ভারতকী মোদর্ন রেল ইনফ্রাস্ত্রকচর পাকথোক চাউথোকহনবগী মায়কৈদা মরু ওইবা খোঙথাং অমা ওইনা, প্রধান মন্ত্রী শ্রী নরেন্দ্র মোদীনা ঙসি উত্তর প্রদেশকী বারানসীদগী অনৌবা ভন্দে ভারত এক্সপ্রেস ত্রেন মরি লমথাখ্রে। থৌরম অদুদা তিনখিবা মীয়ামদা ৱা ঙাংলদুনা শ্রী মোদীনা মীথুংলেন পুম্নমকপু তরাম্না ওকখি অমসুং বাবা বিশ্বনাথকী অশেংবা সহর বারানসীগী ইমুং মনুং পুম্নমকপু ইকায় খুম্নবা উৎখি। দেব দীপাৱলীগী মনুংদা পাংথোকখিবা অখন্নবা থৌরমশিংগী মতাংদা মহাক্না পনখি অমসুং ঙসি অসিসু য়াইফরবা থৌরম অমনি হায়না পনখি অমসুং চাউখৎপগী কুহ্মৈ অসিগীদমক্তা মীপুম খুদিংমক্তা য়াইফ-পাউজেল পীখি।
মালেমগী চাউখৎলবা লৈবাকশিংদা, ইকনোমিক গ্রোথকী মরুওইবা দ্রাইভর অমা মপাঙ্গল কনবা ইনফ্রাস্ত্রকচরনা ওইরি হায়না পল্লদুনা, শ্রী মোদীনা হায়খি মদুদি খুমাং চাউশিনবা অমসুং চাউখৎপা ঙম্লবা লৈবাক খুদিংমক্তা, ইনফ্রাস্ত্রকচরগী এদভান্সমেন্তনা মরুওইবা থৌদাং অমা লৌরি। মহাক্না হায়খি মদুদি ভারতসু হায়রিবা লম্বী অসিদা খোঙজেল য়াংনা চংশিল্লি। মসিগী মতাংদা, প্রধান মন্ত্রীনা লৈবাক অসিগী তোঙান তোঙানবা মফমশিংদা অনৌবা ভন্দে ভারত ত্রেনশিং হৌদোকপগী ৱাফম ফোংদোকখি। বনারস-খজুরাহো ভন্দে ভারতকী মথক্তা মহাক্না ফিরোজপুর-দিল্লী ভন্দে ভারত, লখনৌ-সহারনপুর ভন্দে ভারত অমসুং এর্নাকুলম-বেঙ্গলুরু ভন্দে ভারত লমথাখি। অনৌবা ত্রেন মরি অসিগা লোয়ননা লৈবাক অসিদা হৌজিক চেল্লিবা ভন্দে ভারত ত্রেনশিংগী অপুনবা মশিং অসি 160 হেনখ্রে। প্রধান মন্ত্রীনা বারানসীগী মীয়াম অমসুং ভারতকী নাগরিক পুম্নমকপু ত্রেনশিং অসি হৌদোকপগীদমক থাগৎপা ফোংদোকখি।
মসি ইন্দিয়ন রেলৱেজতা অওনবা পুরক্না কমপ্রিহেন্সিব কেম্পেন অমনি ফোংদোক্লদুনা “ভন্দে ভারত, নমো ভারত অমসুং অমৃত ভারতকুম্বা ত্রেনশিংনা ইন্দিয়ন রেলৱেজকী নেক্স জেনরেসনগী য়ুম্ফম ওইরি" হায়না প্রধান মন্ত্রীনা হায়খি। মহাক্না ভন্দে ভারত অসি ভারত মচা খুদিংমকপু চাউথোকচবা পোকহল্লিবা ভারত মচাশিংনা, ভারত মচাশিংগীদমক অমসুং ভারত মচাশিংনা শেম্বা ত্রেন অমনি – মসিনা ভারত মচা খুদিংমক্তা চাউথোকচবা পোকহল্লি হায়না ফোংদোকখি। মহাক্না হায়খি মদুদি মপান লৈবাক্কী পেসেঞ্জরশিং ফাওবা ভন্দে ভারত উবদা হরাওবা ফাওই। শ্রী মোদীনা হায়খি মদুদি ভারতনা চাউখৎলবা ভারত অমগীদমক মাগী রিসোর্সশিং হেনগৎহন্নবা মিসন অমা হৌরে অমসুং ত্রেনশিং অসি খোঙচৎ অদুদা মাইলস্তোন অমা ওইনবা শেম-শারি।
ভারত্তা চহিচা কয়াদগী তীর্থ য়াত্রাগী মফম অসি নেস্নেল কন্সিয়সনেসকী লম্বী অমা ওইনা লৌদুনা লাকখি হায়না পল্লদুনা শ্রী মোদীনা হায়খি মদুদি খোঙচৎশিং অসি লাইগী দর্শনগী লম্বী খক্তা নত্তে, অদুবু ভারতকী থম্মোয়গা শম্নবা অশেংবা চৎনবীশিংনি। মহাক্না প্রয়াগরাজ, অয়োধ্যা, হরিদ্ৱার, চিত্রাকুত অমসুং কুরুক্ষেত্রাবু লৈবাক্কী হেরিতেজকী স্পিরিচুএল সেন্তরশিং ওইনা পনখি। “মসিগী শেংলবা মফমশিং অসি হৌজিক্তি ভন্দে ভারত নেৎৱার্ক্কী খুত্থাংদা শম্নহল্লে। মসিনা ভারতকী চৎনবী, থাজবা অমসুং চাউখৎপগী খোঙচৎকী মরী অমা উৎলি। মসি হেরিতেজ সিতিশিংবু নেস্নেল প্রোগ্রেসকী সিম্বোলশিং ওইহন্নবগী মায়কৈদা মরু ওইবা খোঙথাং অমনি”, হায়না প্রধান মন্ত্রীনা ফোংদোকখি।
ভারত্তা অয়াম্বনা তীর্থ য়াত্রাগী মফমশিং অসিগী ইকনোমিক দাইমেন্সন অসি মরু ওইনা লৌদে হায়না পল্লদুনা প্রধান মন্ত্রীনা হায়খি মদুদি হৌখিবা চহি 11 অসিদা উত্তর প্রদেশতা চাউখৎ থৌরাংগী খোঙথাংশিংনা তীর্থ য়াত্রাগী মফমশিংবু অনৌবা থাক অমদা পুখৎলে। হৌখিবা চহি খক্তদা, ভক্ত করোর 11না বারানসীদা বাবা বিশ্বনাথকী দর্শনগীদমক লাকখি। অয়োধ্যাদা রাম মন্দির শাগৎলকপদগী হৌরগা, মীওই করোর 6 হেন্না রাম লল্লাগী মন্দিরদা চৎখ্রে। শ্রী মোদীনা হায়খি মদুদি তীর্থ য়াত্রীশিং অসিনা উত্তর প্রদেশকী শেন্মিৎলোনদা লুপা করোর লিশিং কয়াগী তেংবাং পীরি। মহাক্না ফোংদোকখি মদুদি হায়রিবা ইনফ্লক্স অসিনা রাজ্য অসিগী হোতেলশিং, ত্রেদরশিং, ত্রান্সপোর্ত কম্পনীশিং, লোকেল আর্তিস্তশিং অমসুং বোত ওপরেতরশিংদা লেপ্পা লৈতনা শেন্থোক লৈহন্নবা খুদোংচাবা পীরি। মসিগী মহৈ ওইনা, বারানসীদা নহা চা কয়া অমনা হৌজিক - ত্রান্সপোর্ত সর্ভিসতগী হৌরগা বানারসী সরীগী বিজিনেস ফাওবদা - অনৌবা ভেঞ্চরশিং হৌদোক্লি। চাউখৎ-থৌরাং অসিনা উত্তর প্রদেশ অমসুং বারানসীদা চাউখৎপগী থোঙ হাংদোক্লে হায়না মহাক্না ফোংদোকখি।
প্রধান মন্ত্রীনা হায়খি মদুদি দিবেলপ তৌরবা বারানসীগী খুত্থাংদা দিবেলপ তৌরবা ভারতকী মন্ত্র অসি মঙফাওনহন্নবা, সহর অসিদা ইনফ্রাস্ত্রকচর দিবেলপমেন্ত লেপ্পা লৈতনা চত্থরি। মহাক্না হায়খি মদুদি বারানসীদা ক্বালিতী লৈবা হোস্পিতালশিং, ফগৎলবা লম্বীশিং, গ্যাস পাইপলাইন নেৎৱার্কশিং অমসুং ইন্তর্নেত কনেক্তিবিতীশিং লিংখৎপা, পাকথোক চাউথোকহনবা অমসুং মগুন হেনগৎহনবা উবা ফংলি। মহাক্না হায়খি মদুদি রোপৱে প্রোজেক্ততা খোঙজেল য়াংনা খুমাং চাউশিল্লি। গঞ্জারী অমসুং সিগরা স্তেদিয়মগুম্বা স্পোর্তস ইনফ্রাস্ত্রকচরসু শেমগৎলি। প্রধান মন্ত্রীনা মরুওইনা ফোংদোকখি মদুদি পান্দমদি বানারসীদা চৎপা, মফম অদুদা লৈবা অমসুং মদুগী অখন্নবা এক্সপরিয়েন্স অমা মীওই খুদিংমক্তা ফংহনবা হায়বসিনি।
সরকারনা বারানসীদা হেল্থকেয়র সর্ভিসশিং ফগৎহন্নবা লেপ্পা লৈতনা থবক তৌরি হায়না পল্লদুনা শ্রী মোদীনা চহি 10-11গী মমাংদা ওইখিবা ফিভম অদু নীংশিংখি। মহাক্না হায়খি মদুদি অরুবা অনাবশিংগীদমক, বনারস হিন্দু য়ুনিভর্সিতী (BHU) অসি অমত্তা ঙাইরবা ওপ্সন ওইরমখি অমসুং পেসেন্ত মশিং য়াম্না য়াম্বনা অহিং চুপ্পা ঙাইরবা মতুংদা ফাওবা লায়েংবা ফংদে। কেন্সরগুম্বা লায়নাশিংগীদমক্তা, মীওইশিংনা মুম্বাইদা লায়েংনবা লম অমসুং ফার্মশিং য়োনবা তাখি। প্রধান মন্ত্রীনা ফোংদোকখি মদুদি মহাক্কী সরকারনা অসিগুম্বা অৱাবা অসি হন্থহন্নবা থবক পায়খৎলি। মহাক্না কেন্সর লায়েংনবা মহামানা কেন্সর হোস্পিতাল, মীৎ য়েংনবা শঙ্কর নেত্রালয়া, BHUদা লৈবা এদভান্স ত্রোমা সেন্তর অমসুং সেন্তিনরী হোস্পিতাল, অমসুং পান্দেয়পুরদা লৈবা দিভিজনেল হোস্পিতালশিং অসি বারানসী, পর্বাঞ্চল অমসুং য়ুম্লোন্নরিবা রাজ্যশিংগীদমক খুদোংচাবা ওইরবা ইন্সতিত্যুসনশিংনি হায়না পনখি। মহাক্না মখা তাখি মদুদি হোস্পিতালশিং অসিদা আয়ুশ্মান ভারত অমসুং জন ঔশধি কেন্দ্রশিং লৈবনা মরম ওইদুনা লায়রবা অনাবশিং লাখ কয়াগী লুপা করোর কয়া কনবা ঙম্লে। মসিনা মীয়ামগী অৱাবা হন্থহনবতা নত্তনা বারানসীবু লমদম অসিগী হকশেলগী কোনুং ওইনা শকখঙহনখ্রে।
বারানসীগী চাউখৎ-থৌরাংগী খোঙজেল অমসুং ইনর্জী অসি লেপ্তনা হেনগৎহনবগী তঙাইফদবা অদু পল্লদুনা শ্রী মোদীনা হায়খি মদুদি মালেমগী মফম কয়াদগী লাকপা মীথুংলেন খুদিংমক্না বাবা বিশ্বনাথকী অশেংবা শহর অসিদা তোপ তোপ্পা থৌনা, হরাও-তয়াম্বা অমসুং নুংঙাইবা ফাওহনগদবনি।
লমথাবগী থৌরমদা শরুক য়াখিবা মহৈরোইশিংগা উনবগী মতাংদসু শ্রী মোদীনা পনখি। শ্রী অশ্বিনী বৈষ্ণবনা ভন্দে ভারত ত্রেন হৌদোকপগী থৌরমদা মহৈরোইশিংগী মরক্তা কম্পিতিসন অমা পাংথোকপগীদমক মহাক্না থাগৎপা ফোংদোকখি। মহাক্না অঙাংশিংবু কম্পিতিসন অদুদা পুথোকখিবা অয়েকপা লাইশিং অমসুং শৈরেংশিংগীদমক থাগৎপা ফোংদোকখি। মখোয়শিং অসি ভিক্সিৎ ভারত, ভিক্সিৎ কাশী, সুরক্ষিত ভারতগুম্বা তোঙান তোঙানবা থীমশিংদা য়ুম্ফম ওইখি। মহাক্না মখোয়গী মমা-মপাশিং অমসুং ওজাশিংদা মতেং পীবা, লমজিং-লমতাকপা অমসুং পুক্নিং থৌগৎপগীদমক থাগৎপা ফোংদোকখি। প্রধান মন্ত্রীনা অঙাংশিংগী লিতরেরী মীত অমা পাংথোক্নবা অমসুং মনা ফংলবা মীওই 8-10বু ভারত শিনবা থুংনা অতোপ্পা কম্পিতিসনশিংদা শরুক য়াবা য়াহন্নবা ৱাফম থমখি। মহাক্না মখা তারদুনা হায়খি মদুদি অসিগুম্বা হৈ-শিংলবা অঙাংশিং লৈবা বারানসীদগী মহাক্না পার্লিয়ামেন্তরিয়ন অমা ওইবদা চাউথোকচবা ফাওই অমসুং অঙাংশিংদা থাগৎপা ফোংদোকখি।
থৌরম অদুদা উত্তর প্রদেশকী মুখ্য মন্ত্রী, শ্রী য়োগী অদিত্যনাথ, কেন্দ্রগী মন্ত্রী শ্রী অশ্বিনী বৈষ্ণব অমসুং অতোপ্পা শক্নাইরবশিংসু শরুক য়াখি। কেরলাগী রাজ্যপাল, শ্রী রাজেন্দ্র আরলেকর, কেন্দ্রগী মন্ত্রীশিং, শ্রী সুরেশ গোপী, শ্রী জোর্জ কুরিয়ান, শ্রী রবনীত সিংহ বিতু অমসুং অতোপ্পা শক্নাইরবশিংনা ভিদিও কনফরেন্সকী থোংদা থৌরম অসিদা শরুক য়াখি।
বেকগ্রাউন্দ
অনৌবা ভন্দে ভারত ত্রেন 4 লমথাব অসি মালেমগী থাক্কী রেলৱেজ সর্বিসশিংগী খুত্থাংদা নাগরিকশিংদা হেন্না লায়না, থুনা অমসুং নুংঙাইনা চৎথোক-চৎশিন তৌনবা প্রধান মন্ত্রীগী মঙলানবু মঙফাওনহন্নবগী অতোপ্পা মাইলস্তোন অমা ওইরি। অনৌবা ভন্দে ভারত এক্সপ্রেস ত্রেনশিং অসি বনারস-খজুরাহো, লখনৌ-সহারনপুর, ফিরোজপুর-দিল্লী অমসুং এর্নাকুলম-বেঙ্গালুরু ফাওবগী রুতশিংদা চেল্লগনি। মরুওইবা মফমশিংগী মরক্তা চৎথোক-চৎশিন তৌবগী মতম য়াম্না হন্থহন্দুনা, ত্রেনশিং অসিনা রিজনেল মোবিলিতী হেনগৎহল্লগনি, তুরিজম হেনগৎহল্লগনি অমসুং লৈবাক শিনবা থুংনা ইকোনোমিক এক্তিবিতীদা মতেং ওইরগনি।
বনারস-খজুরাহো ভন্দে ভারতনা হায়রিবা লম্বী অসিদা হকথেংননা কনেক্তিবিতী লৈহল্লগনি অমসুং হৌজিক চেল্লিবা অখন্নবা ত্রেনশিংগা চাংদম্নবদা পুং 2 অমসুং মিনিত 40গী চাংদা মতম কনবা ঙম্লগনি। বারানসী, প্রয়াগরাজ, চিত্রাকুত অমসুং খজুরাহো য়াওনা ভারতকী খ্বাইদগী মমিং লৈবা ধর্মগী অমসুং কলচরেলগী মফম খরগা বেনারস-খজুরাহো ভন্দে ভারত এক্সপ্রেসনা শম্নহল্লগনি। মসিগী লিঙ্ক অসিনা রিলিজিয়স অমসুং কলচরেল তুরিজম মপাঙ্গল কনখৎহনবতা নত্তনা UNESCOগী ৱার্ল্দ হেরিতেজ সাইত খজুরাহোদা তীর্থ চৎপা মীওইশিং অমসুং লমকোইবশিংদা খোঙজেল য়াংবা, মোদর্ন অমসুং নুংঙাইবা খোঙচৎ অমা ফংহনগনি।
লখনৌ-সহারনপুর ভন্দে ভারতকী খোঙচৎ অসি চাউরাক্না পুং 7 অমসুং মিনিত 45 চঙগনি, মসিনা খোঙচৎকী মতম পুং 1গী ময়াদা কনবা ঙমগনি। লখনৌ-সহারনপুর ভন্দে ভারত এক্সপ্রেস অসিনা লখনৌ, সীতাপুর, শাহজাহানপুর, বরেলী, মোরাদাবাদ, বিজনোর অমসুং সহারনপুরদগী লাকপা পেসেঞ্জরশিংদা চাউনা কান্নবা ফংহল্লগনি। মসিগী মথক্তা রুরকীগী খুত্থাংদা হরিদ্বারগী শেংলবা সহরদা চৎপা হেনগৎহল্লগনি। ময়াই থংবা অমসুং নোংচুপ থংবা উত্তর প্রদেশ শিনবা থুংনা ইন্তর-সিতী ত্রেবেল অসি হেন্না খুদোংচাবা লৈহন্দুনা, সর্বিস অসিনা কনেক্তিবিতী অমসুং লমদম অসিগী চাউখৎ থৌরাংদা অচৌবা থৌদাং অমা লৌগনি।
ফিরোজপুরদগী দিল্লী ভন্দে ভারত ত্রেন অসি লম্বী অসিদা খোংজেল য়াংবা ত্রেন ওইগনি। মসিনা পুং 6 অমসুং মিনিত 40 খক্তদা খোঙচৎ অসি লোইশিনগনি। ফিরোজপুর অমসুং দিল্লীগী মরক্তা ভন্দে ভারত এক্সপ্রেসনা নেস্নেল কেপিতেল অমসুং ফিরোজপুর, বথিন্দা অমসুং পতিয়ালা য়াওনা পঞ্জাবকী মরুওইবা সহরশিংগী মরক্তা কনেক্তিবিতী মপাঙ্গল কনখৎহল্লগনি। মসিগী ত্রেন অসিনা ললোন-ইতিক, তুরিজম অমসুং থবক ফংবগী খুদোংচাবশিং হেনগৎহল্লগনি হায়না পানরি। মসিনা ঙমখৈগী লমশিংগী সোসিও-ইকোনোমিক দিবেলপমেন্তদা মতেং পাংগনি অমসুং নেস্নেল মার্কেৎশিংগা হেন্না নকশিন্নহনগনি।
খা ভারতকী মফমশিংদা, ইর্নাকুলম বেঙ্গালুরু ভন্দে ভারতনা পুং 2 হেন্না হন্থহন্দুনা পুং 8 অমসুং মিনিৎ 40দা খোঙচৎ অসি মপুং ফাগনি। ইর্নাকুলমদগী বেঙ্গালুরু ভন্দে ভারত এক্সপ্রেসনা মরুওইবা IT অমসুং কম্মর্সিএল হবশিং শম্নহল্লগনি, মসিনা প্রোফেস্নেলশিং, মহৈরোইশিং অমসুং তুরিস্তশিংদা হেন্না থুবা অমসুং হেন্না নুংঙাইনা ত্রেবেল ওপ্সন ফংহল্লগনি। রিজনেল গ্রোথ অমসুং কোলাবোরেসনদা মতেং পাংদুনা রুত অসিনা কেরলা, তামিল নাদু অমসুং কর্নাতকাগী মরক্তা ইকোনোমিক এক্তিবিতী অমসুং তুরিজম হেনগৎহল্লগনি।
