Share
 
Comments
“ভারতকী ভেক্সিন কাপ্পগী খোঙজংদা চহিসিগী অহানবা থাগী অহানবা চয়োলগী মনুংদা দোজ করোর ১৫০ (বিলিয়ন ১.৫) য়ৌবগী পুৱারীগী মশক থোক্লবা মায় পাকপা ফংবা ঙমখ্রে”
“চহি অমদগী তাবা মতমগী মনুংদা ভেক্সিন দোজ করোর ১৫০ কাপ্পসি মশক থোকপা মায় পাকপনি অমসুং ভারতকী অনৌবা ৱাখল লেপ্পগী খুদম্নি”
“অয়ুশমান ভারত স্কিম অসি অহোঙবা অমসুং হীরম খুদিংমক মনুং চনবা হেল্থকেয়রগী মতাংদা মালেমগী বেঞ্চমার্ক অমা ওইরক্লি”
অনাবা করোর ২গা লাখ ৬০না লৈবাক শিনবা থুংবগী হোস্পিতালদা পি.এম.-জে.এ.ৱাই.গী মখাদা লেম্না লাইয়েংখি”

খুরুমজরি, নোংচুপ বেঙ্গোলগী ইকায় খুম্ননীংঙাই ওইরবা মুখ্য মন্ত্রী, শ্রীমতি মমতাজী, কেন্দ্রগী মন্ত্রী মন্দলদা লৈরিবা ঐহাক্কী মরুপ দাঃ মনশুখ মান্দাবিয়াজী, সুভাশ সরকারজী, শান্তনু থাকুরজী, জোন বার্লাজী, নিশিথ প্রমানিকজী, ওপোজিসনগী লুচিংবা সুবেন্দু অধিকারীজী, সি.এন.সি.আই. কোলকতাগী ফবর্নিং বোদীগী মীহুৎশিং, হেল্থ সেক্তরগা মরী লৈনবা মীওই খুদিং অমসুং থৌরমসিদা শরুক য়াবীরিবা মীওই খুদিংমক!

লৈবাক্কী মীয়াম খুদিংদা হকশেলগী অফবা খুদোংচাবা পীনবগীদমক্তা লৈবাক অসিনা হোৎনরিবা অসিগী মপাঙ্গল হাপ্পা ওইনা ঐখোয়না ঙসিদি অতোপ্পা খোঙথাং অমগা থাংজিল্লে। চিত্তরঞ্জন নেস্নেল কেন্সর ইন্সতিত্যুৎকী অনিশুবা কেম্পস অসিনা নোংচুপ বেঙ্গোলগী মীয়ামদা কান্নবা কয়াগা লোয়ননা লাক্লি। মসিনা, মরু ওইনা, ইশাগী মীওই অমবু কেন্সর নাদুনা লাইয়েংলিবা লাইরবা অমসুং মিদ্দল ক্লাসকী মীওইশিংদা হেন্না তেংবাংগনি। কেন্সরগা মরী লৈনবা লাইয়েং, সর্জরী অমসুং থেরাপী অসি হৌজিক্তি মতমগা চুনবা হোস্পিতাল অসিনা মরম ওইদুনা হান্নদগী হেন্না লায়রগনি।

মরুপশিং,

ঙসিদি লৈবাক্না মরু ওইবা থাক অমা লানখ্রে। চহিগী অহৌবমক্তদা লৈবাক অসিনা চহি ১৫দগী ১৮ ফাওবগী অঙাংগী তীকা থাবা হৌখি। ভারতকী ভেক্সিন কাপ্পগী খোঙজংদা চহিসিগী অহানবা থাগী অহানবা চয়োলগী মনুংদা দোজ করোর ১৫০ (বিলিয়ন ১.৫) য়ৌবগী পুৱারীগী মশক থোক্লবা মায় পাকপা ফংবা ঙম্লি। ভেকসিন দোজ করোর ১৫০! মদুসু চহি অমদগী তাবা মতমদা! স্তেতিস্তিক্স ওইনা য়েংলুরবদি, মসি য়াম্না অচৌবা মায় পাকপা অমনি। মালেমগী অতোপ্পা চাউখৎপা লৈবাকশিংগী ওইনসু মসি য়াম্না ঙক্নিংঙাই ওইবা থৌওংনি। অদুবু মসিদি, ঐখোয়গী লৈবাক্কী মীয়াম ক্রোর ১৩০গী অপুনবগী মহৈনি। মসিদি ভারতকী ওইথোক্লোইদবা থৌওংবু ওইথোকহন্নবা হোৎনদুনা ইশাবু থাজজবগী খুদম্নি। মসিদি, ভারতকী ইশাদা থাজবা, মরোমদোম লেপচবা ঙম্বগী খুদম অমনি। ঐহাক্না থৌরম অসিগী খুদোংচাবা লৌরগা লৈবাক মীয়াম পুম্ববু থাগৎচরি।

মরুপশিং,

কোরোনাগুম্বা মশক হোংবা নাইবা শাথীরবা লাইনা অসিগা মাইয়োক্নবগী লান্থেংদা ঐখোয়গী ভেক্সিনেসন প্রোগ্রাম্না য়াম্না তেংবাংখি। ঙসিদি, মালেম পুম্বনা কোরোনাগী অনৌবা ভেরিএন্ত ওমিক্রোনগা অমুক লান্থেংনরি। ঐখোয়গী লৈবাক্তসু অনৌবা ভেরিএন্ত অসিনা মরম ওইরগা কেস মশিং য়াম্না য়াঙনা হেনগৎলক্লি। মরম অদুনা দোজ ১৫০না ঐখোয়বু ঙাকথোক্লিবা অসি য়াম্না মরু ওইবনি। ঙসিদি, ভারতকই মতিক চাবা মীশিংগী ৯০%দি অহানবা দোজ কাপ্নখ্রে। শুপ্নগী নুমিৎ ৫নি খক্কী মনুংদা ক্রোর অমা মখায়দগী হেনবা অঙাংশিংদা ভেক্সিনগী অহানবা দোজ কাপখি। মসিগী মায় পাকপা অসি লৈবাক পুম্বগীনি, ঐখোয়গী সরকারগীনি। ঐহাক্না মসিগীদমক্তা লৈবাক্কী সাইন্তিস্ত, ভেকসিন শাবশিং অমসুং ঐখোয়গী হকশেলগী সেক্তরগী মীওইশিংদা থাগৎচনীংই। মীপুম খুদিংনা হোৎনমিন্নবদগী ঐখোয়গী ৱারেপ্পু মঙফাওনবা ঙমহল্লি অমসুং ঐখোয়না থৌওং অসি জিরোদগী হৌখিবনি।

মরুপশিং,

চহি ১০০গী মনুংদা থোকপা খ্বাইদগী শাথীবা লাইচৎ অসিগা লান্থেংনবদা অসিগুম্বা ৱাখল্লোন চেনবা অসিনা লৈবাক্কী মপাঙ্গল হাপ্লি। কোবিদকা মাইয়োক্ননবগীদমক্তা তঙাই ফদবা অমসুং অরুবা ইনফ্রাস্ত্রকচর পুথোকপদগী হৌরগা মালেমগী খ্বাইদগী য়াঙবা তীকা কাপ্পগী খোঙজং ফাওবদা, ঐখোয়গী পাঙ্গল অসি মাইকৈ খুদিংদা উবা ফংলি। অসুক য়াম্না চাউরবা লম, শেন্মিৎলোন অমসুং খুন্নাইগী খুদোংচাবা লৈবা ঐখোয়গী লৈবাক অসিদা তেস্তিংদগী হৌরগা তীকা কাপ্পগী অসুক য়াম্না চাউরবা ইনফ্রাস্ত্রকচরবু ঐখোয়না য়াম্না থুনা শীন লাঙবা ঙমখিবা অসিনা মালেম পুম্বগী খুদম ওইনখি।

মরুপশিং,

মম্বা য়াম্না হেল্লিবমখৈ ঙানবসু হেনবনি। শিংনবা য়াম্না লৈরিবমখৈ, পাংথোক্কে হায়বগী অনীংবসু লৈবনি। অদুগা লান য়াম্না চাউরিবমখৈ, খুৎলায়গী তঙাইফদবসু হেনবনি। কোরোনাগী ভেক্সিন চাউরাকপা করোর ১১বু সরকারনা নোংচুপ বেঙ্গোলদা লেম্না পীখ্রে। ভেন্তিলেতর লিশিং ১গা মখায় হেনবা, অনৌবা ওক্সীজেন সিলিন্দর লিশিং ৯ হেনববুসু নোংচুপ বেঙ্গোলদা পীখ্রবনি। অনৌবা পি.এস.এ. ওক্সীজেন প্লান্ত ৪৯সু রাজ্যসিদা থবক তৌবা হৌখ্রে। মসিনা কোরোনাগা লান্থেংনবদা নোংচুপ বেঙ্গোলগী মীয়ামদা য়াম্না তেংবাংগনি।

মরুপশিং,

চিত্তরঞ্জন নেস্নেল কেন্সর ইন্সতিত্যুৎকি কেম্পস্তা লোইরিবা দেশবন্ধু চিত্তরঞ্জন দাসজী অমসুং মহারিশী শ্রীশৃতকি মীতমনা ঐখোয়দা ইথিল য়াম্না পীরি। দেশবন্ধুজীনা ঐহাক্না লৈবাক অসিদা হন্না হন্না পোকচনীংই, লৈবাক অসিগীদমক্তা হিংজনীংই অমসুং শিজনীংই হায়না হায়বীরম্মি। 

মহারিশী শ্রীশৃত অসি অরিবা মতমগী ভারতকী হকশেলগী লৌশিংগী শক্তম্নি। অসিগুম্বা ইথিলশিংনা মরম ওইরগা, ঐখোয়না চহি কইয়া অসিদা লৈবাক মীয়ামগী য়াইফনবা হকশেলগী শিংনবা কয়াগী ৱারোইশিন পুরকপা ঙম্লিবনি। মীয়াম পুনা হোৎনমিন্নবগী ইথিলদা ঙসি লৈবাক অসিনা হকশেলগী ইনফ্রা, হকশেলগী থৌরাংবু পুন্সিন্নবা অমসুং লৈবাক্কী অপাম্বগা পুন্সিন্নবা কন্না হোৎনরি। হকশেলগী সেক্তরদা ঙসি লোইরিবা শিংনববু লোইশিনবগা লোয়ননা তুংগী মতম্বুসু তেক্ত-কায়দনা থম্নবগীদমক্তসু ঐখোয়না হোৎনবা লেপত্রি। লাইনা নারকপগী মরম ওইগদবা হীরম খুদিংসু ঐখোয়না মুত্থৎনবা হোৎনরি। লাইনা নারকপা মতমদা হোঙনা অমসুং অরায়বা মওংদা লাইয়েংবা য়ানবগীদমক্তা ঐখোয়গী সরকারনা খোঙফম চেতনা হোৎনরি। মেদিকেল ইনফ্রা অমসুং দাক্তরগী কেপাসিতী হেনগৎহন্দুনা হকশেলগী সেবাশিংবু হান্নদগী হেন্না ফগৎহল্লি।

মরুপশিং,

লৈবাক্কী হেল্থ সেক্তর শেমদোক্নবগীদমক্তা প্রিভেন্তিব হেল্থকেয়র, এফোর্দেবল হেল্থকেয়র, সপ্লাই সাইদ ইন্তর্ভেন্সনগী মিসন মোদতা পাংথোকপা থবকশিংসু হেন্না খুমাং চাউশিনহনখ্রে। য়োগা, অয়ুর্বেদ, ফিৎ ইন্দিয়া মুবমেন্ত, য়ুনিভর্সেল ইম্ম্যুনাইজেসনগী থৌওংশিংনা প্রিভেন্তিব হেল্থকেয়রগী মপাঙ্গল হাপ্লি। মান্নবা ওইনা, স্বচ্ছ ভারত মিসন অমসুং হর ঘর জলগী স্কিমশিংনসু লাইরবা ইমুংশিংবু লাইনা কইয়া অমদগী ঙাকথোকপদা তেংবাংলি। অর্সেনিক অমসুং অতোপ্পা পোৎলম কয়া ঈশিংদা য়ানবনা লৈবাক্কী রাজ্য কয়াদা কেন্সর নাহনবগী অচৌবা মরম অমা ওইরি। হর ঘর জলগী খোঙথাং অসিনা শিংনবা অসিগী ৱারোইশিন পুরকপদা অদুক্কী মতিক তেংবাংলি।

মরুপশিং,

ঐখোয়গী লাইরবা অমসুং মিদ্দল ক্লাসকী ইমুংশিংনা লাইয়েংবগী খুদোংচাবা ফংদবা অমসুং শেল চঙবদগী অসিগুম্বা হকশেলগী খুদোংচাবা কইয়া অসি মতম কয়াদগী ফংদনা লাক্লি। লাইরবনা করিগুম্বা অরুবা লাইনা নারবদি, মখোয়গী মনাক্তা উপায় অনিখক লি। শেল পুশিনবা নত্ত্রগা য়ুম বন্ধান থম্বা নত্ত্রগা লাইয়েংবা তোকপা। কেন্সর লাইনাগী মমিং হেক তাবদা লাইরবা অমসুং মিদ্দল ক্লাসকী ইমুংশিংনা মথৌনা লোইনা হল্লি। লাইরবশিংবু অসিবু খুদোংচাদবশিংদগী কন্নবগীদমক্তা লৈবাক্না অহোঙবা অমসুং লায়না ফংবা য়াবা লাইয়েং ফংহন্নবা থবক কয়া অমা লেপ্তনা পায়খৎলি। হৌখিবা চহি খরদগী, কেন্সর লাইয়েংবগীদমক্তা তঙাই ফদবা হিদাকশিংগী মমলসু মশক থোক্না তাখ্রে। হৌজিক্তসু, মনশুখ ভাইনা হায়বীখ্রবা অদুনি। নোংচুপ বেঙ্গোল য়াওনা লৈবাক শিনবা থুংবদা জন ঔশধী কেন্দ্র লিশিং ৮ হেন্না লিংখৎখ্রে, মখোয়শিং অসিদা হিদাক অমসুং সর্জিকেলগী পোৎলম কয়াবু অহোঙবা মমলদা ফংহল্লি। কেন্সরগী হিদাক ৫০ হেনবসু হায়রিবা দুকানশিং অসিদা অতৈদগী হেন্না হোঙবা মমলদা ফংলি। কেন্সরগী অহোঙবা হিদাক ফংহন্নবগীদমক্তা অখন্নবা অমৃত স্তোর কয়াসু লৈবাক শিনবা থুংবদা চলায়রি। সরকারগী অসিগুম্বা সেবা তৌনীংবগী ৱাখল্লোন, অতোপ্পগী পুক্নিং খঙবা অসিনা লাইরবশিংদা শেল চঙদনা লাইয়েংহনবদা য়াম্না তেংবাংলি। সরকারনা কেন্সরগী হিদাক ৫০০ হেনবগী মমল লেপখিবদগী, অনাবশিংনা চহিগী ওইনা লুপা করোর ৩০০০ হেন্না তুংশিনবা ঙম্লি। মীয়ামগী শেল মাঙদ্রে। কোরোনারী স্তেন্তকী মমলদা লাকশিনবা থম্বদগী হার্ত নাবশিংনা চহি খুদিংগী ওইনা লুপা করোর ৪৫০০ হেন্না তুংশিনবা ঙম্লি। সরকারনা খুউ ইমপ্লান্তকী মমল হন্থহনখিবদগী কান্নবা ফংলিবশিং অসিদি, মরু ওইনা, ঐখোয়গী সেনিয়র সিতিজন, অহল-লমনশিংনি। মসিনা মরম ওইরগা অনাবা অহল-লমনশিংনা চহি খুদিংগী ওইনা মখোয়গী লুপা করোর ১৫০০ তিংগদবদগী কল্লি। প্রধান মন্ত্রী নেস্নেল দাইলাইসীস প্রোগ্রামগী মখাদা লাইরবা অনাবা লাখ ১২না লেম্না দাইলাইসীস তৌবা ফংলি। মসিদগী হেন্দোক্তুনা, মখোয়না চহিদা লুপা করোর ৫২০দগী হেনবা শেনফমশিং কনবা ঙম্লি।

মরুপশিং,

অয়ুশমান ভারত স্কিম অসি অহোঙবা অমসুং হীরম খুদিংমক মনুং চনবা হেল্থকেয়রগী মতাংদা মালেমগী বেঞ্চমার্ক অমা ওইরক্লি। অনাবা করোর ২গা লাখ ৬০না লৈবাক শিনবা থুংবগী হোস্পিতালদা পি.এম.-জে.এ.ৱাই.গী মখাদা লেম্না লাইয়েংখি। করিগুম্বা মসিগী স্কিম অসি লৈরমদবা তারগদি, হায়রিবা অনাবশিং অসিনা মশানা পুথোকচদুনা চাউরাকপা লুপা করোর লিশিং ৫০দগী ৬০ ফাওবদি শোইদনা তিংলমগনি হায়না পানরি।

মরুপশিং,

অয়ুশমান ভারতকী কান্নবা অসি কেন্সর অনাবা লাখ ১৭ হেনবনা ফংনখি। কেমোথেরাপী ওইরো, রেদিওথেরাপী ওইরো নত্ত্রগা সর্জরী ওইরো, অনাবশিংনা অসিনা হোস্পিতালশিংদগী কান্নবা অমত্তা লেম্না ফংদে। সরকারগী অসিগুম্বা থৌওং অসি লৈরমদ্রবদি, লাইরবা কয়া অমগী পুন্সিনা অৱাবা তারমগনি হায়বা অমুক্তা খন্থবীয়ু। নত্ত্রগা ইমুং কয়া অমনা শেল তোন্দুনা কয়া ৱানা লৈরমগনি।

মরুপশিং,

অয়ুশমান ভারত অসি লেম্না লাইয়েংবা ফংবগী উপায় অমখক নত্তে, মসিনা ঙন্না লাইনা খঙদোকপা, ঙন্না লাইয়েংবগী মতাংদসু য়াম্না তেংবাংই। মসিদি, কেন্সরগুম্বা অরুবা লাইনাগীদি য়াম্না তঙাই ফদবনি। ঐখোয়গী মফম অসিদদি, অয়াম্বনা অরোইবা স্তেজতা খঙনবা ঙাক্তনি। মতমদুদদি, লাইয়েংবা ঙমদে। অসিগুম্বা শিংনবশিংবু লৈহন্দনবগীদমক্তা, চহি ৩০গী মথক্তা লৈবা মীওইশিংবু দাইবিতিজ, হাইপর্তেন্সন অমসুং কেন্সরগুম্বগী স্ক্রীনিং তৌবদা অহেনবা মিৎয়েং চঙলিবনি। অয়ুশমান ভারত স্কিমগী মখাদা খুঙ্গং খুদিংদা লিংখৎলিবা হেল্থ অমসুং ৱেলনেস সেন্তরশিংনা কান্নবা য়াম্না পীরি। লৈবাক অসিগী মীওই করোর ১৫ হেনবসু ওরেল, সর্ভিকেল অমসুং ব্রেস্ত কেন্সরগীদমক্তা স্ক্রীন তৌখ্রে। স্ক্রীনিং তৌরবা তুংদা লাইনাশিং অসিগী লাইওং উৎপা মীওইশিংবু নীংথিনা লাইয়েংনবগীদমক্তা খুঙ্গংগী থাক্তা লৈবা হকশেলগী থৌমীশিংদা ত্রেনিং পীবগী থবকসু পায়খৎখ্রবনি।

মরুপশিং,

হেল্থ সেক্তরগী অতোপ্পা শিংনবা অমসু হৌজিকসু লৈরি। মদুদি দিমান্দ অমসুং সপ্লাইদা অহাঙবা লৈবা অসিনি। দাক্তর অমসুং হকশেলগী অতোপ্পা ইনফ্রাস্ত্রকচর, দিমান্দ অমসুং সপ্লাইগী লোইরিবা অহাঙবা অসিবু লৈবাক শিনবা থুংবগী হনথহন্নবগীদমক্তা ঙসি মিসন মোদতা থবক কয়া অমা পায়খৎলি। ইং ২০১৪ ফাওবদা, লৈবাক অসিগী অন্দর্গ্রেজুএত অমসুং পোস্ত গ্রেজুএতকী মেদিকেল সীত মশিং অসিনা চাউরাক্না ৯০,০০০ ওইরম্মি। মমাংগী চহি ৭তা, অনৌবা সীত ৬০,০০০ হাপচিনখ্রে। ঐখোয়না ইং ২০১৪ ফাওবদা লৈবাক অসিদা এমসকী মশিং শুপ্নগী ৬ লৈরম্নবদগী হৌজিক্না এমস ২২গী মপাঙ্গল লৈবা নেৎৱর্ক অমা লৈবগী মতমদা চঙশিল্লি। ভারতকী জিলা খুদিংদা য়ামদ্রবদা মেদিকেল কোলেজ অমা লৈহন্নবা থবকসু হৌজিক পায়খৎলি। লৈবাক্কী কেন্সর কেয়রগী ইনফ্রাস্ত্রকচর ফগৎহন্নবগীদমক্তা স্তেত কেন্সর ইন্সতিত্যুৎ ১৯ অমসুং তর্সিএরী কেয়র কেন্সর ইন্সতিত্যুৎ ২০ অমগী অয়াবসু পীখ্রে অমসুং ইন্সতিত্যুৎ ৩০ হেনবগী থবকসু হৌজিক কন্না পায়খৎলি। নোংচুপ বেঙ্গোলদা কোলকতা, মুর্শিদবাদ অমসুং বর্ধমান মেদিকেল কোলেজতা হৌজিক কেন্সর অনাবশিংগী লাইয়েংবদা হেন্না লায়রগনি। ঐখোয়গী হকশেল মন্ত্রী মনশুখ মন্দাবিয়াজীনা মসিগী মতাংদা নীংথিনা পাউদমখ্রে। অসিগুম্বা হোৎনরিবশিং অসিনা ঐখোয়গী লৈবাক্কী দাক্তর মশিং হেনগৎহনবদা য়াম্না তেংবাংগনি। হৌখিবা চহি ৭০দা থোক্লকখিবা দাক্তর মশিংদগী লাক্কদৌরিবা চহি ১০দা থোক্লক্কদৌরিবা দাক্তর মশিংনা হেল্লগনি।

মরুপশিং,

মমাংগী চহিদা লৈবাক অসিদা হৌদোকখিবা লৈবাক্কী থাক্কী অচৌবা খোঙথাংশিংনা ভারতকী হকশেলগী ইনফ্রাস্ত্রকচরবু মতমগা চুন্নবা শক্তম অমা পীবদা য়াম্না তেংবাংগনি। অয়ুশমান ভারত দিজিতেল হেল্থ মিসন্না লৈবাক মীয়ামগী লাইয়েংবগী থৌওংদা অহোংবা পুরক্লগনি। মেদিকেল হিস্তরীগী দিজিতেল রেকোর্দনা লাইয়েংবগী থৌওংবু লাইহনবগা লোয়ননা মতমগা চুনবা থৌওংদা পাংথোকহল্লগনি। অকনবা লাইনা নাদবশিংনা হোস্পিতালদা তোয়না চৎপগী মথৌ তাররৈ অদুগা লাইয়েংবদা চঙবা অহেনবা শেলসু তিংলরোই। মতৌ অসুম্না, অয়ুশমান ভারত – ইনফ্রাস্ত্রকচর মিসন্দগী ক্রিতিকেল হেল্থকেয়রগা মরী লৈনবা মেদিকেল ইনফ্রাস্ত্রকচরশিং অসি অচৌবা শহরশিংগা লোয়ননা জিলা অমসুং ব্লোক্কী থাক্তসু লৈরগনি।  মসিগী স্কিম অসিগী মতেংদগী নোংচুপ বেঙ্গোলদসু মথংগী চহি মঙাদা লুপা করোর ১ মখায় হেনবগী তেংবাং ফংবা অসিসু শোইদ্রবনি। মসিদগী রাজ্য পুম্বদা হেল্থ সব-সেন্তর মশিং কয়া শারগনি, হেল্থ অমসুং ৱেলনেস সেন্তর চাউরাকপা লিশিং ১সু মথৌ তৌরগনি, দিস্ত্রিক্ত ইন্তিগ্রেতেদ হেল্থ লেব দজন কয়া অমা শারগনি, অমসুং জিলাগী হোস্পিতালশিংদা ক্রিতিকেল কেয়র বেদকী অনৌবা কেপাসিতী কয়াসু শেম-শাবা লোইরগনি। অসিগুম্বা খুদোংচাবশিং অসিনা তেংবাংদুনা ঐখোয়না তুংগী মতমদা থোক্লক্কদবা কোরোনাগুম্বা লাইচৎ কয়াসু হেন্না ফবা মওংদা মাইয়োক্নবা ঙম্লগনি। ভারতপু হকশেল ফনা লৈহনবগী খোঙজং অসি মখা তানা চত্থখিগনি। ঐহাক্না লৈবাক মীয়ামদা অমুক্কা হন্না হায়জনীংবদি চেকশিন্না লৈবীয়ু, তঙাই ফদবা চেকশিন থৌরাং খুদিংমক লৌখৎপীয়ু হায়বসিনি। ঐহাক্না থৌরম অসিদা শরুক য়ারিবা মীয়াম্বু অমুক্কা হন্না থাগৎচরি। অদোম খুদিংবু ঐহাক্না থাগৎচবগা লোয়ননা য়াইফ পাউজেলসু পীজরি। থাগৎচরি!!!

Explore More
পি.এম.না ৭৬শুবা নীংতম নুমিৎকী থৌরমদা লাল কিলাগী লানবন্দগী জাতি মীয়ামদা থমখিবা ৱারোল

Popular Speeches

পি.এম.না ৭৬শুবা নীংতম নুমিৎকী থৌরমদা লাল কিলাগী লানবন্দগী জাতি মীয়ামদা থমখিবা ৱারোল
Why Amit Shah believes this is Amrit Kaal for co-ops

Media Coverage

Why Amit Shah believes this is Amrit Kaal for co-ops
...

Nm on the go

Always be the first to hear from the PM. Get the App Now!
...
PM condoles demise of veteran singer, Vani Jairam
February 04, 2023
Share
 
Comments

The Prime Minister, Shri Narendra Modi has expressed deep grief over the demise of veteran singer, Vani Jairam.

The Prime Minister tweeted;

“The talented Vani Jairam Ji will be remembered for her melodious voice and rich works, which covered diverse languages and reflected different emotions. Her passing away is a major loss for the creative world. Condolences to her family and admirers. Om Shanti.”