Mera Saansad
Search Search
Manipuri language

প্রধান মন্ত্রীনা মধ্য প্রদেসকী ইন্দোরদা ১৭শুবা প্রবাসী ভারতীয় দিবস কনভেন্সন হৌদোকখ্রে

Published By : Admin | January 9, 2023 | 11:45 IST
কম্মেমোরেতিপ পোস্তেল স্তাম্প ‘সুরক্ষিত জায়েন, প্রশিক্ষিত জায়েন’ ফোঙখ্রে
‘অজাদি কা অমৃত মহোৎসব-ভারতকী নিংতম ইহৌদা মপান্দা লৈখ্রবা ভারতমচাশিংগী থৌদাং’ হায়বা থিমদা অহানবা দিজিতেল পি.বি.দি একজিবিসন হৌদোকখি
“ইন্দোর অসি সহর অমা ওইবগা লোয়ন্না তাঙ্কক অমনি। সহর অসিগী হেরিতেচ কনবগা লোয়ন্না মতমদগী মাঙজিল থানা চৎলিবা তাঙ্কক অমনি”
“ ‘অমৃত কাল’দা ভারতকী খোঙচত্তা ঐখোয়গী প্রবাসী ভারতীয়শিংনা মরুওইবা মফম অমা কল্লি”
“মালেমদা য়েংলিবা ভারতকী অখন্নবা মীৎয়েং অমসুং মালেমগী থবক-থৌরমশিংদা লৈবাক অসিগী থৌদাং অসি অমৃত কাল মনুংদা প্রবাসী ভারতীয়শিংনা মপাঙ্গল কনখৎহনগনি”
“প্রবাসী ভারতীয়শিংদা, ঐখোয়না বসুধাইব কুতুম্বকাম অমসুং এক ভারত শ্রেস্থা ভারতকী মশিং থিঙমদ্রবা শক্তমশিং উবা ফংলি”
“শক্তি লৈবা অমসুং তৌবা ঙম্বা ভারত অমগী খোঞ্জেল প্রবাসী ভারতীয়শিংনা খোন্থাং য়ৈরি”
“জি-২০ অসি শুপ্নগী কুতনীতিক্কী থৌরম অমা নত্তে, মসি কনাগুম্বা অমনা ‘অতিথি দেবো ভাব’গী ৱাখল্লোন অদু উদুনা মসি মীয়াম শরুক য়াবা পুৱারি ওইরবা থৌরম অমা ওইবা ঙমগনি”
“ভারতকী নহারোলশিংগী হৈথোই-শিংথোইবা, মগুনশিং অমসুং থবক শুবগী থকশি-খাশিনা মালেম

ঙসি প্রধান মন্ত্রী শ্রী নরেন্দ্র মোদীনা মধ্য প্রদেসকী ইন্দোরদা ১৭শুবা প্রবাসী ভারতীয় দিবস কনভেন্সন হৌদোকখ্রে। প্রধান মন্ত্রীনা কম্মেমোরেতিপ পোস্তেল স্তাম্প ‘সুরক্ষিত জায়েন, প্রশিক্ষিত জায়েন’ ফোঙখি অমসুং ‘অজাদি কা অমৃত মহোৎসব-ভারতকী নিংতম ইহৌদা মপান্দা লৈখ্রবা ভারতমচাশিংগী থৌদাং’ হায়বা থিমদা অহানবা দিজিতেল পি.বি.দি একজিবিসন হৌদোকখি।

প্রবাসী ভারতীয় দিবস(পি বি দি) অসি ভারত সরকারগী মরুওইবা থৌরম অমনি। থৌরম অসিনা মপান লৈবাকশিংদা লৈখ্রবা ভারতমচাশিং উন্নবগী মরুওইবা মফম অমা পীরি অমসুং মসিনা মখোয় মশেল অমগা অমগা উনবা ঙমহল্লি। চহি অসিগী প্রবাসী ভারতীয় দিবস কনভেন্সনগী পান্দমদি “মপান লৈরিবা ভারতমচাশিং: অমৃত কালদা ভারত চাউখৎনবগী থাজবা য়াবা মরুপশিং” হায়বনি। প্রবাসী ভারতীয় দিবস কনভেন্সন অসিদা শরুক য়ানবা তোঙান-তোঙানবা লৈবাক ৭০দা লৈরিবা ভারতমচা ৩,৫০০ হেনবনা রেজিস্তার তৌরে।

থৌরম অদুদা প্রধান মন্ত্রীনা হায়খি চহি মরি লেপলুরবা মতুংদা প্রবাসী ভারতীয় দিবস অসি মপুংফারে অমসুং মসিদা মীওই অমগা অমগা উনবগী হরাওবা অমসুং কান্নবা কয়া ফংলে।ভারতচা করোর ১৩০গী মহুৎশীন্দুনা মীওই খুদিংমক তরাম্না ওক্লদুনা প্রধান মন্ত্রীনা হায়খি ভারতকী ময়োলনি হায়না খঙনরিবা মধ্য প্রদেস অমসুং শেংলবা তুরেল নর্মাদা, অশং-অমানশিং, ত্রাইবেলগী কলচর অমসুং লাইনিং-লাইশোনগী মমিং চৎলিবা মফম অসিদা থৌরম অসি পাংথোক্লি। হন্দক হাংদোকখিবা শেংলবা মফম মহা কাল মহা লোক্তা মীয়াম্না য়েংবা চৎকনি হায়বগী থাজবা থম্লি। ইন্দোর অসি সহর অমনি অমসুং তাঙ্কক অমনি। সহর অসিগী হেরিতেচ কনবগা লোয়ন্না মতমদগী মাঙজিল থানা চৎলিবা তাঙ্কক অমনি। ইন্দোরগী মমিং চৎলবা মথেল কয়া লৈরি অমসুং সহর অসি শ্বাচাতা ইহৌদা মাইপাক্লবা মফম অমনি।

 

প্রধান মন্ত্রীনা হায়খি হন্দক ভারতনা নিংতম্বা চহি ৭৫ মপুংফাখিবগা লোয়ন্না হিরম কয়াদা প্রবাসী ভারতীয় দিবস অসি অখন্নবনি। মপাল ফরিঙৈ মতম অদু অমুক হন্না পুরক্নবা ‘অজাদি কা অমৃত মহোৎসব’ থিমদা অহানবা দিজিতেল পি.বি.দি একজিবিসন পাংথোক্লি। অমৃত কালগী মথং চহি ২৫গী খোঙচত্তা প্রবাসী ভারতীয়শিংনা মরুওইবা থৌদাং লৌগনি অমসুং মালেমদা য়েংলিবা ভারতকী অখন্নবা মীৎয়েং অমসুং মালেমগী থবক-থৌরমশিংদা লৈবাক অসিগী থৌদাং অসি মখোয়না মপাঙ্গল কনখৎহনগনি।

মালেম পুম্বা অসি কনাগুম্বা অমগী মশাগী লৈবাকনি অমসুং মীওই খুন্নাই অসি ঐখোয়গী ইচিল-ইনাওশিংনি হায়না লৌরিবা ভারতকী ৱাঙুলোন পল্লদুনা প্রধান মন্ত্রীনা হায়খি ঐখোয়গী ইপা-ইপুশিংনা ভারতকী কলচরগী মশা-মরেংগী য়ুম্ফম থোল্লমখি। তোঙান-তোঙানবা কলচরশিংগী মরক্তা লৈদুনা মালেমগী মফম খুদিংমক্তা ভারতমচাশিং খুন্দারে অমসুং ললোন-ইতিক তৌমিন্নদুনা নুংঙাই য়াইফবগী থোঙজাউশিং হাংদোক্নবা লম্বীশিংদি ফংদ্রি। ঐখোয়না মালেমগী মেপ্তা প্রবাসী ভারতীয় করোর কয়া য়েংবা মতমদা, মপান লৈবাক অমদা হেক্তা প্রবাসী ভারতীয় অনি উনবদা মতমদা ‘বসুধাইব কুতুম্বকাম’গী অয়েকপা শক্তম অমসুং ‘এক ভারত শ্রেস্থা ভারত’কী ৱাখল্লোন চপ মান্ননা থোরকই।   

প্রধান মন্ত্রীনা হায়খি প্রবাসীশিংনা মালেমগী মফম কয়াদা খ্বাইদগী গনতন্ত্রীক ওইবা, ইং-তপ্পা অমসুং থকশি-খাসি লৈবা নাগরিকশিং ওইনা ৱা ঙাংবদা গনতন্ত্রগী মমানি হায়না চাউথোকচবা অদু শরুক কয়া হেনগৎহল্লি। প্রবাসী ভারতীয় খুদিংমক ভারত জাতিগী এম্বেসেদর অমনি অমসুং মালেম্না মখোয়গী থৌদাংশিং চাংয়েং তৌরকপা মতমদা শক্তি লৈবা অমসুং তৌবা ঙম্বা ভারত অমগী খোঞ্জেল অদু মখোয়না খোন্থাং ওইরি। অদোম ভারতকী হেরিতেচ, মেক ইন ইন্দিয়া, য়োগা অমসুং অয়ুর্বেদা, ভারতকী কোতেচ ইন্দস্ত্রিশিং অমসুং হেন্দিক্রাফশিংগী রাস্ত্রদুতশিংনি। মসিগা লোয়ন্না অদোম ভারতকী মিল্লেতশিংগী এম্বেসেদরশিংনি। ২০২৩ অসি মালেমগী ওইনা মিল্লেতশিংগী চহিনি হায়না লাউথোক্লে অমসুং মীওই খুদিংমক্না য়ুমদা হনখিবা মতমদা মিল্লেতশিংগী পোৎথোক খর পুবীখো।

প্রধান মন্ত্রীনা হায়খি মালেম্না ভারতকী মরমদা হেন্না খঙনিংবা অদু ফংহনবদা প্রবাসী ভারতীয়শিংনা অতোপ্পা মরুওইবা থৌদাং অমা লৌরি। মালেম্না ভারত অসি অঙকপা অমগা লোয়ন্না য়েংলি। ভারত্তা তিকা পুথোকপা অমসুং রিকোর্দ অমা ওইনা ভারতমচা করোর ২২০ হেন্না লেম্না তিকা থাখিবা অসি ভারতকী অচৌবা মাইপাকপশিংনি। হৌজিক তংদু-লৈতাদবা মতম অসিদা মালেমগী শেন-থুমদা ভারতকী ফিবম ফগৎলক্লি অমসুং মালেমদা ৫শুবা খ্বাইদগী চাউবা ইকোনোমি ওইরে। স্তার্দঅপশিংগী ফিবম য়াম্না ফগৎলে অমসুং ইলেকত্রোনিক্স মেনুফেকচরিং সেক্তরদা মেক ইন ইন্দিয়া অসি শিংথানিঙাই ওইরে। তেজাস ফাইত্তর প্লেনশিং, এয়রক্রাফ কেরিয়র আই.এন.এস বিক্রান্ত অমসুং নিউক্লিয়ার সবমেরিন অরিহান্ত অসি মালেম্না ঙক্না য়েংনরিবা ভারতকী মাইপাকপশিংনি।

প্রধান মন্ত্রীনা হায়খি মালেমগী রিএল-তাইম দিজিতেল ত্রান্সসেক্সনশিংগী চাদা ৪০ ভারত্তা পাংথোক্লি। অমুক্তদা সেতেল্লাইত চা কয়া থাগৎতুনা ভারতনা রেকোর্দ কয়া থম্লে। ভারতকী সোফৱায়ার অমসুং দিজিতেল তেক্নোলোজি ইন্দস্ত্রিগী তৌবা ঙম্বা নোংম-নোংমগী হেনগৎলক্লি। থৌরম অসিদা শরুক য়ারিবা খুদিংমক্না ভারতকী কলচর অমসুং চৎনবী খক্তগী লৌশিং হেনগৎহনবা খক নত্তনা লৈবাক অসি চাউখৎনবা মখোয়গী লৌশিং হেনগৎহনগদবনি।

প্রধান মন্ত্রীনা হায়খি চৎলিবা চহি অসিদা ভারতনা জি-২০গী প্রসিদেন্দগী ফম পুরগনি অমসুং মালেমদা ভারতকী মরমদা খঙহন্নবা থৌদাং অমা লৈরে। জি-২০ অসি শুপ্নগী কুতনীতিক্কী থৌরম অমা নত্তে, মসি কনাগুম্বা অমনা ‘অতিথি দেবো ভাব’গী ৱাখল্লোন অদু উদুনা মসি মীয়াম শরুক য়াবা পুৱারি ওইরবা থৌরম অমা ওইবা ঙমগনি। ভারতকী তোঙান-তোঙানবা সহরশিংদা জি-২০ মীফমগী শরুক অমা ওইনা মীফম ২০০ হেন্না পাংথোক্কনি। তোঙান-তোঙানবা লৈবাকশিংগী মীহুৎশিংগা উন্নবগী অচৌবা খুদোংচাবা অমা মীফম অসিনা পীগনি।

প্রধান মন্ত্রীনা হায়খি ঙসিগী ভারত অসি লৌশিংগী মফম অমা ওইনবা খুদোংচাবা ফংবা খক নত্তনা মালেমগী খুৎশা-হৈবগী মফম অমা ওইনবগী খুদোংচাবা লৈরে। ভারতকী নহারোলশিংগী হৈথোই-শিংথোইবা, মগুনশিং অমসুং থবক শুবগী থকশি-খাশিনা মালেম চাউখৎনবগী ইঞ্জিন ওইবা ঙমগনি। স্কিলগী কোনুং অসি মালেম পুম্নমক চাউখৎনবা ইঞ্জিন ওইবা ঙমগনি। তুংগী মীরোলগী প্রবাসী ভারতীয় য়ুথশিংগী থৱায় য়াওবা অসি শিংথানিঙাইনি। নহারোলশিংদা মখোয়গী লৈবাক্কী মরমদা খঙহনগদবনি অমসুং মখোয় থৌরমশিংদা লৈবাক অসিদা লাকহনগদবনি। মমাঙঙৈগী চৎনবীশিং খঙবগা লোয়ন্না অমসুং অনৌবা মতমগী মীৎয়েংগা লোয়ন্না হায়রিবা নহারোলশিং অসিনা মালেমদা ভারতকী মরমদা মরীক চুম্না হায়বা ঙমগনি। নহারোলশিংগী মরক্তা ভারতকী মরমদা খঙনিংবা হেনগৎলকপগা লোয়ন্না, তুরিজম, থিজিনবা অমসুং ভারতকী মিংচৎ হেনগৎলক্কনি। অসিগুম্বা নহারোলশিং অসি কুহ্মৈশিং মনুংদা নত্ত্রগা অজাদি কা অমৃত মহোৎসবকা মরী লৈনবা থৌরমশিংদা ভারত্তা লাকপা য়াগনি।

প্রধান মন্ত্রীনা হায়খি য়ুনিভর্সিতিশিং অমসুং রিছর্স ইন্সতিতুৎশিংগী খুৎথাংদা প্রবাসী ভারতীয়শিংনা মখোয়না লৈরিবা লৈবাকশিংদা হিংবগী মওং, হোৎনবা অমসুং মখোয়গী থৌদাংগী মতাংদা ইশিন্দুনা থম্নবা অকনবা থবক লৌখৎকদবনি। ভারতবান্সি খুদিংমক্না ভারত পুম্বা পুরিবনি। হৌখিবা চহি ৮দা, ভারতনা মসিগী মপান্দা লৈখ্রবা ভারতমচাশিং মপাঙ্গল কনখৎহন্নবা হোৎনখি।

প্রধান মন্ত্রীনা স্পিসিএল গেস্ত ওফ ওনরশিং ওইখিবা গুয়ানাগী রাস্ত্রপতি দোক্তর মোহমদ ইরফান অলি অমসুং সুরিনামগী রাস্ত্রপতি চন্দ্রিকাপেরসাদ সন্তোখি মখোয়গী ৱারোলশিং অমসুং পাউতাকশিংগীদমক থাগৎখি।

থৌরম অদুদা স্পিসিএল গেস্ত ওফ ওনরশিং ওইনা গুয়ানাগী রাস্ত্রপতি দোক্তর মোহমদ ইরফান অলি, সুরিনামগী রাস্ত্রপতি চন্দ্রিকাপেরসাদ সন্তোখি, মধ্য প্রদেসকী চীফ মিনিস্তর শ্রী সিবরাজ সিংহ চৌহান, মধ্য প্রদেসকী রাজ্যপাল শ্রী মঙ্গুভাই পতেল, মপান থৌরমগী কেন্দ্র মন্ত্রী দোক্তর এস.জয়সঙ্কর, রাজ্য মন্ত্রীশিং শ্রীমতি মীনাক্সি লেখি, শ্রী ভি. মুরালিধারান অমসুং দোক্তর রাজকুমার রঞ্জন সিংহসু শরুক য়াখি।

নুঙগীৱারোল

প্রবাসী ভারতীয় দিবস (পি বি দি) অসি ভারত সরকারগী মরুওইবা থৌরম অমনি। থৌরম অসিনা মপান লৈবাকশিংদা লৈখ্রবা ভারতমচাশিং উন্নবগী মরুওইবা মফম অমা পীরি অমসুং মসিনা মখোয় মশেল অমগা অমগা উনবা ঙমহল্লি। ১৭শুবা প্রবাসী ভারতীয় দিবস কনভেন্সন মধ্য প্রদেস সরকারগা খুৎশম্নদুনা জনুৱারি ৮-১০, ২০২৩দা ইন্দোরদা পাংথোক্লি। চহি অসিগী প্রবাসী ভারতীয় দিবস কনভেন্সনগী পান্দমদি “মপান লৈরিবা ভারতমচাশিং: অমৃত কালদা ভারত চাউখৎনবগী থাজবা য়াবা মরুপশিং” হায়বনি। প্রবাসী ভারতীয় দিবস কনভেন্সন অসিদা শরুক য়ানবা তোঙান-তোঙানবা লৈবাক ৭০দা লৈরিবা ভারতমচা ৩,৫০০ হেনবনা রেজিস্তার তৌরে।

অশোই-অঙাম লৈতনা, আইন্না য়াবা মওংদা, মওং তানা অমসুং হৈথোই-শিংথোইবশিং লৈবাক লান্না য়ুম হোংবগী মরুওইবদা মীৎয়েং থমদুনা ‘সুরক্ষিত জায়েন, প্রশিক্ষিত জায়েন’  কম্মেমোরেতিপ পোস্তেল স্তাম্প অমা ফোঙখ্রে। ভারতকী নিংতম্বদা মপান লৈবাকশিংদা লৈখ্রবা ঐখোয়গী নিংতম লান্মীশিংগী থৌদাং উৎনবা “অজাদি কা অমৃত মহোৎসব-ভারতকী নিংতম ইহৌদা মপান লৈবাকশিংদা লৈখ্রবা ভারতমচাশিং থৌদাং” হায়বা থিম অসিদা অহানবা ওইনা দিজিতেল পি.বি.দি একজিবিসন অমা প্রধান মন্ত্রীনা হৌদোকখি।

প্রবাসী ভারতীয় দিবস কনভেন্সনগী প্লেনারি সেসন মঙা লৈখি-

অহানবা প্লেনারি য়ুথ এফেয়ার্স অমসুং স্পোর্তস মিনিস্তর শ্রী অনুরাগ থাকুরনা লুচিংদুনা ‘ইন্নোবেসন অমসুং অনৌবা তেক্নোলোজিশিংদা মপান লৈবাকশিংদা লৈরবা ভারতমচা নহারোলশিংগী থৌদাং” হায়বা হিরম অসিদা পাংথোকখি।

“অমৃত কাল: ভিজন@2047’দা ভারতকী অনা-লায়য়েংগী থবকশিং ফগৎহনবদা মপান লৈবাকশিংদা লৈরিবা ভারতমচাশিংগী থৌদাং” হায়বা হিরম অসিদা হেল্থ অমসুং ফেমিলি ৱেলফিয়ারগী মিনিস্তর দোক্তর মনসুখ মন্দাবিয়ানা চিয়ার লৌদুনা অমসুং মপান থৌরমগী রাজ্য মন্ত্রী দোক্তর রাজকুমার রঞ্জন সিংহনা কো-চিয়ার ওইদুনা অনিশুবা প্লেনারি পাংথোকখি।
 

“ক্রাফ, ইন্সাং মথেলশিং অমসুং খুৎশা-হৈবগী খুৎথাংদা ভারতকী সোফ পৱার শীজিন্নবা” হায়বা হিরমদা মপান থৌরমগী রাজ্য মন্ত্রী শ্রীমতি মিনাক্সি লেখিনা চিয়ার লৌদুনা অহুমশুবা প্লেনারি পাংথোকখি।

“মালেমদা ভারতকী শিন্মীশিংগী তৌবা ঙম্বা-মপান লৈবাকশিংদা লৈরিবা ভারতমচাশিংগী থৌদাং” হায়বা হিরম অসিদা ইজুকেসনগী মিনিস্তর শ্রী ধর্মেন্দ্র প্রধান্না চিয়ার লৌদুনা মরিশুবা প্লেনারি পাংথোকখি।

 “লৈবাক শেমগৎপদা মপান লৈবাকশিংদা লৈরিবা ভারতমচা ওন্ত্রেপ্রেনিউয়রশিংগী মতেং লৌবা” হায়বা হিরম অসিদা ফাইনান্স মিনিস্তর শ্রীমতি নিরমালা সিতারমন্না চিয়ার লৌদুনা মঙাশুবা প্লেনারি পাংথোকখি।

প্লেনারি সেসনশিংদা শক্নাইরবা মপান লৈবাকশিংদা ভারতমচাশিং অখঙ-অহৈশিং শরুক য়াদুনা অখন্নবা খন্ন-নৈনবা থৌরমশিং পাংথোকখি।

চহি মরিগী মতুংদা অমসুং কোবিদ-১৯ লাইচৎ মতুংদা অহানবা ওইনা হকথেংন্না মীয়াম শরুক য়াদুনা ১৭শুবা প্রবাসী ভারতীয় দিবস কনভেন্সন পাংথোকপনি। ইকোন কোনবা প্রবাসী ভারতীয় দিবস কনভেন্সন লাইচৎ মনুংদা ভর্চুএল ওইনা ২০২১দা পাংথোকখি।

ৱা ঙাংখিবগী মপুংফাবা ৱারোল পানবা মসিদা নম্বীয়ু

Login or Register to add your comment
Explore More
প্রধান মন্ত্রীনা শ্রী রাম জন্মভুমি মন্দির দ্বাজরোহন উৎসবতা পীখিবা ৱারোলগী মৈতৈলোন্দা হন্দোকপা

Popular Speeches

প্রধান মন্ত্রীনা শ্রী রাম জন্মভুমি মন্দির দ্বাজরোহন উৎসবতা পীখিবা ৱারোলগী মৈতৈলোন্দা হন্দোকপা
View All
India Inc's $3.4-trillion club: AI, IPL, defence are new wealth creators

Media Coverage

India Inc's $3.4-trillion club: AI, IPL, defence are new wealth creators
View All
NM on the go

Nm on the go

Always be the first to hear from the PM. Get the App Now!
Download App
...
PM chairs 52nd PRAGATI Meeting
June 24, 2026
PM reviews four key infrastructure projects worth around ₹30,000 crore spanning four states across Road, Power, Industrial Corridor and Metro Rail sectors
PM emphasises use of PM GatiShakti National Master Plan and timely updation of project, utility and infrastructure data on the portal for efficient planning
PM asks Ministries and State Governments to resolve pending issues in a mission-mode manner and ensure close monitoring
PM reviews TB Mukt Bharat Abhiyan and emphasizes need to leverage latest digital technologies including AI
PM reviews grievances related to Cyber Crime and Digital Arrest and stresses timely action, coordinated response and e-Zero FIR registration mechanism

Prime Minister Shri Narendra Modi chaired the 52nd meeting of PRAGATI, the ICT-enabled, multi-modal platform aimed at fostering Pro-Active Governance and Timely Implementation, by seamlessly integrating efforts of the Central and State Governments, earlier today at Seva Teerth.

During the meeting, the Prime Minister reviewed four critical infrastructure projects across the Road, Power, Industrial Corridor and Metro Rail sectors, covering four States and costing around ₹30,000 crore. These projects, important for economic growth, regional connectivity, industrial development and public welfare, were reviewed with focus on timelines, inter-agency coordination, issue resolution and timely completion.

Prime Minister underlined that delays in infrastructure projects not only lead to cost escalation, but also deprive people and industries of timely benefits. He asked the concerned Ministries and State Governments to resolve pending issues in a mission-mode manner and ensure close monitoring at the highest level.

Prime Minister emphasised the use of PM GatiShakti National Master Plan for efficient planning and timely implementation of infrastructure projects. He also underlined the need for regular and timely updation of project details, utilities, infrastructure layers, clearances and other field-level information on the portal. He further emphasised that the platform must reflect the latest ground situation so that bottlenecks can be identified in advance, inter-agency coordination can be improved and decisions can be taken on the basis of reliable, real-time data.

Prime Minister reviewed TB Mukt Bharat Abhiyan and emphasised the need to leverage latest digital technologies including Artificial Intelligence. He suggested a team of NCC cadets and MY Bharat volunteers, for awareness, patient follow-up and community mobilisation.

Prime Minister also reviewed grievances related to Cyber Crime and Digital Arrest. He expressed concern over the rising misuse of digital platforms to defraud citizens and stressed that such matters require coordinated, sensitive and time-bound handling by all concerned agencies. He noted that citizens should not be made to run from one department or agency to another. He also emphasized the need for clear ownership, faster response, better coordination among law enforcement agencies, banks and digital platforms, and stronger public awareness campaigns.

Prime Minister observed that in cases involving cyber fraud, timely action is crucial to prevent financial loss and restore public confidence. He asked all stakeholders to work in close coordination to strengthen prevention, reporting, investigation and grievance redressal mechanisms. He also emphasised that States should work towards enabling e-Zero FIR mechanisms for faster registration and response in cyber fraud cases.