ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ୧୪ ଜୁନ୍ ୨୦୨୬ରେ ନିସ୍ ର ଭିଲା କେରିଲୋସ ଠାରେ ଫ୍ରାନ୍ସ ରାଷ୍ଟ୍ରପତି ମହାମହିମ ଶ୍ରୀ ଇମାନୁଏଲ ମାକ୍ରନଙ୍କ ସହ ଦ୍ୱିପାକ୍ଷିକ ଆଲୋଚନା କରିଛନ୍ତି । ଚଳିତ ବର୍ଷ ଆରମ୍ଭରେ ଭାରତ-ଫ୍ରାନ୍ସ ସମ୍ପର୍କକୁ ‘ସ୍ୱତନ୍ତ୍ର ରଣନୀତିକ ସହଭାଗିତା’ ସ୍ତରରେ ଉନ୍ନୀତ ହେବା ପରେ ଦୁଇ ନେତାଙ୍କ ଏହା ପ୍ରଥମ ସାକ୍ଷାତ ।
ଦୁଇ ନେତା ଦ୍ୱିପାକ୍ଷିତ ସମ୍ପର୍କର ବିଭିନ୍ନ ଦିଗକୁ ନେଇ ବ୍ୟାପକ ଆଲୋଚନା କରିଥିଲେ । ସେମାନେ ସମସ୍ତ କ୍ଷେତ୍ରରେ ଦ୍ୱିପାକ୍ଷିକ ପ୍ରତିରକ୍ଷା ସହଯୋଗର ଉକ୍ରୃଷ୍ଟ ଅଭିବୃଦ୍ଧି ଏବଂ ଗଭୀରତାରେ ସନ୍ତୋଷ ପ୍ରକାଶ କରିଥିଲେ ଏବଂ ପ୍ରତିରକ୍ଷା ପ୍ଲାଟଫର୍ମ ଏବଂ ଉନ୍ନତ ପ୍ରଯୁକ୍ତିର ସହ-ଡିଜାଇନ, ସହ-ବିକାଶ ଏବଂ ସହ-ଉତ୍ପାଦନ ଉପରେ ଧ୍ୟାନ ଦେଇ ଏହାକୁ ଆହୁରି ତୀବ୍ର କରିବାକୁ ସହମତ ହୋଇଥିଲେ । ଉଭୟ ନେତା ମହାକାଶ କ୍ଷେତ୍ରରେ ସହଯୋଗର ସମୃଦ୍ଧ ଐତିହ୍ୟକୁ ଉଲ୍ଲେଖ କରିଥିଲେ ଏବଂ ମାନବ ମହାକାଶ ଉଡ଼ାଣ ଏବଂ ମହାକାଶ ପରିସ୍ଥିତିଗତ ସଚେତନତାରେ ସହଯୋଗକୁ ଆହୁରି ଆଗକୁ ବଢ଼ାଇବା ଉପରେ ଆଲୋଚନା କରିଥିଲେ । ସେମାନେ ମହାକାଶରେ ଘରୋଇ କ୍ଷେତ୍ର ସହଯୋଗକୁ ବିସ୍ତାର କରିବାର ଉପାୟ ଗୁଡ଼ିକ ଉପରେ ମଧ୍ୟ ଆଲୋଚନା କରିଥିଲେ । ବେସାମରିକ ପରମାଣୁ ଶକ୍ତିରେ, ସେମାନେ ଉଲ୍ଲେଖ କରିଥିଲେ ଯେ ଭାରତର ଶାନ୍ତି ଆଇନ କ୍ଷୁଦ୍ର ଉନ୍ନତ ମଡୁ୍ୟଲାର ରିଆକ୍ଟର ସମେତ ସହଯୋଗ ପାଇଁ ନୂତନ ସୁଯୋଗ ସୃଷ୍ଟି କରେ ।
ହରାଇଜନ ୨୦୪୭ ରୋଡମ୍ୟାପ୍ ଅନ୍ତର୍ଗତ ପ୍ରଗତିର ସମୀକ୍ଷା କରି, ଉଭୟ ନେତା ଆର୍ଥିକ ଅଭିବୃଦ୍ଧି, ପ୍ରଯୁକ୍ତିବିଦ୍ୟା ଏବଂ ନବସୃଜନ, ପ୍ରତିଭା ଗତିଶୀଳତା ଏବଂ ଜନସାଧାରଣଙ୍କ ମଧ୍ୟରେ ଏବଂ ସାଂସ୍କୃତିକ ଆଦାନପ୍ରଦାନ କ୍ଷେତ୍ରରେ ଦ୍ୱିପାକ୍ଷିକ ସଂପର୍କକୁ ମଜବୁତ ଏବଂ ବିବିଧ କରିବା ପାଇଁ ଠୋସ୍ ଚିନ୍ତାଧାରା ମଧ୍ୟ ଆଦାନପ୍ରଦାନ କରିଥିଲେ । ଏହି ପରିପ୍ରେକ୍ଷୀରେ, ସେମାନେ ଦ୍ୱିପାକ୍ଷିକ ବାଣିଜ୍ୟରେ ସ୍ଥିର ଅଭିବୃଦ୍ଧିକୁ ଉଲ୍ଲେଖ କରିଥିଲେ ଏବଂ ପାଞ୍ଚ ବର୍ଷ ମଧ୍ୟରେ ଏହାକୁ ଦ୍ୱିଗୁଣିତ କରିବା ପାଇଁ ଏକ ଉଚ୍ଚସ୍ତରୀୟ ପ୍ରଯୁକ୍ତିବିଦ୍ୟା ସ୍ଥାପନ କରିବାକୁ ରାଜି ହୋଇଥିଲେ । ସେମାନେ ଭାରତ-ୟୁରୋପୀୟ ସଂଘ ମୁକ୍ତ-ବାଣିଜ୍ୟ ଚୁକ୍ତିନାମାର ଶୀଘ୍ର କାର୍ଯ୍ୟକାରୀ କରିବାକୁ ଆହ୍ୱାନ କରିଥିଲେ, ଯାହା ଦ୍ୱିପାକ୍ଷିକ ବାଣିଜ୍ୟ ଏବଂ ନିବେଶକୁ ବିସ୍ତାର କରିବାର ଏକ ଅନନ୍ୟ ସୁଯୋଗ ପ୍ରଦାନ କରେ । ନେତାମାନେ କ୍ଷୁଦ୍ର ଓ କ୍ଷୁଦ୍ର ଶିଳ୍ପ, ବିମାନ ଚଳାଚଳ ଏବଂ ରେଳ କ୍ଷେତ୍ରରେ ସହଯୋଗ ବୃଦ୍ଧି କରିବାର ଉପାୟ ଉପରେ ମଧ୍ୟ ଆଲୋଚନା କରିଥିଲେ । ସେମାନେ କାନପୁରରେ ଏରୋନଟିକ୍ସରେ ଦକ୍ଷତା ପାଇଁ ଏକ ଉକ୍ରର୍ଷ କେନ୍ଦ୍ର ପ୍ରତିଷ୍ଠା ପାଇଁ ଚୁକ୍ତିନାମାକୁ ସ୍ୱାଗତ କରିଥିଲେ । ଆର୍ଥିକ ସୁରକ୍ଷା ଉପରେ ଏକ ଆଲୋଚନା ସ୍ଥାପନକୁ ସ୍ୱାଗତ କରି, ଉଭୟ ନେତା ଯୋଗାଣ ଶୃଙ୍ଖଳା ସ୍ଥିରତାକୁ ସୁଦୃଢ଼ କରିବାକୁ ରାଜି ହୋଇଥିଲେ, ବିଶେଷ କରି ଗୁରୁତ୍ୱପୂର୍ଣ୍ଣ ଖଣିଜ ପଦାର୍ଥରେ ।
ଦ୍ୱିପାକ୍ଷିକ ସଂପର୍କରେ ନବସୃଜନ ଏବଂ ପ୍ରଯୁକ୍ତିର ପ୍ରମୁଖ ଭୂମିକାକୁ ସ୍ୱୀକାର କରି, ଉଭୟ ପକ୍ଷ ସହଭାଗିତାକୁ ଏକ ଦୀର୍ଘକାଳୀନ ଦିଗ ଦେବା ପାଇଁ ଏକ ‘ଇନୋଭେସନ ରୋଡମ୍ୟାପ୍-୨୦୩୦’ ଗ୍ରହଣ କରିଥିଲେ । ଉଭୟ ନେତା କୃତ୍ରିମ ବୁଦ୍ଧିମତା ଉପରେ ସହଯୋଗ ବିସ୍ତାର କରିବା ପ୍ରସଙ୍ଗରେ ଆଲୋଚନା କରିଥିଲେ ଏବଂ ଏହି ଉଦେ୍ଦଶ୍ୟରେ ଏକ ମିଳିତ ଭାରତ-ଫ୍ରାନ୍ସ ଏଆଇ କାର୍ଯ୍ୟଗୋଷ୍ଠୀ ସୃଷ୍ଟି କରିବାକୁ ରାଜି ହୋଇଥିଲେ । ନେତୃବୃନ୍ଦଙ୍କ ଦ୍ୱାରା ନିସ୍ ରେ ଭାରତ ଇନୋଭେଟସର ମିଳିତ ଉଦଘାଟନ ଏବଂ ପ୍ୟାରିସର ଭିଭାଟେକରେ ପ୍ରଧାନମନ୍ତ୍ରୀଙ୍କ ଆଗାମୀ ଅଂଶଗ୍ରହଣ ଡିପ୍-ଟେକ ସେମିକଣ୍ଡକ୍ଟର, କୃଷି-ଟେକ୍, ମେଡ-ଟେକ୍,ନବୀକରଣୀୟ ଶକ୍ତି, ପ୍ରତିରକ୍ଷା ଏବଂ ମହାକାଶ ଭଳି କ୍ଷେତ୍ରରେ ଦୁଇ ଦେଶ ମଧ୍ୟରେ ସହଭାଗୀତାକୁ ଆହୁରି ମଜବୁତ କରିଛି । ଉଭୟ ନେତା ଫ୍ରାନ୍ସରେ ୟୁପିଆଇର ନିରନ୍ତର ସଂପ୍ରସାରଣ ଏବଂ ଉଭୟ ଦେଶର ନବସୃଜନ ଇକୋସିଷ୍ଟମରେ ସଂସ୍ଥାଗୁଡ଼ିକ ମଧ୍ୟରେ ୧୯ଟି ଚୁକ୍ତି ସ୍ୱାକ୍ଷରକୁ ପ୍ରଶଂସା କରିଛନ୍ତି ।
ଦୁଇ ନେତା ଜନସାଧାରଣଙ୍କ ମଧ୍ୟରେ ସମ୍ପର୍କ ବୃଦ୍ଧି ଉପରେ ଗୁରୁତ୍ୱାରୋପ କରିଥିଲେ । ଏହି ପରିପ୍ରେକ୍ଷୀରେ, ପ୍ରଧାନମନ୍ତ୍ରୀ ଫ୍ରାନ୍ସ ବିମାନବନ୍ଦରରେ ଭାରତୀୟ ନାଗରିକଙ୍କ ପାଇଁ ଭିସାମୁକ୍ତ ପରିବହନର ଦ୍ରୁତ କାର୍ଯ୍ୟକ୍ଷମତା ପାଇଁ ରାଷଟ୍ରପତି ମାକ୍ରନଙ୍କୁ ଧନ୍ୟବାଦ ଜଣାଇଥିଲେ । ସେମାନେ ଦୁଇ ଦେଶ ମଧ୍ୟରେ ପ୍ରତିଭା ଏବଂ ଛାତ୍ରଙ୍କ ଗତିଶୀଳତା ବୃଦ୍ଧି ଏବଂ ଶିକ୍ଷାଗତ ଯୋଗ୍ୟତାର ପାରସ୍ପରିକ ସ୍ୱୀକୃତିକୁ ବିସ୍ତାର କରିବା ପାଇଁ ଅଧିକ ଆଲୋଚନା କରିଥିଲେ । ପ୍ରଧାନମନ୍ତ୍ରୀ ନୂତନ ଶିକ୍ଷାନୀତି ଅନୁଯାୟୀ ଭାରତରେ କ୍ୟାମ୍ପସ ଖୋଲିବା ପାଇଁ ଫ୍ରାନ୍ସର ବିଶ୍ୱବିଦ୍ୟାଳୟଗୁଡ଼ିକୁ ଆମନ୍ତ୍ରଣ କରିଥିଲେ । ନେତାମାନେ ଲୋଥାଲରେ ଜାତୀୟ ସାମୁଦ୍ରିକ ଐତିହ୍ୟ କଂପ୍ଲେକ୍ସ ସମେତ ସଂଗ୍ରହାଳୟ ଏବଂ ସାଂସ୍କୃତିକ ପ୍ରତିଷ୍ଠାନ ମଧ୍ୟରେ ସହଯୋଗ ବୃଦ୍ଧି କରିବାକୁ ମଧ୍ୟ ସହମତ ହୋଇଥିଲେ ।
ନେତାମାନେ ପଶ୍ଚିମ ଏସିଆ ଏବଂ ୟୁକ୍ରେନର ପରିସ୍ଥିତି ସମେତ ବୈଶ୍ୱିକ ଗୁରୁତ୍ୱପୂର୍ଣ୍ଣ ପ୍ରସଙ୍ଗ ଗୁଡ଼ିକ ଉପରେ ଦୃଷ୍ଟିକୋଣ ଆଦାନପ୍ରଦାନ କରିଥିଲେ । ପ୍ରଧାନମନ୍ତ୍ରୀ ମିଣ୍ଟର ଇଭିଆନରେ ଆଗାମୀ ଜି-୭ ଶିଖର ସମ୍ମିଳନୀରେ ଅଂଶଗ୍ରହଣ କରିବାକୁ ଅପେକ୍ଷା କରିଥିଲେ ଏବଂ ଶିଖର ସମ୍ମିଳନୀ ପୂର୍ବରୁ ଭାରତକୁ ଗୁରୁତ୍ୱପୂର୍ଣ୍ଣ ଆଲୋଚନାରେ ସାମିଲ କରିବା ପାଇଁ ମାକ୍ରନଙ୍କୁ ଧନ୍ୟବାଦ ଜଣାଇଥିଲେ ।
-
ଉଭୟ ନେତା ଦୁଇ ଦେଶର ଲୋକଙ୍କ ପାଇଁ ଅଧିକ ସୁଯୋଗ ସୃଷ୍ଟି କରିବା ଏବଂ ଅନ୍ତର୍ଜାତୀୟ ଶାନ୍ତି, ସ୍ଥିରତା ଏବଂ ସମୃଦ୍ଧିକୁ ଆଗକୁ ବଢ଼ାଇବା ପାଇଁ ଭାରତ-ଫ୍ରାନ୍ସ ସ୍ୱତନ୍ତ୍ର ବିଶ୍ୱ ରଣନୈତିକ ସହଭାଗିତାର ଗୁରୁତ୍ୱକୁ ପୁନର୍ବାର ଦୋହରାଇଥିଲେ ।
ପ୍ରଧାନମନ୍ତ୍ରୀ ଏବଂ ରାଷ୍ଟ୍ରପତି ମାକ୍ରନ ଭାରତର ଜୟପୁରରେ ସେମାନଙ୍କର ୧୦ ଦିନିଆ କଳା ନିବାସ ସମୟରେ ଫରାସୀ କଳାକାର ଶ୍ରୀ ଥିବଲ୍ଟ ଡି ଲାନ୍ସ ଏବଂ ଶ୍ରୀ ଥିଓଫାଇଲ ଡି ବାସରଙ୍କ ଦ୍ୱାରା ସୃଷ୍ଟି ହୋଇଥିବା କାର୍ଯ୍ୟ ମଧ୍ୟ ଦେଖିଥିଲେ । କଳାକାରମାନେ ଭାରତୀୟ ଐତିହ୍ୟ ଏବଂ ସୌନ୍ଦର୍ଯ୍ୟରୁ ପ୍ରେରଣା ପାଇଥିଲେ ଯାହା ଫଳରେ ଭାରତ ଏବଂ ଫ୍ରାନ୍ସର ସାଂସ୍କୃତିକ ସଂଗମକୁ ପ୍ରତିଫଳିତ କରୁଥିବା କାର୍ଯ୍ୟ ସୃଷ୍ଟି ହୋଇଥିଲା ।
ଆଲୋଚନା ପରେ ରାଷ୍ଟ୍ରପତି ମାକ୍ରନ ପ୍ରଧାନମନ୍ତ୍ରୀ ମୋଦିଙ୍କ ସମ୍ମାନାର୍ଥେ ଏକ ମଧ୍ୟାହ୍ନ ଭୋଜନ ଆୟୋଜନ କରିଥିଲେ ।
Today’s talks with my friend, President Macron were exceptionally productive. Considering the longstanding friendship between our nations, we have decided to elevate our ties to a Special Global Strategic Partnership.
— Narendra Modi (@narendramodi) June 14, 2026
Our talks covered ways to deepen cooperation in key sectors… pic.twitter.com/u5qHR1f9Cz
India and France will keep working together to boost economic ties. The India-EU FTA provides unparalleled momentum in this regard. We are also launching an Economic Security Dialogue to ensure stronger supply chains in critical minerals and technology. Other areas where we will… pic.twitter.com/8B9FLRO2ep
— Narendra Modi (@narendramodi) June 14, 2026
Les entretiens d’aujourd’hui avec mon ami le Président Macron ont été exceptionnellement productifs. Au regard de l’amitié de longue date entre nos deux nations, nous avons décidé d’élever nos relations au rang de Partenariat stratégique global d’exception.
— Narendra Modi (@narendramodi) June 14, 2026
Nos échanges ont… pic.twitter.com/MtRO1m8q1W
L’Inde et la France continueront de travailler ensemble pour renforcer leurs liens économiques. L’accord de libre-échange Inde-UE offre à cet égard un élan sans précédent. Nous lançons également un Dialogue sur la sécurité économique afin de renforcer les chaînes… pic.twitter.com/Cd4TT7s2xf
— Narendra Modi (@narendramodi) June 14, 2026
