জুন ১৪,২০২৬ দা নিসতা ভিল্লা কেরিলোসতা প্রধান মন্ত্রী শ্রী নরেন্দ্র মোদীনা ফ্রান্সকী রাষ্ট্রপতি ইম্মান্যুল মেক্রোনগা লৈবাক অনিগী ওইবা হিরমশিংদা ৱারি শানখ্রে। চহি অসিগী অঙনবা শরুক্ত ইন্দিয়া-ফ্রান্সকী মরীশিং ‘স্পিসিএল গ্লোবেল ষ্ট্রাতেজিক পার্তনরশিপ’ কী থাক্ত পুখৎখ্রবা মতুংদা লুচিংবশিং উনবা হন্দক্কী অসিনা অহানবনি।
লৈবাক অনিগী মরীশিংগী তোঙান তোঙানবা হিরমশিং কোনশিন্দুনা লুচিংবশিংনা য়াম্না কুপ্না ৱারি শানখি। হিরম খুদিংমক্ত লৈবাক অনিগী দিফেন্সকী লমদা পুন্না থবক তৌমিন্নবা চাউখৎলকপা অমসুং মরা চেৎশিনবদা মখোয়না অপেনবা ফোঙদোকখি অমসুং দিফেন্স প্লেতফোর্মশিং অমসুং অৱাংবা থাক্কী তেক্নোলোজিশিংগী কো-দিজাইন, কো-দিবলপমেন্ত অমসুং কো-প্রদক্সন্দা মসিনা মখা তানা মীৎয়েং চঙবদা মখোয় য়ানরে। স্পেসকী লমদা মতম কয়াগী মমাঙগী মতেং পাংনরকপা অদু লুচিংবা অনিমক্না খঙখি অমসুং স্পেসতা মীওইবা চৎনবা অমসুং স্পেসকী ফিবমশিং খঙনবগী মখা তানা পুন্না থবক তৌমিন্ননবা খন্নখি। স্পেসকী লমদা প্রাইভেদ সেক্তর পুন্না থবক তৌমিন্নবা হেনগৎহন্নবা লম্বীশিংসু মখোয়না খন্নখি। সিবিল ন্যুক্লিয়ার ইনর্জিগী মতাংদা, অপীকপা অমসুং এদভান্স মোদুলার রিয়েক্তরশিং য়াওনা পুন্না থবক তৌমিন্ননবা অনৌবা খুদোংচাবশিং ভারতনা শান্তি এক্তনা পীরে হায়না মখোয়না ফোঙদোকখি।
হোরাইজন ২০৪৭ রোদমেপকী মখাদা খুমাঙচাউশিনবা হন্না য়েংশিল্লদুনা, শেন-থুম ফগৎহনবা, তেক্নোলোজি অমসুং ইন্নোবেসন, তেলেন্ত মোবিলিতি অমসুং মীগা মীগা চৎথোক-চৎশিন তৌনবা অমসুং নাৎকী থৌরমশিং পাংথোকপগী হিরমশিংদা লৈবাক অনিগী মরীশিং ফগৎনবা অমসুং মখল য়ামহন্নবা অনৌবা ৱাখল্লোনশিং লুচিংবা অনিমক্না ফোঙদোক্নখি। হিরম অসিগী মতাংদা, লৈবাক অনিগী ললোন-ইতিক লেপ্তনা চাউখৎলক্লিবা অসি মখোয়না খঙখি অমসুং চহি ৫ দা মসি শরুক অনি হেনগৎহন্নবা অৱাংবা থাক্কী থবক অমা পায়খৎপদা মখোয়না য়ানরে। লৈবাক অনিগী ললোন-ইতিক অমসুং শেন থাদবদা অঙকপা খুদোংচাবা অমা পীগদবা, ইন্দিয়া-ই.য়ু ফ্রি ত্রেদ এগ্রিমেন্ত অথুবা মতমদা থবক ওইনা পায়খৎনবা মখোয়না তকশিনখি। কানপুরদা এরোনোতিক্সকী সেন্তর ওফ এক্সলেন্স ফোর স্কিল্লিং অমা লিংখৎনবা এগ্রিমেন্ত মখোয়না তরাম্না ওকখ্রে। ইকোনোমিক সেকুরিতিগী দাইলোগ অমা লিংখৎপদা মখোয়না তরাম্না ওকখি, মরুওইবা মিনরেলশিং য়াওনা সপ্লাই চেন রিসিলিয়েন্স ফগৎহনবদা লুচিংবা অনিমক্না য়ানরে।
লৈবাক অনিগী মরীদা ইন্নোবেসন অমসুং তেক্নোলোজিগী মরুওইবা থৌদাং খঙলদুনা, মতম শাংনা পুন্না থবক তৌমিন্ননবা “ইন্নোবেসন রোদমেপ ২০৩০” অমা নাকল অনিনা চৎনরে। এ.আইগী লমদা পুন্না থবক তৌমিন্নবা হেনগৎহন্নবা লুচিংবা অনিমক্না খন্নখ্রে অমসুং মসিগীদমক জোইন্ত ইন্দিয়া-ফ্রান্স এ.আই ৱার্কিং গ্রুপ অমা লিংখৎপদা য়ানরে। লুচিংবশিংনা নিসতা পুন্না ভারত ইন্নোবেতস হৌদোকখি অমসুং পেরিসতা পাংথোক্কদৌরিবা ভিবাতেক্ত প্রধান মন্ত্রীনা শরুক য়াগদৌরিবা অসিনা মরুওইবা তেক্নোলোজি, সেমিকন্দক্তরশিং, এগ্রি-তেক, মেদ-তেক, রিন্যুএবল ইনর্জি, দিফেন্স অমসুং স্পেসগুম্বা হিরমশিংদা লৈবাক অনিগী মরক্ত পুন্না থবক তৌমিন্নবা মখা তানা ফগৎহনগনি। ফ্রান্সতা মখা তানা য়ু.পি.আই শীজিন্নবা হেনগৎলকপা অমসুং লৈবাক অনিমক্কী ইন্নোবেসনগী থবকশিংদা ইন্সতিতুসনশিংগী মরক্ত এগ্রিমেন্ত ১৯ খুৎয়েক পীনবদা লুচিংবা অনিমক্না তরাম্না ওকখ্রে।
মীগা-মীগা লৈনবা মরীশিং ফগৎহনবগী মরুওইবা লুচিংবশিংনা খন্নখ্রে। হিরম অসিগী মতাংদা, ফ্রেঞ্চ এয়রপোর্তশিংদা ভারতমচাশিংগীদমক ভিসা-ফ্রি ত্রান্সিৎকী থবক য়াংনা পায়খৎপদা প্রধান মন্ত্রীনা রাষ্ট্রপতি মেক্রোন থাগৎপা ফোঙদোকখ্রে। লৈবাক অনিগী মরক্ত হৈথোই-শিংথোইবা মীওইশিং অমসুং মহৈরোয়শিং চৎথোক-চৎশিন তৌবা হেনগৎহন্নবা লম্বীশিং অঙমসুং লৈবাক অমনা অমগী মহৈ-মশিংগী ক্বালিফিকেসনশিং মশক খঙবা হেনগৎহন্নবা লম্বীশিং মখোয়না মখা তানা খন্নখ্রে। অনৌবা ইজুকেসন পোলিসিগী মখাদা ভারত্ত কেম্পসশিং হাংদোক্নবা প্রধান মন্ত্রীনা ফ্রেঞ্চ য়ুনিভর্সিতিশিংদা খঙহনখি। লোথালগী নেসনেল মেরিতাইম হেরিতেচ ম্যুজিয়ম য়াওনা, ম্যুজিয়মশিং অমসুং নাৎকী মহৈলোয়শঙশিংগী মরক্ত পুন্না থবক তৌমিন্নবা হেনগৎহনবদা লুচিংবশিংনা য়ানরে।
নোংচুপ এসিয়া অমসুং য়ুক্রেনগী ফিবম য়াওনা, মালেমগী মরুওইবা ৱাফমশিংগী মতাংদা লুচিংবশিংনা মখোয়গী ৱাখল্লোনশিং ফোঙদোক্নখি। ইভিয়ান্দা পাংথোক্কদৌরিবা জি-৭ মীফম শরুক য়ানবা প্রধান মন্ত্রীনা থাজবা পীখি অমসুং মীফম অদু ফাওবদা ভারতকা লোয়ননা খন্ন-নৈনবা পাংথোকপগীদমক রাষ্ট্রপতি থাগৎপা ফোঙদোকখি।
-
লৈবাক অনিগী মীয়ামগী মখা তানা খুদোংচাবশিং পীনবা অমসুং মালেমগী শান্তি, তংদু-লৈতাবা অমসুং নুংঙাই য়াইফবা হেন্না পুরক্নবা ইন্দিয়া-ফ্রান্স স্পিসিয়েল গ্লোবেল ষ্ট্রাতেজিক পার্তনরশিপকী মরুওইবা লুচিংবা অনিমক্না অমুক হন্না খন্নখ্রে।
ভারতকী জয়পুরদা নুমিৎ ১০ গী আর্ত রেসিদেন্সিদা ফ্রেঞ্জ কলাকার থিবাউল্ত দে লা লেন্স অমসুং থিওফাইল দে বাসচেরনা য়েকখিবা লাইশিং থবকশিং প্রধান মন্ত্রী অমসুং রাষ্ট্রপতি মেক্রোনসু য়েংখ্রে। কলাকারশিংনা ভারতকী হেরিতেচতগী ইথিল ফংখি অমসুং ভারত অমসুং ফ্রান্সকী নাৎকী ইতিনফম অদু ফজরবা কলাগী থবকশিংদা মমি তাখি।
ৱারি শানরবা মতুংদা, প্রধান মন্ত্রী ইকায়খুম্নবা উৎপা ওইনা রাষ্ট্রপতি মেক্রোন্না চাক্লেন অমা লাংখি।
Today’s talks with my friend, President Macron were exceptionally productive. Considering the longstanding friendship between our nations, we have decided to elevate our ties to a Special Global Strategic Partnership.
— Narendra Modi (@narendramodi) June 14, 2026
Our talks covered ways to deepen cooperation in key sectors… pic.twitter.com/u5qHR1f9Cz
India and France will keep working together to boost economic ties. The India-EU FTA provides unparalleled momentum in this regard. We are also launching an Economic Security Dialogue to ensure stronger supply chains in critical minerals and technology. Other areas where we will… pic.twitter.com/8B9FLRO2ep
— Narendra Modi (@narendramodi) June 14, 2026
Les entretiens d’aujourd’hui avec mon ami le Président Macron ont été exceptionnellement productifs. Au regard de l’amitié de longue date entre nos deux nations, nous avons décidé d’élever nos relations au rang de Partenariat stratégique global d’exception.
— Narendra Modi (@narendramodi) June 14, 2026
Nos échanges ont… pic.twitter.com/MtRO1m8q1W
L’Inde et la France continueront de travailler ensemble pour renforcer leurs liens économiques. L’accord de libre-échange Inde-UE offre à cet égard un élan sans précédent. Nous lançons également un Dialogue sur la sécurité économique afin de renforcer les chaînes… pic.twitter.com/Cd4TT7s2xf
— Narendra Modi (@narendramodi) June 14, 2026
