Share
 
Comments
Today, Indian Railways is cleaner than ever. The broad gauge rail network has been made safer than ever before by unmanned gates: PM Modi
Opposition parties spreading fake news that MSP will be withdrawn: PM Modi on new farm bill
I assure the farmers that the MSP will continue in future the way it is happening today. Government will continue purchasing their produces: PM

প্রধান মন্ত্রীনা পুৱারী ওইরবা কোসি রেল মহাসেতু লৈবাক মীয়ামদা কত্থোকখ্রে অমসুং বিহারদা অনৌবা রেল লাইন অমসুং ইলেক্ত্রিফিকেসন প্রোজেক্তশিং পেসেঞ্জরশিংদা নুংঙাইনবগীদমক ভিদিও কনফরেন্সকী থোংদা শঙ্গাখ্রে।

থৌরম অদুদা ৱা ঙাংলদুনা প্রধান মন্ত্রীনা হায়খি মদুদি অনৌবা পুৱারী অমা বিহারগী রেলনা শম্নবগী লমদা শেমখ্রে। মহাক্না হায়খি মদুদি, লুপা করোর ৩০০০ লোমগী প্রোজেক্তশিং, কোসি মহাসেতু অমসুং কিউল থোং, মৈ ঙালহন্নবগী প্রোজেক্ত, মেক ইন ইন্দিয়া রেলৱে অমসুং অনৌবা থবক ফংহনবা য়াবা প্রোজেক্ত কয়া ঙসি হৌদোকখি। প্রোজেক্তশিং অসিনা বিহারগী রেলগী নেৎৱার্ক অসি মপাঙ্গল কলহনবদা নত্তনা নোংচুপ বেঙ্গাল অমসুং নোংপোক ভারত্তা রেল শম্নবা হেনগৎলগনি। 

প্রধান মন্ত্রীনা বিহারগী মীয়ামদা বিহার য়াওনা নোংপোক ভারতকী পেসেঞ্জরশিংনা নুংঙাইরগদবা অনৌবা অমসুং হৌজিক্কানগী ওইবা খুদোংচাবা কয়া অসিগীদমক হরাউবা ফোংদোকখি। মহাক্না হায়খি মদুদি বিহার অসি রাজ্য অসিগী তুরেল কয়ানা খাইদোক্নবনা অমগা অমগা শম্নবা কয়া ৱাৎলি অমসুং মীয়াম্না মসিগী মরম্না শাংনা শাংনা চৎপা মথৌ তারি। মহাক্না হায়খি মদুদি চহী মরিগী মমাংদা, মহাসেতু অনী শাবগী থবক পত্না অমসুং মুঙ্গেরদা খুদোংচাদবসিবু কোকহন্নবগীদমক হৌখি। হৌজিক্তি, অনৌবা রেলগী থোং অনীসি শাবনা, অৱাং অমসুং খা বিহারগী মরক্তা চত্থোক চৎশিনগী অৱাবা কোকহল্লগনি অমসুং মসিনা অৱাং থংবা বিহারদা চাউখৎপগী খোংজেল য়াঙহল্লগনি।

প্রধান মন্ত্রীনা হায়খি মদুদি চহী ৮০গী মমাংদা থোকখিবা য়ুহা হাবা অমনা মিথিলা অমসুং কোসি লাপনহনখি অমসুং লাইবক ফবনা লম অনী অসি হৌজিক্তি কোরোনা লাইচৎকী মরক অসিদা অমুক শম্নরে। মহাক্না মখা তারদুনা হায়খি মদুদি, ঙসিদি সুপাউল-অসানপুর-কুফা রেল রুৎ অসি থোং অসি শাবদা য়াওখিবা মাইগ্রেন্ত লেবরশিংনা কন্না হোৎনবনা লৈবাক মীয়ামদা কত্থোকপা ঙম্লে। মহাক্না হায়খি মদুদি কোসি রেল লাইন অসি ২০০৩দা অতল বিহারি ভাজপাইনা প্রধান মন্ত্রী অমসুং শ্রী নিতিশ কুমারনা রেলৱে মন্ত্রী ওইরিঙৈ মতমদা মিথিলা অমসুং কোসিগী মীয়ামগী খুদোংচাদবা কোক্নবগীদমক শানবা লৌখৎখিবনি। প্রোজেক্ত অসি হৌজিক পাল্লিবা সরকার অসিগী মনুংদা খোঙজেল য়াংনা চঙশিল্লি অমসুং সুপাউল-অসানপুর-কুফা রুৎ অসি অনৌবা তেক্নোলোজী শীজিন্নদুনা লোইশিল্লে।
প্রধান মন্ত্রীনা হায়খি মদুদি ঙসিদি সুপাউল-অসানপুরদগী কোসি মহাসেতু ফাওবা অনৌবা রেল সর্বিস অমা হৌদোকপনা সুপাউ, অরারিয়া অমসুং সহারা জিল্লাগী মীয়ামদা খুদোং চাহল্লগনি। মসিনা অতোপ্পা রেল রুৎ অমা অৱাং নোংপোক লমদমগী মীয়ামদা পীরগনি। মহাক্না হায়খি মদুদি, মহাসেতু অসিগা লোইননা কিলোমিতর ৩০০গী খোংচৎ অসিদা কিলোমিতর ২২ তেলহল্লগনি অমসুং মসিনা লল্লোন ইতিক অমসুং লমদম অসিগী শিনফম কয়াদা মতেং পাংলগনি। মহাক্না হায়খি মদুদি মসিনা বিহারগী মীয়ামদা  মতম অমসুং শেল মাংহন্দবা হেনগৎলগনি।

প্রধান মন্ত্রীনা হায়খি মদুদি কোসি মহাসেতুগুম্না কিউল তুরেলগী মথক্তা অনৌবা রেল লম্বী অসিদা ইলেক্ত্রোনিক ইন্তর্লোক্কিং ফেসিলিতী য়াওবা ত্রেনশিংনা পুংদা কিলোমিতর ১২৫ য়াঙনা চেনগনি। মহাক্না মখা তারদুনা হায়খি মদুদি ইলেক্ত্রোনিক ইন্তর্লোক্কিং অসিনা হৌরাদগী দিল্লী ফাওবগী মেন লাইন্দা ত্রেন চেনবা নুংঙাইহনগনি অমসুং মসিনা মরম চাদনা চোন্থবা হন্থহল্লগনি অমসুং চত্থোক চৎশিন্দা খুদোং থীবা হন্থগনি।

প্রধান মন্ত্রীনা হায়খি মদুদি হৌখিবা চহী ৬ লোমসিদা, ইন্দিয়ন রেলৱেবু অনৌবা ভারতকী মংলানগা চুন্ননা মওং মরিল তাহন্নবা অমসুং আত্মনির্ভর ভারতকী মংলান মংফাওননবা হোৎনরকখি। মহাক্না হায়খি মদুদি ঙসিদি, ইন্দিয়ন রেলৱে অসি হান্নদগী হেন্নে তরু তনাল্লে। মহাক্না হায়খি মদুদি, ইন্দিয়ন রেলৱে অসি মী লৈতবা রেল ক্রোসিং কয়া ব্রোদ গোজ রেল লাইন্দগী লৌথোক্তুনা হেন্না শাফরে। মহাক্না হায়খি মদুদি ইন্দিয়ন রেলৱেগী অয়াঙবসু হেনগৎলে। বন্দে ভারতকুম্বা মেদ ইন ইন্দিয়া ত্রেনশিংনা মরোমদোম লেপচবা অমসুং অনৌবা ভারতকী মগুন তাক্লি অমসুং মখোয়না রেল নেৎৱার্ক্কী শরুক অমা ওইরি।

প্রধান মন্ত্রীনা হায়খি মদুদি বিহারনা রেলৱেগী লমদা অনৌবা থৌরাং কয়াদগী মহৈ লোক্লি। হৌখিবা চহী খরসিদা, মেক ইন ইন্দিয়াগী খোংথাং শৌগৎনবগীদমক, ইলেক্ত্রিক লোক ফেক্তরী অমা মাধেপুরদা অমসুং দিজল লোকো ফেক্তরী অমা মারহৌরাদা লিংখৎখি। প্রোজেক্ত অনীমকসিদা, লুপা করোর ৪৪০০০ হেন্না থাদখ্রে। মহাক্না বিহারগী মীয়াম্না হৌজিক্তি শক্তি লৈরবা ভারতকী ইলেক্ত্রিক লোকোমোতিবশিং – হোর্স্পাৱর ১২০০০গী লোকোমোতিব বিহারদা শারে হায়দুনা চাউথোকচবা য়ারগনি। বিহারগী অহানবা লোকো সেদসু মথৌ তৌবা হৌখ্রে অমসুং মসিনা ইলেক্ত্রিক লোকোমোতিবশিং য়েংশিনগনি।

প্রধান মন্ত্রীনা হায়খি মদুদি ঙসিদি বিহারগী রেল নেৎৱার্ক চাদা ৯০ মৈ ঙালহল্লে হায়খি। মহাক্না মখা তারদুনা হায়খি মদুদি বিহারদা হৌখবা চহী ৬ অসিদা, কিলোমিতর ৩০০০গী রেলৱে মৈ ঙালহনখ্রে। মহাক্না হায়খি মদুদি কিলোমিতর ৩২৫ লোম খক্তগী অনৌবা রেল লাইনশিং বিহারদা ২০১৪গী মমাংদা চহী মঙাদা শেমখি অদুবু বিহারদা ২০১৪গী মতুংদা চহী ৫গী মনুংদা শরুক অনী হেন্না কম্মিসন তৌখি। মহাক্না হায়খি মদুদি কিলোমিতর ১০০০গী অনৌবা রেল লাইনশিংসু শেম্লি।

প্রধান মন্ত্রীনা হায়খি মদুদি হজিপুর-ঘোস্বার-বাইশলি রেল লাইন হৌদকপনা দিল্লী অমসুং পত্নাবু রেল সর্বিসনা শম্নহল্লগনি। সর্বিস অসিনা বাইশলিগী তুরিজমদা চাউখৎহল্লগনি অমসুং অনৌবা থবক কয়া পীবীরগনি। মহাক্না হায়খি মদুদি ফ্রৈৎ কোরিদোরদা খোংজেল য়াংনা থবক শুরি অমসুং কিলোমিতর ২৫০গী অশাংবা কোরিদোর বিহারদা তারগনি। প্রোজেক্ত অসি লোইশিল্লবা মতুংদা, পেসেঞ্জর ত্রেন চোন্থবগী নুংঙাইতবদু হন্থরগনি অমসুং পোৎচৈ পুবা ত্রেনশিং তপ্পসু হন্থরগনি।

প্রধান মন্ত্রীনা রেলৱেবু কোবিদকী মতমদা চোকথবা নাইদনা থবক শুখিবগীদমক থাগৎখি। মহাক্না হায়খি, রেলৱেনা মাইগ্রেন্ত লেবরশিংবু থবক পীবদা অমসুং মখোয়বু শ্রামিক স্পিসিএল ত্রেন্দা ময়ুমদা পুবীরকপদা মতেং চাউনা পাংখি। মহাক্না হায়খি মদুদি, লৈবাক অসিগী অহানবা কিসান রেলসু বিহার অমসুং মহারাস্ত্রগী মরক্তা কোরোনা মনুংদা হৌদোকখি।

 প্রধান মন্ত্রীনা হায়খি মদুদি মমাংদদি বিহারদা মেদিকেল কোলেজ খরখক্তমক লৈরম্মি। মসিনা মরম ওইদুনা বিহারদা অনাবা কয়ানা অৱানা কয়া মাইওক্নরম্মি, বিহারগী লাইরিক লাইশু হৈরবা নহাফাওবা অতোপ্পা রাজ্যশিংদা মেদিকেল তম্নবগীদমক চৎপা তারম্মি। ঙসিদি বিহারদা, মেদিকেল কোলেজ ১৫দগী হেন্না লৈরে, মখোয়শিং অসিগী মরক্তা অয়াম্বদি হৌখিবা চহী খরসিদা শাখিবনি। নুমিৎ খরনিগী মমাংদা, এইমসসু দর্ভাঙ্গা, বিহারদা শাবগী অয়াবা পীখ্রে অমসুং মসিনা অনৌবা থবক লিশিংগী মথক্তা পীরগনি।

এগ্রিকলচরেল রিফোর্ম বিল

 প্রধান মন্ত্রী হায়খি মদুদি ঙরাংগী নুমিৎ অসি লৈবাক অসিগী এগ্রিকলচরেল রিফোর্মগী হীরমদা পুৱারীদা লৈহৌরগদবা নুমিৎ অমনি। এগ্রিকলচরেল রিফোর্মস বিল অসি পাস তৌদুনা ঐখোয়গী লৌমী কয়াদা থম্লম্বা অথিংবা কয়া লৌথোকপীরগনি। মহাক্না লৈবাক অসিগী কাচিন কোয়াদা লৈরিবা লৌমীশিংবু য়াইফ মঙ্গোল পীখি অমসুং হায়খি মদুদি শেমদোক শাদোকপশিং অসিনা লৌমীশিংদা মখোয়গী পোত্থোকশিং য়োঞ্জবগী ওপসন কয়া ফংজরগনি। মহাক্না হায়খি মদুদি শেমদোকপা অসিনা লৌমীশিংবু লৌমীশিংনা তাঞ্জরিবদুদগী অয়াম্বা লৌথোকপীরম্বা দোলালী চাবশিংদগী কনবীরগনি। 

এগ্রিকলচরেল রিফোর্ম বিলগী মরমদা লান্না শন্দোক্লিবা ওপোজিসনবু চৈরদুনা প্রধান মন্ত্রীনা হায়খি মদুদি লৈবাক অসিবু মতম শাংনা লৈঙাক্লম্লবা মীওই খরনা ইস্যু অসিগী মতাংদা লৌমীশিংদা লান্না শন্দোক্লি। মহাক্না হায়খি মদুদি, এ.পি.এম.সি. এক্ততা য়াওবা লৌউশিংউগী কৈথেলগী প্রোবিজন শেমদোকপা হায়বসি রিফোর্ম অসিবু শেমদোকপদা অথিংবা পীরিবা ওপোজিসনগী মীখলগী মেনিফেস্তোদা য়াওখি। মহাক্না এম.এস.পি.গী খুদোংচাবশিং সরকারনা লৌমীশিংদা পীররোই হায়না শন্দোক্লিবা অরানবা ৱাফমশিংবু য়ানিংদবা ফোংদোক্লদুনা হায়খি মদুদি সরকার অসিনা লৌমীশিংদা মতীক চাবা মমল পীননবা মতম চুপ্পদা লেপ্লি অমসুং সরকারনা লৈবগী থবক মখা তানা চত্থখিগনি। মহাক্না মখা তানা হায়খি মদুদি লাক্কদৌরিবা অনৌবা প্রোবিজনশিং অসিগা লোইননা লৌমীশিংনা মখোয়গী মহৈ মরোং লোক্লবা মতুংদা লৈবাক অসিগী কৈথেল অমত্তদা য়োন্নিংবা মমলদা য়োনবা ফংলগনি। এ.পি.এম.সি. এক্তনা পীরিবা অমাংবশিং অসিবু খঙলদুনা বিহারগী মুখ্য মন্ত্রীনা লো অসি বিহারদগী লৌথোকখি। সরকারনা লৌখৎলিবা লৌমীশিংগী য়াইফনবা খোংথাংশিংগী মনুংদা প্রধান মন্ত্রী কিসান য়োজনা, প্রধান মন্ত্রী কৃশি সিঞ্চাই য়োজনা, নীম কোতেদ য়ূরিয়া, কোল্দ স্তোরেজগী নেৎৱার্কশিং লৈবাক অসিদা চাউনা শাগৎলি, ফুদ প্রোসেসিং ইন্দস্ত্রীদা শেল কয়া থাদবা অমসুং এগ্রিকলচরেল ইনফ্রাস্ত্রকচর ফন্দশিং শেম্লিবসিসু পনখি।

প্রধান মন্ত্রীনা হায়খি মদুদি সরকার অসিনা লেপ্পা লৈতনা লৌমীশিংগী চাগা হেনগৎনবা হোৎনরি। লৈবাক শীনবা থুংনা শা-শন কয়া লাইনা লাইচৎ কয়াদগী ঙাকথোক্নবা কেম্পেন চত্থরি। লৈবাক অসিগী লৌমীশিংদা পীবা ময়েক লারবা পাউজেল অমা ওইনা মহাক্না মখোয়দা মখোয়বু লান্না লমজিংলিবা মীওইশিং অসি কনানো হায়বা মুন্না খঙদোক্কদবনি হায়খি। মহাক্না মখা তারদুনা হায়খি মদুদি হায়রিবা মীওইশিং অসি লৌমীশিংগী য়াইফনবা খনবা মালহল্লি অদুবু তশেংবদি মখোয়না লৌমীশিংবু ফাজিন পুনশিন্দুনা থম্নিংই। মখোয়না দোলালী চাবা অমসুং লৌমীশিংনা তাঞ্জবা শেলশিংবু লুত তৌরিবশিংবু শৌগৎলি। মসি লৈবাক অসিনা তঙাইফদবা অমসুং মতম অসিনা পাম্বা থবক্নি হায়খি।

 

Click here to read full text speech

Modi Govt's #7YearsOfSeva
Explore More
It is now time to leave the 'Chalta Hai' attitude & think of 'Badal Sakta Hai': PM Modi

Popular Speeches

It is now time to leave the 'Chalta Hai' attitude & think of 'Badal Sakta Hai': PM Modi
PM Modi at UN: India working towards restoring 2.6 crore hectares of degraded land by 2030

Media Coverage

PM Modi at UN: India working towards restoring 2.6 crore hectares of degraded land by 2030
...

Nm on the go

Always be the first to hear from the PM. Get the App Now!
...
সোসিয়েল মিদিয়াগী মফম 15 জুন, 2021
June 15, 2021
Share
 
Comments

PM Modi at UN: India working towards restoring 2.6 crore hectares of degraded land by 2030

Modi Govt pursuing reforms to steer India Towards Atmanirbhar Bharat