“ভারত্তা AI ইন্নোভেসনগী ৱাখল্লোন অমা উবা ফংলি”
“সরকারগী পোলিসীশিং অমসুং প্রোগ্রামশিং অসি ‘AI ফোর ওল’না লমজিংখি”
“ভারতনা AI থৌদাং লৈনা অমসুং নিয়ম চুম্না শীজিন্ননবা লেপ্পী”
“AI অসি ত্রান্সফোর্মেতিব ওই হায়বা ৱাফম কক্নীংঙাই য়াওদে অদুবু মসি হেন্না ত্রান্সপরেন্ত ওইহনবা হায়বা অসি ঐখোয়দা লৈ”
“মরী লৈনবা ইথিকেল, ইকনোমিক অমসুং সোসিএলগী হীরমশিংদা কোকহল্লবা মতমদা খক্তা AIদা থাজবা হেনগৎলক্কনি”
“অপস্কিলিং অমসুং রিস্কিলিং অসি AI গ্রোথ কর্বকী শরুক অমা ওইহল্লু”
“AI নিয়ম চুম্না শীজিন্ননবা গ্লোবেল ফ্রেমৱার্ক অমা শেম্নবা ঐখোয়না পুন্না থবক তৌবা তাই”
“AI জেনরেতেদ ওই হায়না ই-পাউ নত্ত্রগা প্রদক্ত অমা হেক্তা মার্ক তৌনবা সোফৱেয়র ৱাতরমার্ক পুথোপা য়ারোইদ্রা”
“AI তুলশিংবু মখোয়গী তৌবা ঙম্বশিংগী মতুং ইন্না রেদ, য়েল্লো নত্ত্রগা গ্রীন হায়না খাইদোক্নবা ওদিত মেকানিজম অমা পুথোকউ”

প্রধান মন্ত্রী, শ্রী নরেন্দ্র মোদীনা ঙসি নই দিল্লীগী ভারত মন্দাপামদা গ্লোবেল পার্তনরশিপ ওন আর্তিফিসিএল ইন্তেলিজেন্স (GPAI) সম্মিৎ হৌদোকখ্রে। প্রধান মন্ত্রীনা গ্লোবেল AI এক্সপোসু কোইনা চৎতুনা য়েংখি। মেম্বর ওইবা লৈবাক 29 য়াওবা GPAI অসি AIগা মরী লৈনবা প্রাইওরিতীশিংদা কত্তিং-এদজ রিসর্চ অমসুং এপ্লাইদ এক্তিবিতীশিং সপ্পোর্ত তৌদুনা AIগী থিওরী অমসুং প্রেক্তিসকী মরক্তা লৈরিবা অহোবা অসি মেনশিন্নবা পান্দম থম্মিবা মলতি-স্তেকহোল্দর ইনিসিএতিব অমনি। ভারতনা 2024দা GPAIগী চিয়র লমজিংগনি।

থৌরম অদুদা ৱা ঙাংলদুনা প্রধান মন্ত্রীনা আর্তিফিসিএল ইন্তেলিজেন্সকী মতাংদা মালেম পুম্বনা দিবেৎ তৌনরিবা তানফম অমদা মথং চহিদা ভারতনা GPAI সম্মিৎকী চিয়র লৌগদৌরিবা অসিদা নুংঙাইবা ফোঙদোকখি। থোরক্লিবা পোজিতিব অমসুং নেগেতিব ওইবা হীরম অনিমক্কী মতাংদা পল্লদুনা প্রধান মন্ত্রীনা লৈবাক অমমমদা লৌহল্লিবা থৌদাং অদু পনখি অমসুং AIগী তোঙান-তোঙানবা ইন্দস্ত্রী লুচিংবশিংগা লোয়ননা ৱারী শাখিবা অমসুং GPAI সম্মিৎকী মতাংদা খন্নখিবশিং অদু নীংশিংলকখি। মহাক্না হায়খি মদুদি AIনা লৈবাক খুদিংমক্তা, অপীকপা নত্ত্রগা অচৌবা ওইরবসু মসিনা ইম্পেক্ত অমদি পীরি অমসুং চেকশিন্না মাংদা চংশিন্নবা পাউতাক পীখি। প্রধান মন্ত্রী মোদীনা হায়খি মদুদি GPAI সম্মিৎতা খন্নখিবা অসিনা মাইকৈ তাক্লগনি অমসুং মীওইবা খুন্নাইগী মরু ওইবা হৌরকফমশিং অদু মরা চেৎশিনহনগনি।

 

প্রধান মন্ত্রীনা হায়খি মদুদি ঙসি ভারতনা AI তেলেন্ত অমসুং AIগা মরী লৈনবা আইদিয়াশিংগী লমদা মেন প্লেয়র ওইরি। অচৌবা AIগী ৱাখল্লোন অমা ভারত্তা উবা ফংই মরমদি ভারতকী নহারোলনা AI তেক তেস্ত তৌরি অমসুং মসিগী লম খুমাং চাউশিনহল্লি হায়না মহাক্না ফোঙদোকখি। সম্মিৎ অসিদা AI একজিবিসন্দা উৎলিবা একজিবিৎশিংগী মতাংদা পল্লদুনা প্রধান মন্ত্রীনা হায়খি মদুদি নহারোল অসিনা তেক্নোলোজীগী খুত্থাংদা খুন্নাইদা অহোংবা পুরক্নবা হোৎনরি। প্রধান মন্ত্রীনা হায়খি লৌউ-শিংউগী তোঙান-তোঙানবা হীরমশিংদা লৌমীশিংগী মতেং পাঙকদৌরিবা AI এগ্রিকলচর চেৎবোত লোঞ্চ তৌখিবগী মতাংদা পাউদমখি। প্রধান মন্ত্রীনা হেল্থকিয়র অমসুং সস্তেনেবল দিবেলপমেন্ত গোলশিংগী লমশিংদা AI শীজিন্ননবসু ফোঙদোকখি।

 “ভারতকী চাউখৎপগী মন্ত্র অসি ‘সবকা সাথ সবকা বিকাস’নি” হায়রদুনা প্রধান মন্ত্রীনা হায় সরকারনা AI ফোর ওলগী ৱাখল্লোনগা লোয়ননা মাগী পোলিসীশিং অমসুং প্রোগ্রামশিং দ্রাফ তৌখি। মহাক্না হায়খি মদুদি সরকারনা খুন্নাইগী চাউখৎ-থৌরাং অমসুং ইনক্লুসিব গ্রোথকীদমক AIগী তৌবা ঙম্বশিংগী কান্নবা য়ারিবা মখৈ লৌনবা হোৎনরি অমরোমদনা মাগী থৌদাং অমসুং ইথিকেলগী শীজিন্নবা অদুসু কাওদনবা হায়খি। প্রধান মন্ত্রীনা নেস্নেল প্রোগ্রাম ওন আর্তিফিসিএল ইন্তেলিজেন্স হৌখিবা অমসুং AIগী কম্প্যুতিং পাৱরশিং ইস্তাব্লিশ তৌনবা পান্দম থম্মিবা, অথুবদা লোঞ্চ তৌগদৌরিবা AI মিসনগী মতাংদা পাউদমখি। প্রধান মন্ত্রীনা হায়খি মদুদি মিসনা ভারত্তা লৈরিবা স্তার্তঅপশিং অমসুং ইন্নোভেতরশিংদা অফবা সর্ভিসশিং ফংহনগনি অমসুং এগ্রিকলচর, হেল্থকিয়র অমসুং এজুকেসনগী সেক্তরশিংদা AI এপ্লিকেসনশিংসু প্রমোৎ তৌগনি। মহাক্না AIগা মরী লৈনবা স্কিলশিং তায়র 2 অমসুং 3 সহরশিংদা এজুকেস্নেল ত্রেনিং ইনিসিএতিবশিংগী থোংদা য়ৌহন্নবগী মতাংদা ফোঙদোকখি। ভারতকী AI ইনিসিএতিবশিং প্রমোৎ তৌরিবা নেস্নেল AI পোর্তেলগী মরমদা ঙাংলদুনা প্রধান মন্ত্রীনা AIRAWAT ইনিসিএতিবকী মতাংদা পনখি অমসুং রিসর্চ লেব, ইন্দস্ত্রী অমসুং স্তার্তঅপ খুদিংমক্কীদমক কম্মন প্লেৎফোর্ম অমা অথুবদা হাংলগনি হায়না ফোঙদোকখি।

 

AIগী মরু ওইবগী মতাংদা পল্লদুনা পি.এম.না হায়খি মদুদি AIনা অনৌবা তুংলমচৎ শেম্নবগীদমক খ্বাইদগী চাউবা য়ুম্ফম ওইরি। AIনা মীয়ামবু কন্নেক্ত তৌবা ঙম্বনা মসিনা শেন্মীৎলোন চাউখৎহনবা ঙম্বা খক্তা নত্তনা ইক্বেলিতী অমসুং সোসিএল জস্তিস ফংহল্লি। মহাক্না AIবু হেন্না ইনক্লুসিব ওইহনবা মথৌ তাই হায়খি অমসুং “AIগী দিবেলপমেন্ত জর্নী অসি হেন্না ইনক্লুসিব ওইরিবা মখৈ ফলশিং হেন্না ইনক্লুসিব ওইগনি” হায়খি।  মহাক্না হায়খি মমাংগী চহিচাদা তেক্নোলোজী এক্সেস থোং মান্ননা ফংখিদবনা খুন্নাইদা থোং মানদবা হেন্নাআ থোকহনখি। মসি ঙাকথোক্নবা প্রধান মন্ত্রীনা ইনক্লুজন মল্তিপ্লায়র অমা ওইহন্নবা তেক্নোলোজীদা দেমোক্রেতিক ভেল্যুশিং থওইদবা তৌরোইদবনি হায়খি। “AI দিবেলপমেন্তগী মাইকৈ অসি মীওইবা অমসুং দেমোক্রেতিক ভেল্যুশিংদা চাউনা মখা পোনবগী। ইফিসিএন্সীগা লোয়ননা ইমোসনশিং, ইফেক্তিবনেসকা লোয়ননা ইথিক্সকীদমক মফম অমা থম্বা হায়বা অসি ঐখোয়গী খুৎতা লৈ” হায়না মহাক্না ফোঙদোকখি।

প্রধান মন্ত্রীনা হায়খি মদুদি সিস্তেম অমবু হেন্না সস্তেনেবল ওইহন্নবা ত্রান্সফোর্মেতিব, ত্রান্সপরেন্ত অমসুং ত্রস্তেদ ওইহনবা মরু ওই। “AI অসি ত্রান্সফোর্মেতিব ওই হায়বদা কক্নীংঙাই য়াওদে অদুবু মসি হেন্না হেন্না ত্রান্সপরেন্ত ওইহনবদা ঐখোয়গী খুৎতা লৈ” হায়না মহাক্না মখা তাখি। শীজিন্নরিবা দেতা ত্রান্সপরেন্ত ওইহনবা অমসুং বায়স লৈহনদবা হায়বা অসিনা অফবা অহৌবা ওইগনি হায়না মহাক্না ফোঙদোকখি। মহাক্না হায়খি মদুদি AIগী চাউখৎ খোঙচৎতা কনাগুম্বা অমদা নাথৈদুনা থমলোই হায়না লৈবাক পুম্নমক্তা থাজবা পীবা মরু ওই। মরী লৈনবা ইথিকেল, ইকনোমিক অমসুং সোসিএল এস্পেক্তশিং কোকহল্লবা মতমদা AI দা থাজবা থম্বা অসি হেনগৎলক্কনি। মসি তৌনবা পাম্বৈ অসি AI গ্রোথকী অপস্কিলিং অমসুং রিস্কিলিংগী শরুক কর্ব ওইহনবনি হায়না মহাক্না ফোঙদোকখি। দেতা ঙাকশেনবা অমসুং গ্লোবেল সাউথতা থাজবা পীবা অসিনা সমস্যা কয়া হন্থহনগনি।

AIগী নেগেতিব ওইবা লমশিংগী মতাংদা পল্লদুনা প্রধান মন্ত্রীনা হায়খি মসিনা 21শুবা চহিচাগী চাউখৎ খোঙচৎতা খ্বাইদগী শক্তি লৈবা খুৎলাই ওইবগী মতিক ময়াই চেল্লবসু মসিনা অমাং অতা থোকহনবদা অচৌবা থৌদাংসু লৌবা য়াই। দীকফেক, সাইবর সেক্যুরিতী, দেতা হুরানবা অমসুং তেরোরিস্ত ওর্গনাইজেসনশিংনা AI তুলশিং শীজিন্নবনা থোকহল্লকপা য়াবা শীংনবশিংগী মতাংদা পল্লদুনা প্রধান মন্ত্রী মোদীনা কাউন্তরমিজরশিংগী মথৌ তাই হায়খি। মহাক্না ভারতকী G20 প্রসিদেন্সী মনুংদা রেস্পোন্সিবল হ্যুমেন-সেন্ত্রিক AI গভর্নান্সকী ফ্রেমৱার্ক অমা শেম্বগী প্রপোজেল পুখৎখিবা অমসুং G20 ন্যু দিল্লী দেক্লেরেসন্না ‘AI প্রিন্সিপল’গী মাইকৈদা মাগী মেম্বর ওইরিবা লৈবাক পুম্নমক্কী ফিরেপ নৌনা চেৎশিনহনখিবা অদু ফোঙদোকখি। মহাক্না তোঙান-তোঙনবা মালেমগী সমস্যাশিংদা এগ্রীমেন্তশিং অমসুং প্রোতোকলশিং শেম্বদা অমসুং হায়-রিস্ক নত্ত্রগা ফ্রন্তিয়র AI তুলশিংগী তেস্তিং অমসুং দিবেলপমেন্ত য়াওনা AI নীংথিনা শীজিন্ননবগী ফ্রেমৱার্ক শেম্বদা পুনশিন্নদুনা থবক তৌবা মথৌ তাই হায়খি। কনভিক্সন, কম্মিতমেন্ত, কোওর্দিনেসন অমসুং কোল্লাবোরেসনগী মথৌ তাবগী মতাংদা পল্লদুনা প্রধান মন্ত্রীনা মালেম পুম্বদা মাইকৈ অসিদা মীকুপ অমা ফাওবা মাংহনদনবা হায়খি। “ঐখোয়না অপীকপা মতমগী মনুংদা গ্লোবেল ফ্রেমৱার্ক অসি লোইশিনগদবনি। মীওইবা খুন্নাইবু ঙাকশেন্নবা মসি তৌবা য়াম্না মরু ওই” হায়না মহাক্না মখা তাখি।

 

AI অসি মালেম শিনবা থুংবগী ইহৌ অমনি হায়রদুনা প্রধান মন্ত্রীনা চুংশিন্নবগী মথৌ তাবা অদু থমখি। মহাক্না AI তুলশিংগী তেস্তিং অমসুং ত্রেনিংগীদমক দেতা দেতশিং, মার্কেৎতা প্রদক্ত অমা হেক্তা থাদোক্ত্রিঙৈ মমাংদা তেস্ত তৌবগী মতম অসিগুম্বা AIগী ক্রেদিবিলিতী হেনগৎহন্নবা ৱাহং খরগী পাউখুম পীবা মথৌ তাই হায়খি। মহাক্না সোফৱেয়র ৱাতরমার্ক অমা AI-জেনরেতেদ ওই হায়না ই-পাউ নত্ত্রগা প্রদক্ততা মার্কা থম্নবা পুথোকপা য়াদব্রা হায়খি।

.সরকারদা লৈরিবা স্তেকহোল্দরশিংদা ৱা ঙাংলদুনা প্রধান মন্ত্রীনা মখোয়দা ইভিদেন্সতা য়ুম্ফম ওইরগা ৱারেপ লৌনবগীদমক তোঙান-তোঙানবা স্কিমশিংগী দেতা পুথোক্নবা অমসুং করিগুম্বা দেতা অসি AI তুলশিং ত্রেন তৌবদা শীজিন্নবা য়াব্রা য়েংথোক্নবা হায়খি। করিগুম্বা AI তুলশিং অসি মখোয়গী তৌবা ঙম্বশিংগী মতুং ইন্না রেদ, য়েল্লো নত্ত্রগা গ্রীন হায়না খাইদোক্নবা ওদিত মেকানিজম লৈব্রা হায়না মহাক্না হংখি। “ঐখোয়না মপাঙ্গল কনবা এমপ্লোইমেন্ত লৈহন্নবা ইন্সতিত্যুস্নেল মেকানিজম অমা থম্বা ঙমগদ্রা? ঐখোয়না গ্লোবেল AI এজুকেসন করিকুলম স্তেন্দর্দাইজ তৌবা য়াগদ্রা? ঐখোয়না AIনা লমজিংবা তুংলমচৎ  অমগীদমক মীয়ামবু শেম-শানবা স্তেন্দর্দশিং থম্বা য়াগদ্রা?” হায়না প্রধান মন্ত্রীনা মখা তাখি।

ভারত্তা লৈরিবা লোল চা কয়া অমসুং দাইলেক্ত লিশিং কয়াগী মতাংদা প্রধান মন্ত্রীনা দিজিতেল ইনক্লুজন হেনগৎহন্নবা লোকেল লোলশিংদা দিজিতেল সর্ভিসশিং ফংহন্নবা AI শীজিন্ননবা পাউতাক পীখি। মহাক্না ঙাংনদ্রবা লোলশিং হিংগৎহন্নবা, সংস্কৃত লোলগী মমল য়াম্লবা লৌশিংগী পুখৈ অমসুং সহিত্যা মাংদা পুখৎনবা অমসুং ভেদিক মেথমেতিক্সকী অহাংবা ভোল্যুমশিং পুনশিন্নবা AI শীজিন্ননবসু ফোঙদোকখি।

ৱারোল পীবা লোইশিনবদা প্রধান মন্ত্রীনা GPAI সম্মিৎ অসিনা আইদিয়াশিং একচেঞ্জ তীনবা অমসুং দেলিগেৎ খুদিংমক্কীদমক অফবা লর্নিং এক্সপরিয়েন্স ওইনবগী অফবা খুদোংচাবা ওইরগনি হায়না থাজবা ফোঙদোকখি। “মথংগী নুমিৎ নিনি অসিদা নখোয়না AIগী তোঙান-তোঙানবা লমশিংদা নৈনগনি। মসিদগী ফংলকপা ফলশিং অদু থবক ওইনা ওন্থোক্লবা মতমদা মসিনা থৌদাং লৈবা অমসুং তুং কোইনা চৎপা তুংলমচৎ অমা শেমগৎনবা লম্বী শোইদনা য়াৎকনি হায়না ঐহাক্না থাজৈ” হায়না ফোঙদোক্লদুনা প্রধান মন্ত্রীনা ৱারোল পীবা লোইশিনখি।

 

থৌরম অদুদা ইলেক্ত্রোনিক্স, ইনফোর্মেসম এন্দ তেক্নোলোজীগী কেন্দ্র মন্ত্রী, শ্রী অশ্বিনি বৈশ্নো, ইলেক্ত্রোনিক্স, ইনফোর্মেসম এন্দ তেক্নোলোজীগী কেন্দ্রগী রাজ্য মন্ত্রী, শ্রী রাজীব চন্দ্রসেখর, GPAIগী আউৎগোইং চিয়রগী মিনিস্তর অমসুং পোলিসী কোওর্দিনেসনগী ভাইস মিনিস্তর, জাপান সরকারগী ইন্তর্নেল এফিয়র্স এন্দ কম্ম্যুনিকেসন্স মিনিস্ত্রী, মিস্তর হিরোশি য়োশিদা, অমসুং ইলেক্ত্রোনিক্স, ইনফোর্মেসম এন্দ তেক্নোলোজী মন্ত্রালয়গী সেক্রেতরী, শ্রী এস কৃষ্ণননা শরুক য়াখি।

বেকগ্রাউন্দ

GPAI অস, AIগা মরী লৈনবা হীরমশিংদা মরুওইবা মীৎয়েঙ থমদুনা কত্তিং এদ্জ রীছর্চ অমদি এপ্লাইদ এক্তিবিতীশিংদা ঙাক্লৌ পীদুনা AIগী থিওরী অমদি প্রাক্তিসকী মরক্তা লৈরিবা অহোবা মেনশিন্নবা পান্দমদা মেম্বর লৈবাক 29না পুন্না পায়খৎমিন্নবা মল্তি-স্তেকহোল্দর থৌরাং অমনি‍। ভারতকী GPAI 2024গী লীদ চেয়র ওইরি‍। 2020দা লিংখৎখিবা GPAIগী ফাউন্দিং মেম্বরশিংগী মরক্তা অমা ওইনা, হৌজিক লাক্লিবা GPAIগী সপ্পোর্ত চেয়র অমদি 2024গী GPAIগী লীদ চেয়র ওইরিবা ভারতনা এনুএল GPAI সমিৎ অসি দিসেম্বর 12-14, 2023দা থৌবু ওইদুনা পাঙথোক্কদবনি‍।

 

AI অমদি মালেমগী হকশেল, মহৈ মশিং অমসুং স্কিল্লিং, AI অমসুং দেতা গভর্নেন্স, অমদি ML ৱর্কসোপ অমদি অতহ অতৈ কয়া য়াওনা খেন্নবা হীরমশিংদা সেসন কয়া সমিৎ অসিগী মনুংদা পাঙথোক্কনি‍। সমিৎ অসিদা য়াওরিবা অতৈ পুক্নিং চিংশিন্নিংঙাই ওইবা থৌরমশিংদী রিসর্চ সিম্পোজিয়ম, AI গেমচেঞ্জর্স এৱার্দ অমদি ইন্দিয়া AI এক্সপো অসিনি‍।

সমিৎ অসিদা GPAI লৈবাক কয়াদগী এক্সপর্ত 50+ অমদি ৱাঙাংলোয় 150+ না শরুক য়াগদৌরি‍। মখা তানা, ইন্তেল, রিলাইন্স জিও, গুগল, মেতা, AWS, য়োত্তা, নেতৱেব, পেতিএমো মাইক্রোসোফ্ত, মাস্তরকার্দ, NIS, STPI, ইম্মর্স, জিও হেপ্তিক, ভাসিনীনচিংবা য়াওনা মালেম পুম্বদগী মকোক থোংবা AI গেমচেঞ্জরশিংনা তোঙান তোঙানবা থৌরমশিংদা শরুক য়াগনি‍। মসিগী মথক্তা য়ুবা AI ইনিসিএতিবকী মখাদা মায় পাকখ্রবা মহৈরোয়শিং অমদি স্তার্ত-অপশিংনসু মখোয়গী AI মোদেলশিং অমদি সোলুসনশিংসু থৌরমসিদা উৎকনি‍।

 

 

 

 

 

 

 

 

ৱা ঙাংখিবগী মপুংফাবা ৱারোল পানবা মসিদা নম্বীয়ু

Explore More
৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল

Popular Speeches

৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল
Narendra Modi’s Digital Century Gives Democratic Hope From India Amidst Global Turmoil

Media Coverage

Narendra Modi’s Digital Century Gives Democratic Hope From India Amidst Global Turmoil
NM on the go

Nm on the go

Always be the first to hear from the PM. Get the App Now!
...
PM signs copy of Dr R Balasubramaniam’s book ‘Power Within: The Leadership Legacy of Narendra Modi’
July 17, 2024

The Prime Minister, Shri Narendra Modi met Dr R Balasubramaniam today and signed a copy of his book ‘Power Within: The Leadership Legacy of Narendra Modi’. The book captures Prime Minister Narendra Modi’s leadership journey and interprets it through Western and Indic lenses, amalgamating them to provide a roadmap for those who aspire to a life of public service.

Replying to a post on X by Dr R Balasubramaniam, the Prime Minister wrote:

“It was a delight to meet Dr R Balasubramaniam earlier today. Also signed a copy of his book. My best wishes to him for his future endeavours.”