প্রধান মন্ত্রী, শ্রী নরেন্দ্র মোদীনা ঙসি রোজগার মেআদা ৱা ঙাংখ্রে অমসুং ভিদিও কনফরেন্সিগী খুত্থাংদা সরকারগী দিপার্তমেন্তশিং অমসুং ওর্গনাইজেশনশিং নৌনা খল্লবা নহাশিংদা এপোইন্তমেন্ত লেতর ৫১,০০০ হেন্না য়েন্থোকখ্রে। রোজগার মেলা অসিনা মীয়ামদা থবক ফংহন্নবগী প্রধান মন্ত্রীগী ফিরেপ অদুবু উৎলি। মসিনা নহাশিংদা লৈবাক শেমগৎপদা শরুক য়ানবা মতিক চানা খুদোংচাবশিং পীদুনা মখোয়বু এমপাৱর তৌরগনি।
থৌরম অদুদা ৱাং ঙাংলদুনা, প্রধান মন্ত্রীনা ধন্তেরাসকী শেংলবা নুমিৎ অসিবু নিংশিংখি অমসুং ধৌরম অসিদা মহাক্কী য়াইফ-পাউজেল পীখি। হন্দক্কী চহি অসিগী দিৱালি অসি য়াম্না অখন্নবা অমা ওইরগনি আয়রদুনা, প্রধান মন্ত্রীনা হায়খি মদুদি মসি চহি ৫০০গী মতুংদা ভগবান শ্রী রাম্না মহাক্কী ফজরবা আবোধ্যাগী লাইশঙ অদুদা ফম্বা অহানবা চহিনি। মহাক্না হায়ি মদুদি মীরোল কয়া অমনা মসিগী দিৱালি অসিগীদমক্তা ঙাইদুনা লাক্লিবনি, অদুগা অমরোমদনা মীওই কয়া অমনা মসিগীদমক্তা মখোয়গী থৱায় ফাওবা কত্থোকখ্রবানি অমসুং অৱাবা কয়া মায়োক্নরকখ্রবনি। প্রধান মন্ত্রীনা য়াম্না মরু ওইনা পনখি মদুদি হৌজিক্কী মীরোলশিংদি অসিগুম্বা সেলেব্রেশন অসি উবা ফংবা অমসুং মসিগী শরুক অমা ওইবা ফংবা হায়বসি মখোয়গীদি য়াম্না লাইবক ফবনি। অসিগুম্বা কুম্মৈগী মতম অসিদা নহা ৫১,০০০দা সরকারগী থবকশিংগীদমক্তা এপোইন্তমেন্ত লেতরশিং খুৎশিন্নখ্রে হায়না প্রধান মন্ত্রীনা হায়খি। মহাক্না অনৌবা রেক্রুতশিং অদুবু থাগৎপা ফোংদোকখি অমসুং মখোয়দা মহাক্কী য়াইফ-পাউজেল পীখি।
প্রধান মন্ত্রীনা পনখি মদুদি নহা লাখ কয়া অমদা পার্মনেন্ত ওইবা সরকারগী থবকশিং পীবা হায়বসি লেপ্তনা চত্থরক্লিবা লেগেসি অমনি। মহাক্না মখা তারকখি মদুদি BJP অমসুং NDA এলাইশিংনা পানবা রাজ্যশিংদা ফাওবা নহা লাখ কয়া অমদা এপোন্তমেন্ত লেতরশিং অসি খুৎশিন্নখি। শ্রী মোদীনা হায়খি মদুদি নৌনা শেম্বা সরকারনা নআ ২৬,০০০ থবক ফংবগা লোইননা হরিয়ানাদদি কুম্মৈগী মতম ওইরে। শ্রী মোদীনা হায়খি মদুদি হরিয়ানাদা লৈবা মখোয়গি সরকারনা সেল অমত্তা চংদনা অমসুং রেকমেন্দেশন অমত্তা তৌদনা থবক পীবগ অকন্নবা ইদেন্তিতী লৈ। মহাক্না ঙসিগী রোজগার মেলাদা থবক ৫১,০০০ অদুগী মথক্তা ঙসি মখোয়গী এপোইন্তমেন্ত লেতরশিং খুৎশিন্নরগদবা হরিয়ানাগী নহা ২৬,০০০বু তরাম্না ওকখি।
প্রধান মন্ত্রীনা সরকারনা লৌরিবা ফিরেপ অদুগী মতাংদা অমুক হন্না পল্লকখি মদুদি লৈবা অসিগী নহাশিংনা য়ারিবমখৈ থবক ফংগদবনি। সরকারগী পোলিসিশিং অমসুং ৱারেপশিং অদুনা থবক ফংহনবদা হকথেংননা শাফু পী হায়বসি পল্লদুনা প্রধান মন্ত্রীনা এক্সপ্রেসৱেশিংম আইৱেশিং, লম্বিশিং,রেল, পোর্তশিং, এবরপোর্তশিং, ফিবর কেবলশিং ফুম্বা, মোবাইল তাৱরশিং খিনবা অমসুং লেবাক অসিগী মফম খুদিংমক্তা অনৌবা ইন্দস্ত্রিশিং চাউথোরকপগী মতাংদা পনখি। ঈশিং অমসুং গ্যাস পাইপলাইনশিং ফুম্বা, অনৌবা স্কুলশিং, কোলেজশিং অমসুং য়ুনিভর্সিতীশিং লিংখৎপা অমসুং ইনফ্রাস্ত্রকচরদা শেল থাদদুনা লোজিস্তিক্সতা চংবা শেল হন্থহনবা কয়া অসি পন্দুনা, শ্রী মোদীনা হাবখি মদুদি মসিনা লেবাক অসিগী প্রজাশিংদা কান্নহনবদা নত্তনা অনৌবা থবক্কী খুদোংচাবা কয়া অমশু পীরি।
মহাক্না ঙরাং গুজরাতকী বরোদরাদা চৎখিবা খোংচৎ অদুবু নিংশিংলদুনা, পো্রধান মন্ত্রীনা দিফেন্স সেক্তরগীদমকক্তা এবরক্রাফ মেন্যুফেকচরিং ফেসিলিতী অমা শঙ্গাবগী মতাংদা পনখি। মহাক্না হায়খি মদুদি নাগ্রিক লিশিং কয়া অমনা মসিদা থবক ফংগদোরিবনি অমসুং MSME ইন্দস্ত্রিশিংনা স্পিয়র পার্তশিং অমসুং অতোপ্পা ইক্যুইপমেন্তশিং শাবদগী য়াম্না চাউনা কান্নবা ফংলগনি, মসিনা সপ্লাই চেনশিংগী য়াম্না চাউবা নেতৱার্ক অমা শেম্লগনি। মহাকনা পনখি মদুদি এবরক্রাফ অমখকতদা স্পেয়ে পার্ত ১৫,০০০দগীনা ১৫,০০০ ফাইবা য়াওই, শ্রী মোদীনা বাম্না মরু ওইনা পনখি মদুদি অপিকপা ফেক্তরী লিশিং কয়া অমনা অচোবা ফেক্তরীশিংগী দিমান্দসিং অদুবু মপুং ফাহনবদা য়াম্না মরু ওইবা থৌদাং লৌগদৌরিবনি, মসিনা মরম ওইরগা ভারতকী MSMEশিংদা কান্নহনগদোরিবনি।
প্রধান মন্ত্রীনা পনখি মদুদি করিগুম্বা স্কীম অমা হেক হৌদোকপা মতমদা, থম্লিবা মিৎবেং অদু নাগ্রিকশিংদা খক্তমক কান্নবা পীনবগীদমক্তা খল্লগা তৌবা নত্তে মসিনা স্কোপ অচৌবদা খন্দুনা মসিগী পাম্বৈদগী থবক ফংহন্নবগি চাউরবা ইকোসিস্তেম অমশু দেবলপ তোরিবনি। পি.এম সুর্য়ঘর মুফ বিজলি য়োজনাগী খুদম অমা পন্দুনা মআক্না হায়কি মদুদি মসিদা কস্তমর করোর ২ রোম্না স্কীম অসিগীদমক্তা রেজিস্তর তৌখি, ভেন্দর ৯,০০০ হেনবনা স্কীম অসিদা শরুক য়াখি, য়ুম লাখ ৫ হেনবদা সোলার পেনেলশিং হাপখি অমসুং বাম্না কুইদনা অথুবা মতমদা, স্কীম অসিগী মখাদা সোলার ভিলেজ ৮০০বু মোদেল ওইনা শেম্নবা থৌরাং লৈ। য়ুমথক্তা সোলার ইনস্তোলেশন তৌনবগীদমক্তা মী ৩০,০০০ ত্রেনিংশু তৌখ্রে হায়না মহাক্না পল্লকখি। মরম অদুনা, মসিগী পি.এম. সুর্য়ঘর মুফ বিজলি য়োজনাগী স্কীম অমখক অসিনা লৈবাক শিনথুংনা লেরিবা মেন্যুফেকচররশিং, ভেন্দরশিং, এসেমব্লরশিং অমসুং রিপ্যররশিংগীদমক্তা থবক্কী খুদোংচাবা কয়া অমা পীরি হায়না মহাক্না মখা তারকখি।
ভারতকী খাদি ইন্দস্ত্রী অসি হৌখিবা চহি ১০ অসিদা সরকারগী পোলিসীশিং অদুনা মরম ওইরগা অওনবা কয়া লাকখ্রে অমসুং মসিনা খুঙ্গংদা লৈরিবা মীশিংদা য়াম্না চাউনা অহোংবা পুরকখ্রে, প্রধান মন্ত্রীনা খঙহল্লকখি মদুদি খাদি গ্রাম উদ্যোগ বিজনেস অসি ঙসিদি লুপা করোর লাখ ১.৫ হেনখ্রে। চই ১০গী মমাংদা ওইরম্বা ফিভম অদুগা চাংদম্নদুনা প্রধান মন্ত্রীনা পনখি মদুদি খাদিনা চাদা ৪০০ চাউখৎলকখ্রে, মসিনা মরম ওইরগা আর্তিস্তশিং, ৱীভরশিং অমসুং বিজনেসশিংদা কান্নহল্লে অমসুং মসিনা অনৌবা থবক্কী খুদোংচাবা কয়া অমশু পীরি। শ্রী মোদীনা খুঙ্গংগী নুপীশিংদা অনোবা থবক্কী খুদোংচাবশিং অমসুং মশা-মথন্তা থবক পীজবগী খুদোংচাবশিং পীরিবা লাখপতি দিদি স্কীমগী মতাংদা পল্লকখি। “হৌখিনা দেকেদ অসিদা নুপী করোর ১০ হেন্না সেল্ফ-হেল্প গ্রুপশিংদা য়াওরকখ্রে”, মহাক্না মখা তারদুনা হায়রকখি মদুদি মসিদা নুপী করোর ১০না হৌজিক শেন্মিৎলোন তানবগী থবক-থৌরমশিংদা শরুক য়ারি হায়না হায়খি। মহাক্না খোংধাং খুদিংদা সরকারনা পীখিবা মতেং অদুগীদমক্তা থাগৎপা ফোংদোকখি অমসুং লাখপতি দিদি করোর ৩ শেম্নবগী ফিরেপ অদুবু অমুক হন্না পল্লকখি। “নুপী করোর ১.২৫ হেন্না হান্নদগি লাখপতি দিদিশিং ওইখ্রে, হৌজিক ফাওবদা মখোয়গী চহি অমগী ইনকম অসি লুপা লাখ অমগী মথক্তনি”, হায়না মহাক্না মখা তারকখি।
প্রধান মন্ত্রীনা পল্লকখি মদুদি ভারতনা মালেম অসিগী অহুমশুবা খ্বাইদগী চাউবা ইকোনোমী অমা ওইনবগী মাইকৈদা চংশিল্লি। লৈবাক অসিগী চাউখৎ-থৌরাং অসিগী মতাংদা পল্লদুনা মহাক্না লৈবাক অসিনা করিগীদমক্তা মসিগী খোংজেল অসি হান্না ফংবা ঙম্লদ্রিবনো হায়না য়াম্না তোইনা হংলিবা নহাশিংগী খঙনিংবা অদুবু পনখি। মসিগী পাউখুমদি আন্নগী সরকারশিংদা পোলিসীশিং ময়েক শেংদবা অমসুং তৌনিংবগি অপাম্বা লৈতবা অদুননি, প্রধান মন্ত্রীনা কঙহল্লকখি মদুদি ভারতনা সেক্তর কয়া অমদা শোত্থদুনা লৈরকখি, মরু ওইনা তেক্নোলোজীগী লমদা। মহাক্না নিংশিংলকখি মদুদি ভারতনা মালেম পুম্বদগি অনৌবা তেক্নোলোজিশিংগীদমক্তা ঙাইদুনা লেরম্মি অমসুং ৱেস্ততা মতম হেল্লবা চৎনদ্রবশিং অদুবু লেবাক অসিদা য়ৌরক্কনি। মহাক্না হায়রকখি মদুদি ভারত্তা মোদর্ন তেক্নোলোজী পুথোকপা ঙম্লোই হায়বা লিশাং-শিৎনা মতম কুইনদগী থাজদুনা লাক্লবা অরানবা ৱাফম অসিনা ভারতপু শাহো পুরকপা ঙমদবদা নত্তনা লেবাক অসিবু মরু ওইবা থবক্কী খুদোংচাবশিং ফংহনদদুনা লাক্লি।
মসিগী অরিবা ৱাখল্লোন অসিদগী নিংখা তমহন্নবা পাইখ৭লকখিবা খোংথাংশিং অদুগী মতাংদা পল্লদুনা, প্রধান মন্ত্রিনা পল্লকখি মদুদি মেক ইন ইন্দিয়া য়োকখত্তুনা স্পেস, সেমিকন্দক্তরশিং, ইলেক্ত্রোনিক্স অমসুং ইলেক্ত্রিক ভেহিকলশিং অসিগুম্বা সেক্তরশিং অসিদা লেরিবা অরিবা ৱাখল্লোনশিং অদুদগী নান্থোকহন্নবগী দমক্তা থবক-থৌরম কয়া অমা পাইখৎলকখি। প্রধান মন্ত্রীনা তেক্নোলোজী চাউখৎপা অমসুং ইভেস্তমেন্তকী মরু ওইবা অদুগী মতাংদা য়াম্না মরু ওইনা পনখি, মহাক্না মখা তারকখি মদুদি PLI স্কীম অসি ভারত্তা অনৌবা তেক্নোলোজী অমসুং ফোরেন দাইরেক ইনভেস্তমেন্ত পুরক্নবগীদমক্তা হৌদোকখিবনি, মসিনা মরম ওইরগা মেক ইন ইন্দিয়াগা পুনশিল্লকপা মতমদদি থবক ফংবগী চাং য়াম্না ৱাংখৎলকখ্রে। মহাক্না পনখি মদুদি সেক্তর খুদিংমক্তা হৌজিক্তি অনৌবা ঈনোৎ হাপ্লদুনা তোঙান-তোঙানবা হিরমশিংদা নহাশিংগীদমক্তা খুদোংচাবশিং কয়া অমা পীরি। “ঙসি ভারতনা ইনভেস্তমেন্ত য়াম্না চাউনা লাকপা থেংনরি অমসুং য়াম্লবা খুদোংচাবা কয়া অমা পীরি”, হায়না মহাক্না হায়খি, ওখিবা চহি নিপাল অসিদা স্তার্তঅপ লাখ ১.৫ হৌদোকখ্রে মসিনা ভারতপু মালেম অসিগী অহুমশুবা খ্বাইদগী চাউবা স্তার্তঅপ ইকোসিস্তেম ওইহল্লে হায়না মহাক্না মখা তারকখি। মহাক্না মখা তানা হায়রকখি মদুদি মসিগী সেক্তরশিং অসিনা এখোয়গী নহাশিংদা চাউখৎনবা অমসুং থবক ফংনবগী তাঞ্জা অদু পীবীরি।
প্রধান মন্ত্রীনা পল্লকখি মদুদি সরকার অসিনা ভারতকী নহাসিংগী কেপাসিতি হেনগৎহন্নবা ঙসিদি স্কিল দেবেলপমেন্ততা অখন্নবা মিৎয়েং থম্লে। মরম অদুনা, সরকারনা স্কিল ইন্দিয়াগুম্বা মিসনশিং অসি হৌদোরকখিবনি অমসুং নহাশিংবু স্কিল দেবেলপমেন্ত সেন্তর কয়া অমদা ত্রেন তৌরি হায়না মহাক্না মখা তারকখি। শ্রী মোদীনা হায়রকখি মদুদি ভারতকী মহাশিংনা এক্সপরিয়েন্স অমসুং খুদোংচাবশিংগীদমক্তা কোইথি-থিদনবা এরেম্জমেন্তশিং তৌখ্রে। প্রধানা মন্ত্রী ইনতর্নশিপ য়োজনাগী মতাংদা পল্লদুনা, শ্রী মোদীনা হায়কি মদুদি ইন্তর্ন খুদিংমক্তা চই অমগীদমক্তা থা অমদা লুপা ৫,০০০ পীরগনি। মহাক্না মখা তারকখি মদুদি সরকারগি পান্দমদি মথংগি চহি ৫ অসিদা নহা করোর অমনা ইন্তর্নশিপকী খুদোংচাবা ফংহনবা হায়বসিনি। মসিনা নহাশিংদা তোঙান-তোঙানবা সেক্তরশিংদা রিয়েল-লাইফ বিজনেস এনভাইরনমেন্ত অদুগা কনেক্ত তৌনবগী তাঞ্জা অদু পীরগনি অমসুং মখোয়গী কেরিয়রদা য়াম্না কান্নগদবা এক্সপরিয়েন্স অমা হাপ্লগনি।
প্রধান মন্ত্রীনা পল্লকখি মদুদি ভারত সরকারনা ভারতকী নহাশিংনা মপাল লমদা ধবক ফংবদা হেন্না কোম্নবা অনৌবা খুদোংচাবশিং লৈহল্লি। হন্দক্তা ফোংখিবা জর্মনীগী স্কিলদ লেবর স্ত্রেতেজী ফোর ইন্দিয়া অদু পল্লদুনা, শ্রী মোদীনা কঙহ্লকখি মদুদি চহি খুদিংগী ভারতকী হৈ-শিংলবা নহাশিংদা জর্মনীনা পীবা ভিজাশিংগী মশিং অদু লিশিং ২০দগী লিশিং ৯০দা হেনগৎলকখ্রে। মহাক্না মখা তারকখি মদুদি ভারতকী নআশিংনা মসিদগী য়াম্না চাউনা কান্নবা ফংগনি। ভারতনা হনদক্কী চহিশিং অসিদা লৈবাক ২১গা মাইগ্রেশন অমসুং এমপ্লোইমেন্তকা মরি লৈনবা এগ্রীমেন্তশিং খুৎয়েক পীনখ্রে, মসিদা গুল্ফ কন্ত্রিসিংগী মথক্তা জপান, ওস্ত্রেলিয়া, ফ্রান্স, জর্মনী, মোরিসিয়স, ইজরেল, য়ু.কে. অমসুং ইতলী য়াওরি হায়না শ্রী মোদীনা পল্লকখি। মহাক্না হায়রকখি মদুদি চই কুদিংগী ভারত মচা লিশিং ৩না য়ু.কে.দা থবক তৌনবা অমসুং লাইরিক তম্নবা চহি ২গী ভিজা ফংলগনি অদুগা ভারতকী মহৈরোই লিশিং ৩না ওস্ত্রেলিয়াদা তম্নবগী খুদোংচাবা ফংলগনি। “ভারতকী হৈথোই-শিংথোইবা অদুনা ভারতকী চাউখৎ-থৌরাংদা লমজিংবদা নত্তনা মালেমগী চাউখৎ-থৌরাংদা লমজিংলগনি”, হায়না শ্রী মোদীনা হায়খি। ভারতনা মসিগী মাইকৈদা চংশিল্লি হায়নশু হায়খি।
শ্রী মোদীনা য়াম্না মরু ওইনা পনখি মদুদি ঙসিগী সরকার অসিগী থৌদাং অসি নহা খুদিংমক্না খুদোচাবা ফাবা ঙম্বা অমসুং মখোয়গী অনিংবা-অপাম্বশিং অদুবু মঙফাওনহনবা ঙম্বা সিস্তেম অদুনি। মরম অদুনা, মহাক্না তোঙান-তোঙানবা ফম কয়া অমদা নৌনা খল্লবা নহাশিং অদুদা মখোয়গী পান্দমসিং অদু নহাশিং অমসুং ভারতকী নাগ্রিকশিংদা খ্বাইদগী য়াম্বা ফেসিলিতীশিং পীনবা ওইগদবনি হায়না হায়খি।
প্রধান মন্ত্রীনা সরকারগী থবকশিং ফংবদা তেক্সপেয়রশিং অমসুং নাগ্রিকশিংগী মরু ওইবা থৌদাংশিং অদুগী মতাংদা য়াম্না মরু ওইনা পনখি অমসুং হায়খি মদুদি সরকার অসিনা লেরিবসি নাগ্রিকশিংগীদমক্তনি অমসুং মখোয়গী সেবা তৌনবগীদমক্তা খল্লিবনি। মহাক্না পল্লকখি মদুদি পোস্তমেনবু ওইরো নত্রগা প্রোফেসরগী ফমবু ওইরো, খ্বাইদগী মরু ওইবা মথৌদাংদি জাতিগী সেবা তৌবনি। শ্রী মোদীনা পনখি মদুদি অনৌবা রেক্রুতশিং অসিনা লেবাক অসি চাউখৎপা লেবাক অমা ওইনবগী ফিরেপ লৌরবা মতম অসিদা সরকারদা য়াওররে। মরম অদুনা মসিগী পান্দম অসি ফংনবা ঐখোয়না সেক্তর কুদিংমক্তা খ্বাইদগি থোইদোক-হেন্দোকপা ওইগদবনি অমসুং মপুং ফানা মসিদা শরুক য়াগদবনি হায়না প্রধান মন্ত্রীনা হায়খি। মহাক্না অনৌবা রেক্রুতশিং অদুদা থবক নিংথিনা তৌবদা নত্তনা খ্বাইদগী অথোইবা অদু তানগদবনি হায়না হায়খি। “ঐখোয়গী লৈবাক অসিদা থবক তৌরিবা সরকারগী কর্মচারিশিংনা মালেম শিনবা থুংনা মশক খঙনবা কুদম অমা থম্লমগদবনি”, হায়না মহাক্না হায়খি। প্রধান মন্ত্রীনা য়আম্না মরু ওইনা পনখি মদুদি জাতি অসিনা মখোয়দগী আশা য়াম্না চাউনা থম্লি অমসুং হায়খি মদুদি মসিগী থাজবাশিং অসিবু মখোয়গী ফিরেপশিং অদুগী মতুং ইন্না পাংথোক্কদবনি।
প্রধান মন্ত্রীনা এপোইন্তিশিং অদুনা মখোয়গী ফমশিং অদুগা মখোয়না চংশিল্লিবা অনৌবা খোংচৎ অদুগী মতাংদা হায়খি, মখোয়দা মতম চুপ্পদা নোল্লুক্না লৈনবা অমসুং মখোয়গী খোংচৎ অদুদা তমশিনবগী হৈনবি অদু ঙাক্না চৎকদবনি হায়না মখোয়দা হায়খি। মহাক্না iGOT কর্ময়োগী প্লেতফোর্মদা সরকারগী কর্মচারিশিংগীদমক্তা লেরিবা কোর্স কয়ামরুম অদুগী মতাংদা পনখি অমসুং মখোয়না শাফগদবা মতমদা দিজিতেল ত্রেনিং মোদ্যুল অসি শিজিন্ননবা হায়দুনা থৌগৎখি। “অমুক্কশু হন্না, ঐহাক্না ঙসি এপোইন্তমেন্ত লেতর ফংলিবা কেন্দিদেতশিং অদুবু থাগৎপা ফোংদোক্লি”, হাবরদুনা প্রধান মন্ত্রীনা ৱারোইশিন তাখি।
বেকগ্রাউন্দ
রোজগার মেলা অসি লেবাক অসিগী তোঙান-তোঙানবা মফম ৪০দা শিল্লি, মসিদা অনৌবা রেক্রুতশিংনা তোঙান-তোঙানবা মনত্রালয়শিং অমসুং দিপার্তমেন্তশিং খুদম ওইনা রেভেন্যু দিপার্তমেন্ত, হাবর এজুকেশনগী দিপার্তমেন্ত, য়ুম্লৈ-কেরৈ মন্ত্রালয়, ঙাকশেল মন্ত্রালয়, হকশেল অমসুং য়াইফ-য়ুম্বাল মন্ত্রালয়না চিংবসিংদা কেন্দ্র সরকারগী থবকশিং য়াওরগনি।
নৌনা খল্লবা রেক্রুতশিং অসিনা iGOT কর্ময়োগী পোর্তলদা ফংবা ওনলাইন মোদ্যুল, ‘কর্মবোগী পরারম্ভ’গীকুত্থাংদা ফাউন্দেস্নেল ত্রেনিং য়াওনবগী খুদোংচাবা ফংলগনি। মসিদা ই-লর্নিং কোর্স ১৪০০ হেন্না ফংলি, মসিনারেক্রুতশিং অদুবু মখোয়গী থৌদাংশিং অদু নিংথিজনাপাংথোকপা ঙম্নবা অমসুং ভিক্সিত ভারত অআ শেমগৎনবগী মাইকৈদা থবক তৌবা ঙম্নবা তঙাইফদনা মথৌতাবা স্কিলশিং অদু লৈহল্লগনি।
Click here to read full text speech
देश के युवाओं को ज्यादा से ज्यादा रोजगार मिले, ये हमारा कमिटमेंट है: PM @narendramodi pic.twitter.com/EHRCSp54XZ
— PMO India (@PMOIndia) October 29, 2024
आज भारत दुनिया की तीसरी सबसे बड़ी अर्थव्यवस्था बनने की दिशा में आगे बढ़ रहा है: PM @narendramodi pic.twitter.com/IglW9zAgdB
— PMO India (@PMOIndia) October 29, 2024
हमने हर नई तकनीक में Make in India को आगे बढ़ाया।
— PMO India (@PMOIndia) October 29, 2024
हमने आत्मनिर्भर भारत पर काम किया: PM @narendramodi pic.twitter.com/vvMH2nJ0Ju
प्रधानमंत्री इंटर्नशिप योजना के तहत भारत की टॉप 500 कंपनीज में पेड इंटर्नशिप का प्रावधान किया गया है: PM @narendramodi pic.twitter.com/9Otush3bDw
— PMO India (@PMOIndia) October 29, 2024
