“2024গী জেনরেল মীখলগী ফলশিংনা পলগী ৱাংমা লানবা ঙমগনি”
“নীংতম্বগী মতমদা হৌখিবা ইথকনা মীয়ামগী মরক্তা অমত্তা ওইবগী ইথিল অমসুং ৱাখল্লোন পোকহনখি অমসুং পল কয়া থুগাইখি”
“চন্দ্রয়ান 3 মাইপাকপনা প্রজা খুদিংমক্কী মরক্তা চাউথোকচাবা অমসুং ইশাদা থাজবগী ইথিল অমা পোকহনখি অমসুং মখোয়দা সেক্তর খুদিংমক্তা মাংদা চংশিন্নবা ইথিল পীখি”
“ঙসি, ভারত মচা খুদিংমক্তা মশাদা থাজবনা থল্লি”
“জন ধন বেঙ্ক একাউন্তশিংনা লায়রবশিংগী মরক্তা ৱাখলগী ওইবা পলশিং অসিবু থুগাইনবা মেদিয়ম অমা ওইরকখি অমসুং মখোয়দা চাউথোকচবা অমসুং ইকাই খুম্নবা পোকহনখি”
“সরকারনা পুন্সিশিংদা অওনবা পুরকপা খক্তা নত্তনা লায়রবশিংবু লৈতা লায়রবদগী থোরকপদসু মতেং পাংখি”
“মীচম প্রজাশিংনা ঙসিদা শক্তি পীবীরি অমসুং পুক্নিং থৌগৎপীরি হায়না ফাওরি”
“ঙসিগী ভারতকী চাউখৎ-থৌরাংগী খোঙজেল অমসুং স্কেল অসি মাগী মাইপাকপগী খুদম অমা ওইরি”
“জম্মু অমসুং কাশ্মিরদা আর্তিকল 370 লৌথোকখিবা অসিনা চাউখৎপা অমসুং শান্তিগী লম্বী য়াৎখি”
“ভারতনা রেকোর্দ ওইখিবা স্কেমদগী রেকোর্দ ওইনা এক্সপোর্ত তৌবগী খোঙচৎতা চংশিনখি”
“স্তার্তঅপশিং, স্পোর্তস, স্পেস নত্ত্রগা তেক্নোলোজী
প্রধান মন্ত্রী, শ্রী নরেন্দ্র মোদীনা ঙসি হিন্দুস্তান তাইম্স লীদরশিপ সম্মিৎ 2023দা ৱা ঙাংখ্রে।
“2024 জেনরেল ইলেক্সনগী ফলশিংদা পলশিং অপনবা অমত্তা লৈরোই”, হায়না শ্রী মোদীনা ফোঙদোকখি।

প্রধান মন্ত্রী, শ্রী নরেন্দ্র মোদীনা ঙসি হিন্দুস্তান তাইম্স লীদরশিপ সম্মিৎ 2023দা ৱা ঙাংখ্রে।

থৌরম অদুদা ৱা ঙাংলদুনা প্রধান মন্ত্রীনা হিন্দুস্তান তাইম্স লীদরশিপ সম্মিৎ 2023দা মহাকপু বর্তন তৌরকপগীদমক HT গ্রুপতা থাগৎপা ফোঙদোকখি। শ্রী মোদীনা HT গ্রুপন করম্না মতম চুপদা মসিগী লীদরশিপ সম্মিৎকী থিমশিংগা লোয়ননা ভারতনা মাংদা চংশিল্লি হায়বগী পাউজেলশিং পীবগী থমখি। মহাক্না হৌজিক পাল্লিবা সরকারনা 2014দা শক্তি পাইবা মতমদা সম্মিৎ অসিগী থিম ওইখিবা ‘রিশেপিং ইন্দিয়া’ অদুবু নীংশিংখি। মহাক্না হায়খি মদুদি গ্রুপ অসিনা অচৌবা অহোংবশিং লাক্লগনি অমসুং ভারত অসি নৌনা শেমদোক্লগনি হায়বা খঙখি।ল মহাক্না হৌজিক পাল্লিবা সরকারনা চাউনা মেজোরিতী ফংলবা মতুংদা কারবা মতুং 2019দা শক্তি অমুক হন্না পাইখিবদা মতমদা থিম অদু ‘কঞ্জর্বেসন ফোর এ বেত্তর তুমোরো’ ওইখি হায়নসু নীংশিংখি। হৌজিক 2023দা জেনরেল ইলেক্সন কুইশিল্লক্ত্রবা মতম অসিদা শ্রী মোদীনা সম্মিৎ  অসিগী থিম ‘ব্রেকিং বেরিয়র্স’ হায়বা অসিনা ওইরি অমসুং মসিগী নুংদা য়াওরিবা পাউজেল অদুদি হৌজিক পাল্লিবা সরকার অসিনা রেকোর্দ পুম্বা থুগাইগনি অমসুং পাঙথোক্কদৌরিবা জেনরেল ইলেক্সনশিংদা চাউনা মাইপাকপা ঙমগনি হায়বনি। “2024 জেনরেল ইলেক্সনগী ফলশিংদা পলশিং অপনবা অমত্তা লৈরোই”, হায়না শ্রী মোদীনা ফোঙদোকখি।

 

প্রধান মন্ত্রীনা হায়খি ভারতকী খোঙচৎ অসি ‘রিশেপিং ইন্দিয়া’দগী ‘বিয়োন্দ বেরিয়র্স’ ওইদুনা লৈবাক্কী লাক্কদৌরিবা অফবা তুংলমচৎকী য়ুম্ফম থোনখি। চাউখৎপা, অচৌবা অমসুং ইনাক খুনবা ভারত অমা মসিদা য়ুম্ফম থোনদুনা শেমগনি, হায়না মহাক্না ফোঙদোক্লদুনা মতম শাংনা ভারতনা অপনবা কয়া মায়োক্নখি হায়খি। মহাক্না হায় মতম শাংনা মীখা পোল্লুবা অমসুং লৈবাক অসিবু য়োৎলিং থাংদুনা কয়ারক লৈহনখিবা এতেকশিং অদুবু ফোঙদোকখি। ভারতকী নীংতম ইহৌ অদুবু নীংশিংলদুনা শ্রী মোদীনা হায়খি নীংতম্বগী মতমদা হৌখিবা ইথকনা মীয়ামশিংগী মরক্তা অমত্তা ওইবগী ইথিল অমসুং ৱাখল্লোন পোকহনখি অমসুং অপনবা কয়া থুগাইখি। মহাক্না হায়খি মদুদি নীংতম্বা ফংলবা মতুংদসু চপ মান্নবা খোঙজেল অদু মখা চত্থখিগনি হায়য়গী থাজবা থমখিবনি। “লাইবক থীবদি মসি ওইথোকপা ঙমখিদে হায়না মহাক্না ফোঙদোকখি। ঐখোয়গী লৈবাক অসিনা মাগী মতিক-ময়াইগী মতুং ইন্না খুমাং চাউশিনবা ঙমখিদে”। মহাক্না হায়খি মদুদি মেন্তেল বেরিয়র অসি সমস্যা কয়াগী মনুংদা অমা ওইখি অমরোমদা নীংতম্বা ফংলবা ভারতনা মায়োক্নখিবা সমস্যা খরদি অশেংবনি, অতোপ্পা খরনা ৱাখলদা ফাওবনি অমসুং লেমহৌরিবা অদুনা হেনজিনহনখিবনি।

প্রধান মন্ত্রীনা 2014গী মতুংদা ভারতনা অপনবশিং অসি থুগাইনবা লেপ্পা লৈতনা কন্না হোৎনরি হায়না নুংঙাইবা ফোঙদোকখি। ঐখোয়না পল কয়া লানবা ঙমখি অমসুং হৌজিক্না পলশিং অসি লান্থোক্নবগী মতাংদা ঐখোয়না ঙাংনরি। “ঙসি ভারতনা মমাংদা কনাগুম্বা অমত্তনা য়ৌবা ঙমখিদবা থাগী শরুক্তা য়ৌবা ঙমখি। ঙসি ভারতনা অপনবা খুদিংমক থুগাইরবা মতুংদা দিজিতেল ত্রাঞ্জেক্সনশিং তৌবদা নম্বর 1 ওইখি। মোবাইল মেন্যুফেকচরিংদা মাংজিল থাখি, স্তার্তঅপশিংগী লমদা মকোক থংবা লৈবাক 3গী মনুংদা শক্তি লৈনা লেপখি অমসুং স্কিল লৈবা মীওইশিংগী পুল অমা শেম্মি”, হায়না মহাক্না হায়খি। মহাক্না মখা তারদুনা হায় মদুদি ঙসি ভারতনা G20 সম্মিৎগুম্বা গ্লোবেল ইভেন্তশিংদা মাগ ফিরাল ৱাংনা পাইহল্লি অমসুং পল খুদিংমক থুংগাইরি।

প্রধান মন্ত্রীনা অইবা অমসুং রাজনিতী তৌবা অল্লামা ইগবালগী ঘজল ‘সিতারোন কে আগে জহন ওর ভি হে’দগী পরেং অমা শকখি অমসুং হায় ভারতনা মসিদা লেপগদবা নত্তে।

 

প্রধান মন্ত্রীনা হায়খি মদুদি ৱাখল্লোন অমসুং মেন্তেলিতী অসিনা লৈবাক্কী খ্বাইদগী চাউবা পলশিং ওইখি মসিনা মমাংগী সরকারশিংগী কেজুএল এপ্রোচকী মরমদা ক্রিতিসিজম অমসুং করেম্নহনখি। পঙ্কচুএলিতী, শেঞ্জা-থুমজা অমসুং পানরুবদগী হেন্না শোকচিনখিবা সরকারগী খোঙথাংশিংগী মতাংদা পল্লদুনা প্রধান মন্ত্রীনা থৌদোক খরনা লৈবাক পুম্ববু মেন্তেল বেরিয়রশিং থুগাইনবগী ইথিল পীখি হায়খি। মহাক্না মহাত্মা গান্ধীনা হৌখিবা দান্দী মার্চনা লৈবাক অসিবু ইথিল পীখি অমসুং ভারতকী নীংতম্বগী ইহৌগী মৈ চুখৎখি। প্রধান মন্ত্রী মোদীনা চন্দ্রয়ান 3 মাইপাকপনা প্রজা খুদিংমক্কী মরক্তা চাউথোকচবা অমসুং মশাদা থাজবা পোকহনখি অমসুং মখোয়বু সেক্তর খুদিংমক্তা মাংদা চংশিন্নবা ইথিল পীখি হায়খি। “ঙসি ভারত মচাং খুদিংমক্তা মশাদা থজবনা থল্লি” হায়না প্রধান মন্ত্রীনা ফোঙদোকখি। মহাক্না ৱাখল্লোন্দা অহোংবা অমা লাকহনখিবা মহাক্কী নীংতম নুমিৎকী ৱারোলদা লাল কিলাদগী মহাক মশামক্তনা স্বচ্ছতা, তোইলেৎ  অমসুং সেনিতরী হাইজিনগী ৱাফমশিং করম্না পুখৎখিবগে নীংশিংখি। “স্বচ্ছতা অসি হৌজিক্তি মীয়ামগী ইহৌ অমা ওইরক্লে” হায়না শ্রী মোদীনা মখা তাখি। মহাক্না মখা তারদুনা হায় খাদী য়োনবা অসিসু হৌখিবা চহি 10দা শরুক অহুম হেনগৎলকখি।

প্রধান মন্ত্রী মোদীনা হায়খি জন ধন বেঙ্ক একাউন্তশিংনা লায়রবশিংগী মরক্তা ৱাখলগী ওইবা পলশিং অসিবু থুগাইনবা মেদিয়ম অমা ওইরকখি অমসুং মখোয়দা চাউথোকচবা অমসুং ইকাই খুম্নবা পোকহনখি। মহাক্না বেঙ্ক একাউন্তশিং অসি ইনাক খুনবশিং খক্তগীনি হায়বা নেগেতিব মেন্তেলিতী অদু পুথোক্লদুনা হায় জন ধন য়োজনানা বেঙ্কশিংবু লায়রবশিংগী য়ুমথোংদা পুরক্তুনা হেন্না এক্সেসিবল ওইহনখি। মহাক্না রুপে কার্দশিং পাক শন্না শীজিন্নদুনা মসিনা লায়রববু শক্তি পীনবা লম্বী অমা ওইরি হায়নসু ফোঙদোকখি। “AC কাশিংদা ফম্মিবা অমসুং নম্বরশিং অমসুং নরেতিবশিংদা চৎপা মীওইশিংনা কৈদৌনুংদা লায়বা শক্তি পীবগী ৱাখল্লোন খঙবা ঙমলোই”,হায়না প্রধান মন্ত্রীনা ফোঙদোকখি। ভারতকী ঙমখৈগী ৱাংমদা হোংলক্লিবা ৱাখল্লোনগী মতাংদা শ্রী মোদীনা ভারতনা মশাবু তেরোরিজমগী থৌওংশিংদগী ঙাকথোকপা ঙমলকপা, ক্লাইমেৎ এক্সন রিজোল্যুসনশিংদা লমজিংলকপা অমসুং থাখিবা মতমগী মমাংদা অপাম্বা ফলশিং ফংবা ঙমলকপগী ভারতকী হেনগৎলক্লিবা মতিক-ময়াই অদুসু থমখি। ধান মন্ত্রীনা স্পোর্তসকী লমদা ভারতকী ফজরবা পরফোর্মেন্স অদুসু হাইলাইৎ তৌখি অমসুং মাইপাকপশিং অসিগীদমক ৱাখল্লোন্দা অহোংবা লাকপগীনি হায়না ফোঙদোকখি।

প্রধান মন্ত্রীনা হায়, “ভারত্তা  তৌবা ঙম্বা অমসুং রিসোর্সশিংগী অৱাৎপা অমত্তা লৈতে”। লায়রবগী তশেংবা পলগী মতাংদা পল্লদুনা পি.এম. মোদীনা হায় মসি স্লোগান্না থেংনবা ঙমলোই অদুবু মসিদি সোল্যুসনশিং, পোলিসীশিং অমসুং ইন্তেনসনশিংনা কোকহনগদবনি। লায়রববু সমাজিক নত্ত্রগা শেন্মীৎলোনদা খুমাং চাউশিনবা ঙমহনখিদবা মমাংগী সরকারশিংগী ৱাখল্লোন অদুদা পেন্দবা ফোঙদোকখি। লায়রবশিংনা তঙাই ফদবা পোৎলমশিংদা সপ্পোর্ত ফংবগা লোয়ননা লৈতা লায়রবদগী থোরকপা ঙমগনি হায়না ফোঙদোক্লদুনা প্রধান মন্ত্রীনা হায় লায়রববু শক্তি পীবা হায়বা অসি কেন্দ্র সরকারগী খ্বাইদগী চাউবা পান্দম ওইখি। “সরকারনা পুন্সিদা অওনবা পুরকপা ঙমখিবতা নত্তনা লায়রবশিংবা লৈতা লায়রবদগী থোরকপদা মতেংসু পাংখি” হায়না মহাক্না হায়খি অমসুং হৌখিবা চহি মঙা খক্তদা মীওই করোর 13 হেনবনা লায়রবদগী থোরকপা ঙমখি ফোঙদোকখি। মহাক্না হায় মীওই করোর 13না লৈতা লায়রবদগী পল মাইপাক্না থুগাইবা ঙমখি অমসুং লৈবাক্কী নিও-মিদ্দল ক্লাসকী শরুক ওইবা ঙমখি।

 

নেপোতিজমগী পলগী মতাংদা ৱা ঙাংলদুনা শ্রী মোদীনা হায়খি স্পোর্তস, সাইন্স, পোলিতিক্স নত্ত্রগা পদ্ম এৱার্দশিং ওইরবসু মীচম মীয়াম্না চংবা ঙমখিদে অমসুং মাইপাকপা হায়বা অসি সর্কল খরগী মীওইশিং খক্তগী ওইরমখি। মহাক্না হায় মীচম প্রজাশিংনা ঙসিদি শক্তি পীবীরে অমসুং পুক্নীং থৌগৎপীরে হায়না ফাওরি অমসুং মসিগী মনা সরকারগী এপ্রোচতা অওনবা পুরকপনা ওইরি। “ঙরাংগী মশক খঙবীদ্রবা অথৌবশিংনা ঙসি লৈবাক্কী অথৌবশিং ওইরি”, হায়না মহাক্না মখা তাখি।

লৈবাক অসিদা মোদর্ন ইনফ্রাস্ত্রকচরগী পল লান্থোক্নবা ভারতনা হোৎনরি অসিদা পুক্নিং চীংশিল্লদুনা প্রধান মন্ত্রীনা হায়খি মালেমগী খ্বাইদগী চাউবা ইনফ্রাস্ত্রকচরশিং পাইখৎলি। ইনফ্রাস্ত্রকচর শেমগৎপদা ভারতকী খোঙজেল অমসুং স্কেলগী মতাংদা পল্লদুনা পি.এম. মোদীনা 2013-14দা হায়ৱৱে শেম্বা অসি কিমি 12 ওইরম্বদগী 2022-23দা কিমি 30 শেমি, 2014দা 5 খক্তা লৈরম্বদগী 2023দা সহর 20দা মেত্রো কন্নেক্তিবিতী শেমগৎলকখি, 2014দা এয়রপোর্তশিংগী মশিং 70 ওইরম্বদগী  ঙসি 150রোম শুরে, 2014দা মেদিকেল কোলেজ 380 লৈরম্বদগী ঙসি 700 হেল্লে,  ওপতিকেল ফাইবরগী এক্সপান্সন অসি কিমি 350 ওইরম্বদগী 2023দা কিমি লাখ 6দা হেনগৎহন্দুনা গ্রাম পঞ্চায়ৎশিং কন্নেক্ত তৌখি, পি.এম. গ্রাম সরক য়োজনাগী মখাদা 2014দা চাদা 55 ওইরম্বদগী খুঙ্গংশিংগী চাদা 99 শম্নহন্দুনা লম্বী কিমি লাখ 4 শেম্বা ঙমখি। প্রধান মন্ত্রীনা হায়খি নীংতম্বদগী রেলৱে লাইন কিমি 20,000 খক্তা ইলেক্ত্রিফাইদ তৌখি  অমরোমদা হৌখিবা চহি 10 অসিদা রেলৱে লাইন কিমি 40,000গী ময়াদা ইলেক্ত্রিফাইদ তৌখি। “মসি ঙসিগী ভারতকী চাউখৎপগী খোঙজেল অমসুং স্কেল অসি মসিনি। মসি ভারতকী মাইপাকপগী খুদম অমনি”, হায়না মহাক্না মখা তাখি।

মহাক্না হায়খি হৌখিবা চহি খরদা ভারতনা পল কয়া লান্থোকপা ঙমখি। ঐখোয়গী পোলিসীমেকরশিং অমসুং পোলিতিকেক এক্সপর্তশিংনা অফবা ইকনোমিক্স হায়বা অসি অফবা পোলিতিক্স অদু নত্তে হায়না ৱাখল্লোন ফোঙদোকখি। সরকার কয়ানা মসি চুম্মি হায়না লৌখি মসিনা মরম ওইদুনা ঐখোয়গী লৈবাক অসিনা লম অনিমক্তা পোলিতিকেল অমসুং ইকনোমিক প্রোব্লেমশিং মায়োক্নখি। অদুবু ঐখোয়না অফবা ইকনোমিক্স অমসুং অফবা পোলিতিক্স অনিমক পুরকখি। ভারতকী ইকনোমিক পোলিসীশিংনা লৈবাক অসিদা চাউখৎপগী অনৌবা এভেন্যুশিং পুরকখি। মহাক্না হায়খি বেঙ্কিং ক্রাইসিস কোকহন্নবা,  GST ইমপ্লিমেন্ত তৌবা অমসুং কোবিদ লাইচৎ মনুংদা সোল্যুসনশিং মথৌ তাবা মতম অদুদা মীয়ামদা তুং কোইনা কান্নবা ফংহনগদবা পোলিসীশিং মসিদা খনখি।

 

প্রধান মন্ত্রীনা হন্দক্তা পাস তৌখিবা নারী শক্তি বন্দন অধিনিয়ম অসি খাহল্লিবা পলশিং অসিগী খুদম অমনি হায়খি। মহাক্না হায় দিকেদ কয়া পন্দুনা থমখিবা বিল অসি কৈদৌনুংদা ওইথোক্লরোই খল্লম্বা অদু হৌজিক্তি ওইথোকপা ঙম্লে।

মহাক্না হায়খি মমাংগী সরকারশিংনা রাজনিতীগী ওইবা কান্নবশিং ফংনবগীদমক সমস্যা কয়ামরুম থোকহনখি। মহাক্না হায়খি জম্মু অমসুং কাশ্মিরদা আর্তিকল 370 লৌথোকখিবা অসিগী মতাংদা পল্লদুনা হায় সাইকোলোজিকেল প্রেসর লৈহন্দুনা মীপুম খুদিংমক্না মসি লৌথোক্কনি হায়বগী থাজবা পোকহনখিদে। মহাক্না মখা তারদুনা হায় মসি লৌথোকখিবা অসিনা চাউখৎপা অমসুং শান্তিগী লম্বী ফাৎখি। “লাল চৌক্কী মমিশিংনা জম্মু অমসুং কাশ্মিরদা করম্না অহোংবশিং লাক্লি উৎলি। ঙসি তেরোরিজম অসি য়ুনিয়ন তেরিতোরী অসিদগী মুত্থৎখ্রে অমসুং তুরিজমনা লেপ্পা লৈতনা খুমাং চাউশিল্লি। ঐখোয়না জম্মু অমসুং কাশ্মিরবু অনৌবা পনখৈশিং তম্নবা পুখৎনবা হোৎনখি”, হায়না মহাক্না ফোঙদোকখি।

মেদিয়া ফ্রেতর্নিতীদগী দিগনিতরীশিংদা প্রধান মন্ত্রীনা 2014দগী হৌনা ব্রেকিং ন্যুজ অমসুং মাগী অওনবগা মরী লৈনবা ৱাফমদা পুক্নিং চীংশিনখি। ভারতকী GDP গ্রোথ অসি রেতিং এজেন্সীশিংদা 2013দা দাউনৱার্দ রিবিজন তৌখিবা অদু নীংশিংলদুনা প্রধান মন্ত্রীনা হায় ঙসিদা ভারতকী গ্রোথ ফোর্কাস্ত অসিদা অপৱার্দ রিবিজন লাক্তুনা মদুগী ওন্ন-তৈনবা ঙাক্তা থোক্লি। প্রধান মন্ত্রীনা 2013গী মতমদা বেঙ্কশিং ফীভম শোক্না লৈরমখিবা অদুবু 2023দা ভারতকী বেঙ্কশিংনা মখোয়গী খ্বাইদগী ৱাংবা প্রোফিৎশিং ফংখিবা অদুগা চাংদম্নখি। অমসুং 2013দা চোপ্পর স্কেম অদুবু 2013-14দগী শরুক কুন হেনগৎলক্তুনা ভারতনা রেকোর্দ ওইনা দিফেন্স এক্সপোর্ত তৌখিবা অদুগা চাংদম্নখি। “ভারতনা রেকোর্দ ওইখিবা স্কেমশিংদগী রেকোর্দ ওইবা এক্সপোর্তকী মাইকৈদা খোঙচৎ চৎলি”, হায়না মহাক্না মখা তাখি।

প্রধান মন্ত্রীনা নেস্নেল অমসুং ইন্তরনেস্নেল পব্লিকেসনশিংনা 2013দা মিদ্দল ক্লাসতা অৱাবা পীখিবা ফত্তবা শেন্মীৎলোনগী ফীভমশিংগী মতাংদা নেগেতিব হেদলাইনশিং হাপখিবা অদুগী মতাংদা পনখি। অদুবু ঙসি প্রধান মন্ত্রীনা হায় মিদ্দল ক্লাসনা স্তার্তঅপশিং, স্পোর্ত, স্পেস নত্ত্রগা তেক্নোলোজীদা ওইরবসু ভারতকী চাউখৎ খোঙচৎ অসিদা খোঙজেল য়াংনা মাংদা চংশিল্লি। মহাক্না হায়খি মদুদি মখোয়গী ইনকম অসিসু হেনগৎহনখি অমসুং 2013-14দা করোর 4 ওইরম্বদগী 2023দা ইনকম তেক্স ফাইল তৌরকপা মীওই মশিং করোর 7.5 হেনখি। মহাক্না হায় তেক্স ইনফোর্মেসনগা মরী লৈনবা স্তদী অমনা 2014দা মীন ইনকম অসি লুপা লাখ 4.5 ওইরমখিবা অদু 2023দা লাখ 13দা হেনগৎহনখি অমসুং মসিগী ফল ওইনা মীওই লাখ কয়ানা লোৱর ইনকম গ্রুপতগী হায়র ইনকম গ্রুপতা কাখৎপা ঙমখি। নেস্নেল দেলীদা ফোঙখিবা ইকনোমিক রিপোর্ত অমদগী নুংঙাইরবা ৱাফম অমা পল্লদুনা প্রধান মন্ত্রীনা হায়খি করিগুম্বা লুপা লাখ 5.5 দগী লুপা লাখ 25গী সেলরী ব্রেকেৎ অসিদা আর্নিংগী অপুনবা ইমকম অসি হাপচিল্লগা মশিং অদু 2011-12দা লুপা করোর লাখ 3.25 ওইরমখিবা অদু 2021দা লুপা করোর লাখ 14.5 য়ৌদুনা শরুক মঙা হেনগৎলকখি। মহাক্না মশিং অসি সেকরীদ ইনকম খক্তগী এনালাইসিস অমনি মসিদা অতোপ্পা সোর্স অমত্তা য়াওদে হায়না শেংদোকখি।

 

প্রধান মন্ত্রীনা অচৌবা ইকনোমিক সাইকল অসিগী মেজর ফেক্তর অনি অসিদা হেনগৎলক্লিবা মিদ্দল ক্লাস অমসুং লৈতা লায়রবদা হন্থরকপা অসিদা য়ুম্ফম ওইহনখি। মহাক্না হায়, লৈতা লায়রবদগী থোরকখিবা, নিও-মিদ্দল ক্লাসনা লৈবাক্কী কঞ্জুম্পসন গ্রোথতা শাহৌ পীরি। মিদ্দল ক্লাস অসিনা দিমান্দ অসি থুংহনবগী থৌদাং লৌদুনা হায়বদি পোভর্তী রেৎ হন্থহন্দুনা মখোয়গী ইনকম হেনগৎহন্দুনা মিদ্দল ক্লাসতসু কান্নবা পীরি। মহাক্না হায়খি মদুদি মীওইশিং অসিগী অনীংবা অপাম্বশিং অমসুং ইহুলনা ঐখোয়গী লৈবাক্কী চাউখৎ-থৌরাংদা শক্তি পীরি।ল মখোয়গী শক্তি অসিনা ঙসি ভারতপু মালেমগী 5শুবা খ্বাইদগী চাউবা ইকনোমী ওইহনখি। মহাক্না হায়খি ভারতনা অথুবদা 3শুবা মালেমগী খ্বাইদগী চাউবা ইকনোমী ওইরগনি।

ৱারোল পীবা লোইশিল্লদুনা প্রধান মন্ত্রীনা হায়খি অমৃত কাল অসিদা ভারতনা 2047 ফাওবদা চাউখৎপা লৈবাক অমা ওইনবগী পান্দম থুংহন্নবা থবক তৌরি। মহাক্না ভারতনা অপনবা খুদিংমক মাইপাক্না মায়োক্নবা ঙমগনি হায়না থাজবা ফোঙদোকখি। “ঙসি লায়রবশিংগী খ্বাইদগী লায়রবদগী মালেমগী খ্বাইদগী ইনাক খুনবা ফাওবনা ভারতকী মতমনি হায়বা অসিদা থাজনবা হৌরক্লে”, হায়না প্রধান মন্ত্রীনা ফোঙদোকখি। মহাক্না হায় ভারত মচা খুদিংমক্কী খ্বাইদগী চাউবা শক্তি অসি মশাদা থাজবনি। “শক্তি অসিগা লোয়নান ঐখোয়না পল খুদিংমক লান্থোকপা ঙমগনি”, হায়না মহাক্না ফোঙদোকখি। মহাক্না 2047দা পাঙথোক্কদৌরিবা হিন্দুস্তান তাইম্স লীদরশিপ সম্মিৎকী থিম অসি –দিবেলপ নেসন, হ্বাত নেক্স? হায়বা অসিনা  ওইগনি হায়না থাজবা থম্বগা লোয়ননা ৱারোল পীবা লোইশিনখি।

 

ৱা ঙাংখিবগী মপুংফাবা ৱারোল পানবা মসিদা নম্বীয়ু

Explore More
৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল

Popular Speeches

৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল
iPhone exports from India nearly double to $12.1 billion in FY24: Report

Media Coverage

iPhone exports from India nearly double to $12.1 billion in FY24: Report
NM on the go

Nm on the go

Always be the first to hear from the PM. Get the App Now!
...
সোসিয়েল মিদিয়াগী মফম 17 এপ্ৰিল, 2024
April 17, 2024

Holistic Development under the Leadership of PM Modi