এ.আই.আই.এম.এস গুহাৱাতি অমসুং অতোপ্পা মেদিকেল কলেজ অহুম লৈবাক অসিগী মীয়ামদা কৎথোকখ্রে
‘অপকা দ্বার অয়ুস্মান’ কেম্পেন হৌদোকখ্রে
অসাম এদভান্স হেল্থ কিয়ার ইন্নোবেসন ইন্সতিতুৎকী উরেপ-উয়ুং তমখ্রে
“হৌখিবা চহি ৯দা অৱাং-নোংপোক্তা সোসিএল ইনফ্রাস্ত্রকচর শিংথাবা য়ানা ফগৎলে”
“ঐখোয়না ‘সেবা ভাব’কা লোয়ন্না মীয়ামীদমক থবক তৌরি’
“অৱাং-নোংপোক চাউখৎহনবগা লোয়ন্না ভারত চাউখৎনবগী লাইৱা অমগা লোয়ন্না ঐখোয় মাঙলোমদা চঙশিল্লি”
“সরকারগী থৌশিল, থবক অমসুং ৱাখল্লোন অসি মশা খক্তগী খনবা নত্তে, ‘লৈবাক্কী থবক্না অহানবা-মীয়াম্না অহানবা’ হায়বা ৱাখল্লোন্দা পায়খৎপনি
“শাগৈগী রাজনিতি, অকক্নবা লমদম খর খক্তগী থবক তৌবা, শেঞ্জা-থুমজা অমসুং তুংদু-লৈতাদবনা নমহৎপা মতমদা চাউখৎপা ওইথোক্তে”
“ঐখোয়গী সরকারনা পায়খৎলিবা স্কিমশিং অসিনা নুপীশিংগী হকশেলদা য়াম্না চাউনা কান্নবা পীরে”
“২১শুবা চহিচাগী দরকার ওইবশিংগী মতুংইন্না ঐখোয়গী সরকারনা ভারতকী হকশেলগী থবকশিং মতমগা চুনবা মওংদা শেমগৎলে”
“ভারতকী অনা-লায়য়েংগী থবক্তা অহোঙবা পুরকপগী খ্বাইদগী চাউবা মরমদি সবকা প্রয়াসনি”

ঙসি প্রধান মন্ত্রীনা অসামগী গুৱাহাতিদা লুপা করোর ৩,৪০০ হেনবগী প্রোজেকশিং উরেপ-উয়ুং তমখ্রে, শঙ্গাখ্রে অমসুং মীয়ামদা কৎথোকখ্রে। প্রধান মন্ত্রীনা এ.আই.আই.এম.এস গুহাৱাতি অমসুং অতোপ্পা মেদিকেল কলেজ অহুম লৈবাক অসিগী মীয়ামদা কৎথোকখ্রে। মহাক্না অসাম এদভান্স হেল্থ কিয়ার ইন্নোবেসন ইন্সতিতুৎকী উরেপ-উয়ুংসু তমখ্রে অমসুং কান্নবা ফংবা য়ারবা মীওইশিংদা অয়ুস্মান ভারত প্রধান মন্ত্রী জন অরোগ্যা য়োজনা(এ বি-পি এম জে এ ৱাই)কার্দশিং য়েন্থোক্তুনা ‘অপকা দ্বার অয়ুস্মান’ কেম্পেন হৌদোকখ্রে।

 

থৌরম অদুদা তিনখিবা মীয়ামদা শেংলবা রোঙ্গালি বিহু কুহ্মৈগী য়াইফ-পাউজেল পীরদুনা প্রধান মন্ত্রীনা হায়খি অৱাং-নোংপোক্কী অহানবা এ.আই.আই.এম.এস লৈবদগী অমসুং অসামগী অনৌবা মেদিকেল কলেজ অহুম হাংদোকপদগী অসাম অমসুং অৱাং-নোংপোক্কী হকশেলগী ইনফ্রাস্ত্রকচর নৌনা মপাঙ্গল হাপ্লে। আই.আই.তি গুহাৱাতিগা পুন্না থবক তৌমিন্নদুনা অৱাংবা থাক্কী রিছার্স পাংথোক্নবা ফমুং ৫০০ লৈগদবা সুপর স্পিসিএলিতি হোস্পিতাল অমা শানবা উরেপ-উয়ুংশু তম্লে। অসামগী মীওই করোর কয়াদা অয়ুস্মান কার্দ য়েন্থোক্নবা মিসনগী মওংদা থবক পায়খৎলে। ঙসিগী চাউখৎ-থৌরাংগী প্রোজেকশিং অসিনা অরুনাচল প্রদেস, নাগালেন্দ, মেঘালয়, মনিপুর অমসুং মিজোরমসু কান্নবা ফংগনি। ঙসিগী প্রোজেকশিং অসিগীদমক প্রধান মন্ত্রীনা মীওই খুদিংমক থাগৎপা ফোঙদোকখি।

প্রধান মন্ত্রীনা হায়খি হৌখিবা চহি ৮-৯ অসিদা অৱাং-নোংপোক্তা লম্বী, রেল অমসুং এয়রপোর্ত ইনফ্রাস্ত্রকচর ফগৎলক্লে। লমদম অসিদা ফিজিকেল ইনফ্রাস্তকচগা লোয়ন্না সোসিএল ইনফ্রাস্ত্রকচরশু ফগৎলে অমসুং মমাঙদা অমুক্তা ওইখিদ্রিবা ফিবমদা অৱাং-নোংপোক্তা লাইরিক-লাইশু তম্বা অমসুং হকশেলগী খুদোংচাবশিং হেনগৎলে। মহাক্কী ইকোন কোনবা খোঙচত্তা মেদিকেল কলেজ খর খুদোল পীরমখি অমসুং ঙসি মহাক্না এ.আই.আই.এম.এস  অমসুং মেদিকেল কলেজ অহুম শীন্নরম্লে।

প্রধান মন্ত্রীনা হায়খি মমাঙগী সরকারশিংদা লৈরম্বা মনা লৌনিংবা অমসুং মপু শানিংবা থৌওং অদুনা লৈবাক অসি করি অমা তৌবা ঙমখিদে। মমাঙগী সরকারশিংনা অৱাং-নোংপোক লমদম অসি নাথৈদুনা থম্বগী ৱাখল্লোন অমা লৈরমখি আমসুং মসি লৈবাক্কী অতৈ মফমশিংদগী থাপ্না লৈবগুম উহল্লমখি। মীয়ামগী থবক তৌবদা থাজবা লৈবা হৌজিক লৈরিবা সরকার অসিনা অৱাং-নোংপোক অসি ইরাই লাইনা য়ৌবা য়াবা লমদম অমা ওইহল্লে অমসুং নক্না লৈবগী ৱাখল্লোন ফাওহল্লে।

অৱাং-নোংপোক্কী মীয়াম্না মখোয়গী মরাইবক অমসুং চাউখৎপগী দাইত্ব লৌজবদা হরাওবা ফোঙদোক্লদুনা প্রধান মন্ত্রীনা হায়খি অৱাং-নোংপোক চাউখৎহনবগা লোয়ন্না ভারত চাউখৎনবগী লাইৱা অমগা লোয়ন্না ঐখোয় মাঙলোমদা চঙশিল্লি। চাউখৎপগী ইহৌ অসিদা, কেন্দ্র সরকারনা মরুপ অমা ওইনা অমসুং মীনাই অমা ওইনা চৎমিন্নরি।

 

লমদম অসিনা চহি কয়াগী মমাঙদগী থেংনদুনা লাক্লবা খুদোংচাদবশিং পল্লদুনা, প্রধান মন্ত্রীনা হায়খি শাগৈগী রাজনিতি, অকক্নবা লমদম খর খক্তগী থবক তৌবা, শেঞ্জা-থুমজা অমসুং তুংদু-লৈতাদবনা নমহৎপা মতমদা চাউখৎপা ওইথোক্তে। মসি ঐখোয়গী অনা-লায়য়েংগী থবকশিংদসু থেংনখি। ১৯৫০গী মতমদা এ.আই.আই.এম.এস লিংখৎখি অমসুং লৈবাক্কী অতোপ্পা মফমশিংদা এ.আই.আই.এম.এস লিংখৎনবা থবক পায়খৎখিদে। শ্রী অতল বিহারি বাজপায়গী মতমদা লিংখৎনবা হোৎনরম্লবসু মতুং তারকপা চহিশিংদা থবক ওইনা পাংথোকখিদে। ২০১৪গী মতুংদা হৌজিক পাল্লিবা সরকার অসিনা হায়রিবা ৱাফমশিং অসি খন্নবা হৌখি। হৌখিবা চহি খর অসিদা এ.আই.আই.এম.এস ১৫ থবক তৌবা হৌরে। এ.আই.আই.এম.এস গুৱাহাতি অসি ঐখোয়গী সরকারগী ৱাশকশিং ঙাকপগী খুদম অমনি।

প্রধান মন্ত্রীনা হায়খি মমাঙ সরকারশিংগী থৌশিলশিংনা লৈবাক অসিদা দোক্তর অমসুং মেদিকেল লমদা থবক তৌবা মীওই মশিং ৱাৎপনি অমসুং মগুন লৈবা অনা-লায়য়েংগী থবকশিংগী মমাঙদা চেকপল অমা খাখি। হৌখিবা চহি ৯ অসিদা লৈবাক অসিদা মেদিকেল ইনফ্রাস্ত্রকচর অমসুং মেদিকেলগী লমদা থবক তৌবা মীওই মশিং য়াম্না হেনগৎহন্নবা সরকারনা থবক পায়খৎলে। ২০১৪গী মমাঙদা মেদিকেল কলেজ ১৫০ খক লৈরম্বা অদুগা চাংদম্নবদা হৌখিবা চহি ৯দা চাউরাক্না মেদিকেল কলেজ ৩০০ লৈরে।

 

মহাক্না হায়খি হৌখিবা চহি ৯দা লৈবাক অসিদা এম.বি.বি.এস সিত মশিং শরুক অনি হেনগৎতুনা হৌজিক সিত লাখ ১ অরোম লৈরে অমসুং পি.জি সিতি চাদা ১১০ হেনগৎলে। লৈবাক অসিদা মেদিকেল ইজুকেসন পাকথোক-চাউথোক্নবা নেসনেল মেদিকেল কম্মিসন লিংখৎপগা লোয়ন্না লায়রবা ইমুংগী নহারোলশিং দোক্তর ওইনিংবগী মঙলান মঙফাওন্নবা সিত খাক্তুনা থম্বগী থবক পায়খৎলে। চহি অসিগী বজেত্তা নর্সি কলেজ ১৫০ হেন্না লিংখৎনবসু লাউথোক্লে। অৱাং-নোংপোক্কী ওইনা হৌখিবা চহি ৯ অসিদা মেদিকেল কলেজ মশিং অমসুং সিত মশিং শরুক অনিদা হেনগৎলে অমসুং অনৌবা কলেজ কয়া লিংখৎনবা থবক পায়খৎলি।

প্রধান মন্ত্রীনা হায়খি কেন্দ্রদা মপাঙ্গল কনবা অমসুং মরা চেৎপা সরকার অমা লৈবদগী মেদিকেল অমসুং অনা-লায়য়েংগী থবকশিং মপুংফানা পাংথোকপা ঙম্বনি। বি.জে.পি থৌশিল, থবক অমসুং ৱাখল্লোন অসি মশা খক্তগী খনবা নত্তে, ‘লৈবাক্কী থবক্না অহানবা-মীয়াম্না অহানবা’ হায়বা ৱাখল্লোন্দা পায়খৎপনি। লায়রবা ইমুং অমনা লায়য়েংবগী শেল লৈতবগী অৱাবশিং অদু খঙদুনা, অয়ুস্মান য়োজনাগী মখাদা লায়য়েংনবা লুপা লাখ ৫ ফাওবা পীরে। হিদাক-লাংথকশিং অহোঙবা মমলদা ফংহন্নবা জন ঔশাধি কেন্দ্র ৯০০ হেন্না হাংদোক্লে। স্তেন্তশিং অমসুং নি ইমপ্লান্তকী মমল য়াম্না হন্থরে অমসুং জিলা খুদিংমক্তা লেম্না দাইলাইসিস পাংথোক্নবা সেন্তরশিং লৈরে। ৱেলনেস সেন্তর লাখ ১.৫ হেনবনা ঙল্লিঙৈদা লাই ওং খঙদোক্নবা মরুওইবা তেস্তশিংগী খুদোংচাবা ফংহল্লে। প্রধান মন্ত্রী তি.বি মুক্তা অভিয়ান্না লায়রবশিং অমসুং লৈবাক অসিগী মরুওইবা মেদিকেলগী শিংনবা অমা কোকহল্লে। লু-নান্না লৈবা, য়োগা অমসুং অয়ুর্বেদানা হকচাং ফনা লৈবা অমসুং লায়নাশিং নাদ্রিঙৈদা ঙাকথোকপা হেনগৎহল্লে।

 

সরকারগী স্কিমশিং মাইপাকপগী মতাং পল্লদুনা, প্রধান মন্ত্রীনা হায়খি মীয়ামগী থবক তৌবগী খুদোংচাবা ফংবা অসিদা মহাক থৌজাল ফংবগুম ফাওরে। অয়ুস্মান ভারত প্রধান মন্ত্রী অরোগ্যা য়োজনা অসিনা লায়রবশিংগী লুপা করোর ৮০,০০০ কন্দুনা মখোয়গী মতেং পাংলে। জন ঔশাধি কেন্দ্রশিংনা মিদল ক্লাসকী লুপা করোর ২০,০০০ কনবা ঙম্লে। স্তেন্তশিং অমসুং নি ইমপ্লান্তকী মমল হন্থবদগী চহি অমদা লায়রবা অমসুং মিদল ক্লাস ইমুংশিংগী লুপা করোর ১৩,০০০ কনবা ঙম্লে অমসুং লেম্না দাইলাইসিস তৌবগী খুদোংচাবা পীবদগী লায়রবা কিদনি অনাবা মীওইশিংগী লুপা করোর ৫০০ কনবা ঙম্লে। অয়ুস্মান ভারত কার্দ করোর ১ য়েন্থোক্নবা অসামদা হৌদোক্লিবা কেম্পেন অসিনা লায়রবশিংগী শেন কনবদা মখা তানা মতেং পাংগনি।

প্রধান মন্ত্রীনা হায়খি ঐখোয়গী সরকারনা পায়খৎলিবা স্কিমশিং অসিনা নুপীশিংগী হকশেলদা য়াম্না চাউনা কান্নবা পীরে। মখোয়গী হকশেলগীদমক শেন থাদবা নুপীশিংনা চৎনবী ওইনা য়ারমদে। তোইলেতশিং মশিং য়ামখৎলকপা অসিনা অনাবা কয়াদগী ঙাকথোকপা ঙম্লে অমসুং উজ্জৱালা কন্নেক্সন পীবদগী মৈখুগা মরী লৈনবা লায়নাশিংদগী কনবা ঙম্লে। জল জিবন মিসন্না ঈশিংনা থোকহনবা লায়নাশিংদগী কনবা ঙম্লে অমসুং মিসন ইন্দ্রধনুসনা লেম্না তিকা থাদুনা শাথিরবা লায়নাশিংদগী মখোয় ঙাকথোকপা ঙম্লে অমসুং নেসনেল নিউত্রিসন মিসন্না নুপীশিংগী মরক্তা হকচাং ফংবা হেনগৎহল্লে। সরকারনা মীয়ামগী খনবা মতমদা, লায়রবশিংগী থবক তৌনিংবগী ৱাখল্লোন অমা লাকই অমসুং অসিগুম্বা থবকশিং পাংথোকই।

 

শ্রী মোদীনা হায়খি ২১শুবা চহিচাগী দরকার ওইবশিংগী মতুংইন্না ঐখোয়গী সরকারনা ভারতকী হকশেলগী থবকশিং মতমগা চুনবা মওংদা শেমগৎলে। অয়ুস্মান ভারত দিজিতেল হেল্থ মিসন অমসুং দিজিতেল হেল্থ আই.দিনা ক্লিক অমদা মীয়ামগী হকশেলগী রেকোর্দশিং শেম্লগনি অমসুং হোস্পিতালগী থবকশিং ফগৎলগনি। হৌজিক ফাওবদা হেল্থ আই.দি করোর ৩৮ শেমখ্রে অমসুং হকশেলগী খুদোংচাবা ফংবা মফম লাখ ২ হেন্না অমসুং হকশেলগী লমদা থবক তৌরিবা মীওই লাখ ১.৫ হেন্না ভেরিফাইদ তৌরে। ই-সঞ্জিবানি পাম্না হেনগৎলক্তুনা স্কিম অসিগী মখাদা ই-কন্সলতেসন করোর ১০ হেন্না পাংথোকখ্রে।

 

প্রধান মন্ত্রীনা হায়খি ভারতকী অনা-লায়য়েংগী থবক্তা অহোঙবা পুরকপগী খ্বাইদগী চাউবা মরমদি সবকা প্রয়াস(মীওই খুদিংমক্কী হোৎনবা)নি। কোরোনাভাইরসকী লাইচৎ মনুংদা সবকা প্রায়াসকী থৌনাগা লোয়ন্না লাইচৎ থেংনখি অমসুং মালেমদা খ্বাইদগী থুবা,চাউবা অমসুং মপুংফাবা কোবিদ তিকা থাবগী খোঙজং অদুগীদমক মালেম শীনবা থুংনা থাগৎনখি। লৈবাক অসিগী খ্বাইদগী মনুং হুঞ্জিবা মফমশিং ফাওবদা অতেনবা মতমগী মনুংদা অসা ৱার্করশিং, অঙ্গনৱাদি ৱার্করশিং, প্রাইমারি হেল্থ কিয়ার ৱার্করশিং অমসুং ফার্মাসিউতিকেল সেক্তরনা ভারতনা শাবা তিকাশিং ফংহনখি। সবকা প্রায়াস(মীওই খুদিংমক্কী হোৎনবা) অমসুং সবকা বিশ্বাস(মীওই খুদিংমক্কী থাজবা) লৈরবা মতমদা অসিগুম্বা অচৌবা থবক অসি মাইপাকপা ঙম্মী। সবকা প্রায়াসকী থৌনাগা লোয়ন্না মাঙলোমদা চঙশিন্নবা অমসুং মশা ফবা ভারত, নুংঙাই-য়াইফবা ভারতকী পান্দম অনৌবা থাকশিংদা পুখৎনবা মীয়াম্না মীয়ামদা তকশিল্লদুনা প্রধান মন্ত্রীগী ৱারোল লোইশিনখি।

ঙসিগী থৌরম অদুদা অসামগী রাজ্যপাল শ্রী গুলাব চান্দ কাতারিয়া, অসামগী চীফ মিনিস্তর শ্রী হিমান্ত বিশ্বা শর্মা, হেল্থ অমসুং ফেমিল ৱেলফিয়ারগী য়ুনিয়ন মিনিস্তর দোক্তর মনসুখ মন্দাবিয়া, হেল্থ অমসুং ফেমিল ৱেলফিয়ারগী রাজ্য মন্ত্রী দোক্তর ভারতি পৱার অমসুং অসাম সরকারগী মিনিস্তরশিং শরুক য়াখি।

নুঙগীৱারোল

এ.আই.আই.এম.এস, গুৱাহাতি থবক হৌবা অসি অসাম অমসুং অৱাং-নোংপোক শীনবা থুংবগী অচৌবা থৌরম অমনি। মসি লৈবাক অসিদা হকশেলগী মচাক-মথুমশিং ফগৎহন্নবা প্রধান মন্ত্রীনা পীখিবা থাজবা থবক ওইনা পাংথোকপগী খুদম অমনি। মে ২০১৭দা হোস্পিতাল অসি প্রধান মন্ত্রীনা উরেপ-উয়ুং তমখি। লুপা করোর ১১২০ চঙনা শেমগৎপা এ.আই.আই.এম.এস, গুৱাহাতিদা অয়ুসকী ফমুং ৩০ য়াওনা ফমুং ৭৫০ লৈরি। হোস্পিতাল অসিদা চহি অমদা এম.বি.বি.এস মহৈরোয় ১০০ তম্বা য়াগনি।

 

প্রধান মন্ত্রীনা মীয়ামদা নালবারি মেদিকেল কলেজ(লুপা করোর ৬১৬ চঙনা শাবা), নাগাউন মেদিকেল কলেজকলেজ(লুপা করোর ৬০০ চঙনা শাবা) অমসুং কোক্রাঝার মেদিকেল কলেজকলেজ(লুপা করোর ৫৩৫ চঙনা শাবা) মীয়াম কৎথোকখি। হায়রিবা মেদিকেল কলেজশিংদা ফমুং ৫০০গী তিচিং হোস্পিতাল, ও.পি.দি/আই.পি.দি সর্বিস, ইমর্জেন্সি সর্বিস, আই.সি.য়ু, ও.তি অমসুং দাইগনোস্তিক্কী খুদোংচাবশিং য়াওরি। মেদিকেল কলেজ অমমম্না চহি অমদা এম.বি.বি.এস মহৈরোয় ১০০ লৌশিনগনি।

প্রধান মন্ত্রীনা হৌদোকখিবা অপকে দ্বার অয়ুস্মান কেম্পেন অসিনা য়াইফ-থৌরাংগী স্কিমশিংগী কান্নবশিং চাদা ১০০ ফংহন্নবা মহাক্কী পান্দম ফংহন্নবা মাইকৈদা থাংজিনবা খোঙথাং অমনি। প্রধান মন্ত্রীনা বেনিফিসরি অহুমদা অয়ুস্মান ভারত পি.এম জন অরোগ্যা য়োজনা কার্দশিং য়েন্থোকখি অমসুং তুংদা রাজ্য অসিগী জিলাশিংদা অয়ুস্মান ভারত পি.এম জন অরোগ্যা য়োজনা কার্দ করোর ১.১ রোম য়েন্থোকখি।

অসাম এদভান্স হেল্থ কিয়ার ইন্নোবেসন ইন্সতিতুৎকী উরেপ-উয়ুং তম্বা অসি হকশেলগা মরী লৈনবা হিরমশিংদা প্রধান মন্ত্রীগী ‘অত্মানির্ভর ভারত’ অমসুং ‘মেক ইন ইন্দিয়া’গী পান্দম থবক ওইনা পাংথোক্নবা খোঙথাং অমনি। অনা-লায়য়েংগী লমদা লৈ 

ৱা ঙাংখিবগী মপুংফাবা ৱারোল পানবা মসিদা নম্বীয়ু

Explore More
৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল

Popular Speeches

৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল
Around 8 million jobs created under the PMEGP, says MSME ministry

Media Coverage

Around 8 million jobs created under the PMEGP, says MSME ministry
NM on the go

Nm on the go

Always be the first to hear from the PM. Get the App Now!
...
সোসিয়েল মিদিয়াগী মফম 23 জুলাই, 2024
July 23, 2024

Budget 2024-25 sets the tone for an all-inclusive, high growth era under Modi 3.0