প্রধান মন্ত্রীনা সতর্ক ভারত, সমৃদ্ধ ভারত (ভিজিলেন্ত ইন্দিয়া, প্রোস্পেরস ইন্দিয়া) হায়বসিদা ঙসি ভিদিও কনফরেন্সকী থোঙদা ভিজিলেন্স অমসুং এন্তি করপ্সনগী মতাংদা নেসনেল কনফরেন্স অমা হৌদোকখ্রে। থৌরম অদু সেন্ত্রেল ব্যুরো ওব ইনভেস্তিগেসন্না মীয়াম শরুক য়াহন্দুনা ভারতনা মীয়ামগী পুন্সিদা ইন্তিগ্রিতী অমসুং প্রোবিতী হেন্না লৈহন্নবগীদমক লৌরিবা থৌদাং অসি মীপুম তিংনা খঙহন্নবা অমসুং চেৎশিলহন্নবগী পান্দমদা শিনখিবনি।
কনফরেন্স অসিদা ৱা ঙাংলদুনা প্রধান মন্ত্রীনা হায়খি মদুদি সর্দার পতেলনা অপুনবা ভারত অমগী অমসুং লৈবাক অসিগী এদমিনিস্ত্রেতিব সিস্তেমগী আর্কিতেক্তনি। লৈবাক অসিগী ইহান হানবা গৃহ মন্ত্রী ওইদুনা মহাক্না লৈবাক অসিগী মীচম প্রজাগী ওইবা অমসুং পোলিসীশিং অসি ইন্তিগ্রিতীদা য়ুম্ফম ওইবা সিস্তেম অমা শেমগৎনবা হোৎনবীখি। শ্রী নরেন্দ্র মোদীনা মতুং তারকপা চহী কয়াদা লুপা করোর কয়াগী শেঞ্জা থুমজা তৌবা, শেল কম্পেনী কয়া হাংদোক্লকপা , তেক্স হরাস্মেন্ত অমসুং তেক্স ইভেজন হৌরকপা তোঙানবা ফিবম অমা লাকখ্রে হায়রদুনা নুংনাংবা ফোংদোকখি।
প্রধান মন্ত্রীনা হায়খি মদুদি ২০১৪দা, লৈবাক অসিদা মরুওইবা অহোংবা অমা পুরক্নবা অমসুং অনৌবা মায়কৈ অমদা চৎনবা ৱারেপ লৌরকপা মতমদা, ফিবম অসিবু হোংনবা হোৎনবদা অচৌবা শিংনবা অমা লৈখি হায়খি। মহাক্না মখা তারদুনা হায়খি, সুপ্রিম কোর্তনা য়াথং পীজরবসু ব্লেক মনীগী মায়োক্তা কম্মিতী অমা শেম্বগী ফিবম অদু কাউথোক্নখিবগী ফিবমদা লৈখি। হায়রিবা কম্মিতী অদু সরকার অসিনা হেক শেম্বগা লিংখৎখি। সরকার অসিনা করপ্সনগী মায়োক্তা লেপ্লি হায়বসি মসিনা তাক্লে। মহাক্না হায়খি, ২০১৪দা, লৈবাক অসিনা বেঙ্কিং সেক্তর, হকশেলগী সেক্তর, এজুকেসন সেক্তর, লেবর, লৌউশিংউ অসিনচিংবা সেক্তরশিংদা রিফোর্ম কয়া অমা উখ্রে। মহাক্না হায়খি মদুদি, হায়রিবা রিফোর্মশিং অসিদা, লৈবাক অসিনা আত্মনির্ভর কেম্পেন অসিবু মায় পাক্নবগীদমক মাংজিল থানা পাঙ্গল লৈনা চঙশিল্লি। মহাক্না ভারতপু মালেমদা লুচিংবা লৈবা অমা ওইনবগীদমক মীৎয়েং থম্লি।
প্রধান মন্ত্রীনা ইদমিনিস্ত্রেসন সিস্তেম অসি মীয়ামদা মনুং মপান ফাওনা উহনবা, থৌদাং য়াবা, থাজবা পোকপা, পাউখুম পীবা ঙম্বা তঙাইফদবা লৈ হায়না পুক্নিং চিংশিনখি। মহাক্না মখা তানা হায়খি মদুদি মসিগী মায়োক্তা লৈরিবা খ্বাইদগী চাউবা য়েক্নবা অসি শেঞ্জা থুমজা তৌবসিনি। নাকল অমরোমদনা, শেঞ্জা থুমজানা লৈবাক অসিগী চাউখৎপদা য়ৈখায় থিনগাইবা পীরি, অদুগা নাকল অমদনা মসিনা খুন্নাইগী খল অমসুং সিস্তেম অসিদা মীয়াম্না থমগদবা থাজবসু মাংহল্লি। অমসুং মরম অসিনা, মহাক্না হায়খি, শেঞ্জা থুমজা মুত্থৎপা হায়বসি এজেন্সী নত্ত্রগা ইন্সতিত্যুসন অমহেক্তগী থৌদাং ওইবদা নত্তনা মসি মীপুম খুদিংগী থৌদাংনি হায়খি। মহাক্না হায়খি, শেঞ্জা থুমজা হায়বসি নাকল নাম্মা খক্তনা মুত্থৎপা ঙম্লোই।
মহাক্না হায়খি মদুদি, হায়রিবসি লৈবাক অসিনা হংবা ৱাহং ওইরকপা মতমদুদি, ভিজিলেন্সকী মীৎয়েং অসি পাক চাউথোক্লক্লে। শেঞ্জা থুমজা, শেন্মিৎলোনগী ওফেন্স, নিশাগী নেৎৱার্ক, শেল হুরানবা, তেরোরিজম, তেররদা শেল থাদবা ওইসনু, মখোয়শিং অসি অপুনবা ওইনা মরী লৈনবা তোইনা উরি।
মরম অসিনা শেঞ্জা থুমজা থেংননবগীদমক সিস্তেমেতিক ওইনা য়েংবা, মতীক চানা ওদিৎ তৌবা, অমসুং কেপাসিতী বিল্দিং অমসুং অপুনবা ওইনা ত্রেনিং পীবগী তঙাইফদবা লৈরি হায়না মহাক্না ফোংদোকখি। প্রধান মন্ত্রীনা পুক্নিং চিংশিল্লদুনা হায়খি মদুদি, হৌজিক হৌজিকমক য়াম্না তঙাইফদ্রিবসি এজেন্সী খুদিংমক্না পুন্না হোৎনমিন্নবা অমসুং মতেং পাংনবগী ইথিল অদুনি।
কনফরেন্স অসি সতর্ক ভারত, সমৃদ্ধ ভারত (ভিজিলেন্ত ইন্দিয়া, প্রোস্পেরস ইন্দিয়া) ওইহন্নবা লম্বী তাকপা মতীক চাবা ফম্বাক অমা ওইরসনু হায়না আসা তৌখি।
প্রধান মন্ত্রীনা মহাক্না ২০১৬গী ভিজিলেন্স এৱেয়র্নেস প্রোগ্রামদা লাইরবগী সমশ্যাবু লান্থেংনরিবা ঐখোয়গী লৈবাক অসিদা করপ্সনগী য়েত্তুম মতোন্দা পকপা লম মচেৎ অমফাওবা লৈতে হায়খিবদু নিংশিংখি। মহাক্না হায়খি মদুদি চহী তরারোম হেন্না, লাইরবশিংনা মখোয়না ফংজগদবা চাকথুংশিং ফংদনা লাকখি, অদুবু হৌজিক্তি দি.বি.তি.গী মপান্দগী লাইরবশিংনা মখোয়গী চাকথুংশিং হকথেংননা ফংজবা ঙম্লে। মহাক্না হায়খি মদুদি দি.বি.তি.গী মপান্দগী লুপা করোর লাখ ১.৭ হেন্না অরানবা কনাগী খুত্তগী কনবা ঙম্লে।
মীয়াম্না ইন্সতিত্যুসনশিংদা থম্লম্বা থাজবশিং অমুক নৌহৌননা হঞ্জিল্লকপদা অপেনবা ফোংদোকখি।
মহাক্না পুক্নিং চিংশিল্লদুনা হায়খি মদুদি সরকারনা কা হেন্না খুৎ থিংজিনবা নত্ত্রগা সরকার য়াওদবা হায়বদু লৈররোই। সরকারগী থৌদাং অসি তঙাইফদবশিংদু খক্তদা লৈগদবনি। মীয়ামগী মফমদা সরকারনা কা হেন্না খুৎ থিংজিনবা নত্ত্রগা সরকার অসিনা তৌগদবা মতমদা মথৌ তৌদ্রে হায়না খলহল্লোইদবনি।
শ্রী মোদীনা হায়খি মদুদি হৌখিবা চহী খরসিদা আইন ১৫০০ হেন্না মুত্থৎখ্রে অমসুং অনৌবা পথাপ কয়া অমা লাইথোকহনখ্রে। মহাক্না হায়খি মদুদি পেন্সন, স্কোলার্শিপ, পাস্পোর্ত, স্তার্তঅপ অসিনচিংবগী এপ্লিকেসন কয়া অমা ওনলাইন্দা থাজিন্দুনা মীচম প্রজাশিংদা অৱাবা পীবা কোকহনখ্রে।
প্রধান মন্ত্রীনা "প্রকশালনাদ্ধি পংকস্য
দুরাৎ স্পশর্নম বরম।"
পনখি, মসিনা হায়রিবদি, কোন্না চাম্থোক্কদবগী মহুত্তা মোৎশিলহন্দবনা হেন্না ফৈ।
মাহক্না হায়খি, মসিগা মান্ননা প্রিভেন্তিব ভিজিলেন্সনা প্যুনিতিব ভিজিলেন্সতগী হেন্না ফৈ। মহাক্না শেঞ্জা থুমজা লাকপা য়াবা তাংককশিং লৌথোকহৌবগী তঙাইফদবগী মতাংদা পুক্নিং চিংশিনখি।
কৌতিলিয়ানা হায়খিবা
"না ফক্সয়ন্তি য়ে
ত্বর্থান ন্যাইতো বর্ধয়ন্তি চ।
নিত্যাধিকারাঃ কার্য়াস্তে রাগ্যঃ প্রিয়হিতে রতাঃ।। পনখি,
মসিনা হায়নিংলিবদি, সরকারগী শেল চিংথোক্তনা মীয়ামগীদমক য়াইফনবা হোৎনরিবশিংবু স্তেৎকীদমক মরুওইবা ফম হাপকদবনি।
মহাক্না হায়খি, মমাংঙৈদদি ত্রান্সফর অমসুং পোস্তিংগীদমক য়াম্না ফত্ত্রগা ইন্দস্ত্রী অমা লৈরম্মি। হৌজিক্তি সরকার অসিনা পোলিসীগী ৱারেপ কয়া অমা লৌখ্রে, অমসুং অসিগুম্বা ফিবম অসি হোংনবা মশক অমা উৎখ্রে অমসুং ফম কানবগীদমক ৱানোম্বগী থবক লেপখ্রে। সরকার অসিনা গ্রুপ বি অমসুং সিগী ফমশিংগী ইন্তর্ভ্যু মুত্থৎখ্রে। মহাক্না হায়খি, বেঙ্ক বোর্দ ব্যুরো শেম্বনা বেঙ্কশিংদা অৱাংবা ফম হাপ্পদা মনুং মপান ফাওনা উহল্লগনি।
প্রধান মন্ত্রীনা হায়খি মদুদি লিগেল রিফোর্ম কয়া অমা লৌখৎখ্রে অমসুং অনৌবা আইন কয়া শেমদুনা লৈবাক অসিগী ভিজিলেন্স সিস্তেম কলহল্লগনি। মহাক্না ব্লেক মনী, বেনামি প্রোপর্তীশিংগী মায়োক্তা লৈগদবা সিজিলেন্স সিস্তেম মপাঙ্গল কনখৎনবা শেমখিবা অনৌবা আইনশিংবু পনখি। ফ্যুজিতিব ইকোনোমিক ওফেন্দর্স এক্ত। মহাক্না হায়খি মদুদি ভারত অসি ফেস–লেস তেক্স এসেস্মেন্ত সিস্তেম লৈবা মালেমগী লৈবাক খরগী মরক্তা চল্লে। ভারত অসি শেঞ্জা থুমজা মুত্থৎনবগীদমক তেক্নোলোজী হেন্না হেন্না শীজিন্নরিবা লৈবাক খরগী মরক্তা চল্লে। মহাক্না হায়খি, সরকার অসিনা য়াম্না লুম্না লৌরিবসি অফবা তেক্নোলোজী পীবা, কেপাসিতী বিল্দিং, অনৌবা ইনফ্রাস্ত্রকচর অমসুং ইক্বিপমেন্তশিং ভিজিলেন্সকা মরী লৈনবা এজেন্সীশিংদা পীদুনা অফবা ফল পুথোকপা ঙম্নবা হেন্না মতীক চানা হোৎনবনি।
প্রধান মন্ত্রীনা পুক্নিং চিংশিনখি মদুদি শেঞ্জা থুমজাগী মায়োক্তা চত্থবা কেম্পেন অসি নোংমা খক্কী নত্ত্রগা চয়োল অমগী থবক নত্তে।
চারোল কয়াদগী চত্থরকপা শেঞ্জা থুমজানা নোংম-নোংমগী মপাঙ্গল কনখৎখিদুনা লৈবাক অসিদা হৌখিবা চহী খরসিদা মপাঙ্গল লৈরবা ফিবম অমা ওইখ্রে। মহাক্না চারোল কয়াদগী চত্থরকপা শেঞ্জা থুমজাবু চারোল অমদগী চারোল অমদা খুত্থাং ওইনা চৎহৌরি হায়না শন্দোক্না হায়খি। মহাক্না হায়খি, করিগুম্বা শেঞ্জা থুমজা তৌবা চারোল অমগী মীওইশিংবু মতীক চানা চৈরাক পীহৌদ্রবদি, অনিশুবা চারোলগী মীশিংনা হেন্না থৌনা লৈনা শেঞ্জা থুমজা তৌই। শ্রী মোদীনা হায়খি, মসিনা মরম ওইদুনা, রাজ্য কয়াদা হায়রিবসি রাজনিতীগী চৎনবী অমা ওইহৌরে। মহাক্না হায়খি, চারোল কয়াদগী লৈরক্লবা শেঞ্জা থুমজা অমসুং শেঞ্জা থুমজাগী দাইনাস্তীনা লৈবাক অসিবু পুংহো হোহল্লে। মহাক্না হায়খি, অসিগুম্বা ফিবম অসিনা লৈবাক অসিনা চাউখৎনবা হোৎনবদা, নুংঙাই য়াইফবা ভারত অমা অমসুং মরোমদোম লেপচবা ভারত অমা ওইহন্নবা হোৎনবদা খুদি থিহল্লি। মহাক্না হায়রিবা হীরম অসি নেসনেল কনফরেন্সশিংদা খন্নবগী অপাম্বা ফোংদোকখি।
প্রধান মন্ত্রীনা শেঞ্জা থুমজাগা মরী লৈনবা পাউশিংদা মীৎয়েং চঙবীনবা পুক্নিং চিংশিনখি। মহাক্না হায়খি, করিগুম্বা শেঞ্জা থুমজাগী মায়োক্তা মতীক চাবা থবক লৌখৎপগী পাউশিংনা নম্না ফোংলকপা মতমদা, মসিনা মীয়ামগী থাজবা হেলহনগনি অমসুং শেঞ্জা থুমজা তৌরুবা হায়বসি নান্থোকপা য়াদে হায়বগী পাউজেল অমা পীগনি।
মহাক্না হায়খি মদুদি করিগুম্বা লৈবাক অসিনা শেঞ্জা থুমজাবু মায়থিবা পীবা ঙম্লবদি হেন্না মপাঙ্গল লৈগনি অমসুং ভারতপু নুংঙাই য়াইফবা ওইহন্দুনা অমসুং মরোমদোম লেপচবা ঙমহন্দুনা সর্দার পতেলগী মংলানবু মংফাওনবা ঙমহনগনি।
সেন্ত্রেল ব্যুরো ওব ইনভেস্তিগেসন্না হায়রিবা নেসনেল কনফরেন্স অসি ভিজিলেন্স এৱেয়র্নেস ৱীক'কা মরী লৈননা পাঙথোকখিবনি, হায়রিবসি ওক্তোবর ২৭তগী নবেম্বর ২ ফাওবা পাঙথোক্কদবনি। কনফরেন্স অসিগী থবকশিং অসি মীয়াম্বু শরুক য়াহন্দুনা ভারতনা মীয়ামগী পুন্সিদা ইন্তিগ্রিতী অমসুং প্রোবিতী হেনগৎহন্নবা হোৎনরিবসি মীপুম তিংনা খঙহন্নবগীদমক ভিজিলেন্সকা মরী লৈনবা হীরমশিংদা পান্দম থমগনি।
নুমিৎ হুম্নি চুপ্না পাঙথোক্কদবা কনফরেন্স অসিদা ফোরেন জুরিসদিক্সন্দা ইনভেস্তিগেৎ তৌবদা থেংনবা শিংনবশিং, প্রিভেন্তিব ভিজিলেন্সপু শেঞ্জা থুমজা য়েংশিন্নবা সিস্তেমেতিক চেক ওইনা শীজিন্নবা, ফাইনান্সিএল ইনক্লুজন অমসুং বেঙ্ক ফ্রোদ থিংবদা সিস্তেমেতিক ওইনা ফগৎহনবা, চাউখৎলোনগী ইঞ্জিন ওইনা ওদিৎ মতীক চানা তৌবা, প্রিভেন্সন ওব করপ্সন এক্ততা খ্বাইদগী নৌনা শেমদোকখিবশিংবু শেঞ্জা থুমজা মুত্থৎনবা পাম্বৈ ওইনা শীজিন্নবা, কেপাসিতী বিল্দিং অমসুং ত্রেনিং, হেন্না থুবা অমসুং হেন্না মতীক চাবা ইনভেস্তিগেসনগীদমক মলতি এজেন্সী কোওর্দিনেসন, ইকোনোমিক ওফেন্সতা হৌজিক্কানগী চৎলিবা ত্রেন্দ, ক্রিমিনেল ইনভেস্তিগেস্তিব এজেন্সীশিংদা খ্বাইদগী ফরবা কন্ত্রোল অমসুং একচেঞ্জগীদমক সাইবর ক্রাইম অমসুং ত্রান্সনেসনেল ওর্গনাইজ ক্রাইম মেজরশিংগী মরমদা খন্ন নৈনগনি।
কনফরেন্স অসিনা পোলিসী মেকর অমসুং প্রেক্তিসনরশিংদা অমত্তা ওইবা ফম্বাক অমা পীরগনি অমসুং মসিনা শেঞ্জা থুমজাবু সিস্তেমেতিক ওইনা ফগৎলবা অমসুং প্রিভেন্তিব ওইবা খোঙথাংদা থেংনবা ঙমহনগনি, অদুগা অফবা লৈঙাক্লোন মসুং থাজনিংঙাই ওইরবা এদমিনিস্ত্রেসন অমা পুরক্কনি। হায়রিবসি ভারত্তা থবক পায়খৎপা মতমদা হেন্না লায়হন্নবা মশক থোকপা মচাক অমা ওইরগনি।
কনফরেন্স অসিদা শরুক য়াখিবশিংগী মনুংদা, এন্তি করপ্সন ব্যুরোক্সকী লুচিংবা, ভিজিলেন্স ব্যুরোক্স, রাজ্য অমসুং য়ু.তি.শিংদগী ইকোনোমিক ওফেন্স ৱিংস নত্ত্রগা সি.আই.দি., সি.ভি.ও., সি.বি.আই.গী ওফিসিএলশিং য়াওখি অমসুং কেন্দ্রগী এজেন্সীশিংদগী মীহুৎশিংসু শরুক য়াখি। হৌদোকপগী থৌরম অদুদা রাজ্য অমসুং য়ূ.তি.শিংদগী চীফ সেক্রেতরী অমসুং দি.জি.পি.শিংসু শরুক য়াখি।
बीते वर्षों में देश corruption पर zero tolerance की approach के साथ आगे बढ़ा है: PM
— PMO India (@PMOIndia) October 27, 2020
Corruption हो, Economic Offences हों, Drugs हो, Money Laundering हों, या फिर Terrorism, Terror Funding हो, ये सब एक दूसरे से जुड़े होते हैं।
— PMO India (@PMOIndia) October 27, 2020
इसलिए, हमें Corruption के खिलाफ Systemic Checks, Effective Audits और Capacity Building and Training का काम मिलकर करना होगा: PM
अब DBT के माध्यम से गरीबों की मिलने वाला लाभ 100 प्रतिशत गरीबों तक सीधे पहुंच रहा है।
— PMO India (@PMOIndia) October 27, 2020
अकेले DBT की वजह से 1 लाख 70 हजार करोड़ रुपए से ज्यादा गलत हाथों में जाने से बच रहे हैं।
आज ये गर्व के साथ कहा जा सकता है कि घोटालों वाले उस दौर को देश पीछे छोड़ चुका है: PM
आज मैं आपके सामने एक और बड़ी चुनौती का जिक्र करने जा रहा हूं।
— PMO India (@PMOIndia) October 27, 2020
ये चुनौती बीते दशकों में धीरे-धीरे बढ़ते हुए अब देश के सामने एक विकराल रूप ले चुकी है।
ये चुनौती है- भ्रष्टाचार का वंशवाद
यानि एक पीढ़ी से दूसरी पीढ़ी में ट्रांसफर हुआ भ्रष्टाचार: PM
बीते दशकों में हमने देखा है कि जब भ्रष्टाचार करने वाली एक पीढ़ी को सही सजा नहीं मिलती, तो दूसरी पीढ़ी और ज्यादा ताकत के साथ भ्रष्टाचार करती है।
— PMO India (@PMOIndia) October 27, 2020
उसे दिखता है कि जब घर में ही, करोड़ों रुपए कालाधन कमाने वाले का कुछ नहीं हुआ, तो उसका हौसला और बढ़ जाता है: PM
इस वजह से कई राज्यों में तो ये राजनीतिक परंपरा का हिस्सा बन गया है।
— PMO India (@PMOIndia) October 27, 2020
पीढ़ी दर पीढ़ी चलने वाला भ्रष्टाचार, भ्रष्टाचार का ये वंशवाद, देश को दीमक की तरह खोखला कर देता है: PM
