Share
 
Comments
“কম্পনী ৭ শাবনা দা. কলামগী মপাঙ্গল কনবা ভারতকী মঙলান অদুদা পাঙ্গল হাপ্লগনি”
“অনৌবা কম্পনী ৭ অসিনা তুংদা লাক্কদবা মতমশিংদা লৈবাক অসিগী মিলিতরীগী মপাঙ্গলগী অচেৎপা য়ুম্ফম অমা ওইরগনি”
“লুপা করোর ৬৫,০০০ হেনবা ওর্দর বুক অমনা লৈবাক অসিনা কম্পনীশিং অসিদা থাজবা থম্বা হেনগৎলক্লি তাক্লে”
“ঙসি, দিফেন্স সেক্তরনা অমুক্তা ওইখিদ্রিবা মওংদা মনুং-মপান ফাওনা উবা ঙম্বা, থাজবা অমসুং তেক্নোলোজীদা-য়ুম্ফম ওইবা থৌশিল পাইখৎপা উবা ফংলি”
“ঐখোয়গী দিফেন্সকী এক্সপোর্ত অসি হৌখিবা চহি মঙাদা চাদা ৩২৫ হেনগৎখি”
“অমরোমদা কম্পিতিতিব কোস্তনা ঐখোয়গী পাঙ্গল ওইরবসু ক্বালিতী অমদি রিলাইএবিলিতীনা ঐখোয়গী শক্তাক ওইগদবনি”

প্রধান মন্ত্রী, শ্রী নরেন্দ্র মোদীনা ঙাকশেল মন্ত্রালয়না জাতি মীয়ামদা অনৌবা দিফেন্স কম্পনী তরেৎ খুশিন্নবগী শিনবা থৌরম অমদা ভিদিওগী থোংদা ৱা ঙাংখ্রে। থৌরম অদুদা ঙাকশেল মন্ত্রী শ্রী রাজ নাথ সিংহ অমসুং ঙাকশেকগী রাজ্য মন্ত্রী শ্রী অজয় ভাত, অতৈশিংসু শরুক য়াখি।

মহাক্না পীখিবা ৱারোলদা প্রধান মন্ত্রীনা ঙসিগী য়াইফরবা বিজয় দশমীগী থৌরম অমসুং নুমিৎ অইদা খুৎশু-খুৎলাইবু ইরাৎপগী চৎনবী অদু পনখি। মহাক্না হায়খি, ভারত্তা ঐখোয়না শক্তি অসি শেম-শানবা পাম্বৈ অমা ওইনা উই। মহাক্না মসিগী ৱাখল্লোন অসিগী লোয়ননা লৈবাক অসিনা মপাঙ্গল কনবা মাইকৈদা চংশিল্লি হায়না ফোঙদোকখ্রে।

মহাক্না দা. এ.পি.জে. অব্দুল কলামদা ইকাই খুম্নবা উৎখি অমসুং দা.কলামনা মপাঙ্গল কনবা লৈবাক অমগীদমক মহাক্কী পুন্সি কত্থোকখি অমসুং ওর্দিনান্স ফেক্তরীশিং রিস্ত্রকচরিং তৌবা অমসুং কম্পনী ৭ শেম্বা অসিনা মহাক্না মঙজরম্বা মপাঙ্গল কনবা ভারত অদুদা মপাঙ্গল হাপ্লগনি হায়না ফোঙদোকখ্রে। অনৌবা দিফেন্স কম্পনীশিং অসি ভারতনা নীংখা তম্বা ফংখিবগী অমৃত কালগী মনুংদা লৈবাক অসিগী অনৌবা তুংলমচৎ অমা শেগৎনবা জাতিনা লৌরিবা তোঙান-তোঙানবা ফিরেপশিংগী শরুক অমা ওইরি, হায়না মহাক্না মখা তাখি।

প্রধান মন্ত্রীনা হায়খি কম্পনীশিং অসি শানবগী ৱারেপ লৌবদা মতম শাংনা পন্দুনা লৈখি, অমসুং অনৌবা কম্পনী ৭না অসিনা তুংদা লাক্কদবা মতমশিংদা লৈবাক অসিগী মিলিতরীগী মপাঙ্গলগী অচেৎপা য়ুম্ফম অমা ওইরগনি হায়না থাজবা ফোঙদোকখি। ইন্দিয়ন ওর্দিনান্স ফেক্তরীশিংগী মমাংগী মাইপাকপা অদু পল্লদুনা প্রধান মন্ত্রীনা নীংখা-তম্লবা মতমদা কম্পনীশিং অসি অপগ্রেদ তৌবদা মীৎয়েং চংখিদে মসিনা মরম ওইদুনা লৈবাক অসিগী মথৌ তাবশিংগূদমক মীরৈবাক্কী সপ্লায়রশিংগী মীপাল তাংখি। “দিফেন্স কম্পনী ৭ অসিনা ফীভম অসিদা অহোংবা পুরকপদা মরু ওইবা থৌদাং অমা লৌরগনি”, হায়না মহাক্না ফোঙদোকখ্রে।

অনৌবা কম্পনীশিং অসিনা আত্মনির্ভর ভারতকী মঙলানগী মখাদা ইম্পোর্তকী মহুৎশিনবা মরুওইবা থৌদাং অমা লৌরগনি। লুপা করোর ৬৫,০০০ হেনবা ওর্দর বুক অমনা লৈবাক অসিনা কম্পনীশিং অসিদা থাজবা থম্বা হেনগৎলক্লি তাক্লে, হায়না মহাক্না মখা তাখি।

মমাংদা অমুক্তা ওইখিদ্রিবা মওংদা দিফেন্স সেক্তরদা হৌখিবা চহি খরা অসিদা লৌখৎখিবা তোঙান-তোঙানবা থৌশিল-থৌরাংশিং অমসুং অওনবশিংনা থাজবা, মনুং-মপান ফাওনা উবা ঙম্বা অমসুং তেক্নোলোজীদা য়ুম্ফম ওইবা থৌশিল শেমখি হায়না মহাক্না নীংশিংখ্রে। মহাক্না মখা তারদুনা হায়খি, ঙসি প্রাইবেৎ অমসুং পব্লিক সেক্তরনা নেস্নেল সেক্যুরিতীগী মিসন্দা খুৎশম্নদুনা থবক তৌরি। মহাক্না অনৌবা থৌশিল অসিগী খুদমশিং ওইনা উত্তর প্রদেশ অমসুং তামিল নাদুগী দিফেন্স কোরিদোরশিং অসি পনখি। মহাক্না হায়খি নহারোলশিং অমসুং এম.এস.এম.ই.গীদমক অনৌবা খুদোংচাবশিং অসি লাকপনা লৈবাক অসিনা চহি খরা অসিদা পোলিসীদা অহোংবশিং লাকপগী ফল উবা ফংলি। মহাক্না মখা তারদুনা হায়খি, “ঐখোয়গী দিফেন্সকী এক্সপোর্ত অসি হৌখিবা চহি মঙাদা চাদা ৩২৫ হেনগৎখি”।

মহাক্না হায়খি ঐখোয়গী পান্দম অসি ঐখোয়গী কম্পনীশিং অসিনা মখোয়গী প্রদক্তশিংদা এক্সপর্তাইজ ইস্তাব্লিশ তৌবা ঙম্বতা নত্তনা গ্লোবেল ব্রান্দ অমা ওইবনি। মহাক্না হায়খি অমরোমদা কম্পিতিতিব কোস্তনা ঐখোয়গী পাঙ্গল ওইরবসু ক্বালিতী অমদি রিলাইএবিলিতীনা ঐখোয়গী শক্তাক ওইগদবনি। মহাক্না মখা তারদুনা হায়খি মদুদি ২১শুবা চহিচা অসিদা লৈবাক অমা হৈক্তগী নত্ত্রগা কম্পনী অমা হেক্তগী গ্রোথ অমসুং ব্রান্দ ভেল্যূ অসি মখোয়গী আর এন্দ দি অমসুং ইন্নোভেসন্না লেপ্পি। মহাক্না অনৌবা কম্পনীশিংদা মখোয়না অতৈগী তুংইনবা খক্তা নত্তনা তুংলমচৎকী তেক্নোলোজীশিংদা মাংজিল থানবা রিসর্চ অমসুং ইন্নোভেসন অসি মখোয়গী ৱর্ক কলচরগী শরুক অমা ওইহন্নবা অপীল তৌখ্রে। মসিগী রিস্ত্রকচরিং অসিনা ইন্নোভেসন অমসুং এক্সোর্তাইস হেনগৎহন্নবা অনৌবা কম্পনীশিংদা হেন্না ওতোনোমী পীরগনি অমসুং অনৌবা কম্পনীশিংনা অসিগুম্বা তেলেন্ত অসি থৌগৎকদবনি, হায়না মহাক্না মখা তাখি। মহাক্না স্তার্ত-অপশিংদা মখোয়গী রিসর্চ অমসুং এক্সপর্তাইজ অদু কম্পনীশিং অসিগী খুত্থাংদা হেনগৎহনদুনা অনৌবা খোঙচৎ অসিগী শরুক অমা ওইনবা হায়খ্রে।

সরকারনা মসিগী অনৌবা কম্পনীশিং অসিদা প্রদক্সনগী অফবা ইনভাইরনমেন্ত অমা পীবতা নত্তনা ফঙ্কস্নেল ওতোনোমীসু মপুংফানা পীরি হায়না মহাক্না ফোঙদোকখি। সরকারনা শিন্মীশিংগী অপাম্বা মপুংফানা ঙাকশেনগনি হায়না থাজবা পীরি হায়না মহাক্না ফোঙদোকখি।  

লৈবাক অসিগী ঙাকশেলগী শেম-শাবদা মরোমদোম লেপ্পা হেনগৎহন্নবা খোঙথাং অমা ওইনা ফঙ্কস্নেল ওতোনোমী, ইফেন্সী অমসুং অনৌবা গ্রোথ পোতেন্সিএল অমসুং ইনোবেসন লৈহন্নবা সরকার অসিনা সরকারগী দিপার্তমেন্ত অমগী ওর্দিনান্স ফেক্তরী বোর্দ অসি সরকারনা ১০০% মপু ওইবা কোর্পোরেত এন্তিতী ৭তা ওন্থোক্নবা ৱারেপ লৌখ্রে। মসিগী মতুং ইন্না, মমিং ওইনা পল্লবদা ম্যুনিসন্স ইন্দিয়া লিমিতেদ (এম.আই.এল.); আরমর্দ ভেহিকল্স নিগম লিমিতেদ (অভানি); এদভান্সদ ৱেপন্স এন্দ ইকুইপমেন্ত ইন্দিয়া লিমিতেদ (এ.দবল্যু.) ইন্দিয়া; ত্রুপ কমফোর্তস লিমিতেদ (তি.সি.এল.) (ত্রুপ কমফোর্দ আইতেমস); য়াত্রা ইন্দিয়া লিমিতেদ (য়াই.আই.এল.); ইন্দিয়া ওপ্তেদ লিমিতেদ (আই.ও.এল.); অমসুং গ্লাইদর্স ইন্দিয়া লিমিতেদ (জি.আই.এল.) হায়রিবা অনৌবা দিফেন্স কম্পনী ৭ ইনকোর্পোরেত তৌখ্রে।

 

 

 

 

 

 

 

 

 

ৱা ঙাংখিবগী মপুংফাবা ৱারোল পানবা মসিদা নম্বীয়ু

'মন কী বাত'কীদমক্তা হৌজিক অদোমগী ৱাখল্লোন অমদি তান-ৱাশিং শেয়র তৌবীয়ু!
21 Exclusive Photos of PM Modi from 2021
Explore More
পি.এম.না উত্তর প্রদেশকী বারানসীদা কাশী বিশ্বনাথ ধাম শঙ্গাবদা থমখিবা ৱারোল

Popular Speeches

পি.এম.না উত্তর প্রদেশকী বারানসীদা কাশী বিশ্বনাথ ধাম শঙ্গাবদা থমখিবা ৱারোল
India among top 10 global AI adopters, poised to grow sharply: Study

Media Coverage

India among top 10 global AI adopters, poised to grow sharply: Study
...

Nm on the go

Always be the first to hear from the PM. Get the App Now!
...
সোসিয়েল মিদিয়াগী মফম 21 জনুৱারী, 2022
January 21, 2022
Share
 
Comments

Citizens salute Netaji Subhash Chandra Bose for his contribution towards the freedom of India and appreciate PM Modi for honoring him.

India shows strong support and belief in the economic reforms of the government.