য়োর এক্সিলেন্সী,
ঐগী মরুপ,
চাঞ্চেল্লর ফ্রেদরিজ মর্জ, লৈবাক অনিমক্কী দেলিগেৎশিং, মীদিয়াগী মরুপশিং,
খুরুমজরি! গুতন দাগ!
ঙসি স্বামী বিবেকানন্দ জয়েন্তীগী থৌরমদা চেঞ্চেল্লর মর্জবু তরাম্না ওকপা অসি ঐহাক্কীদমক্তা অখন্নবা নুংঙাইবা অমনি। ভারত অমসুং জর্মনীগী মরক্তা ফিলোসোফী, লৌশিং অমসুং স্পিরিচুএলিতিগী থোং অসি স্বামী বিবেকানন্দনা মশামক্না শাখিবা অসি চানরুবা অমনি। অমসুং ঙসি, চাঞ্চেল্লর মর্জকী খোঙচৎ অসিনা থোং অদুদা অনৌবা ইনর্জী, নৌনা থাজবা অমসুং স্কোপ পীরি।
চাঞ্চেল্লর ওইনা, মসি মহাক্কী অহানবা ভারত খক্তা নত্তনা এসিয়াগী খোঙচৎনি। মসি ভারতকা লৈনরিবা মরীদা মহাক্কী মরুওইবা পীবগী মপাঙ্গল লৈরবা খুদম অমনি। মহাক্কী মীৎয়েং অমসুং থৌদাং অদুগীদমক ঐহাক্না মহাকপু থাগৎচরি। ভারতনা জর্মনীগা লোয়ননা মহাক্কী মরুপ-মপাং ওইবগী মরী অমসুং পার্তনরশিপ মখা তানা চেৎশিলহন্নবা মপুং ফানা লেপ্লি।
গুজরাত্তা ঐখোয়না হায়, ‘‘आवकारो मिठो आपजे रे” মসিগী ৱাহন্থোক্তি হরাও তয়াম্বা অমসুং নুংশিবগা লোয়ননা কনাগুম্বা অমবু তরাম্না ওকপা হায়বনি। চপ মান্নবা ৱাখল্লোনগা লোয়ননা ঐখোয়না চাঞ্চেল্লর মর্জপু ভারত্তা তরাম্না ওকচরি।
মরুপশিং,
চাঞ্চেল্লর মর্জকী খোঙচৎ অসি অখন্ননা মরু ওইবা মতম অমদা পাংথোক্লি। হৌখিবা চহিদা ঐখোয়না ঐখোয়গী স্ত্রেতেজিক পার্তনরশিপকী চহি ২৫ মপুং ফারকখি অমসুং চহি অসিদা ঐখোয়না ঐখোয়গী দিপ্লোমেতিক রিলেসনশিপকী চহি ৭৫শুবা কুমওনসু পাংথোক্লি। মাইলস্তোনশিং অসি মতমগী শেম্লিবশিং খক্তা নত্তে। মখোয় অসি ঐখোয়গী মান্নবা এম্বিসনশিং, অমগা অমগা থাজবা অমসুং লেপ্পা লৈতনা মপাঙ্গল কনখৎলক্লিবা কোওপরেসনগী খুদমশিংনি।
ভারত অমসুং জর্মনীগুম্বা লৈবাকশিংগী শেন্মিৎলোনগী মরক্তা নক্নবা মতেং পীনবা অসি মীওইবা খুন্নাইগীদমক্তা মরু ওই। হেনগৎলক্লিবা ললোন-ইতিক অমসুং ইনভেস্তমেন্তকী মরীশিংনা ঐখোয়গী স্ত্রেতেজিক পার্তনরশিপ অসিদা অনৌবা ইনর্জী পীরি। ঐখোয়গী নাকল অনিগী ওইবা ত্রেদ হৌজিক্তি খ্বাইদগী ৱাংবা থাক্তা য়ৌরে অমসুং দোল্লর বিল্লিয়ন ৫০গী ময়া য়ৌরে।
মতম শাংনা জর্মনগী কম্পনী লিশিং অনি হেন্না ভারত্তা লৈরি। মসিনা ভারত্তা মখোয়গী থাজবা অমসুং মফম অসিদা লৈরিবা অচৌবা খুদোংচাবশিং অদু উৎলি। মসি ঙসি অয়ুক ইন্দিয়া-জর্মনী সি.ই.ও. ফোরমদা উবা ফংখি।
মরুপশিং,
ভারত অমসুং জর্মনীগী মরক্তা তেক্নোলোজীগী লমদা তেংবাং পীনবা অসি চহি খুদিংগী হেন্না মপাঙ্গল কনখৎলক্লি অমসুং ঙসি মসিগী ইথিল অসি লমদা ময়েক শেংনা উবা ফংলে।
রিন্যুএবল ইনর্জীগী লমদা, ভারত অমসুং জর্মনীনা মান্নবা মরুওইবা পীরি। হীরম অসিদা মতেং পীনবা হেনগৎহন্নবা, ঐখোয়না ইন্দিয়া-জর্মনী সেন্তর ওফ এক্সেলেন্স লিংখৎনবা ৱারেপ লৌরে। মসিনা লৌশিং, তেক্নোলোজী অমসুং ইন্নোবেসনগীদমক্তা শেয়র তৌরবা প্লেতফোর্ম অমা ওইনা মথৌ তৌগনি।
ঐখোয়না ক্লাইমেৎ, ইনর্জী, অর্বান দিবেলপমেন্ত, অমসুং অর্বান মোবিলিতীগুম্বা হিরমশিংদা অনৌবা প্রোজেক্তশিং পুন্না পুখৎলি। লৈবাক অনিমক্কী কম্পনীশিং শরুক য়াবা গ্রীন হাইদ্রোজেনগী অনৌবা মেগা প্রোজেক্ত অসিনা তুংলমচৎকী ইনর্জীগীদমক গেম চেঞ্জর অমা ওইরগনি।
ভারত অমসুং জর্মনীনা সেক্যুর, থাজবা য়াবা অমসুং রেসিলিয়েন্ত সপ্লাই চেনশিং শেমগৎনবা পুন্না থবক তৌমিন্নরি। ঙসি খুৎয়েক পীনরিবা এম.ও.য়ু.শিং অসিনা ঐখোয়গী কোওপরেসন অসিদা অনৌবা ইনোৎ অমসুং শক্তি পীরগনি।
মরুপশিং,
ঙাকশেল অমসুং সেক্যুরিতীগী লমদা মতেং পীনবা হেনগৎলকপা অসি ঐখোয়গী অমগা অমগা থাজবা অমসুং অপুনবা মিৎয়েংগী খুদম অমনি। দিফেন্স ত্রেদকা মরী লৈনবা থৌওংশিং অসি লাইথোকহনবগীদমক ঐহাক্না চাঞ্চেল্লর মর্জতা থাগৎপা ফোংদোকচরি।
ঐখোয়না ঐখোয়গী দিফেন্স ইন্দস্ত্রীশিংগী মরক্তা তেংবাং পীনবা হেনগৎহন্নবা রোদমেপ অমদা থবক তৌগনি। মসিনা কো-দেবেলপমেন্ত অমসুং কো-প্রদক্সনগী অনৌবা খুদোংচাবশিং ফংহল্লগনি।
মরুপশিং,
ভারত অমসুং জর্মনীনা মীয়ামগী মরক্তা অচেৎপা অমসুং পুৱারীগী ওইবা মরী লৈনরি। রবীন্দ্রনাথ তেগোরগী থবকশিংনা জর্মনীগী ইন্তেলেকচুএল ৱার্ল্দদা অনৌবা মীৎয়েং অমা পীখি। স্বামী বিবেকানন্দগী ফিলোসোফীনা জর্মনী খক্তা নত্তনা য়ুরোপ পুম্বদা ইথিল পীখি। অমসুং মেদাম কামানা জর্মনীদা ভারতকী নীংতম্বগী ফিরাল ইহান হানবা ওইনা চীংখৎতুনা, ঐখোয়গী নীংতম্বগী অপাম্বা অসি মালেম্না শকখঙখি। ঙসিদি, ঐখোয়না পুৱারী ওইরবা মরী অসিবু মোদর্ন পার্তনরশিপকী মওং-মতৌ অমা পীরি।
মাইগ্রেসন, মোবিলিতী অমসুং স্কিলিং হেনগৎহনবদা অখন্নবা মীৎয়েং থম্লি। ভারতকী হৈথোই-শিংথোইরবা নহা ওইরিবা শিন্মীশিংনা জর্মনীগী শেন্মিৎলোনদা চাউনা শরুক তম্লি।
গ্লোবেল স্কিল্স পার্তনরশিপকী মতাংদা ঙসি থোকখিবা জোইন্ত দিক্লারেসন ওফ ইন্তেন্ত অসি থাজবা অসিগী খুদম অমনি। মসিনা মরুওইনা হেল্থকেয়র প্রোফেস্নেলশিংগী মোবিলিতীদা মতেং পাংগনি
ঙসি ঐখোয়না শান্ন-খোৎনবগী লমদা মতেং পীনবা হেনগৎহন্নবা অকনবা খোংথাং লৌখৎলে। মসিনা ঐখোয়গী নহারোলশিংবু শম্নহন্নবগী ইফেক্তিব ওইবা পাম্বৈ অমা ওইরগনি।
ঙসি ফোংখিবা হায়র এজুকেসনগী কমপ্রিহেন্সিব রোদমেপ অসিনা এজুকেসন সেক্তরদা ঐখোয়গী পার্তনরশিপ অসিদা অনৌবা মায়কৈ অমা পীগনি। ঐনা জর্মন য়ুনিভর্সিতীশিংবু ভারত্তা মখোয়গী কেম্পসশিং হাংনবা কৌজরি ।
ভারতকী নাগরিকশিংগীদমক ভিজা য়াওদনা চৎথোক-চৎশিন তৌবগী লাউথোকখিবা অসিগীদমক ঐহাক্না চাঞ্চেল্লর মর্জতা থাগৎপা ফোংদোকচরি। মসিনা ঐখোয়গী লৈবাক অনিগী মরক্তা লৈরিবা মীয়ামগী মরক্তা লৈনরিবা মরী অসি হেন্না মপাঙ্গল কনখৎহল্লগনি।
জর্মন মেরিতাইম ম্যুজিয়ম অসি গুজরাতকী লোথালদা শেমগৎলিবা নেস্নেল মেরিতাইম হেরিতেজ কমপ্লেক্সতা শরুক য়াবদা ঐহাক নুংঙাইবা ফাওই। মসি ঐখোয়গী লৈবাক অনিমক্কী সমুদ্রগী পুৱারীবু শম্নহল্লগদবা পুৱারী ওইরবা খোংথাং অমনি।
গুজরাত আয়ুর্বেদ য়ুনিভর্সিতীনা জর্মনীগা ত্রেদিস্নেল মেদিসিনগী লমদা নক্নবা মরী লৈনরি। ঙসি খুৎয়েক পীনরিবা এম.ও.য়ু. অসিনা মসিগী তেংবাং অসি হেন্না মপাঙ্গল কনখৎহল্লগনি।
মরুপশিং,
ভারত অমসুং জর্মনীনা মতম পুম্নমক্তা অমগা অমগা নক্ননা লেপমিন্নদুনা লাক্লি। ঐখোয়গী মরুপ-মপাং ওইবগী মপাঙ্গল অসি মালেমগী থাক্তা উবা ফংলি। ঘানা, কেমেরুন অমসুং মালাউইগুম্বা লৈবাকশিংদা পুন্না পায়খৎলিবা প্রোজেক্তশিংগী খুত্থাংদা ঐখোয়গী ত্রিলেতরেল দিবেলপমেন্ত পার্তনরশিপ অসি মালেমগী ওইনা মায় পাকপা মোদেল অমনি। ঐখোয়না গ্লোবেল সাউথকী চাউখৎ-থৌরাংদা মতেং পাংনবা পুন্না থবক তৌমিন্নগনি।
ইন্দো-পেসিফিক অসি লৈবাক অনিমক্তা অখন্নবা মরুওইবা পীরি। লমদম অসিদা ঐখোয়গী তেংবাং পীনবা হেনগৎহন্নবা, ঐখোয়না কন্সল্তেসন মেকানিজম অমা হৌদোক্লগনি।
ঙসি ঐখোয়না য়ুক্রেন অমসুং গাজা য়াওনা মালেমগী অমসুং লমদম অসিগী ওইবা ৱাফম কয়া কুপ্না খন্নখি। ভারতনা মতম পুম্নমক্তা প্রোব্লেমশিং অমসুং চয়েৎনবশিং ৱারোইশিন পুরক্নবা হোৎনরি অমসুং মসিগী মাইকৈ অসিদা হোৎনরিবা অসি পুম্নমকপু শৌগৎলি।
তেরোরিজম অসি মীওইবা খুন্নাইগীদমক অচৌবা খুদোংথীনি হায়না ঐখোয়না য়ানরি। ভারত অমসুং জর্মনীনা মসিগী মায়োক্তা পুন্না লেপ্পা লৈতনা লান্থেংমিন্নখিগনি।
মালেমগী ওইবা শিংনবশিং থেংননবা মালেমগী ওইবা ইন্সতিত্যুসনশিং শেমগৎপা অসি য়াম্না মরু ওই হায়না ভারত অমসুং জর্মনীনা য়ানখি। জি.৪ গ্রুপকী খুত্থাংদা য়ু.এন. সেক্যুরিতী কাউন্সিল শেমদোক্নবা ঐখোয়না পুন্না হোৎনরিবা অসি ঐখোয়গী মান্নবা থাজবগী খুদম অমনি।
এক্সিলেন্সী,
ভারত মচা বিলিয়ন ১.৪কী মায়কৈদগী ঐহাক্না অমুক হন্না অদোমবু ভারত্তা তরাম্না ওকচরি। ঙসিগী খন্ন-নৈনবনা ভারত-জর্মনীগী মরীদা অনৌবা ইনর্জী অমসুং ময়েক শেংবা মায়কৈ অমা পীগনি হায়না ঐনা থাজবা থম্লি।
অদোমগী খোঙচৎ, অদোমগী ওইবা তেংবাং অমসুং ভারতকা মরুপ ওইবগীদমক থাগৎপা ফোংদোকচরি।
দাকে চোন।
चांसलर मर्ज़ की ये यात्रा एक विशेष समय पर हो रही है।
— PMO India (@PMOIndia) January 12, 2026
पिछले वर्ष हमने अपनी रणनीतिक साझेदारी के 25 वर्ष पूरे किए और इस वर्ष हम अपने राजनयिक संबंधों के 75 वर्ष भी मना रहे हैं।
ये milestones केवल समय की उपलब्धियाँ नहीं हैं, ये हमारी साझा महत्वाकांक्षाओं, परस्पर विश्वास और निरंतर…
भारत और जर्मनी जैसे देशों की अर्थव्यवस्थाओं के बीच करीबी सहयोग पूरी मानवता के लिए महत्वपूर्ण है।
— PMO India (@PMOIndia) January 12, 2026
बढ़ते व्यापार और निवेश संबंधों ने हमारे strategic partnership को नई ऊर्जा दी है: PM @narendramodi
भारत और जर्मनी के बीच technology सहयोग प्रति वर्ष मजबूत हुआ है और आज इसका प्रभाव ground पर स्पष्ट रूप से दिखाई देता है।
— PMO India (@PMOIndia) January 12, 2026
Renewable Energy के क्षेत्र में भारत और जर्मनी की प्राथमिकताएँ समान हैं: PM @narendramodi
रक्षा और सुरक्षा में बढ़ता सहयोग हमारे आपसी भरोसे और साझी सोच का प्रतीक है।
— PMO India (@PMOIndia) January 12, 2026
रक्षा व्यापार से जुड़ी प्रक्रियाओं को सरल बनाने के लिए मैं चांसलर मर्ज़ का हृदय से आभार व्यक्त करता हूँ।
हम रक्षा उद्योगों के बीच सहयोग बढ़ाने के लिए एक रोडमैप पर भी काम करेंगे, जिससे co-development और…
भारत और जर्मनी के बीच ऐतिहासिक और गहरे people-to-people ties हैं।
— PMO India (@PMOIndia) January 12, 2026
रवीन्द्रनाथ टैगोर की रचनाओं ने जर्मनी के बौद्धिक जगत को नई दृष्टि दी।
स्वामी विवेकानंद की विचारधारा ने जर्मनी सहित पूरे यूरोप को प्रेरित किया।
और मैडम कामा ने जर्मनी में पहली बार भारत की आज़ादी का ध्वज फहराकर,…
आज Higher Education पर बना Comprehensive Roadmap शिक्षा के क्षेत्र में हमारी साझेदारी को नई दिशा देगा।
— PMO India (@PMOIndia) January 12, 2026
मैं जर्मन विश्वविद्यालयों को भारत में अपने campus खोलने का आमंत्रण देता हूँ: PM @narendramodi
आज हमने यूक्रेन और गाज़ा सहित कई वैश्विक और क्षेत्रीय मुद्दों पर विस्तार से चर्चा की।
— PMO India (@PMOIndia) January 12, 2026
भारत सभी समस्याओं और विवादों के शांतिपूर्ण समाधान का पक्षधर रहा है और इस दिशा में किए जा रहे सभी प्रयासों का समर्थन करता है: PM @narendramodi
हम एकमत हैं कि आतंकवाद पूरी मानवता के लिए एक गंभीर खतरा है।
— PMO India (@PMOIndia) January 12, 2026
भारत और जर्मनी इसके विरुद्ध एकजुट होकर पूरी दृढ़ता से लड़ाई जारी रखेंगे: PM @narendramodi
भारत और जर्मनी सहमत हैं कि Global challenges से निपटने के लिए Global institutions में सुधार अत्यंत महत्वपूर्ण है।
— PMO India (@PMOIndia) January 12, 2026
UN Security Council में सुधार के लिए G4 के माध्यम से हमारा संयुक्त प्रयास इसी सोच का प्रमाण है: PM @narendramodi
