Inaugurates, dedicates to nation and lays foundation stone for multiple development projects worth over Rs 34,400 crore in Chhattisgarh
Projects cater to important sectors like Roads, Railways, Coal, Power and Solar Energy
Dedicates NTPC’s Lara Super Thermal Power Project Stage-I to the Nation and lays foundation Stone of NTPC’s Lara Super Thermal Power Project Stage-II
“Development of Chhattisgarh and welfare of the people is the priority of the double engine government”
“Viksit Chhattisgarh will be built by empowerment of the poor, farmers, youth and Nari Shakti”
“Government is striving to cut down the electricity bills of consumers to zero”
“For Modi, you are his family and your dreams are his resolutions”
“When India becomes the third largest economic power in the world in the next 5 years, Chhattisgarh will also reach new heights of development”
“When corruption comes to an end, development starts and creates many employment opportunities”

ঙসি প্রধান মন্ত্রী শ্রী নরেন্দ্র মোদীনা ভিদিও কনফরেন্সকী খুৎথাংদা ‘বিকসিত ভারত বিকসিত ছতিসগর’ থৌরমদা ৱা ঙাংখ্রে। থৌরম অদুদা প্রধান মন্ত্রীনা ছতিসগরদা লুপা করোর ৩৪,০০০ হেনবগী তোঙান-তোঙানবা চাউখৎ-থৌরাংগী প্রোজেকশিং শঙ্গাখি, মীয়ামদা কৎথোকখি অমসুং উরেপ-উয়ুং তমখি। প্রোজেকশিংগী মনুংদা লম্বীশিং, রেলৱেশিং, কোয়লা, পৱার অমসুং সোলার ইনর্জি য়াওরি।

থৌরম অদুদা ৱা ঙাংবদা, ছতিসগরগী এশেমব্লি কেন্দ্র পুম্নমক থৌরম অসি শরুক য়াবগীদমক ইমুং লাখ কয়াদা প্রধা মন্ত্রীনা য়াইফ-পাউজেল পীখি। প্রধান মন্ত্রীনা হায়খি লায়রবশিং, লৌমীশিং, নহারোলশিং অমসুং নারী শক্তি চাউখৎহল্লবা মতমদা বিকসিত ছতিসগর শেমগৎকনি অমসুং মতমগী অনৌবা ইনফ্রাস্ত্রকচরনা বিকসিত ছতিসগর অমগী য়ুম্ফম মপাঙ্গল কনখৎহনগনি। ঙসি শঙ্গারিবা নত্ত্রগা উরেপ-উয়ুং তমখিবা প্রোজেকশিংনা ছতিসগরগী মীয়ামদা অনৌবা খুদোংচাবশিং ফংহল্লগনি।

ঙসি এন.তি.পি.সিগী সুপর থর্মেল পৱার প্রোজেক মীয়ামদা কৎথোকখিবা অমসুং মেগাৱাত ১৬০০গী স্তেজ-২গী উরেপ-উয়ুং তমখিবা অদু পল্লদুনা প্রধান মন্ত্রীনা হায়খি শেন য়াম্না চঙহন্দনা হৌজিক মীয়ামদা ইলেক্ত্রিসিতি ফংহল্লগনি। ছতিসগর সোলার ইনর্জিগী ময়োল অমা ওইহন্নবা সরকারনা থবক পায়খৎলে অমসুং রাজনন্দগাউ অমসুং ভিলাদা লৈরিবা মীয়ামদা খুৎশীন্নখ্রবা সোলার পৱার প্লান্তশিংনা নুমিদাংগী মতমদা ফাওবা অনকপা মফমশিংদা মৈ ফংহনবা ঙমগনি। কঞ্জুমরশিংগী ইলেক্ত্রিসিতি বিলশিং জিরো ওইহন্নবা সরকারনা থবক পায়খৎলে। হৌজিক লৈবাক শীনবা থুংনা য়ুম করোর ১ পি.এম সুর্য়া ঘর ফ্রি ইলেক্ত্রিসি স্কিম্না কোনশিল্লে।

 

প্রধান মন্ত্রীনা মখা তানা হায়খি য়ুম মথক্তা সোলার পেনেলশিং থম্বগীদমক সরকারনা বেঙ্ক একাউন্তশিংদা হকথেংননা শেন্থং হাপচিনগনি অমসুং লেম্না ইলেক্ত্রিসিতি য়ুনিত ৩০০ পীগনি অমসুং অহেনবা পুথোরকপা মৈ সরকারনা লৈগন অমসুং মীয়ামদা লুপা লিশিং কয়াগী অহেনবা শেনফম ফংহনগনি। শীজিন্নদবা লমহাংশিংদা অপীকপা সোলার প্লান্তশিং লিংখৎনবা লৌমীশিং মতেং পাংদুনা অন্নাদাতাদগী উর্জদাতা ওন্থোক্নবা সরকারনা থবক পায়খৎলে।

প্রধান মন্ত্রীনা হায়খি ছতিসগরদা দবল ইঞ্জিন সরকারনা পীখিবা থাজবশিং থবক ওইনা পাংথোকপগীদমক থাগৎচরি। রাজ্য অসিগী লৌমী লাখ কয়া চহি অনি পন্দুনা লাক্লবা বোনস অমা ফংলে। তেন্দু মনা খোমজিনবা শিন্মীশিংগী খুৎশুমল হেনগৎহন্নবা মীখলদা থাজবা পীখিবা অদু দবল ইঞ্জিন সরকারনা থবক ওইনা পাংথোক্লে। পি.এম অৱাস য়োজনা অমসুং হর ঘর নল সে জল য়োজনাগুম্বা স্কিমশিং অনৌবা খোঙজেল অমগা লোয়ননা থবক পায়খৎলি। তোঙান-তোঙানবা পরিক্ষাশিংদা অরানবা চৎথখিবশিং থিজিল্লে। মেহতারি বন্দন য়োজনাগীদমক রাজ্য অসিগী নুপীশিংদা প্রধান মন্ত্রীনা নুংঙাইবা ফোঙদোকখি।

প্রধান মন্ত্রীনা হায়খি ছতিসগরগী থবক শুবা-নোম্বা কনবা লৌমীশিং, হৈথোই-শিংথোইবা নহারোলশিং অমসুং মহৌশাগী লনশিং লৈরি অমসুং খুদিংমক অসি বিকসিত ওইরক্নবা দরকার ওই। মমাঙগী সরকারশিংগী তুংগী উবা ঙমদবা অমসুং মশাগীতা খনবা শাগৈগী রাজনিতিনা মরম ওইদুনা রাজ্য অসিগী চাউখৎপা থিন্থবনি। মোদীগী মফমদা, অদোম মহাক্কী ইমুং-মনুংগী মীওইনি অমসুং অদোমগী মঙলানশিং মহাক্কী ৱাশকশিংনি। মরম অদুনা ঙসি ঐনা বিকসিত ভারত অমসুং বিকসিত ছতিসগরগী মরমদা ৱা ঙাংলিবনি। ভারতমচা করোর ১৪০গী মীওই অমমমদা মীনাই অসিনা মহাক্কী ৱাশকশিং থবক ওইনা পাংথোক্নবা অমসুং থবক কন্নবা শুবগী গরেন্তি পীরি। মালেমগী ভারতকী শক্তমগী মতাংদা ভারতমচা খুদিংমক চাউথোকচবা পোকহনগনি হায়না মহাক্না ২০১৪দা থাজবা পীখি।

 

শ্রী মোদীনা হায়খি লায়রবা মীয়ামগী শেন হুরানবশিংগী মথক্তা অকনবা থবক লৌখৎলে। হায়রিবা শেনফম অদু লায়রবা মীয়ামগী য়াইফনবা স্কিমগীদমক শীজিন্নরে। লায়রবশিংদা লেম্না চেঙ, লেম্না লায়য়েংবা, মমল হোংবা হিদাক-লাংথকশিং, য়ুম, তোতি ঈশিং, গ্যাস কন্নেক্সন অমসুং তোইলেতশিং ফংহল্লে। বিকসিত ভারত সংকল্প যাত্রাগী মখাদা খুঙ্গং খুদিংমক্তা মোদীগী কি গরেন্তিগী গারি য়ৌরে।

প্রধান মন্ত্রীনা হায়খি চহি ১০গী মমাঙদা, মঙলানশিংদা য়ুম্ফম ওইবা ভারত শেমগৎকনি অমসুং ঐখোয়গী ইপা-ইপুশিংগী অনিংবশিং থুংহনগনি হায়না মোদীনা গরেন্তি পীখি। অসিগুম্বা চাউখৎলবা ভারত অমা ঙসি উবা হৌরক্লে। দিজিতেল ইন্দিয়াগী থবকশিং মালেমগী মীয়াম্না পাম্নরে। খুদক্তা শেন পীথোক-পীশিন তৌবা, বেঙ্কগী থবকশিং, শেন ফংবগী নোতিস ফংবা পুম্নমক অসি ঙসিদি থবক ওইনা উরে অমসুং পাংথোক্লে। হৌজিক পাল্লিবা সরকার অসিনা দাইরেক্ত বেনিফিদ ত্রান্সফরগী খুৎথাংদা মীয়ামগী বেঙ্ক একাউন্তশিংদা লুপা করোর লাখ ৩৪ ত্রান্সফর তৌখ্রে, মুদ্রা য়োজনাগী মখাদা থবক ফংনবা অমসুং মশানা মশাবু থবক পীজনবা নহারোলশিংদা লুপা করোর লাখ ২৮ পীখ্রে অমসুং পি.এম কিষান সম্মান নিধিগী মখাদা লুপা করোর লাখ ২.৭৫গী শেন্থং পীখ্রে। পুকচেল শেংবা ৱাৎপদগী মমাঙগী সরকারশিংদা ফন্দশিং পীবদা হুরানহৌবগী থৌদোকশিং লৈখি। শেঞ্জা-থুমজা তোকপা মতমদা, চাউখৎপা হৌরক্কনি অমসুং থবক ফংনবা খুদোংচাবা কয়া পীগনি। অফবা লৈঙাক লাকপদগী হকশেলগী খুদোংচাবশিং অমসুং মহৈ-মশিং তম্বগী ইনফ্রাস্ত্রকচর চাউখৎলে অমসুং অনৌবা লম্বীশিং অমসুং রেল লাইনশিং শেমগৎলে। 

 

লোইশিল্লকপদা, প্রধান মন্ত্রীনা হায়খি অসিগুম্বা থবকশিংনা বিকসিত ছতিসগর অমা শেমগনি অমসুং মথং চহি ৫দা মালেমদা ভারতনা ৩শুবা খ্বাইদগী চাউবা ইকোনোমি ওইরকপা মতমদা, ছতিসগর চাউখৎপগী অনৌবা থাকশিং য়ৌবা ঙম্লগনি। মসি, মরুওইনা অহানবা ওইনা ভোৎ থাদগদৌরিবশিং অমসুং স্কুল অমসুং কলেজ তম্লিবা নহারোলশিংগী অচৌবা খুদোংচাবা অমনি। বিকসিত ছতিসগরনা মখোয়গী মঙলানশিং মঙফাওনহনগনি।

নুঙগীৱারোল

প্রধান মন্ত্রীনা ছতিসগরগী রাইগর জিলাদা এন.তি.পি.সিগী লারা সুপর থর্মেল পৱার প্রোজেক স্তেজ-১ (২x৮০০ মেগৱাত) মীয়ামদা কৎথোকখ্রে অমসুং এন.তি.পি.সিগী লারা সুপর থর্মেল পৱার প্রোজেক স্তেজ-২(২x৮০০ মেগৱাত) উরেপ-উয়ুং তমখ্রে। স্তেসনগী স্তেজ-১ অসি লুপা করোর ১৫,৮০০ গী শেনফম অমা থাদুনা শেমগৎখিবনি অমসুং প্রোজেক অসিগী স্তেজ-২না স্তেজ-১ লৈরিবা শরুক অসিদা ফংলিবা লমদা শাগৎকদবনি। মরম অদুনা পাকথোক-চাউথোক্নবা অহেনবা লম লৌশিনবা দরকার ওইদ্রে অমসুং মসিগীদমক লুপা করোর ১৫,৫৩০গী শেনফম অমা থাদরে।

অফবা মখলগী সুপর ক্রিতিকেল তেক্নোলোজি(স্তেজ-১) অমসুং উলত্রা সুপর ক্রিতিকেল তেক্নোলোজি(স্তেজ-২) শীজিন্নদুনা, প্রোজেক অসিনা কোয়লা য়াম্না শীজিন্নরোই অমসুং কার্বোন দাইওক্সাইদ থাদোকপা হন্থহনগনি। স্তেজ-১ অমসুং স্তেজ-২ অনিমক্তগী পুথোরকপা মৈগী চাদা ৫০ ছতিসগর রাজ্যাদা পীগনি। অতোপ্পা রাজ্যশিং অমসুং য়ু.তিশিং হায়বদি গুজরাত, মধ্য প্রদেস, মহারাস্ত্রা, গৱা, দমন অমসুং দিয়ু, দাদ্রা অমসুং নাগর হাভেলিগী মৈগী ফিবম ফগৎহনবদা প্রোজেক অসিনা অচৌবা থৌদাং অমা লৌগনি।

প্রধান মন্ত্রীনা লুপা করোর ৬০০ হেন্না চঙনা শেমগৎপদা সাউথ ইস্তর্ন কোএলফিল্দস লিমিতেদকী মরুওইবা ফার্স্ত মাইল কন্নেক্তিবিতি(এফ এম সি) প্রোজেক অহুম শঙ্গাখি। মখোয়না য়াংনা, মহৌশাগী অকোয়বগী ফিবম শোকহন্দনা অমসুং ফজনা কোয়লা লৌথোকপদা মতেং পাংগনি। হায়রিবা প্রোজেকশিংগী মনুংদা এস.ই.সি.এলগী দিপকা এরিয়াদা দিপকা ও.সি.পি কোএল হেন্দলিং প্লান্ত, এস.ই.সি.এলগী রাইগর এরিয়াদা ছাল অমসুং বরাউদ ও.সি.পি হেন্দলিং প্লান্ত য়াওরি। এফ.এম.সি প্রোজেকশিংনা পিথহেদতগী সিলোশিং, বঙ্করশিং অমসুং কনভেয়র বেল্তশিংগী খুৎথাংদা রেপিদ লোদিং সিস্তেমশিং য়াওরবা কোয়লা থমফম ফাওবা পুরকপা ঙমহনগনি।

লম্বীদা কোয়লা পুরকপা হন্থহন্দুনা, হায়রিবা প্রোজেকশিং অসিনা কোয়লাগী খনিশিংগী অকোয়বদা লৈরিবা মীয়াম হিংবদা নুংঙাইহনগনি অমসুং কোয়লা খনিশিংগী অকোয়বদা লম্বী চিনবা, লম্বীগী খুদোংথিবশিং থোকপা, মহৌশাগী অকোয়বগী ফিবম অমসুং হকশেলদা শোকহনবা হন্থহনবদা মতেং পাংগনি। পিথহেদতগী রেলৱে সাইদিংশিং ফাওবা ত্রকশিং কোয়লা পুরকপদা দিজল শীজিন্নবা হন্থহন্দুনা মসিনা ত্রান্সপোর্তেসনগী খরচ হন্থহনগনি।

লমদম অসিদা রিনিউএবল ইনর্জি পুথোকপা হেনগৎহন্নবা খোঙথাং অমদা, রাজনন্দগাউদা লুপা করোর ৯০০ রোম চঙনা শেমগৎপদা সোলার পি.ভি প্রোজেক প্রধান মন্ত্রীনা শঙ্গাখ্রে। প্রোজেক অসিনা চহি অমদা ইনর্জি য়ুনিত মিল্লিয়ন ২৪৩.৫৩ রোম পুথোক্কনি হায়না পানরি অমসুং চহি ২৫ হেন্না কার্বোন দাইওক্সাইদ তন মিল্লিয়ন ৪.৮৭ থাদোকপা থিংগনি অমসুং মসি হায়রিবা মতম অসিদা উ পাম্বী মিল্লিয়ন ৮.৮৬ না কার্বোন চুপশিনবগা মান্নগনি।

লমদম অসিদা রেল ইনফ্রাস্ত্রকচর মপাঙ্গল কনখৎহন্নবা, প্রধান মন্ত্রীনা লুপা করোর ৩০০ রোম চঙনা শাবা বিলাসপুর-উসলাপুর-ফ্লাইওভর মীয়ামদা কৎথোকখ্রে। মসিনা লম্বী য়াম্না চিনবা হন্থহনগনি অমসুং বিলাসপুরদগী কাতনি ফাওবা কোয়লা ত্রাফিক লেপ্পা হন্থহনগনি। প্রধান মন্ত্রীনা ভিলাইদা মেগাৱাত ৫০গী সোলার প্লান্ত অমা মীয়ামদা কৎথোক্কনি। মসিনা ত্রেনশিং চেনবদা সোলার ইনর্জি শীজিন্নবদা মতেং পাংগনি।

এন.ঐচ-৪৯গী কিমি ৫৫.৬৫গী শরুক লেন অনি অমসুং পেপ সোলজরশিংগা লোয়ননা ফগৎহন্নবগী থবক প্রধান মন্ত্রীনা মীয়ামদা কৎথোকখ্রে। প্রোজেক অসিনা মরুওইবা সহর অনি বিলাসপুর অমসুং রাইগরগী মরক্তা চৎথোক-চৎশিন ফগৎহনবদা মতেং পাংগনি। এন.ঐচ-১৩০গী কিমি ৫২.৪০গী শরুক লেন অনি অমসুং পেপ সোলজরশিংগা লোয়ননা ফগৎহন্নবগী থবক প্রধান মন্ত্রীনা মীয়ামদা কৎথোক্কনি। প্রোজেক অসিনা অম্বীকাপুর সহরগা রাইপুর অমসুং কোর্বা সহরগা চৎথোক-চৎশিনগী থবক ফগৎহনগনি অমসুং লমদম অসিগী শেন-থুমগী ফিবম ফগৎহনগনি।

 

 

 

 

Click here to read full text speech

Explore More
৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল

Popular Speeches

৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল
India among the few vibrant democracies across world, says White House

Media Coverage

India among the few vibrant democracies across world, says White House
NM on the go

Nm on the go

Always be the first to hear from the PM. Get the App Now!
...
সোসিয়েল মিদিয়াগী মফম 18 মে, 2024
May 18, 2024

India’s Holistic Growth under the leadership of PM Modi