদা থমদনা য়েংবগী ভারতকী এপ্রোচকী মতাংদা পনখি। মহাক্না হায়খি, তুং কোইনা চৎনবা য়াবা লৌউ-শিংউ অমসুং চিঞ্জাক্কী পথাপশিংগী মায়োক্তা লৈরিবা শিংনবশিং অসি "ৱান আর্থ, ৱান ফেমিলী অমসুং ৱান ফ্যুচর "গী অপুনবা থৌওং অমগী মখাদা খক্তনা থেংনবা য়াই।
প্রধান মন্ত্রীনা হায়খি, "লৌউ-শিংউ অসি ভারতকী শেন্মিৎলোনগী পোলিসীশিংগী ময়াইদা লৈরে।" মহাক্না হায়খি মদুদি ভারতকী অপীকপা লৌমীশিংগী চাদা 90না অপীকপা লমগী মপু ওইবনা ভারতকী ফুদ সেক্যুরিতীগী খ্বাইদগী চাউবা পাঙ্গল ওইরি। মহাক্না হায়খি এসিয়াগী চাউখৎলক্লিবা লৈবাক কয়াদসু অসিগুম্বা ফীভম অসি লৈরি অমসুং মসিনা ভারতকী মোদেল অসি চৎনবা য়াহল্লি। নেচরেল ফার্মিংগী খুদম পীরদুনা প্রধান মন্ত্রীনা হায়খি মদুদি লৈবাক অসিদা কেমিকেল ফ্রি নেচরেল ফার্মিংবু পাক-শন্না প্রোমোৎ তৌবগী পোজিতিব ওইবা মহৈ অদু উবা ফংলে। মহাক্না চহি অসিগী বজেৎতা সস্তেনেবল অমসুং ক্লাইমেৎ রেসিলেন্ত ফার্মিংদা অচৌবা মীৎয়েং থম্লিবা অদুগা লোয়ননা ভারতকী লৌমীশিংদা মতেং পাংনবা মপুং ফাবা ইকোসিস্তেম অমা শেমগৎপগী ৱাফমসু পনখি। ক্লাইমেৎ রেসিলেন্ত মহৈ-মরোংগা মরী লৈনবা রিসর্স অমসুং দিবেলপমেন্তদা সরকারনা মরুওইবা পীরি হায়না পল্লদুনা প্রধান মন্ত্রীনা হায়খি মদুদি হৌখিবা চহি 10দা ক্লাইমেৎ রেসিলেন্ত মখল 1900 রোম লৌমীশিংদা পীখ্রে। মহাক্না ভারত্তা মহৌশাদগী লৈরক্লবা মহৈ-মরোংশিংদগী চাদা 25গী চাংদা ঈশিং হেন্না চংদবা অমসুং সুপরফুদ অমা ওইনা ব্লেক রাইস হৌরকপগী খুদমশিং পনখি। মহাক্না হায়খি, "মনিপুর, আসাম অমসুং মেঘালয়দগী লাকপা ব্লেক রাইস অসি হিদাক্কী মগুন লৈবনা মরম ওইদুনা খ্বাইদগী পাম্নবা চোইসনি।" ভারতনা মসিগী মরী লৈনবা এক্সপিরিয়েন্স অসি মালেমগী কম্ম্যুনিতীগা শিয়র তৌমিন্নবা পাম্মি হায়না মহাক্না মখা তাখি।
প্রধান মন্ত্রীনা ঈশিংগী অৱাৎপা অমসুং অইং-অশা হোংলকপগা লোয়ননা ন্যুত্রিসনগী শিংনবশিং অসিগী মরুওইবা অদুসু খঙখি। মহাক্না শ্রী আন্না, মেল্লেৎ অসি সুপরফুদকী ক্বালিতী 'মিনিমম ৱাতর অমসুং মেক্সিমম প্রদক্সন' অসি য়েংলগা সোলুসন অমা ওইনা পুথোকখি। পি.এম. মোদীনা মালেমগা লোয়ননা ভারতকী মিল্লেৎ বাস্কেৎ শিয়র তৌবগী অপাম্বা ফোংদোকখি অমসুং হৌখিবা চহি অসি ইন্তর্নেস্নেল ইয়ার ওফ মিল্লেৎকী চহি ওইনা পাংথোক্লিবা অদু পনখি।
লৌউ-শিংউবু মোদর্ন তেক্নোলোজীগা শম্নহন্নবা পায়খৎলিবা খোঙথাংশিং অদু পল্লদুনা প্রধান মন্ত্রীনা সোইল হেল্থ কার্দ, সোলর ফার্মিংনা লৌমীশিংবু ইনর্জী প্রোভাইদর ওইহল্লিবা, দিজিতেল এগ্রিকলচর মার্কেৎ হায়বদি ই-নাম, কিসান ক্রেদিৎ কার্দ অমসুং পি.এম. ফাসল বিমা য়োজনাগী মতাংদা পনখি। মহাক্না লৌউ-শিংউ অমসুং ত্রেদিস্নেল ফার্মরশিংদগী এগ্রি স্তার্ত-অপশিং, নেচরেল ফার্মিংদগী ফার্মস্তে অমসুং ফার্ম-তু-তেবল ফাওবা লৌউ-শিংউ অমসুং মসিগা মরী লৈনবা সেক্তরশিং ফোর্মেলাইজেসন তৌবগী মতাংদসু পনখি। মহাক্না হায়খি মদুদি হৌখিবা চহি 10দা, হেক্তর লাখ 90 মাইক্রো ইরিগেসনগী মখাদা পুরকখ্রে। ভারতনা ইথানোলগী ব্লেন্দিং 20%গী পান্দম অদুগী মায়কৈদা খোঙজেল য়াংনা চংশিল্লকপগা লোয়ননা, লৌউ-শিংউ অমসুং অকোইবগী ফিভম অনিমক কান্নবা ফংলি হায়না মহাক্না হায়খি।
ভারতকী লৌউ-শিংউগী লমদা দিজিতেল তেক্নোলোজী শিজিন্নবগী মতাংদা পল্লদুনা প্রধান মন্ত্রীনা পি.এম. কিসান সম্মান নিধিগী মতাংদা পনখি। মসিদা লৌমী করোর 10গী বেঙ্ক একাউন্তশিংদা ক্লিক অমখক্তনা শেল ত্রান্সফর তৌই। মহাক্না অকনবা ৱাফম থমখি মদুদি লৌমী করোর কয়া অমা মসিগী খোঙথাং অসিদগী কান্নবা ফংগনি অমসুং মখোয়গী শেন্মিৎলোনগী ফিভম ফগৎলগনি। মহাক্না লৌমীশিংদা মখোয়গী লমগী দিজিতেল আইদেন্তিফিকেসন নম্বর অমা পীগদবা লমগী দিজিতেলাইজেসনগী অচৌবা কেম্পেন অমা অমসুং লৌউ-শিংউদা দ্রোনশিং প্রমোৎ তৌবা, মদুদা 'দ্রোন দিদিশিং'না দ্রোনশিং শিজিন্ননবা ত্রেনিং পীগনি হায়বগী মতাংদা পনখি। মহাক্না মখা তারদুনা হায়খি মদুদি খোঙথাংশিং অসিনা ভারতকী লৌমীশিংদা কান্নবা ফংহনবতা নত্তনা মালেমগী ওইবা ফুদ সেক্যুরিতীসু মপাঙ্গল কনখৎহল্লগনি।
মহাক্কী ৱারোল লোইশিল্লদুনা, প্রধান মন্ত্রীনা নহা কয়া অমা শরুক য়াখিবা অদু পনখি অমসুং লাক্কদৌরিবা নুমিৎ মঙা অসিদা মালেম অসিবু সস্তেনেবল এগ্রি-ফুদ সিস্তেমগা শম্নহন্নবা পাম্বৈশিং উবা ফংলগনি হায়না থাজবা থমখি। “ঐখোয়না অমনা অমদগী তমগনি অমসুং অমনা অমবুসু তম্বীগনি," হায়না ফোংদোক্লদুনা মহাক্কী ৱারোল লোইশিনখি।
কেন্দ্রগী লৌউ-শিংউ অমসুং লৌমীশিংগী য়াইফ-থৌরাংগী মন্ত্রী, শ্রী শিবরাজ সিংহ চৌহান, নীতি আয়োগকী মেম্বর, প্রোফেসর রমেশ চান্দ, কনফরেন্সকী প্রসিদেন্ত, প্রোফেসর মেতিন কাইম অমসুং DAREগী সেক্রেতরী অমসুং ICAR গী DG, দা. হিমান্সু পথক্না থৌরম অসিদা শরুক য়াখি।দবেকগ্রাউন্ফ
ইন্তর্নেস্নেল এসোসিএসন ওফ এগ্রিকলচরেল ইকনোমিস্তসনা চহি অহুম খুদিংগী পাঙথোকপা কনফরেন্স অসি ওগস্ত 02-07, 2024 ফাওবা পাঙথোক্কনি অমসুং মসি চহি 65গী মতুংদা ভারত্তা ICAE পাঙথোক্লি।
চহি অসিগী কনফরেন্সকী থিম অসি “সস্তেনেবল এগ্রি-ফুদ সিস্তেমশিংগী মাইকৈদা অওনবা পুরকপা” অসিনা ওইরি। মসিনা ক্লাইমেৎ চেঞ্জ, নেচরেল রিসোর্সশিং হন্থরকপা, পোৎ পুথোকপদা চংবা মমল অমদি কনফ্লিক্তশিং হেনগৎলকপা অসিগুম্বা মালেমগী ওইবা শীংনবশিং অসিদা সস্তেনেবল এগ্রিকলচরগী য়াম্না মথৌ তারিবা অদু থেংননবা পান্দম থম্মি। কনফরেন্স অসিনা মালেমগী ওইরিবা লৌউ-শিংউগী শীংনবশিং অসিদা পায়খৎলিবা ভারতকী প্রোএক্তিব এপ্রোচ অদু তাক্লি অমসুং লৌউ-শিংউগী রিসর্চ অমসুং পোলিসীদা লৈবাক অসিনা খুমাং চাউশিল্লিবশিং উৎকনি।
ICAE 2024না নহা ওইরিবা রিসর্চরশিং অমসুং মাংজিল থারিবা প্রোফেস্নেলশিংনা মখোয়গী থবক অমসুং গ্লোবেল পিয়রশিংগা লৈরিবা নেৎৱার্ক উৎনবা ফম্পাক অমা ওইরগনি। মসিনা রিসর্চ ইন্সতিত্যুতশিং অমসুং য়ুনিভর্সিতীশিংগী মরক্তা পার্তনরশিপ হেনগৎহন্নবা, জাতি অমসুং মালেমগী স্কেল অনিমক্তা পোলিসীমেকিংদা ইথিল পীনবা অমসুং দিজিতেল এগ্রিকলচর অমসুং সস্তেনেবল এগ্রি-ফুদ সিস্তেমশিং য়াওনা ভারতকী লৌউ-শিংউগী লমদা খুমাং চাউশিল্লিবা অসি উৎনবা পান্দম থম্মি। কনফরেন্স অসিদা লৈবাক 75 রোমদগী দেলিগেৎ 1,000 রোমনা শরুক য়াবা উবা ফংগনি।
ৱা ঙাংখিবগী মপুংফাবা ৱারোল পানবা মসিদা নম্বীয়ু
भारत जितना प्राचीन है, उतनी ही प्राचीन agriculture और food को लेकर हमारी मान्यताएं हैं, हमारे अनुभव हैं: PM @narendramodi pic.twitter.com/dWg6f40qH2
— PMO India (@PMOIndia) August 3, 2024
हमारे अन्न को औषधीय प्रभावों के साथ इस्तेमाल करने का पूरा आयुर्वेद विज्ञान है: PM @narendramodi pic.twitter.com/8HIlUZ4HLc
— PMO India (@PMOIndia) August 3, 2024
आज का समय है, जब भारत Global Food Security, Global Nutrition Security के Solutions देने में जुटा है: PM @narendramodi pic.twitter.com/f4gptn7aQM
— PMO India (@PMOIndia) August 3, 2024
भारत, Millets का दुनिया का सबसे बड़ा Producer है: PM @narendramodi pic.twitter.com/uEOjCSNYJy
— PMO India (@PMOIndia) August 3, 2024
