Mera Saansad
Search Search
Manipuri language

পি.এম.না নই দিল্লীদা লাচিৎ বরফুকনগী চহি অমা চুপ্না পাঙথোরকপা ৪০০শুবা মপোক কুমওনগী লোইশিনবগী থৌরমদা ৱা ঙাংখ্রে

Published By : Admin | November 25, 2022 | 10:53 IST
Releases book 'Lachit Borphukan - Assam's Hero who Halted the Mughals'
“Lachit Borphukan's life inspires us to live the mantra of 'Nation First'”
“Lachit Borphukan's life teaches us that instead of nepotism and dynasty, the country should be supreme”
“Saints and seers have guided our nation since time immemorial”
“Bravehearts like Lachit Borphukan showed that forces of fanaticism and terror perish but the immortal light of Indian life remains eternal”
“The history of India is about emerging victorious, it is about the valour of countless greats”
“Unfortunately, we were taught, even after independence, the same history which was written as a conspiracy during the period of slavery”
“When a nation knows its real past, only then it can learn from its experiences and treads the correct direction for its future. It is our responsibility that our sense of history is not confined to a few decades and centuries”
“We have to make India developed and make Northeast, the hub of India’s growth”

প্রধান মন্ত্রী, শ্রী নরেন্দ্র মোদীনা ঙসি নই দিল্লীদা লাচিৎ বরফুকনগী চহি অমা চুপ্না পাঙথোরকপা ৪০০শুবা মপোক কুমওনগী লোইশিনবগী থৌরমদা ৱা ঙাংখ্রে। প্রধান মন্ত্রীনা থৌরম অসিদা প্রধান মন্ত্রীনা ‘লাচিৎ বরফুকন – অসামস হেরো হু হোলতেদ দি মুগল্স’ কৌবা লাইরিক অমসু ফোঙখি।

প্রধান মন্ত্রীনা মতিক চাবা মওংদা শকখঙবীদ্রবা অথৌবশিংবু ইকাই খুম্নবা উৎনবা মঙজখিবা মঙলানগী পরিং মখাদা ঙসিগী থৌরম অসি মুগলশিংবু মাইথিবা পীখিবা অমসুং ঔরঙ্গজেবকী মখাদা মুগলশিংনা লম লৌশিন্দুনা হেন্না পাকথোক-চাউথোকপগী মঙলানশিংবু মাইপাক্না অথিংবা পীখিবা অসামগী অহোম কিংদমগী রোয়েল আর্মীগী মমিং লৈরবা জেনরেল, লাচিৎ বরফুকনবু ইকাই খুম্নবা ওইনা পাঙথোকখি।

থৌরম অদুদা প্রধান মন্ত্রীনা ভীর লাচিৎকুম্বা অথৌবা মপাশিং পোক্লিবা অসামগী লমদমবু মহাক্না ইকাই খুম্নবা উৎলদুনা ৱা ঙাংবা হৌখি। মহাক্না হায়, “ঐখোয়না থৌনা ফরবা লাচিৎ বরফুকনবু মহাক্কী ৪০০শুবা মপোক কুমওন্না লাকপদা ইকোক নোন্না খুরুমজরি। মহাক্না অসামগী নাৎ ঙাকশেনবদা মরু ওইবা থৌদাং লৌখি”।

প্রধান মন্ত্রীনা হায়, “লৈবাক অসিনা ‘আজাদী কা অমৃত মহোৎসব’ পালন তৌরিবা তানফমদা ভারতনা লাচিৎ বরফুকনগী ৪০০শুবা মপোক কুমওন পাঙথোক্লি”। ভীর লাচিৎনা অসামগী পুৱারীদা মতিক-মঙাল লৈরবা পন্দুপ অমা হাপ্পী হায়না ফোঙদোক্লদুনা প্রধান মন্ত্রীনা হায় “ভারতকী মুৎনাইদ্রবা নাৎ, মুৎনাইদ্রবা থৌনা অমসুং মুনাইদ্রবা লেংলি-পালিবগী কুহ্মৈগী থৌরমদা অথোইবা চৎনবী অসিবু ঐহাক্না ইকাই খুম্নবা উৎচরি”। প্রধান মন্ত্রীনা ভারতকী মীখা পোনবগী ৱাখল্লোন কোক্নবা হোৎনরিবা অমসুং মাগী হেরিতেজতা চাউথোকচবা পোক্নবা ৱাখল্লোন অদু নৌহৌনা ফোঙদোকখি। ভারতনা মাগী কলচরেল দাইভর্সিতী পালন তৌবা খক্তা নত্তনা মাগী পুৱারীগী শকখঙদ্রবা অথৌবা অমসুং অথৌবীশিংবু শকখঙলি। প্রধান মন্ত্রীনা মখা তারদুনা হায়, “লাচিৎ বরফুকনগুম্বা মা ভারতীগী অমর ওইরবা মপারীশিংনা অমৃত কালগী ফিরেপশিং থুংহন্নবা ইথিলগী হৌরকফম ওইরি। মখোয়না ঐখোয়গী শক্তম অমসুং পুৱারীগী মতিক-মঙাল অদু খঙহল্লি অমসুং জাতিগীদমক ইশাবু কত্থোকচনবা ইনোৎ হাপ্পী”।

প্রধান মন্ত্রীনা হায় “মীওইবা জাতিগী চহি লিশিং কয়া শুরবা পুৱারী অসিদা পৃথিবীদা সভ্যতা মশিং কয়া খুন্দা লৈতাখি, কয়া অমনা মুৎনাইদনা ঙান্থোইখি অদুবু মতমগী খোঙজেলগা ইরোইননা মখোয়বু মাংহনখি। অতোপ্পা সভ্যতাশিং অমসুং ভারতকী মরক্তা লৈরিবা খেন্নবশিং অদু পুথোক্লদুনা প্রধান মন্ত্রীনা হায়খি মদুদি ঙসিগী মালেম্না পুৱারী অসি অসিগুম্বা সভ্যতাগী লেমহৌবশিংদা য়ুম্ফম ওইরগা থিদোক্লি অদুবু ভারতনদি পুৱারীদা থাজরুদবা অৱাবশিং মায়োক্নখি অমসুং লোইলম শন্দোকপা মীওইশিংগী তমশিরবা মীওৎ-মীনৈশিং খাংদুনা চপ মান্নবা থৌনা লিংজেল অমসুং ৱাখল তবা মতৌগা লোয়ননা মুৎনাইদনা অদুমক লেপতুনা লৈহৌখি। মসিগী মরমদি খুদোংথিবা অমা থোরকপা খুদিং মদুবু লাকশিনবা ঙম্বা মীশক খরা অদুমক থোরকখিবনা ওইরি। অকক্নবা মতমগী তাঙ্কক অমদা লম্বোইবশিং অমসুং লৌশিং লৈবা মীওইশিংনা ভারতকী স্পিরিচুএল অমসুং কলচরেল আইদেন্তিতী ঙাকশেন্নবা থোরকখি। লাচিৎ বরফুকনগুম্বা থৌনা ফবা মীওইশিংনা করিগুম্বা অমদা কা হেন্না হকচিনবা মতৌ অমসুং অকি-অখঙগী শক্তিশিং অসি অদুমক মাংখিগনি অদুবু ভারত মচাগী পুন্সিগী অমর ওইরবা মঙালদি মুৎনাইদনা লৈহৌগনি হায়বা অসি উৎপীরমখি, হায়না প্রধান মন্ত্রীনা ফোঙদোকখি।

অসামগী পুৱারীগী মতাংদা পল্লদুনা প্রধান মন্ত্রীনা হায়খি মদুদি মসি ভারতকী নাৎকী ওইবা খোঙচৎকী মমল য়াম্লবা হেরিতেজকী মনুং চল্লি। মসি ৱাখল অমসুং আইদিওলোজী, খুন্নাই অমসুং নাৎ, অমদি থাজবা অমসুং চাৎনবীশিংগী অপুনবা অমনি। অসাম অমসুং অৱাং নোংপোক্কী লমদমগী লম্বা লৈত্রবা থৌনাগী মতাংদা পল্লদুনা প্রধান মন্ত্রীনা হায়খি মদুদি লমদম অসিগী মীওইশিংনা তর্কশিং, অফঘানশিং অমসুং মুগলশিংবু থেংখাং কয়াদা তান্থোকখি। মুগলশিংনা গুৱাহাতি খুদুম চনখ্রবসু লাচিৎ বরফুকনগুম্বা থৌনা ফবশিংনা মুগল সামরাজ্যগী তমথিরবা লৈঙাকপশিংগী মখুৎতগী নীংতম্বা ফংখি। সরাইঘাত্তা ভীর লাচিৎ বরফুকন্না উৎখিবা থৌনা লৈবা মতৌ অদু মমা লৈবাক নুংশিবগী খুদম ওইবা খক্তা নত্তনা মঙোন্দা অসামগী লমদম পুম্বদা লৈরিবা প্রজা খুদিংমক্তা করিগুম্বা মথৌ তারবদি মমা লৈবাক ঙাকশেন্নবা অমত্তা ওইনা পুনশিনবগী শক্তি ফাওবা চেনখি। প্রধান মন্ত্রীনা হায়, “লাচিৎ বরফুকনগী থৌনা লৈবা মতৌ অমসুং অকিবা লৈতবা মতৌ অসিনা অসামগী মশক তাক্লি”।

প্রধান মন্ত্রীনা হায়খি “ভারতকী পুৱারী অসি মীখা পোনবগী মতাংদা খক্তা নত্তে, ভারতকী পুৱারী অসি মাইপাকপা ঙম্বগী মতাংদনি, মসি মশিং লাকঙমদ্রবা অথৌবশিংগী মতিক-ময়াইগী মতাংদনি”। মহাক্না মখা তারদুনা হায়খি ভারতকী পুৱারী অসি অমুক্তা উখিদ্রিবা থৌনা লিংজেলগা লোয়ননা মীওৎ-মীনৈগী মায়োক্তা লেপখিবা অদুবু। মহাক্না হায়, “লাইবকথিবদি নীংতম্বা ফংলবা মতুংদসু মীখা পোল্লিঙৈ মতমদা লৌতুনদুনা ইখিবা চপ মান্নবা পুৱারী অদুমক ঐখোয়দা তাকপীখি। নীংতম্বা ফংলবা মতুংদা ঐখোয়বু মীখা পোলহল্লমখিবা মীরৈবাক মচাশিংগী এজেন্দা অদু হোংদোকপা মথৌ তাখি অদুম ওইনমক মদু তৌখিদে”। লৈবাক্কী শরুক খুদিংমক্তা মীওৎ-মীনৈগী মায়োক্তা থৌনা ফনা মায়োক্নখিবগী ৱারীশিং অদু নমদুনা নমশিন্দুনা থমখি। প্রধান মন্ত্রীনা হায়খি “নমশিন্দুনা থমখিবা শাংলবা মতমগী মনুংদা মীওৎ-মীনৈগী মায়োক্তা মাইপাকপগী মশিং লাকঙমদ্রবা ৱারীশিং লৈ। মেনস্ত্রীমদা মসিগী থৌদোকশিং অসিবু মরু ওইনা লৌরমদবগী অশোইবশিং অদু হৌজিক্তি শেমদোক্লি”। মহাক্না হায় থৌরম অসি দিল্লীদা পাঙথোকপনা মসিগী অহোংবা অসি লাক্লে হায়বগী মমি তারি।

প্রধান মন্ত্রীনা অসাম সরকারনা মাগী অথৌবশিংগী লেগেসী অসি পালন তৌনবা খোঙথাংশিং লৌখৎপগীদমক থাগৎপা ফোঙদোকখি। মহাক্না অসামদা মাগী অথৌবশিংবু ইকাই খুম্ননবা ম্যুজিয়ম অমসুং মেমোরিএলগুম্বা শানবগী প্রোজেক্তশিংগী মতাংদা পনখি। মহাক্না হায় মদুদি অসিগুম্বা খোঙথাংশিং অসিনা হৌরক্লিবা মীরোলদা কত্থোকপা অমসুং থৌনা ফবগী পুৱারী খঙহনবদা মতেং ওইরগনি। প্রধান মন্ত্রীনা হায় “লাচিৎ বরফুকনগী পুন্সিনা ঐখোয়দা ‘নেসন ফর্স্ত’ হায়বা মন্ত্রগা লোয়ননা হিংনবা ইথিল পীখি। মহাক্কী পুন্সিনা ঐখোয়দা ইশাগী হায়বা থাদোক্তুনা জাতিগী য়াইফনবা হায়বা অসিদা মরু ওইবা মীৎয়েং চংনবা ইথিল পীখি। মহাক্কী পুন্সিনা ঐখোয়দা নেপোতিজম অমসুং শাহৈ-জাৎকী মহুৎ লৈবাক্না অথোইবা ওইনবা হোৎনগদবনি তাকপীখি”। ভীর লাচিৎ বরফুকনগী পুন্সিগী খুদমশিং লৌরদুনা প্রধান মন্ত্রীনা হায়খি, “জাতিদগী হেনবা মীশক নত্ত্রা মরী-মতা অমত্তা লৈতে”।

প্রধান মন্ত্রীনা হায়খি মদুদি জাতি অমনা মাগী তশেংবা পুৱারী খঙলবা মতমদা খক্তা মাগী এক্সপরিয়েন্সশিংদগী তমশিনবা ঙমগনি অমসুং মাগী তুংলমচৎকীদমক অচুম্বা মাইকৈদা চৎপা ঙমগনি। মহাক্না হায়, “ঐখোয়গী পুৱারীগী ৱাখল্লোন অসি দিকেৎ খরা অমসুং চহিচা খরা খক্তগী মখা পোলহন্দবা হায়বা অসি ঐখোয়গী থৌদাংনি”। ভারত রত্ন ভুপেন হজারিকানা হায়রম্বা ৱাহৈশিং অদু পল্লদুনা প্রধান মন্ত্রীনা হায়খি হঞ্জিন-হঞ্জিন নীংশিংলবা খক্তদা ঐখোয়না হৌরক্লিবা মীরোলশিংদা পুৱারীগী অচুম্বা মশক অমা পীবা ঙমগনি।

প্রধান মন্ত্রীনা ছত্রপতি শিবাজী মহারাজকী মতাংদা লৈবা অদুগুম্বা লাচিৎ বরফুকনগী মতাংদা অচৌবা থিএতর প্লে অমা শেমদুনা লৈবাক্কী কাচিন-কোয়া খুদিংদা য়ৌহন্নবা অপাম্বা ফোঙদোকখি। মসিনা ‘এক ভারত, শ্রেস্থ ভারত’কী ফিরেপ অদিদা চাউনা শাহৌ পীগনি। প্রধান মন্ত্রীনা লোইশিনবদা হায়, “ঐখোয়না ভারতপু চাউখৎহন্নবা অমসুং অৱাং নোংপোকপু ভারতকী গ্রোথকী হব ওইহনবা তাই। ভীর লাচিৎ বরফুকনগী ৪০০শুবা মপোক কুমওনগী ৱাখল্লোন অসিনা ঐখোয়গী ফিরেপতা থৌনা পীগনি অমসুং জাতিনা মাগী পান্দমশিং ফংবা ঙমগনি হায়না ঐহাক্না থাজৈ”।

য়ৌরকপদা প্রধান মন্ত্রীনা বিজ্ঞান ভবনগী নোংচুপ থংবা অহাংবদা উৎলিবা অসামগী খুঙ্গংগী সেৎ-অপ অদু য়েংখি অমসুং পুৱারীগা মরী লৈনবা একজিবিসন অদুসু য়েংখি। মসিগী মতুংদা প্রধান মন্ত্রীনা লাচিৎ বরফুকনগী ফোতো মমাংদা থাওমৈ চুখৎখি অমসুং হৈকৎ-লৈকৎ তমখি।

থৌরম অদুদা অসামগী রাজ্যপাল, প্রোফেসর জগদিশ মুখি, অসামগী মুখ্য মন্ত্রী, দা. হিমন্তা বিস্বা শর্ম, কেন্দ্র মন্ত্রী শ্রী সরবানন্দ সোনোৱাল, মেম্বর ওফ পার্লিয়ামেন্ত, জস্তিস (রিতায়র্দ) রঞ্জন গোগোই, শ্রী তোপোক কুমার গোগোই অমসুং অসাম সরকারগী মেম্বরশিংনা শরুক য়াখি।

বেকগ্রাউন্দ

প্রধান মন্ত্রীনা মতিক চাবা মওংদা শকখঙবীদ্রবা অথৌবশিংবু ইকাই খুম্নবা উৎনবা লেপ্পা লৈতনা হোৎন্দুনা লাকখি। মসিগী পরিং চত্থরকপদা লৈবাক অসিনা ২০২২ অসি লাচিৎ বরফুকনগী ৪০০শুবা মপোক কুমওনগী চহি হায়না পালন তৌরি। পালন থৌরম অসি চহি অসিগী ফেব্রুৱারীদা ইকাই খুম্নরবা হান্নগী ভারতকী রাস্ত্রপতি শ্রী রাম নাথ গোবিন্দনা গুৱাহাতিদা হৌদোকখিবনি।

লাচিৎ বরফুকন (নবেম্বর ২৪, ১৬২২ – এপ্রিল ২৫, ১৬৭২) অসি মুগলশিংবু মাইথিবা পীখিবা অমসুং ঔরঙ্গজেবকী মখাদা মুগলশিংনা লম লৌশিন্দুনা হেন্না পাকথোক-চাউথোকপগী মঙলানশিংবু মাইপাক্না অথিংবা পীখিবা অসামগী অহোম কিংদমগী রোয়েল আর্মীগী মমিং লৈরবা জেনরেলনি। লাচিৎ বারফুকন্না ইং কুমজা ১৬৭১দা লান্থেংনখিবা সরাইঘাত লানফমদা অসামগী লান্মীশিংদা ইথিল পীখি অমসুং মুগলশিংবু চাউনা অমদি ইকাইবা পীদুনা মাইথিবা পীখি। লাচিৎ বারফুকন অমসুং মহাক্কী লান্মীগী থৌনা ফারবা মতৌ অসি ঐখোয়গী লৈবাক্কী পুৱারীদা ইথিল পীরিবা খ্বাইদগী মরু ওইবা মিলিতরীগী অখাং কনবগী মতৌশিংগী মনুংদা অমা ওইনা নীংশিংনরি।

ৱা ঙাংখিবগী মপুংফাবা ৱারোল পানবা মসিদা নম্বীয়ু

Login or Register to add your comment
Explore More
প্রধান মন্ত্রীনা শ্রী রাম জন্মভুমি মন্দির দ্বাজরোহন উৎসবতা পীখিবা ৱারোলগী মৈতৈলোন্দা হন্দোকপা

Popular Speeches

প্রধান মন্ত্রীনা শ্রী রাম জন্মভুমি মন্দির দ্বাজরোহন উৎসবতা পীখিবা ৱারোলগী মৈতৈলোন্দা হন্দোকপা
View All
India’s digital economy enters mature phase as video dominates: Nielsen

Media Coverage

India’s digital economy enters mature phase as video dominates: Nielsen
View All
NM on the go

Nm on the go

Always be the first to hear from the PM. Get the App Now!
Download App
...
Cabinet approves increase in the Judge strength of the Supreme Court of India by Four to 37 from 33
May 05, 2026

The Union Cabinet chaired by the Prime Minister Shri Narendra Modi today has approved the proposal for introducing The Supreme Court (Number of Judges) Amendment Bill, 2026 in Parliament to amend The Supreme Court (Number of Judges) Act, 1956 for increasing the number of Judges of the Supreme Court of India by 4 from the present 33 to 37 (excluding the Chief Justice of India).

Point-wise details:

Supreme Court (Number of Judges) Amendment Bill, 2026 provides for increasing the number of Judges of the Supreme Court by 04 i.e. from 33 to 37 (excluding the Chief Justice of India).

Major Impact:

The increase in the number of Judges will allow Supreme Court to function more efficiently and effectively ensuring speedy justice.

Expenditure:

The expenditure on salary of Judges and supporting staff and other facilities will be met from the Consolidated Fund of India.

Background:

Article 124 (1) in Constitution of India inter-alia provided “There shall be a Supreme Court of India consisting of a Chief Justice of India and, until Parliament by law prescribes a larger number, of not more than seven other Judges…”.

An act to increase the Judge strength of the Supreme Court of India was enacted in 1956 vide The Supreme Court (Number of Judges) Act 1956. Section 2 of the Act provided for the maximum number of Judges (excluding the Chief Justice of India) to be 10.

The Judge strength of the Supreme Court of India was increased to 13 by The Supreme Court (Number of Judges) Amendment Act, 1960, and to 17 by The Supreme Court (Number of Judges) Amendment Act, 1977. The working strength of the Supreme Court of India was, however, restricted to 15 Judges by the Cabinet, excluding the Chief Justice of India, till the end of 1979, when the restriction was withdrawn at the request of the Chief Justice of India.

The Supreme Court (Number of Judges) Amendment Act, 1986 further augmented the Judge strength of the Supreme Court of India, excluding the Chief Justice of India, from 17 to 25. Subsequently, The Supreme Court (Number of Judges) Amendment Act, 2008 further augmented the Judge strength of the Supreme Court of India from 25 to 30.

The Judge strength of the Supreme Court of India was last increased from 30 to 33 (excluding the Chief Justice of India) by further amending the original act vide The Supreme Court (Number of Judges) Amendment Act, 2019.