পি.এম. কেয়র্স ফোর চীলদ্রেন স্কিম প্রধান মন্ত্রী শ্রী নরেন্দ্র মোদীনা মার্চ ১১, ২০২০দগী হৌরগা কোবিদ-১৯না মরম ওইরগা মমা মপা অনিমক নৎত্রগা লিগেল গার্জিয়ান নৎত্রগা য়োকচবা মমা মপা নৎত্রগা লৈমিন্নহৌরিবা মমা মপা লৈখিদ্রবা অঙাংশিংদা ঙাক্লৌ পীননবা মে, ২৯, ২০২১দা হৌদোকখিবনি। স্কিম অসিগী পান্দমদি অঙাংশিংদা তুং কোইগদবা মওংদা মপুং ওইবা য়েংশিনবীবা অমসুং ঙাকশেল পীননবা অমদি হেল্থ ইন্স্যুরেন্সকী খুত্থাঙদা মখোয়বু মশা ফনা থমবীনবা, মহৈ মশিং তমহন্দুনা মপাঙ্গল কলহন্নবা অমসুং মখোয়না চহি ২৩ শুরকপদা শেলথুমগী ঙাক্লৌ পীদুনা মরোমদোম হিংজবা ঙম্নবা থৌরাং পীবীবনি।
কেন্দ্রগী থাক্তা স্কিম অসি পায়খৎপগী নোদেল মন্ত্রালয় নুপী অমসুং অঙাংগী চাউখৎ থৌরাং মন্ত্রালয়না ওইগনি। স্তেত/য়ু.তি.শিংদনা স্তেত অদুগী জুবিনাইল জস্তিস পায়রিবা দিপার্তমেন্ত অদুনা স্তেতকী থাক্তা নোদেল এজেন্সী ওইগনি। স্কিম অসি পায়খৎপদা দিস্ত্রিক্তকী থাক্তা দিস্ত্রিক্ত মেজিস্ত্রেতনা নোদেল ওথোরিতী ওইগনি।
স্কিম অসি ওনলাইন পোর্তেল অমগী খুত্থাঙদা চঙবা য়াগনি। https://pmcaresforchildren.in.
পোর্তেল অসি ১৫.০৭.২১দা স্তেত অমসুং য়ু.তি. পুম্নমক্তা ইন্ত্রোদ্যুস তৌখ্রে অমদি স্তেত/য়ু.তি.শিংদা ইলিজিবল ওইবা অঙাংশিং খঙদোক্তুনা পোর্তেল অসিদা রেজিস্তর তৌননবা হায়খ্রে। মীওই অমা হেক্তনা পোর্তেল অসিগী খুত্থাঙদা স্কিম অসিগী ঙাক্লৌ ফংবা য়াবা অঙাং অমগী মরমদা লৈঙাক্তা পাউ পীবা য়াগনি।
