সেপ্তেম্বর ১০,২০২৩ দা নিউ দিল্লিদা জি-২০ মীফম নাকলদা প্রধান মন্ত্রী শ্রী নরেন্দ্র মোদীনা কোমোরসগী রাস্ত্রপতি অজালি অসাউমনি উনখ্রে।
জি-২০দা অফ্রিকান য়ুনিয়ন লেংদবা মেম্বর অমা ওইনবা মহাক্না হোৎনখিবা থবকশিংগীদমক রাস্ত্রপতি অসাউমনিনা প্রধান মন্ত্রী থাগৎপা ফোঙদোকখি। থবক অসি ভারতনা জি-২০গী প্রসিদেন্ত ওইবা মতমদা পাংথোকপগীদমক মহাক্না হরাওবা ফোঙদোকখি অমসুং ভারতকী থৌদাং অমসুং লৈবাক অসিগা অফ্রিকাগা লৈনবা মরীশিং পনখি। মসিনা ভারতক কোমোরোসগা লৈনবা মরী ফগৎহল্লগনি হায়না মহাক্না ফোঙদোকখি। ভারতনা মাইপাক্না জি-২০গী প্রসিদেন্ত ওইবদা মহাক্না প্রধান মন্ত্রী থাগৎপা ফোঙদোকখি।
অফ্রিকান য়ুনিয়ন অমসুং কোমোরোসনা জি-২০ শরুক য়াবদা প্রধান মন্ত্রীনা থাগৎপা ফোঙদোকখি অমসুং গ্লোবেল সাউথকী খোল্লাউ তানবা ভারতনা হোৎনখিবশিং ফোঙদোকখি অমসুং ভারতনা জনুৱারি ২০২৩দা ভোইস ওফ গ্লোবেল সাউথ সম্মিৎ পাংথোকখিবা অদু নিংশিংখি।
লুচিংবা অনিনা লৈবাক অনিগী মরক্তা লৈনরিবা মরীশিং খন্নখি। মেরিতাইম সেকুরিতি, কেপাসিতি বিল্দিং অমসুং চাউখৎ-থৌরাং য়াওনা হিরম কয়াদা মতেং পাংননবা খুদোংচাবশিং মখোয়না খন্নখি অমসুং হিরম কয়াদা হৌজিক পায়খৎলিবা থবকশিংদা অপেনবা ফোঙদোকখি।
Had a very fruitful meeting with @PR_AZALI. Congratulated him once again on @_AfricanUnion joining the G20 family. Comoros is vital to India’s SAGAR Vision. Our deliberations included ways to enhance cooperation in areas like shipping, trade and more. pic.twitter.com/Zd4Nbm7YvZ
— Narendra Modi (@narendramodi) September 10, 2023
