প্রধান মন্ত্রী শ্রী নরেন্দ্র মোদীনা ঙসি প্রাগতিগী ৩৫শুবা ইদিসনগী চেয়র লৌখ্রে, মাংজৌননা তৌবা থবক্কী লৈঙাক অমসুং মতম চানা শিজিন্নবগী আই.তি.সি.দা বেজ তৌবা মল্তি-মোদাল প্লেতফোর্ম অসিদা সেন্ত্রেল অমসুং স্তেত য়াওরি।
মিতিং অসিদা, এজেন্দা আইতেম তরা, প্রোজেক্ত মাপল অমসুং প্রোগ্রাম অমা য়াওনা হন্না অমুক য়েংননবা লৌখৎলি। প্রোজেক্ত মাপল অসিগী মনুংদা, প্রোজেক্ত অহুম অমদি রেলৱে মিনিস্ত্রীদগীনি, অহুম অমনা ওম.ও.আর.তি.ঐচ.তগী অমসুং প্রোজেক্ত অমানা দি.পি.আই.আই.তি., পাৱর মিনিস্ত্রী অমসুং এক্সতর্নেল এফিয়র্স মিনিস্ত্রীদগীনি। মসিগী প্রোজেক্ত মাপল অসিগী শেনফম অসি মথং-মথং হেনগৎতুনা লুপা করোর ৫৪,৬৭৫ স্তেত ১৫গী ওইনা পীরি মখোয় অদুদি – ওরিশা,কর্নাতকা, আন্ধ্রা প্রদেশ, মহারাস্ত্রা, ছত্তিসগর, পঞ্জাব, ঝরখন্দ, বিহার, তেলঙ্গানা, রাজস্থান, গুজরাত, ৱেস্ত বেঙ্গাল, হারিয়ানা, উত্তরাখন্দ অমসুং উত্তর প্রদেশনি।
উন্নবা মনুং অসিদা প্রধান মন্ত্রীনা প্রধান মন্ত্রী ভারতিয়া জন ঔশাধি পারিয়োজনাশু য়েংশিনখি।
প্রধান মন্ত্রীনা ওফিসিএলশিংদা চিৎথদুনা লৈহৌবা ইনফ্রাস্ত্রকচর প্রোজেক্তশিং অসি য়াম্না অথুবা মতমদা ৱারেপ লৌনবা শিন্নখি। মহাক্না ফার্মাসিয়ুতিকেল দিপার্তমেন্ত অমসুং স্তেত অমসুং য়ু.তি.শিংবু প্রধান মন্ত্রীনা প্রধান মন্ত্রী ভারতিয়া জন ঔশাধি পারিয়োজনা অসি পাক শন্না মীয়ামদা পাউজেল পীনবা অমসুং মসিবু হেন্না মথৌ পাংথোক্নবা তেক্নোলোজি শিজিন্নবা পুক্নিং থৌগৎখি।
৩৪শুবা প্রাগতিগী ইদিসন মিতিং ফাওবদা, প্রোজেক্ত ২৮৩ শেল ওইনা অপুনবা লুপা লাখ করোর ১৩.১৪ হন্না পীখ্রে।
