প্রধান মন্ত্রী, শ্রী নরেন্দ্র মোদীনা ঙসি ভিদিও কনফরেন্সকী থোংদা বিশাখপতনমগা সিকন্দরাবাদকা শম্নহল্লিবা ভন্দে ভারত এক্সপ্রেস ত্রেন লমথাখ্রে। ত্রেন অসি ইন্দিয়ন রেলৱেজনা চেলহনখিবা নিপালশুবা ভন্দে ভারত এক্সপ্রেস ওইরগনি অমসুং অশাংবা কিমি ৭০০ কোনশিন্দুনা তেলুগু ঙাংবা রাজ্য অনি, তেলঙ্গানা অমসুং আন্ধ্র প্রদেশ শম্নহল্লিবা অহানবা ওইরগনি। মসিনা আন্ধ্র প্রদেশকী বিশাখপতনম, রাজামুনদ্রী অমসুং বিজয়ৱাদা স্তেসনশিংদা অমসুং তেলঙ্গানাগী খম্মম, ৱারঙ্গল অমসুং সিকন্দরাবাদ স্তেসনশিংদা খামগনি।
থৌরম অদুদা ৱা ঙাংলদুনা প্রধান মন্ত্রীনা কুহ্মৈশিংগী মতাংদা ফোঙদোকখি অমসুং য়াইফরবা নুমিৎ অসিদা তেলঙ্গানা অমসুং আন্ধ্র প্রদেশনা অচৌবা খুদোল অমা ফংলি মসিনা আন্ধ্র প্রদেশ অমসুং তেলঙ্গানাগী অপুনবা হেরিতেজ অসি শম্নহল্লগনি। মহাক্না থৌরম অসিদা রাজ্য অনিগী মীয়ামদা নুংঙাইবা ফোঙদোকখি। মহাক্না আর্মী দেনা লাকপদা আর্মদ ফোর্সশিংদা ইকাই খুম্নবা উৎখি অমসুং হায়খি মদুদি ইন্দিয়ন আর্মী অসি মখোয়গী থৌনা-লিংজেল অমসুং প্রোফেসনেলিজমগীদমক খঙনৈ।
লৈবাক্কী শরুক পুম্নমক মরী লৈনহল্লিবা কুহ্মৈশিংগী মতাংদা মখা তারদুনা প্রধান মন্ত্রীনা হায়খি ভারতকী ইন্দিয়ন রেলৱেজনা এক ভারত শ্রেস্থ ভারতকী ৱাখল্লোন্দা লৈবাক্কী তোঙান-তোঙানবা শরুকশিং ভাব তানবা, খঙনবা অমসুং শম্নহন্নবা খুদোংচাবা পীদুনা লৈবাক্কী কাচিন-কোয়া ফাওদুনা চৎতুনা শম্নহল্লি।
প্রধান মন্ত্রীনা হায়খি মদুদি ভন্দে ভারত এক্সপ্রেসনা তীর্থ য়াত্রা চৎপা মীওইশিং অমসুং লমকোইবশিং অনিমক্তা চাউনা কান্নবা পীরগনি অমসুং সিকন্দরাবাদ অমসুং বিশাখপতনমগী মরক্তা চৎথোক-চৎশিন তৌবগী মতম হেন্না হন্থহল্লগনি।
“ভন্দে ভারত অসি অনৌবা ভারতকী তৌবা ঙম্বা অমসুং ফিরেপকী খুদম অমনি”, প্রধান মন্ত্রীনা মখা তারদুনা হায়, “মসি খোঙজেল য়াংনা চাউখৎপগী লম্বেল খল্লিবা ভারতকী খুদম অমনি”। প্রধান মন্ত্রীনা হায়খি মদুদি ত্রেন অসিদা মাগী মঙলানশিং অমসুং অনীংবশিংগী মাইকৈদা চংশিল্লিবা ভারত অমা, মাগী পান্দমশিং ফংবা পাম্বা ভারত অমা, মীথোই-মীহেনবা ওইনবা হোৎনরিবা ভারত অমা, মাগী প্রজাশিংদা খ্বাইদগী ফবা ফংহনবা পাম্মিবা ভারত অমা অমসিং মীখা পোনবগী ৱাখল্লোনগী য়োৎলিং থৎদৎতুনা আত্মনির্ভরতা ওইনবা মাইকৈদা চংশিল্লিবা ভারত অমগী মমি তারি।
প্রধান মন্ত্রীনা ভন্দে ভারত ত্রেনশিংগা মরী লৈননা চত্থরিবা থবক্কী খোঙজেলগী মাংদা হায়খি। মহাক্না নুমিৎ ১৫গী মনুংদা চহি অসিদা অনিশুবা ভন্দে ভারত চেলহনখি অমসুং মসিনা থবক তৌবগী খোঙজেলদা অহোংবা লাক্লে তাক্লি। মহাক্না ভন্দে ভারত ত্রেনশিংগী ইন্দিজিনস করেক্তরগী মতাংদা অমসুং মীয়ামদা মখোয়না পীরিবা ইথিল অমদি ৱাখলদা চাউথোকচবা পোকহল্লিবা অদুগী মতাংদসু ফোঙদোকখি। মহাক্না হায় ভন্দে ভারত ত্রেন ৭না অপুনবা অশাংবা কিলোমিতর লাখ ২৩ কোনশিনখি, মসি পৃথিবী ৫৮রক কোইবগা মান্নৈ। মহাক্না হায়, হৌজিক ফাওবদা পেসেঞ্জর লাখ ৪০না ভন্দে ভারত ত্রেনশিংদা তোংদুনা চৎখ্রে।
প্রধান মন্ত্রীনা কন্নেক্তিবিতী অমসুং খোঙজেল অমদি ‘সবকা বিকাস’কা লোয়ননা লৈনরিবা মখোয়গী মরী অসিগী মরক্তা হকথেংননা মরী লৈনৈ হায়না ফোঙদোকখি। মহাক্না হায়, “কন্নেক্তিবিতীগা মরী লৈনবা ইনফ্রাস্ত্রকচরনা মফম অনি শম্নহনবা খক্তা নত্তনা তাইবংগা মঙলানশিংগা, মার্কেৎকা মেন্যুফেকচরিংগা, মতিক চাবা ফম্পাক্কা তেলেন্তকী মরক্তা মরক্তা মরী লৈনহল্লি। কন্নেক্তিবিতীনা চাউখৎপগী ওইথোকপা য়াবশিং হেনগৎহল্লি”। মহাক্না মকা তারদুনা হায়, “গতি (খোঙজেল) লৈবা মফমদা প্রগতি (চাউখৎপা) লৈ। চাউখৎপা মফমদা শোইদনা নুংঙাইবা ফংই”।
প্রধান মন্ত্রীনা মোদর্ন কন্নেক্তিবিতীগী কান্নবা অসি অকক্নবা খরা খক্তনা ফংলমখিবা অমসুং য়াম্লবা মীশিংনা অতাংবা ত্রান্সপোর্তেসন্না মতম কয়া মাংহনবগী চৈথেং নংখিবা মতম অদু নীংশিংখি। ভন্দে ভারত ত্রেন্না ৱাখল্লোন অদু তুংওইনরম্লগা অওনবা পুরক্লি অমসুং খোঙজেল অমদি চাউখৎপগা লোয়ননা মীপুম খুদিংমক শম্নহনবগী মঙলান অদু তাক্লি। প্রধান মন্ত্রীনা রেলৱেজকী অশোইবশিং অমসুং ফজদবা মশক অমদি নুংঙাইত্রবা ফীভম অসি ওইহনখিবা কান্নদ্রবা এপ্রচো অদু অফবা অমদি পুকচেল শেংনা হোৎনবা মতমদা অহোংবা পুরকপা ঙমখিবা মতম, সমস্যাশিং অসি কোকহনখি অমসুং হৌখিবা চহি নিপাল অসিদা মসিগী মন্ত্রা অসিনা ইন্দিয়ন রেলৱেজতা অওনবা পুরকপা ঙমখিবগী মতাংদা পনখি।
প্রধান মন্ত্রীনা হায়খি ঙসি ইন্দিয়ন রেলৱেজতা চৎথোক-চৎশিন তৌবা অসি নুংঙাইরবা এক্সপরিয়েন্স অমা ওইরে। রেলৱে স্তেসন কয়ানা মতমগা চুনবা ভারতকী শক্তমগী মমি তারি। মহাক্না হায়, “হৌখিবা চহি ৭-৮দা তৌখিবা থবক্না লাক্কদৌরিবা চহি ৭-৮ অসিদা ইন্দিয়ন রেলৱেজতা অওনবা পুরক্লগনি”। শ্রী মোদীনা বিস্তাদোম কোচশিংগুম্বা থৌরাংশিং অমসুং তুরিজম চাউখৎহন্নবা হেরিতেজ ত্রেনশিং, অরাপ্পা মফমগী কৈথেলশিংদা লৌউ-শিংউগী পোত্থোক পুনবা কিসান রেলগী মতাংদা পনখি, সহর ২৪ হেনবনা মেত্রো নেৎৱার্ক লৈরে অমসুং ফ্যুচরিস্তিক রেপিদ রেল ত্রাঞ্জিৎ সিস্তেম অমা খোঙজেল য়াংনা চাউখৎলক্লি।
প্রধান মন্ত্রীনা হৌখিবা চহি ৮দা তেলঙ্গানাদা রেলৱেজকা মরী লৈননা তৌখিবা শীংথানীংঙাই ওইবা থবক্কী মতাংদা পনখি। মহাক্না হায় ২০১৪দগী চহি ৮গী মমাংদা তেলঙ্গানাগী রেলৱেজকী বজেৎ অসি লুপা করোর ২৫০দগী তারমখি অদুবু ঙসিদি মসি লুপা করোর ৩০০০দা হেনগৎহনখ্রে। মহাক্না হায় মদুদি মেদকগুম্বা তেলঙ্গানাগী মফম কয়া অসি অহানবা ওইনা রেল সর্ভিসনা শম্নহনখি। মহাক্না হায় মদুদি অনৌবা রেল লাইনশিংগী কিলোমিতর ১২৫দগী তানা ২০১৪দগী চহি ৮গী মমাংদা তেলঙ্গানাদা শেমখি অমরোমদা হৌখিবা চহিদা তেলঙ্গানাদা অনৌবা রেল লাইন কিলোমিতর ৩২৫রোম শেমখি। মহাক্না হায় মদুদি কিলোমিতর ২৫০ হেনবগী ‘ত্রেক মলতি-ত্রেকিং’গী থবক অসি তেলঙ্গানাদা তৌখি অমসুং মসিগী ইলেক্ত্রিফিকেসনগী মতমগী মনুংদা রাজ্য অসিদা রেলৱে ত্রেকশিং ইলেক্ত্রিফিকেসন তৌবা শরুক ৩ হেনগৎলকখি। প্রধান মন্ত্রীনা হায়খি, “য়াম্না অথুবদা ঐখোয়না তেলঙ্গানাগী ব্রোদ গেজ রুৎ পুম্নমক ইলেক্ত্রিফিকেসন তৌবগী থবক লোইশিল্লগনি”।
প্রধান মন্ত্রীনা হায় মদুদি ভন্দে ভারত অসিনা মতোল অমদগী আন্ধ্র প্রদেশকাসু শম্নহল্লি অমসুং কেন্দ্র সরকারনা আন্ধ্র প্রদেশতা রেল নেৎৱার্ক মপাঙ্গল কনখৎহন্নবগী থবক লেপ্পা লৈতনা তৌরি। ইজ ওফ লিবিং লোয়ননা ইজ ওফ দুইং বিজিনেস শাহৌ পীনবা কেন্দ্র সরকারনা লৌখৎখিবা খোঙথাংশিংগী মতাংদা পল্লদুনা প্রধান মন্ত্রীনা হায় হৌখিবা চহিশিংদা আন্ধ্র প্রদেশতা অনৌবা রেলৱে লাইনগী কিলোমিতর ৩৫০ শেম্বা অমসুং কিলোমিতর ৮০০গী মলতি-ত্রেকিং তৌবা লোইশিনখ্রে। ২০১৪গী মমাংগী মতমগা চাংদম্নবদা মহাক্না হায় মমাংগী সরকারগী মতমদা আন্ধ্র প্রদেশতা চহিগী ওইনা রেলৱে ত্রেকশিংগী শুপ্নগী কিলোমিতর ৬০ ইলেক্ত্রিফাইদ তৌখি অমসুং মসিগী খোঙজেল অসি হৌজিক্তি চহিদা কিলোমিতর ২২০ হেন্না হেনগৎহনখ্রে।
ৱারোল পীবা লোইশিল্লদুনা প্রধান মন্ত্রীনা হায়খি, “খোঙজেল অমদি চাউখৎপগী থৌওং অসি অসুম্না মখা চত্থখিগনি” অমসুং তেলঙ্গানা অমদি আন্ধ্র প্রদেশতা ভন্দে ভারত এক্সপ্রেস ত্রেন চেনবদা মীপুম খুদিংমক্তা নুংঙাইবা ফোঙদোকখি।
থৌরম অদুদা রাজ্যপাল কুমারি তামিলিসাই সৌন্দরারজন, কেন্দ্র মন্ত্রী শ্রী অশ্বিনি বৈশ্নো, শ্রী জি. কিশন রেদ্দী, রাজ্য মন্ত্রীশিং অমসুং মেম্বর ওফ পার্লিয়ামেন্তশিংনা শরুক য়াখি।
বেকগ্রাউন্দ
ত্রেন অসি ভারত রেলৱেজনা হৌদোকপা ৮শুবা ভন্দে ভারত এক্সপ্রেসনি অমসুং মসি চাউরাক্নবা কিলোমিতর ৭০০ রোম শাংনা তেলুগু লোন ঙাংবা রাজ্য অনি হায়বদি তেলঙ্গানা অমসুং আন্ধ্র প্রদেস শম্নবা অহানবা ওইগনি। ত্রেন অসিনা আন্ধ্র প্রদেসকী বিশাখপতনম, রাজমুনদ্রী অমসুং বিজয়ৱাদা স্তেসনশিংদা লেপকনি অমসুং তেলঙ্গানাগী খম্মম, ৱারঙ্গল অমসুং সিকন্দরাবাদ স্তেসনশিংদা খামগনি।
লৈবাক অসিনা মশানা শাজবা বন্দে ভারত এক্সপ্রেস ত্রেনশিং অসি খ্বাইদগী নৌবা পেসেঞ্জরশিংগী খুদোংচাবশিং য়াওরবা ত্রেনশিংনি অমসুং মসিনা য়াম্না য়াংবা, নুংঙাইবা অমসুং খুদোংচাবা কয়া পীগনি।
ত্রেন অসি হৌদোকপনা লমদম অসিদা তুরিজমদা ইনোৎ হাপ্পদা মতেং ওইরগনি অমদি নুংঙাইরবা অমদি হেন্না য়াঙবা খোঙচৎ ফংহল্লগনি। মসিনা লৈবাকসিদা হৌদোকখিবা ভন্দে ভারত ত্রেন নিপালশুবা ওইরগনি অমদি হান্নগী ত্রেনশিংগা চাংদম্নবদা হেন্না য়াংবা অমদি অতেনবা মতমগী মনুংদা অয়াঙবা খোঙজেল ফংবা ঙমদুনা হেন্না খুমাঙ চাওশিনবা ভর্জন অমা ওইরে। ভন্দে ভারত ২.০ অসি শুপ্নতগী সেকেন্দ ৫২দা পুদা কিলোমিতর ০দগী ১০০ ফাওবা য়ৌবা ঙম্বা, অমদি খ্বায়দগী য়াঙবা খোঙজেল পুংদা কিলোমিতর ১৮০ ওইবনচিংবা হেন্না খুমাঙ চাওশৎল্লবা অমদি ফগৎলবা ফীচরশিং য়াওরি। হেন্না ফগৎলবা বন্দে ভারত এক্সপ্রেস অসি হান্নগী তন ৪৩০ লুম্বা ভর্জনগা চাংদম্নবদা তন ৩৯২ লুম্মী। মসিদা ৱাই-ফাই কন্তেন্ত ওন দিমান্দ ফেসিলিতীসু য়াওগনি। মমাঙগী ভর্জনগা চাংদম্নবদা ইঞ্চি ২৪গী মহুত্তা কোচ খুদিংদা ইঞ্চি ৩২গী স্ক্রীন হাপ্তুনা পেসেঞ্জরশিংদা ঈ-পাউ অমদি ইন্ফোতেনমেন্ত পীরি। বন্দে ভারত এক্সপ্রেস অসিদা য়াওরিবা এ.সি.শিং অসি চাদা ১৫ হেন্না ইনর্জী ইফিসিএন্ত ওইদুনা অকোয়বগী ফীভমগা হেন্না ফ্রেন্দলী ওইগনি। ত্রেক্সন মোতোরগী উফুল চেন্দবা এয়র কুলিং য়াওদুনা, খোঙচৎ হেন্না নুংঙাইহনগনি। মমাঙদা একজেক্যুতিব ক্লাসখক্তদা হাপ্লম্বা সাইদ রিক্লাইনর সীত ফেসিলিতী হৌজিক্তি ক্লাস খুদিংদা ফংহল্লগনি। একজেক্যুতিব কোচশিংদা ১৮০-দিগ্রী উংবা য়াবা সীতশিং হাপ্লি।
ভন্দে ভারত এক্সপ্রেসকী অনৌবা দিজাইন্দা, নুংশিৎ শেংদোক্নবগীদমক রুফ-মাউন্তেদ পেকেজ য়ুনিৎ (আর.এম.পি.য়ু.)দা ফোতো-কেতলাইতিক অল্ত্রাভাইওলেৎ এয়র প্যুরিফিকেসন সিস্তেম অমা হাপ্লি। সেন্ত্রেল সাইন্তিফিক ইনস্ত্রুমেন্ত ওর্গনাইজেসন (সি.এস.আই.ও.), চান্দিগরগী রিকম্মেন্দেসন মতুং ইন্না, সিস্তেম অসি অশেংবা নুংশিৎ অমদি হঞ্জিল্লকপা নুংশিৎকী খুত্থাঙদা নুংশিৎ চুমথোক্নবা অমদি মহিক মতাং, বেক্তরিয়া, ভাইরসনচিংবা শেংদোক্নবা আর.এম.পি.য়ু.গী নাকল অনিমক্তা দিজাইন তৌদুনা হাপ্লি।
বন্দে ভারত এক্সপ্রেস ২.০না তোঙান তোঙানবা হেন্না ফবা অমদি এয়রক্রাফ্তকুম্না তৌবা খোঙচৎকী এক্সপরিএন্সশিং পীরি। মসিদা লমদমসিদা পুথোকচবা ত্রেন কোলিজন এভোইদেন্স সিস্তেম – কবচ অমা য়াওনা খুমাঙ চাওশিল্লবা স্তেত-ওফ-দি-আর্ত সেফ্তী ফীচরশিং য়াওরি।
A gift for the people of Telangana and Andhra Pradesh. pic.twitter.com/xrlGUMd5CT
— PMO India (@PMOIndia) January 15, 2023
The Indian Army is known for its bravery and professionalism. pic.twitter.com/RG3sMpyRpv
— PMO India (@PMOIndia) January 15, 2023
The Vande Bharat Express between Secunderabad and Visakhapatnam will boost tourism, cut down travel time. pic.twitter.com/wL9JMcMqK3
— PMO India (@PMOIndia) January 15, 2023
The Vande Bharat Express is a symbol of the resolve and potential of New India. pic.twitter.com/APgxDz0osJ
— PMO India (@PMOIndia) January 15, 2023
The Vande Bharat Express signifies that India wants the best of everything. pic.twitter.com/kMrJJwqcId
— PMO India (@PMOIndia) January 15, 2023
कनेक्टिविटी अपने साथ विकास की संभावनाओं का विस्तार करती है। pic.twitter.com/ROQteV4ZgC
— PMO India (@PMOIndia) January 15, 2023
Transforming Indian Railways. pic.twitter.com/znnppvIDVs
— PMO India (@PMOIndia) January 15, 2023
