ঙসি অহমেদবাদকী সাইন্স সিতিদা ভাইব্রেন্ত গুজরাত গ্লোবেল সম্মিৎ চহি ২০ মপুংফারকপা থৌরমদা প্রধান মন্ত্রী শ্রী নরেন্দ্র মোদী ৱা ঙাংখ্রে। শ্রী নরেন্দ্র মোদীনা গুজরাতকী চীফ মিনিস্তর ওইরিঙৈদা চহি ২০গী মমাঙ সেপ্তেম্বর ২৮,২০০৩দা ভাইব্রেন্ত গুজরাত গ্লোবেল সম্মিৎ পাংথোকখি। মতম অদুদগী হৌনা, ভারতকী মরুওইবা ললোন-ইতিক্কী মীফমশিংগী মনুংদা অমা ওইদুনা, মীফম অসি তশেংনা মালেমগী থৌরম অমা ওইখ্রে।
উদোগকী লুচিংবশিংনা মখোয়গী অনিংবশিং ফোঙদোকখি।
ৱেলস্পুনগী চিয়ার্মেন বি.কে গোয়েনকানা হায়খি ভাইব্রেন্ত গুজরাত তশেংনা মালেমগী থৌরম অমা ওইরে। শেন থাদবা হেনগৎহনবা হায়বসি মতম অদুগী চীফ মিনিস্তর অমসুং হৌজিক্কী প্রধান মন্ত্রী অসিগী পান্দম অমনি। থৌরম অসি অতোপ্পা রাজ্যশিংগী তমজনফম অমা ওইরক্লে। অহানবা ভাইব্রেন্ত গুজরাত্তা য়ুহা হাবদগী শোকহল্লবা কুছ লমদমদা থবক পায়খৎনবা শ্রী মোদীনা মহাক্কী মফমদা খঙহনখি। মখোয়না অতেনবা মতমগী মনুংদা লমদম অসিদা পোৎথোক পুথোকপা হৌখি।
মহাক্না হায়খি হৌজিক কুছ লমদম চাউখৎলে অমসুং শুপ্নগী মী তাদবা মফম অমা হায়বদু ওইদ্রে অমসুং লমদম অসি অথুবা মতমদা মালেমগী গ্রিন হায়দ্রোজেনগী মফম অমা ওইরক্লগনি। ২০০৯দা মালেমগী শেন-থুমগী ফিবম অৱাবা মায়োক্নবা মতমদা প্রধান মন্ত্রীনা থাজবা থমখি অমসুং হায়রিবা চহি অদুদা ভাইব্রেন্ত গুজরাত অচৌবা মাইপাকপা অমা ওইখি। এম.ও.য়ুশিংগী চাদা ৭০ হেন্না রাজ্য অসিদা শেন থাদখি।
ভাইব্রেন্ত গুজরাত চহি ২০ শুরকপগীদমক গুজরাত সরকার থাগৎপা ফোঙদোক্লদুনা চীফ দিরেক্তর জেনেরেল, জেত্রো(সাউথ এসিয়া), তাকাসি সুজুকিনা হায়খি মেক ইন ইন্দিয়াগী থবক্তা জপান্না খ্বাইদগী চাউনা মতেং পাংলি। ২০০৯দগী জেত্রোনা গুজরাতকা থবক তৌমিন্নরক্লে। মতমগী মতুংইন্না গুজরাতকা নাৎ অমসুং ললোন-ইতিক্কী অচেৎপা মরী লৈনরে অমসুং প্রধান মন্ত্রী নরেন্দ্র মোদীগী পাউতাক মতুংইন্না, জপানগী কম্পেনিশিং শেন থাদবদা খুদোংচানবা ২০১৩দা জেত্রোনা অহমেদবাত্তা মসিগী ওফিস হাংদোকখি। গুজরাত্তা লৈবা প্রোজেক ওফিস অসি ২০১৮দা রিজনেল ওফিসকী থাক্তা পুখৎখি।
তাকাসি সুজুকিনা হায়খি গুজরাত্তা জপানগী কম্পেনি অমসুং ফেক্তরি ৩৬০ রোম লৈরি। সেমিকন্দক্তরশিং, গ্রিন হায়দ্রোজেন, রিনিউএবল ইনর্জি অমসুং ফার্মাসিউতিকেল সেক্তরশিংদা ভারত্তা শেন থাদগনি অমসুং মথংগী ভাইব্রেন্ত গুজরাত্তা সেমিকন্দক্তর ইলেক্ত্রোনিক্সকী মতাংদা জপানগী ললোন-ইতিক্কী মীহুৎকাংবু অমা শরুক য়াগনি।
অর্সেলরমিত্তলগী ইজুকিউতিপ চিয়ার্মেন লক্ষমী মিত্তলনা হায়খি ভাইব্রেন্ত গুজরাতনা হৌদোকখিবা চৎনবী অসি অতোপ্পা রাজ্যশিংদসু পাংথোক্তুনা ভারত অসি মালেমনা পাম্নবা শেন থাদফম অমা ওইহল্লে। মসি প্রধান মন্ত্রীগী পান্দম অমসুং থবক হৈবনা চাউনা মাইপাকপনি। প্রধান মন্ত্রীগী লমজিং মখাদা G20 অসি মালেমগী য়ানবা পুরক্নবা মীফম অমা ওইরকপদা প্রধান মন্ত্রী থাগৎলদুনা মহাক্না হায়খি গুজরাত মাংজিল থাবা উদোগকী রাজ্য অমা ওইরে আমসুং রাজ্য অসিনা মালেমগী চাংদম্নবশিং অদু মপুংফানা উৎথোক্লে। রাজ্যশিংদা পায়খৎলিবা অর্সেলরমিত্তলগী প্রোজেকশিংগী মতাংদা মহাক্না পাউদমখি।
থৌরম অদুদা তিনখিবা মীয়ামদা ৱা ঙাংবদা প্রধান মন্ত্রীনা হায়খি চিংলেম্লবা ভাইব্রেন্ত গুজরাত অমগী মওংদা চহি ২০গী মমাঙদা মরুশিং হুনখিবনি। ভাইব্রেন্ত গুজরাত গ্লোবেল সম্মিৎ চহি ২০ মপুংফারকপা থৌরমদা শরুক য়াবদা মহাক অপেনবা পোকই। ভাইব্রেন্ত গুজরাত অসি শুপ্নগী ব্রান্দিংগী থৌরম অমা নত্তে, মসি মরী চেৎশিনহন্নবগী থৌরম অমনি। মীফম অসি মহাক অমসুং রাজ্য অসিগী মীওই করোর ৭গী তৌবা ঙম্বশিংগী লৈনবা অচেৎপা মরী অমগী খুদম অমনি। মসিগী মরী অসি মীয়াম্না ঐহাক নুংশিবদা য়ুম্ফম ওইবনি।
মহাক্না হায়খি ২০০১গী য়ুহা হাবা মতুংদা গুজরাতকী ফিবম খন্দুনা য়েংবদা অরুবা ফিবমদা লৈখি। য়ুহা হাবা মমাঙদা ফাওবা গুজরাত শাংলবা ইকং অমা মায়োক্নখি। মধাবপুরা মার্সেন্তাইল কোওপরেতিপ বেঙ্ক কায়বদগী অতোপ্পা কোওপরেতিপ বেঙ্কশিংসু কায়থরক্তুনা হেন্না অৱাবা মায়োক্নখি। মতম অদুদা মহাক সরকারনা নৌনা শরুক য়াদুনা মহাক্কী অনৌবা থেংনবা অমা ওইখি। ফিবম অসিদা, তমথিরবা গোধারা থৌদোক্না মরম ওইদুনা গুজরাত্তা হিংশা থোরকখি। চীফ মিনিস্তর অমা ওইবগী মহাক্কী এক্সপেরিয়েন্স ৱাৎলবসু, মহাক্না গুজরাত অমসুং রাজ্য অসিগী মীয়ামদা মপুংফানা থাজবা থমখি। মতম অদুগী মীফত্তশিংনা হায়খিবা ৱাফমশিং অদু গুজরাতকী মিংচৎ থিনবা লৌতুনবা অমা ওইখি।
প্রধান মন্ত্রীনা হায়খি ফিবম অসিদগী ঐনা গুজরাত কনগনি হায়না ঐনা ৱাশকখি। অমুক হন্না শেমগৎনবা ঐখোয়না খনবা খক নত্তনা রাজ্যগী তুংগী থৌরাংশু তৌখি অমসুং মসিগীদমক ঐখোয়না ভাইব্রেন্ত গুজরাত সম্মিৎ অসি মাঙজিল থাবা পাম্বৈ ওইখি। ভাইব্রেন্ত গুজরাত সম্মিৎ অসি রাজ্য অসিগী পুক্নিং থৌগৎনবা অমসুং মালেমগা থবক তৌমিন্ননবা পাম্বৈ অমা ওইরকখি। সম্মিৎ অসি মালেমদা রাজ্য সরকারগী ৱারেপ লৌবা ঙম্বগী শক্তি অদু উৎনবা অমসুং লৈবাক অসিগী উদোগকী খুদোংচাবশিং খঙহন্নবা পাম্বৈ অমা ওইরকখি।
মহাক্না মখা তানা হায়খি হিরম কয়াদা লৈরিবা মশিং থিঙমদ্রবা খুদোংচাবশিং উৎনবা, লৈবাক অসিগী হৈথোই-শিংথোইবশিং উৎনবা অমসুং লৈবাক অসিগী ঈশ্বরনা পীবা খুদোল, ফজবা অমসুং নাৎকী চৎনবীশিং খঙহন্নবা ভাইব্রেন্ত গুজরাত সম্মিৎ মপুংফানা শীজিন্নরে। ভাইব্রেন্ত গুজরাত সম্মিৎ অসি রাজ্য অসিগী উদোগ চাউখৎনবা কুহ্মৈ অমা ওইরে অমসুং মসি নবরাত্রি অমসুং গারবাগী হরাওবা মরক্তা পাংথোক্লি।
মতম অমগী কেন্দ্র সরকারনা গুজরাত্তা তোখায়বা মীৎয়েং অমা য়েংখিবা অদু প্রধান মন্ত্রীনা নিংশিংলদুনা হায়খি গুজরাত চাউখৎহন্দুনা লৈবাক অসি চাউখৎহনগদবনি হায়বা মহাক্কী পান্দম লৈজরবসু, গুজরাত চাউখৎপা অসি রাজনিতিগী প্রিজম অমদগী য়েংখি। কিহনবা কয়া লৈজরবসু মপানগী ইনভেস্তরশিংনা গুজরাত্তা শেন থাদখি। মসি অখন্না খুদোংচাবা পীবদগী নত্তে। অফবা লৈঙাক, ফজবা অমসুং থৌশিলদা য়ুম্ফম ওইবা লৈঙাক, চাউখৎপা অমসুং অরোন-অথুপ লৈতবা চপ মান্নবা সিস্তেম অমা লৈবা অসিনা গুজরাত পাম্নবগী মরুওইবা মরম্নি।
মালেম শীনবা থুংনা মনিংহলবা মতমদা পাংথোকখিবা ২০০৯গী ভাইব্রেন্ত গুজরাত সম্মিৎ নিংশিংলদুনা, প্রধান মন্ত্রীনা হায়খি মতম অদুদা রাজ্য অদুগী চীফ মিনিস্তর ওইনা থৌরম অদু পাংথোক্নবা মহাক্না হোৎনখি। মদুগী ফল ওইনা ভাইব্রেন্ত গুজরাত সম্মিৎ ২০০৯ মনুংদা গুজরাতকী মাইপাকপগী অনৌবা পন্দুব অমা ইখি। ২০০৩ গী মীফমদা মীওই চা খর খক শরুক য়াখি; ঙসিদি মীওই ৪০০০০ হেন্না অমসুং লৈবাক ১৩৫ হেন্না শরুক য়ারে। ২০০৩দা একজিবিতর ৩০ শরুক য়ারম্বদগী ঙসিদি ২০০০ হেন্না শরুক য়ারে। ভাইব্রেন্ত গুজরাত মাইপাকপগী মরুওইবা মরমশিংদি অনৌবা ৱাখল অমসুং থবক ওইনা পাংথোকপা অসিনি। ভাইব্রেন্ত গুজরাতকী অনৌবা ৱাখল্লোন অসি অতোপ্পা রাজ্যশিংনসু থবক ওইনা পাংথোক্লে।
প্রধান মন্ত্রীনা হায়খি অনৌবা ৱাখল্লোন অদু অচৌবা ওইরবসু, মসি থবক ওইনা পাংথোকপা অমসুং মহৈ চাহনবা হায়বসি তঙাইফদবনি। অসিগুম্বা থৌরম অসি পাংথোক্নবা নিংথিংনা থৌরাং তৌবা, কেপাসিতি বিল্দিংদা শেন থাদবা, চেকশিন্না য়েংশিনবা অমসুং কৎথোকপা দরকার ওই। ভাইব্রেন্ত গুজরাতনা রাজ্য সরকারগা চপ মান্নবা ওফিসারশিং, ফন্দ অমসুং চৎন-কাংলোনশিং লৈদুনা অতোপ্পা সরকার অমতনা ৱাখলদা ফাওবা খন্দ্রিবা মাইপাকপশিং ফংবা ঙমখিবনি।
প্রধান মন্ত্রীনা হায়খি ভাইব্রেন্ত গুজরাত অমুক্তং পাংথোকপা থৌরম অমদগী ইন্সিতিতুসন অমা ওইরক্লে। ভাইব্রেন্ত গুজরাতকী ৱাখল্লোন অসিনা লৈবাক্কী রাজ্য খুদিংমক কান্নবা ফংহন্নবা পান্দম থম্লি। মীফম অসিনা পীরিবা খুদোংচাবশিং অতোপ্পা রাজ্যশিংনা লৌগদবনি।
২০শুবা চহিচাদা ললোনবশিংগী মফম অমা ওইনা গুজরাতকী মশক তাকখিবা অদু পল্লদুনা, প্রধান মন্ত্রীনা হায়খি ২০শুবা চহিচাদগী ২১শুবা চহিচা ফাওবদা পুরকখিবা অওনবশিংনা গুজরাত লৌউ-শিংউ অমসুং শেন-থুমগী মফম অমা ওইরে অমসুং ইন্দস্ত্রি অমসুং মেনুফেকচরিংগী থবকশিংগীদমক রাজ্য অসিগী অনৌবা মশক অমা তাক্লে। ললোন-ইতিক্তা য়ুম্ফম ওইবা গুজরাতকী মিংচৎ হেনগৎলে। ভাইব্রেন্ত গুজরাতন অনৌবা থবকশিং, ৱাখল্লোনশিং অমসুং উদোগশিংগী ইনকুবেতর অমা ওইনা থবক তৌদুনা অসিগুম্বা মাইপাকপশিং অসি পুরকপনি।
প্রধান মন্ত্রীনা হায়খি হৌখিবা চহি ২০ অসিদা তেক্সতাইল অমসুং এপ্পারেল ইন্দস্ত্রিদা শেন থাদবা অমসুং থবক ফংবা হেনগৎলে অমসুং রেকোর্দ ওইনা মপান্দা থাদোকপা হেনগৎলে। ২০০১গা চাংদম্নবদা ওতোমোবাইল সেক্তরদা শেন থাদবা শরুক ৯ হেনগৎলে, মেনুফেকচরিংগী পোৎথোক শরুক ১২ হেনগৎলে, ভারতকী দাই অমসুং ইন্তরমেদিয়েত মেনুফেকচরিংদা চাদা ৭৫ মতেং পাংলে, লৈবাক অসিদা এগ্রো অমসুং ফুদ প্রোসেশিং ইন্দস্ত্রিদা খ্বাইদগী য়াম্না শেন থাদরে, ফুদ প্রোসেশিং য়ুনিত ৩০,০০০ হেন্না মথৌ তৌরে, মেদিকেল দিভাইস মেনুফেকচরিংদা চাদা ৫০ হেন্না পুথোক্লে অমসুং কার্দিয়ক স্তেন্তশিং পুথোকপদা চাদা ৮০ হেন্না শরুক য়ারে, মালেমগী দাইমন্দগী চাদা ৭০ হেন্না প্রোসেস তৌরে, ভারতকী মপান্দা দাইমন্দ থাদোকপগী চাদা ৮০ শরুক য়ারে অমসুং সেরামিক তাইলশিং, সেনিতরিগী পোৎলমশিং অমসুং তোঙান-তোঙানবা সেরামিক পোৎথোকশিং শাবা মেনুফেকচরিং য়ুনিত লিশিং ১০ রোম্না লৈবাক অসিগী সেরামিক কৈথেলদা চাদা ৯০ শরুক য়ারে। হৌজিক্কী ত্রান্সসেক্সনগী ভেলু য়ু.এস দোল্লর বিল্লিয়ন ২ ওইদুনা ভারত্তা গুজরাতনা খ্বাইদগী চাউবা মপান্দা থাদোকপা রাজ্য ওইরি। লাক্কদৌরিবা মতমশিংদা দিফেন্স মেনুফেকচরিং অচৌবা সেক্তর অমা ওইরগনি।
প্রধান মন্ত্রীনা হায়খি ঐখোয়না ভাইব্রেন্ত গুজরাত হৌদোকপা মতমদা, ঐখোয়না খনবদি লৈবাক অসিগী চাউখৎপদা রাজ্য অসিনা ইঞ্জিন অমা ওইহনবনি। মসিগী পান্দম অসি লৈবাক অসিনা থবক ওইনা উরে। ভারতনা মালেমগী চাউখৎপগী ইঞ্জিন ওইনবা ২০১৪গী পান্দম অদু মালেমগী এজেন্সিশিং অমসুং অখঙ-অহৈশিংগী মরক্তা খোন্থাং য়ৈখি। ঙসি মালেমদা ভারত য়াংনা চাউখৎলিবা ইকোনোম ওইরে। ভারত মালেমগী ইকোনোমিক পৱারহাওস অমা ওইনবগী ফিবম অমদা হৌজিক ঐখোয় লৈরি। হৌজিক ভারত মালেমদা অহুমশুবা খ্বাইদগী চাউবা ইকোনোমি ওইরে। ভারতকী অনৌবা খুদোংচাবশিং পীগদবা হিরমশিংদা উদোগকী মীওইশিংনা পুক্নিং চঙগদবনি। স্তার্দঅপকী থবকশিং, এগ্রি-তেক, ফুদ প্রোসেশিং অমসুং শ্রী অন্না হেন্না চাউখৎনবা লম্বীশিংগী খন্নগদবনি।
প্রধান মন্ত্রীনা মখা তানা হায়খি ঐখোয়গী সরকারনা পুক্নিং চঙনা হোৎনরিবা অসি গিফ সিতিদা মমি তারে। মালেমদা খ্বাইদগী ফবা চৎন-কাংলোন শেম্নবা সেন্তর, স্তেৎ অমসুং আই.এফ.এস.সি ওথোরিতিশিং পুন্না থবক তৌমিন্নগদবনি। লৈবাক অসি মালেমদা চাংদম্নবা য়াবা শেন-থুমগী কৈথেল অমা ওইনা শেমগৎনবা ঐখোয়না থবকশিং মপাঙ্গল কনখৎহনগদবনি।
প্রধান মন্ত্রীনা হায়খি হৌজিক থবক লেপ্পা মতম নত্তে। মথং চহি ২০ অসি হৌখিবা চহি ২০দগী হেন্না মরুওই। ভাইব্রেন্ত গুজরাতনা চহি ৪০ মপুংফারকপা মতমদা, লৈবাক অসিনা নিংতম্বা চহি ১০০শুবা থৌরম পাংথোক্কদবা মতম অদু কুইদ্রে। হৌজিক অসি ভারত ২০৪৭দা চাউখৎলবা অমসুং অত্মানির্ভর লৈবাক অমা ওইনবা লম্বী অমা শেমগদবা মতম অদু য়ৌরে। মীফম অসিনা মাইকৈ অসিদা চঙশিনহনগনি হায়বগী থাজবা থম্লি।
থৌরম অদুদা শরুক য়াখিবশিংগী মনুংদা গুজরাতকী রাজ্যপাল শ্রী অচার্য়া দেবব্রাত, গুজরাতকী চীফ মিনিস্তর শ্রী ভুপেন্দ্র পতেল, এম.পি শ্রি সি.আর পতিল, গুজরাত সরকারগী মিনিস্তরশিং অমসুং উদোগকী লুচিংবশিং য়াওখি।
নুঙগীৱারোল
অহমেদবাদকী সাইন্স সিতিদা পাংথোকপদা ভাইব্রেন্ত গুজরাত গ্লোবেল সম্মিৎ চহি ২০ মপুংফারকপা থৌরমদা ইন্দস্ত্রি এসোসিএসনশিং, ললোন-ইতিক্কী শক্নাইরবশিং, নহা ওইরিবা ওন্ত্রেপ্রেনিউয়রশিং, অৱাংবা থাক্কী অমসুং তেক্নিকেল ইজুকেসন কলেজশিংগী মহৈরোয়শিং শরুক য়াখি।
বাইব্রেন্ত গুজরাত গ্লোবেল সম্মিৎ অসি চহি ২০গী মমাংদা মতম অদুগী গুজরাতকী মুখ্য মন্ত্রী, শ্রী নরেন্দ্রগী মীৎয়েং শান্না য়েংবা লিচিং মখাদা হৌখিবনি। সেপ্তেম্বর ২৮, ২০০৩ দা বাইব্রেন্ত গুজরাত গ্লোবেল সম্মিৎকী খোঙচৎ হৌখি। মতমগা ইরোইননা মসি ভারতকী খ্বাইদগী অৱাংবা থাক্কী বিজিনেস সম্মিৎশিংগী মনুংদা অমগী থাক য়ৌদুনা তশেংনা গ্লোবেল ইভেন্ত অমা ওইরকখি। ২০০৩দা ইন্তর্নেস্নেল পার্তিসিপেন্ত ৩০০রোম য়াওদুনা হৌদোকখিবদগী ২০১৯দা লৈবাক ১৩৫ হেনবদগী দেলিগেৎ লিশিং কয়ানা চাউনা শরুক য়াবা উবা ফংখি।
হৌখিবা চহি ২০ অসিদা বাইব্রেন্ত গুজরাত গ্লোবেল সম্মিৎনা “গুজরাতপু পাম্নরবা ইনভেস্তমেন্ত দেস্তিনেসন অমা ওইনা শেমগৎপদগী” “অনৌবা ভারত অমা শেমগৎপা” ওইনা ওইরকখি। বাইব্রেন্ত গুজরাত মাইপাকপনা লৈবাক পুম্বগী ফীদম্নফম ওইবা মোদেল অমা ওইরকখি অমসুং ভারতকী রাজ্যশিংদা অসিগুম্বা ইনভেস্তমেন্ত সম্মিৎশিং পাঙথোক্নবা ইথিলসু পীখি।
Vibrant Gujarat is not merely an event of branding, but also an event of bonding. pic.twitter.com/Cy3vibykSW
— PMO India (@PMOIndia) September 27, 2023
Vibrant Gujarat Summit stands as a proof of Gujarat's steadfast dedication to economic growth. pic.twitter.com/AlAII9VZSQ
— PMO India (@PMOIndia) September 27, 2023
Idea, Imagination and Implementation are at the core of Vibrant Gujarat Summits. pic.twitter.com/yqDotdHhF9
— PMO India (@PMOIndia) September 27, 2023
Vibrant Gujarat Summits also served as a platform for other states. pic.twitter.com/2x6Rnqi4UO
— PMO India (@PMOIndia) September 27, 2023
Today India is the fastest growing economy in the world.
— PMO India (@PMOIndia) September 27, 2023
We are at a turning point where India is going to become a global economic powerhouse. pic.twitter.com/ChfkZbNWEH
India is set to become the third largest economy in the world. Therefore, I would also like to make an appeal to the industry: PM @narendramodi pic.twitter.com/OnexYsnitU
— PMO India (@PMOIndia) September 27, 2023
Gujarat has the GIFT City, the relevance of which is increasing every day. pic.twitter.com/0HY6RcALAU
— PMO India (@PMOIndia) September 27, 2023
