Share
 
Comments
“ভারতকী ভেক্সিন কাপ্পগী খোঙজংদা চহিসিগী অহানবা থাগী অহানবা চয়োলগী মনুংদা দোজ করোর ১৫০ (বিলিয়ন ১.৫) য়ৌবগী পুৱারীগী মশক থোক্লবা মায় পাকপা ফংবা ঙমখ্রে”
“চহি অমদগী তাবা মতমগী মনুংদা ভেক্সিন দোজ করোর ১৫০ কাপ্পসি মশক থোকপা মায় পাকপনি অমসুং ভারতকী অনৌবা ৱাখল লেপ্পগী খুদম্নি”
“অয়ুশমান ভারত স্কিম অসি অহোঙবা অমসুং হীরম খুদিংমক মনুং চনবা হেল্থকেয়রগী মতাংদা মালেমগী বেঞ্চমার্ক অমা ওইরক্লি”
অনাবা করোর ২গা লাখ ৬০না লৈবাক শিনবা থুংবগী হোস্পিতালদা পি.এম.-জে.এ.ৱাই.গী মখাদা লেম্না লাইয়েংখি”

প্রধান মন্ত্রী, শ্রী নরেন্দ্র মোদীনা ঙসি ভিদিও কনফরেন্সিংগী খুত্থাংদা কোলকতাগী চিত্তরঞ্জন নেস্নেল কেন্সর ইন্সতিত্যুৎকী অনিশুবা কেম্পস শঙ্গাখ্রে। নোংচুপ বেঙ্গোলগী মুখ্য মন্ত্রী, শ্রীমতি মমতা বেনর্জী অমসুং কেন্দ্রগী মন্ত্রী, দাঃ মনশুখ মান্দাবিয়া, দাঃ সিভাস সর্কার, শ্রী শান্তনু থাকুর, শ্রী জোন বার্লা অমসুং শ্রী নিসিথ প্রমানিকসু থৌরম অসিদা অতোপ্পা মীথুংলেনশিংগা লোয়ননা শরুক য়াখি।

প্রধান মন্ত্রীনা মীতিন অসিদা ৱা ঙাংবদা, কেম্পস অসিনা নোংচুপ বেঙ্গোলগী মীয়ামদা, মরু ওইনা লাইরবা অমসুং মিদ্দল ক্লাসকী ইমুংশিংদা, অহোঙবা অমসুং মতমগা চুনবা লাইয়েংবগী খুদোংচাবা ফংহনবদা তেংবাংগনি হায়খি। “লৈবাক্কী মীয়াম খুদিংদা খ্বাইদগী ফবা লাইয়েংবগী খুদোংচাবা পীবগী ৱারেপকী খোঙচত্তা ঐখোয়না অচৌবা খোঙথাং অমগসু থাংজিল্লবনি”, হায়না প্রধান মন্ত্রীনা ফোংদোকখি।

প্রধান মন্ত্রীনা হন্দক্কী চহি অসি চহি ১৫দগী ১৮ ফাওবগী অঙাংশিংদা তীকা কাপ্পগী খোঙথাংগা লোয়ননা হৌদোক্লি হায়না ফোংদোকখি। মান্নবা থৌওং অমা ওইনা, ভেক্সিন কাপ্পগী খোঙজংদা চহিসিগী অহানবা থাগী অহানবা চয়োলগী মনুংদা দোজ করোর ১৫০ (বিলিয়ন ১.৫) য়ৌবগী পুৱারীগী মশক থোক্লবা মায় পাকপা ভারতনা ফংবা ঙম্লি। চহি অমদগী তাবা মতমগী মনুংদা ভেক্সিন দোজ করোর ১৫০ কাপ্পসি মশক থোকপা মায় পাকপনি অমসুং ভারতকী অনৌবা ৱাখল লেপ্পগী খুদম্নি। মসিনা ভারতকী অনৌবা থাজবা, মরোমদোম লেপচবা ঙম্বা অমসুং মশাগী তৌবা ঙম্বগী মতিক্তা পেঞ্জবগী শক্তম উৎলি। ওমিক্রোন ভেরিএন্তকী কেস মশিং য়ামখৎলকপগা লোয়ননা, মসিগী দোজ করোর ১৫০গী চুঙ্গোই অসি হান্নদগী হেন্না মরু ওইবা হেনগৎলক্লি হায়না প্রধান মন্ত্রীনা ফোংদোকখি।

প্রধান মন্ত্রীনা ঙসি হায়খিবদা, ভারতকী অহল মীশিংগী ৯০%গী চাংনা ভেক্সিনগী অহানবা দোজ কাপ্নখ্রে হায়খি। নুমিৎ ৫নি খক্কী মনুংদা, অঙাং করোর ১.৫ হেনবদা ভেক্সিনগী দোজ কাপখি। মসিগী মায় পাকপা অসিবু মহাক্না লৈবাক পুম্বা অমসুং সরকার খুদিংদা কত্থোকখি। মহাক্না লৈবাক্কী সাইন্তিস্ত, ভেক্সিন শারিবশিং অমসুং হেল্থে সেক্তরদা লৈরিবা ময়াম্বু মায় পাকপা অসিগীদমক্তা থাগৎপা ফোংদোকখি।

প্রধান মন্ত্রীনা কোরোনাগী ভেক্সিন চাউরাকপা করোর ১১বু সরকারনা নোংচুপ বেঙ্গোলদা লেম্না পীখ্রে হায়না ফোংদোকখি। ভেন্তিলেতর লিশিং ১গা মখায় হেনবা, অনৌবা ওক্সীজেন সিলিন্দর লিশিং ৯ হেনববুসু নোংচুপ বেঙ্গোলদা পীখ্রবনি। অনৌবা পি.এস.এ. ওক্সীজেন প্লান্ত ৪৯সু রাজ্যসিদা থবক তৌবা হৌখ্রে হায়না প্রধান মন্ত্রীনা মখা তাখি।

প্রধান মন্ত্রীনা লৈবাক্কী হেল্থ সেক্তর শেমদোক্নবগীদমক্তা প্রিভেন্তিব হেল্থকেয়র, এফোর্দেবল হেল্থকেয়র, সপ্লাই সাইদ ইন্তর্ভেন্সনগী মিসন মোদতা পাংথোকপা থবকশিংসু হেন্না খুমাং চাউশিনহনখ্রে হায়খি। য়োগা, অয়ুর্বেদ, ফিৎ ইন্দিয়া মুবমেন্ত, য়ুনিভর্সেল ইম্ম্যুনাইজেসনগী থৌওংশিংনা প্রিভেন্তিব হেল্থকেয়রগী মপাঙ্গল হাপ্লি। মান্নবা ওইনা, স্বচ্ছ ভারত মিসন অমসুং হর ঘর জলগী স্কিমশিংসু হকশেল ফবগী মতাংদা তেংবাংলি।

লাইরবা অমসুং মিদ্দল ক্লাসকী ইমুংশিংদা শেল চঙনা মরম ওইরগা কেন্সরনা অকীবা পোকহনবগী মতাংদা প্রধান মন্ত্রীনা মীয়ামদা নীংশিংহনখি। লাইনা অসিনা থোকহনবা খুদোংচাদবশিংদগী লাইরবশিংবু কন্নবগীদমক্তা লৈবাক্না অহোঙবা অমসুং লায়না ফংবা য়াবা লাইয়েং ফংনবগীদমক্তা থবক কয়া অমা লেপ্তনা পায়খৎলি। হৌখিবা চহি খরদগী, কেন্সর লাইয়েংবগীদমক্তা তঙাই ফদবা হিদাকশিংগী মমলসু মশক থোক্না তাখ্রে হায়না মহাক্না ফোংদোকখি। জন ঔশধী কেন্দ্র লিশিং ৮ হেনবনা হিদাক অমসুং সর্জিকেল কয়াবু অহোঙবা মমলদা ফংহল্লি। কেন্সরগী হিদাক ৫০ হেনবসু হায়রিবা দুকানশিং অসিদা অতৈদগী হেন্না হোঙবা মমলদা ফংলি।

সরকারনা অনাবশিংগী ৱাখল্লোন খঙই অমসুং হিদাক ৫০০ হেনবগী মমল শেন্নবদগী চহি ওইনা লুপা করোর ৩০০০ হেন্না তুংশিনবা ঙম্লি হায়না প্রধান মন্ত্রীনা ফোংদোকখি। কোরোনারী স্তেন্তকী মমলদা লাকশিনবা থম্বদগী হার্ত নাবশিংনা চহি খুদিংগী ওইনা লুপা করোর ৪৫০০ হেন্না তুংশিনবা ঙম্লি, নী ইমপ্লান্তকী মমল হন্থহনখিবদগী চহি খুদিংগী ওইনা সেনিয়র সিতিজনশিংদা মখোয়গী লুপা করোর ১৫০০ তুংশিনদুনা তেংবাংলি। প্রধান মন্ত্রী নেস্নেল দাইলাইসীস প্রোগ্রামগী মখাদা লাইরবা অনাবা লাখ ১২না লেম্না দাইলাইসীস তৌবা ফংলি হায়না প্রধান মন্ত্রীনা পাউদমখি।

অয়ুশমান ভারত স্কিম অসি অহোঙবা অমসুং হীরম খুদিংমক মনুং চনবা হেল্থকেয়রগী মতাংদা মালেমগী বেঞ্চমার্ক অমা ওইরক্লি হায়না প্রধান মন্ত্রীনা পাউদমখি। অনাবা করোর ২গা লাখ ৬০না লৈবাক শিনবা থুংবগী হোস্পিতালদা পি.এম.-জে.এ.ৱাই.গী মখাদা লেম্না লাইয়েংখি। স্কিমশিং অসি করিগুম্বা লৈরমদ্রবদি, অনাবশিংনা লুপা করোর লিশিং ৫০দগী ৬০ ফাওবগী চাংদা তিংলমগনি হায়না ইস্তিমেৎনা হায়রি। অয়ুশমান ভারত স্কিমগী মখাদা কেন্সরগী অনাবা লাখ ১৭ হেনবনা কান্নবা ফংখি। স্কিম অসিনা কেন্সর, দাইবিতিস অমসুং হাইপর তেন্সনগুম্বা অরুবা লাইনা কয়াবু মতম নাইনা য়েংথোকপদগী ঙন্না খঙদোকপা অমসুং ঙন্না লাইয়েংবা হৌবগী থৌওংশিংসু খুমাং চাউশিনহল্লি। হৌজিক থোক্লক্লিবা হেল্থ অমসুং ৱেলনেস সেন্তরশিংনা কেম্পেন অসিদা তেংবাংলি। নোংচুপ বেঙ্গোলদসু অসিগুম্বা সেন্তর লিশিং ৫ হেন্না লৈরে। লৈবাক অসিগী মীওই করোর ১৫ হেনবসু ওরেল, সর্ভিকেল অমসুং ব্রেস্ত কেন্সরগীদমক্তা স্ক্রীন তৌখ্রে হায়না প্রধান মন্ত্রীনা ফোংদোকখি।

প্রধান মন্ত্রীনা হায়খিবদা, ইং ২০১৪ ফাওবদা, লৈবাক অসিগী অন্দর্গ্রেজুএত অমসুং পোস্ত গ্রেজুএতকী মেদিকেল সীত মশিং অসিনা চাউরাক্না ৯০,০০০ ওইরম্মি হায়খি। মমাংগী চহি ৭তা, অনৌবা সীত ৬০,০০০ হাপচিনখ্রে। ঐখোয়না ইং ২০১৪ ফাওবদা লৈবাক অসিদা এমসকী মশিং শুপ্নগী ৬ লৈরম্নবদগী হৌজিক্না এমস ২২গী মপাঙ্গল লৈবা নেৎৱর্ক অমা লৈবগী মতমদা চঙশিল্লি। ভারতকী জিলা খুদিংদা য়ামদ্রবদা মেদিকেল কোলেজ অমা লৈহন্নবা থবকসু হৌজিক পায়খৎলি। কেন্সর কেয়রগী ইনফ্রাস্ত্রকচরসু স্তেত কেন্সর ইন্সতিত্যুৎ ১৯না হেন্না ফগৎহল্লগনি, তর্সিএরী কেয়র কেন্সর ইন্সতিত্যুৎ ২০ অমগী অয়াবসু পীখ্রে অমসুং ইন্সতিত্যুৎ ৩০ হেনবগী থবকসু হৌজিক কন্না পায়খৎলি। মসিগা মান্নবা ওইনা, অয়ুশমান ভারত দিজিতেল হেল্থ মিসন অমসুং অয়ুশমান ভারত ইনফ্রাস্ত্রকচর মিসন্না লৈবাক্কী হেল্থ সেক্তরবুসু মতমগা চুনবা মওং অমা পীরগনি হায়না মহাক্না মখা তানা পাউদমখি।

প্রধান মন্ত্রীনা কোরোনাগী লাইয়োক্তা লান্থেংনরিবা অসিদা লৌখৎফম থোকপা চেকশিন থৌরাং খুদিংমক লৌখৎসি হায়বা খোল্লাওগা লোইননা মহাক্কী ৱারোল লোইশিনখি।

সি.এন.সি.আই.গী অনিশুবা কেম্পস অসি প্রধান মন্ত্রীগী লৈবাক শিনবা থুংবগী হকশেলগী ফেসিলিতীশিংবু হেন্না চাউথোকহনবা অমসুং ফগৎহনবগী মঙলানগী মতুং ইন্না শাখিবনি। সি.এন.সি.আই.দা লাইয়েংনবা লাকপা কেন্সরগী অনাবা মশিং অসি য়াম্না হেনগৎলকপদগী কেম্পস অসি পাকথোক-চাউথোক্তবা য়াদ্রে হায়বগী ৱাখল্লোন অমা মতম খরদগী লৈরক্লবনি। অসিশুবা কেম্পস অসিনা মসিগী ৱারোইশিন পুরক্লগনি।

সি.এন.সি.আই.গী অনিশুবা কেম্পস অসি লুপা করোর ৫৩০ হেন্না চঙদুনা শাখিবনি অমসুং মসিদগী লুপা করোর ৪০০দি কেন্দ্রনা পুথোকখি অমসুং লেমহৌরিবা শেনফম অসিনা নোংচুপ বেঙ্গোল সরকারনা ৭৫:২৫গী রেসিওদা পুথোকখি। কেম্পস অসি কেন্সর দাইগ্নোস, স্তেজিং, ত্রিতমেন্ত অমসুং কেয়রগীদমক্তা খ্বাইদগী ফবা ইনফ্রাস্ত্রকচর লৈবা ফমুং ৪৬০গী কেন্সর নীংথিনা লাইয়েংবগী য়ুনিৎ অমা ওইগনি। কেম্পস অসিদা ন্যুক্লিয়র মেদিসিন (পি.ই.তি.), ৩.০ তেসলা এম.আর.আই., ১২৮ স্লাইস সি.তি. স্কেন্নর, রেদিওন্যুক্লাইদ থেরাপী য়ুনিৎ, এন্দোস্কোপী সুইত, মোদর্ন ব্রেকীথেরাপী য়ুনিৎনচিংবা মতমগা চুনবা খুৎলায় কয়া লৈগনি। কেম্পস অসিনা এদভান্স কেন্সর রিসর্চ ফেসিলিতী ওইনা মথৌ পাংথোকপগা লোয়ননা লৈবাক্কী নোংপোক অমসুং অৱাং-নোংপোক্কী শরুক্তা লৈবা কেন্সরগী অনাবশিংদা মরু ওইনা নীংথিনা লাইয়েংবগী খুদোংচাবা পীগনি।

ৱা ঙাংখিবগী মপুংফাবা ৱারোল পানবা মসিদা নম্বীয়ু

Explore More
পি.এম.না ৭৬শুবা নীংতম নুমিৎকী থৌরমদা লাল কিলাগী লানবন্দগী জাতি মীয়ামদা থমখিবা ৱারোল

Popular Speeches

পি.এম.না ৭৬শুবা নীংতম নুমিৎকী থৌরমদা লাল কিলাগী লানবন্দগী জাতি মীয়ামদা থমখিবা ৱারোল
India's 1.4 bn population could become world economy's new growth engine

Media Coverage

India's 1.4 bn population could become world economy's new growth engine
...

Nm on the go

Always be the first to hear from the PM. Get the App Now!
...
PM praises Vitasta programme showcasing rich culture, arts and crafts of Kashmir
January 29, 2023
Share
 
Comments

The Prime Minister, Shri Narendra Modi has lauded the Ministry of Culture’s Vitasta programme showcasing rich culture, arts and crafts of Kashmir.

Culture Ministry is organising Vitasta program from 27th-30th January 2023 to showcase the rich culture, arts and crafts of Kashmir. The programme extends the historical identity of Kashmir to other states and it is a symbol of the spirit of ‘Ek Bharat Shreshtha Bharat’.

Responding to the tweet threads by Amrit Mahotsav, the Prime Minister tweeted;

“कश्मीर की समृद्ध विरासत, विविधता और विशिष्टता का अनुभव कराती एक अद्भुत पहल!”