“হিমাচল প্রদেশকী লেপচাদা লৈরিবা ঐখোয়গী থৌনা ফরবা সেক্যুরিতী ফোর্সশিংগা দিৱালী পাঙথোকমিন্নবা অসি য়াম্না নুংশিবা অমসুং চাউথোকচবনা থনবা এক্সপরিয়েন্স অমা ওইখি”
“লৈবাক অসিনা নখোয়দা তৌবীমল খঙবা উৎলি অমসুং নখোয়গী লমন তোনশিল্লি”
“ঐহাক্কী ওইনা জৱানশিংনা পোস্তিং তারিবা মফম অসি মন্দিরদগী তাদে। নখোয়না লৈবা মফম অদুদা ঐগী কুহ্মৈ পাঙথোক্লি”
“আর্মদ ফোর্সেসনা ভারতকী মীংচৎ অসি অনৌবা পনখৈশিং তম্না পুখৎখি”
“হৌখিবা চহি অসি লৈবাক শেমগৎপদা মাইলস্তন ওইখিবা চহি ওইরি”
“কোম্বেৎ ফিল্দদগী হৌরগা মী কনবগী মিসনশিং ফাওবদা ইন্দিয়ন আর্মদ ফোর্সেসনা পুন্সিশিং কনবদা কত্থোক্তুনা লাকখি”
“নারীশক্তিনা লৈবাক্কী ঙাকশেলদা অচৌবা থৌদাং অমা লৌরি”

প্রধান মন্ত্রী, শ্রী নরেন্দ্র মোদীনা ঙসি দিৱালীগী থৌরমদা হিমাচল প্রদেশকী লেপচাদা থৌনা ফরবা জৱানশিংদা ৱা ঙাংখ্রে।

জৱানশিংদা ৱা ঙাংলদুনা প্রধান মন্ত্রীনা হায়খি মদুদি দিৱালীগী কুহ্মৈ অমসুং জৱানশিংগী থৌনবু মীয়াম্না থাগৎনবগী খোন্থাং পুনশিন্নবা অসি লৈবাক্কী প্রজা খুদিংমক্কীদমক মঙাল ফংবা মীকুপ অমা ওইরি। মহাক্না ভারতকী ঙমখৈগী মফমশিংদা, হৌজিক্তি অহানবা খুঙ্গং ওইহনখ্রবা লৈবাক্কী অরোইবা খুঙ্গংদা লৈরিবা জৱানশিংগা লোয়ননা দিৱালীগী য়াইফ পাউজেল পীখ্রে।

 

মহাক্কী এক্সপরিয়েন্স অদু নীংশিংলদুনা প্রধান মন্ত্রীনা হায়খি মদুদি ইমং মনুং লৈরিবা অদুদা হরাও-কুহ্মৈ পাঙথোক্নৈ অমসুং কুহ্মৈগী নুমিৎতা ঙমখৈ ঙাক্নবগীদমক ইমুং মনুংদগী লাপনা লৈবা অসি থৌদাংগীদমক কত্থোকপগী অৱাংবা থাক অদু ফংবনি হায়খি। মহাক্না হায় ভারত মচা করোর 140বু ইমুংগী মীওই ওইনা লৌবা অসিনা সেক্যুরিতী পর্সনেলদা মথৌ তৌনবগী ৱাখল্লোন অমা পোকহল্লি। “লৈবাক অসিনা মসিগীদমক নখোয়দা তৌবীমল খঙবা উৎলি অমসুং নখোয়গী লমন তোনশিল্লি। মরম অসিদা য়ুমথোং খুদিংদা নখোয়না শাফনা লৈনবগীদমক ‘দিৱা’ অমা থাল্লিবনি”, হায়না মহাক্না ফোঙদোকখি। “ঐহাক্কী ওইনা জৱানশিংনা পোস্তিং তারিবা মফম অসি মন্দিরদগী তাদে। নখোয়না লৈবা মফম অদুদা ঐগী কুহ্মৈ পাঙথোক্লি। মসি চহি 30-35 পাঙথোক্তুনা লাকখি”, হায়না মহাক্না মখা তাখি। প্রধান মন্ত্রীনা জৱানশিংদা অমসুং আর্মদ ফোর্সেসনা কত্থোকপগী চৎনবীবু ইকাই খুম্নবা উৎখি। “ঐখোয়গী থৌনা লৈবা জৱানশিংনা মখোয় অসি ঙমখৈগী খ্বাইদগী শক্তি লৈবা পল ওইরি উৎখি” হায়না মহাক্না ফোঙদোকখি। “ঐখোয়গী থৌনা লৈবা জৱানশিংনা মতম চুপ্পদা মাইথিবগী খয়াৎতগী মাইপাকপা মুনদুনা প্রজাশিংগী থমোয়শিং জয় তৌখি” হায়না প্রধান মন্ত্রীনা ফোঙদোক্লদুনা মহাক্না লৈবাক শেমগৎপদা আর্মদ ফোর্সশিংনা শরুক তমখিবশিং অদু পাউদমখি। মহাক্না আর্মদ ফোর্সশিংনা মশিং য়াম্লবা পুন্সি কনখিবা য়ুহার হাবা অমসুং সুনামিশিংগুম্বা মহৌশাগী খুদোংচাবশিং লোয়ননা ইন্তরনেস্নেল পীচ মিসনশিংগী মতাংদা ফোঙদোকখি। “আর্মদ ফোর্সেসনা ভারতকী মীংচৎ অসিবু অনৌবা পনখৈশিং তম্না পুখৎখি” হায়না মহাক্না ফোঙদোকখি। প্রধান মন্ত্রীনা মমাং চহিদা য়ুনাইতেদ নেসন্সতা অমত্তা ওইনা য়েৎনবা লৈতনা পাস তৌখিবা পীচকীপরশিংগীদমক মেমোরিএল হোল অমা প্রপোজ তৌখিবা অদুসু পাউদমখি অমসুং হায়খি মদুদি মসিনা মালেমদা শান্তি পুরক্নবা মাইকৈদা মখোয়না শরুক তমখিবা অদু অমর ওইহল্লগনি।

 

ভারত মচাশিং খক্তা নত্তনা মীরৈবাক মচাশিংগীদমক্তসু মী হোন্দোকপগী মিসনশিংদা ইন্দিয়ন আর্মদ ফোর্সেসনা লৌরিবা থৌদাংগী মতাংদা প্রধান মন্ত্রীনা সুদানগী লানদগী মাইপাক্না মী হোন্দোরকখিবা অমসুং তর্কীদা য়ুহার হারবা মতুংদা মী কনবগী মিসন চত্থখিবা অদু নীংশিংখি। “কোম্বেৎ ফিল্দদগী হৌরগা মী কনবগী মিসনশিং ফাওবা ইন্দিয়ন আর্মদ ফোর্সেসনা পুন্সিশিং কনবদা কত্থোক্তুনা লাকখি” হায়না প্রধান মন্ত্রীনা ফোঙদোকখি। মহাক্না মখা তারদুনা হায় প্রজা খুদিংমক্না লৈবাক্কী আর্মদ ফোর্সেসকীদমক চাউথোকচবা পোক্লি।

হৌজিক লৈরিবা মালেমগী ফীভম অসিদা ভারত্তগী মালেমনা থাজবা থম্লিবা অসিগী মতাংদা পল্লদুনা প্রধান মন্ত্রীনা লৈবাক্কী ঙমখৈ ঙাকপা, শান্তি লৈহনবা অমসুং তংদু লৈতাবা পুরকপগী মরু ওইবা অদু নৌহৌননা ফোঙদোকখি। “হিমালয়গুম্বা অখাং কনবগা লোয়ননা থৌনা ফরবা জৱানশিংনা মাগী ঙমখৈশিং ঙাকশেনবনা ভারত অসি শাফনা লৈবা ঙম্লি” হায়না মহাক্না ফোঙদোকখি।

 

প্রধান মন্ত্রীনা মমাংগী দিৱালীদগী হৌনা হৌখিবা চহি অমা অসিদা পুরকখিবা মাইপাকশিংগী অদু পাউদমখি অমসুং চন্দ্রয়ান লেন্দিং তৌখিবা অদিত্য L1, গগনয়ানগা মরী লৈনবা তেস্ত, ইন্দিজিনস এয়রক্রাফ কেরিয়া INS বিক্রান্ত, তুমকুর হেলিকোপ্তর ফেক্তরী, বাইব্রেন্ত ভিলেজ কেম্পেন অমসুং স্পোর্তসকী মাইপাকপশিংগী মতাংদা পনখি। হৌখিবা চহি অমা অসিদা গ্লোবেল অমসুং দেমোক্রেতিককী কান্নবশিংগী মতাংদা মখা তারদুনা  প্রধান মন্ত্রীনা অনৌবা পার্লিয়ামেন্ত বিল্দিং, নারীশক্তি বন্দন অধিনিয়ম, G20, বাইওফ্যুল এলাইন্স, মালেমগী রিএল-তাইম পেমেন্তদা মাংজিল থাবা, এক্সপোর্তশিংদা বিলিয়ন দোরল 400 হেনখিবা, মালেমগী 5শুবা খ্বাইদগী চাউবা ইকনোমী ওইরকপা, 5G রোল আউৎ তৌবদা পাইখৎপা খোঙথাংগী মতাংদা ফোঙদোকখি। “মমাংগী চহি অসি লৈবাক শেমগৎপগী মাইলস্তন ওইখিবা চহি অমনি”, হায়না মহাক্না ফোঙদোকখি। মহাক্না হায়খি ভারতনা ইনফ্রাস্ত্রকচর শেমগৎপদা অচৌবা খোঙথাংশিং পাইখৎখি অমসুং লৈবাক অসিদা মালেমগী ওইনা অনিশুবা খ্বাইদগী চাউবা রোদ নেৎৱার্ক, খ্বাইদগী শাংবা রিবর ক্রুজ সর্ভিস, রেপিদ রেল সর্ভিস নমো ভারত, ভন্দে ভারতকী অনৌবা রুৎ 34, ইন্দিয়া-মিদ্দল ইস্ত-য়ুরোপ কোরিদোর, দিল্লীদা মালেমগী থাক্কী কনভেন্সন সেন্তর অনি – ভারত মন্দপম অমসুং য়শোভুমি হায়রিবশিং অসি লৈখি, ভারতমা য়ুনিভর্সিতীশিংগী মশিং খ্বাইদগী ৱাংবা লৈবাক ওইখি, ধোরদো ভিলেজনা বেস্ত তুরিজম ভিলেজ ফংখি অমসুং UNESCO ৱর্ল্দ হেরিতেজ লিস্ততা শান্তি নিকেতন অমসুং হোইসালা তেম্পল কমপ্লেক্স য়াওহনখি।

 

প্রধান মন্ত্রীনা হায়খি লৈবাক অসিনা মাগী ঙমখৈশিং ঙাকশেন্দুনা থম্মিবা মখৈ অফবা তুংলমচৎ অমগীদমক খোঙথাং পাইখৎপা য়াগনি। মহাক্না ভারতকী চাউখৎ-থৌরাংগী মনা অসি আর্মদ ফোর্সেসকী শক্তি, ফিরেপ অমসুং কত্থোকপদা পীখি।

ভারতনা মাগী অৱাবশিংদগী ওইথোকপা য়াবশিং পুথোকখি হায়না ফোঙদোক্লদুনা প্রধান মন্ত্রীনা হায়খি মদুদি লৈবাক অসিনা হৌজিক আত্মনির্ভর ভারতকী লম্বেলদা চংশিল্লি। মহাক্না দিফেন্স সেক্তরদা ভারতকী অমুক্তা ওইখিদ্রিবা গ্রোথ অমসুং গ্লোবেল প্লেয়র অমা ওইরক্লিবা অসিগী মতাংদা ফোঙদোকখি অমসুং ভারতকী আর্মীশিং অমসুং সেক্যুরিতী ফোর্সশিংগী শক্তি অসি লেপ্পা লৈতনা হেনগৎলক্লি। মহাক্না লৈবাক অসিনা মমাংঙৈদা খ্বাইদগী অপীকপা পোৎলমশিংগীদমক্তা অতোপ্পদা মীপাল তাংলমখি অদু নীংশিংখি অদুবু ঙসিদি মাগী মরুপ ওইরিবা লৈবাকশিংগী মথৌ তাবশিং পীবিরি। মহাক্না হায়খি ভারতকী দিফেন্স এক্সপোর্তশিং অসি পি.এম.না রিজন অসিদা 2016দা লাকলম্লবা মতুংদগী শরুক 8 হেন্না হেনগৎলকখি। “ঙসি লৈবাক অসিদা লুপা করোর লাখ 1 হেনবগী দিফেন্স প্রদক্সন তৌরি। মসিমক রেকোর্দ অমনি” হায়না মহাক্না মখা তাখি।

 

প্রধান মন্ত্রীনা হায়-তেক তেক্নোলোজী অমসুং CDSগুম্বা মরু ওইবা সিস্তেমশিংগী ইন্তিগ্রেসনগী মতাংদা ফোঙদোকখি অমসুং হায়খি মদুদি ইন্দিয়ন আর্মীনা লেপ্পা লৈতনা মতমগা চুনবা ওইরক্লি। মহাক্না মখা তারদুনা হায় ভারতনা হৌজিক তুংলমচৎতা মাগী মথৌ তাবশিংগীদমক অতোপ্পা লৈবাক্কী মীপাল তাংবগী মথৌ তাদ্রে। তেক্নোলোজী শন্দোকপা হেনগৎলক্লিঙৈ চৈরক্তা শ্রী মোদীনা আর্মদ ফোর্সেসতা তেক্নোলোজী শীজিন্নবদা হ্যুমেন অন্দরস্তেন্দিংনা মতম চুপ্পদা খ্বাইদগী মরু ওইনা লৌনবা হায়খি। মহাক্না হায়খি তেক্নোলোজীনা কৈদৌনুংদা হ্যুমেন সেন্সিবিলিতীশিংদগী হেলহল্লোইদবনি।

প্রধান মন্ত্রীনা হায়খি, “ঙসি ইন্দিজিনস রিসোর্সশিং অমসুং তোপ-ক্লাস বোর্দর ইনফ্রাস্ত্রকচরনা ঐখোয়গী শক্তি ওইরক্লি। অমসুং নারীশক্তিনা মসিদা অচৌবা থৌদাং অমসু লৌবদা ঐহাক্না নুংঙাইবা পোকই”। মহাক্না মমাং চহিদা নুপী ওফিসর 500 কম্মিসন তৌখি, নুপী পাইলোৎশিংনা রফেল ফাইতর জেৎশিং ওআইরি অমসুং নুপী ওফিসরশিং ৱারশিপশিংদা পোস্তিং পীরি হায়না ফোঙদোকখি। আর্মদ ফোর্সেসকী মথৌ তাবশিং য়েংশিনবগী মরু ওইবগী মতাংদা ৱা ঙাংলদুনা প্রধান মন্ত্রীনা এক্সত্রিম তেম্পরেচরশিংগীদমক চুনবা ফিজোলশিং, দ্রোনশিং শীজিন্নবা, জৱানশিং ঙাকশেনবা অমসুং ৱান রেঙ্ক ৱান পেন্সন (OROP) স্কিমগী মখাদা লুপা করোর লিশিং 90 পীখিবগী মতাংদা ফোঙদোকখি।

প্রধান মন্ত্রীনা মহাক্কী ৱারোল পীবা অসি কোপলেৎ অমা থীদুনা লোইশিনখি অমসুং হায়খি মদুদি আর্মদ ফোর্সেসকী খোঙথাং খুদিংমক্না পুৱারীগী মাইকৈ লেপ্পী। মহাক্না আর্মদ ফোর্সেসনা ভারত ইমাবু চপ মান্নবা অখাং কনবা মতৌগা লোয়ননা মখা তানা শেবা তৌগনি হায়না থাজবা ফোঙদোকখি অমসুং হায়, “নখোয়গী সপ্পোর্তকা লোয়ননা লৈবাক অসিনা চাউখৎপগী অনৌবা পনখৈশিং য়ৌবা ঙমগনি। পুন্না ঐখোয়না লৈবাক্কী ৱাশক খুদিংমক থুংহনগদবনি”।

 

ৱা ঙাংখিবগী মপুংফাবা ৱারোল পানবা মসিদা নম্বীয়ু

Explore More
৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল

Popular Speeches

৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল
How BrahMos can help India become Asia's key defence supplier

Media Coverage

How BrahMos can help India become Asia's key defence supplier
NM on the go

Nm on the go

Always be the first to hear from the PM. Get the App Now!
...
সোসিয়েল মিদিয়াগী মফম 21 এপ্ৰিল, 2024
April 21, 2024

Citizens Celebrate India’s Multi-Sectoral Progress With the Modi Government