“কাশীগী ঘাত্তা পাংথোক্লিবা গঙ্গা – পুস্করালু উৎসব অসিদি গঙ্গা অমসুং গোদাবরীনা পুনবগুম্বনি”
“তেলেগুগী রাজ্য অসিনা কাশীগী মফমদা অথোইবা লাইনিংবা, অচার্য়া অমসুং লম্বোইবা কয়া পীখ্রে”
“তেলেগু মীয়াম্বু কাশীনা লৌশিনবা অমসুং খঙবীবা অসিগা চপ মান্ননা তেলেগু মীয়াম্না কাশীবু মখোয়গী থৱাইগা শাগোন্নরি অমসুং
“গঙ্গাদা অমুকখক ইরুপ্পনা অদোমগী থৱাইবু নুংঙাইনা থমগনি”
“ঐখোয়গী ইপা ইপুশিংনা ভারতকী কন্সিয়সনেসপু মফম কয়াদা লিংখৎলমখি অমসুং পুম্নমক অসিনা ইমা ভারতকী মপুং ফাবা শক্তম অমা শেম্লি”
“ঐখোয়না লৈবাক অসিগী তোঙানবা মতৌ চেনবগী মওংশিংবু মপুং ফানা উবা মতমদা ভারতকী মপুং ওইবা শক্তম অমসুং মতিক মগুন খঙবা ঙমগনি”

প্রধান মন্ত্রী শ্রী নরেন্দ্র মোদীনা উত্তর প্রদেশকী কাশীদা গঙ্গা পুস্করালু উৎসবতা ভিদিও কনফরেন্সিংগী খুত্থাংদা ৱা ঙাঙখ্রে।

প্রধান মন্ত্রীনা গঙ্গা পুস্করালুগী থৌরম অসিগী মীয়ামদা য়াইফ পাউজেল পীরদুনা মখোয়বু তরাম্না ওক্লবা মতুংদা মহাক্কী ৱারোল হৌখি। ঙসিগী থৌরম অসিদা শরুক য়ারিবা মীপুম খুদিংমক মহাক্কী মীথুংলেন্নি অমসুং ভারতকী চৎনবীদা মীথুংলেনবু ঈশ্বরমক্নি খন্নরিবনি হায়না ফোংদোকখি। “ঐহাক ইশামক্না অদোমবু হকথেংননা তরাম্না ওকপা ঙমদ্রবসু, ঐহাক্কী ৱাখলদি অদোমগী নাক্তা লৈরি”, প্রধান মন্ত্রীনা হায়খি। মহাক্না কাশী-তেলেগু কম্মিত্তী অমসুং মেম্বর ওফ পার্লিয়ামেন্ত, শ্রী জি.ভি.এল. নরসিমহা রাওবু ঙসিগী থৌরম অসিবু শীনবী লাঙবীবগীদমক্তা থাগৎপা ফোংদোকখি। প্রধান মন্ত্রীনা কাশীগী ঘাত্তা পাংথোক্লিবা গঙ্গা – পুস্করালু উৎসব অসিদি গঙ্গা অমসুং গোদাবরীনা পুনবগুম্বনি হায়রদুনা মসিদি ভারতকী অরীবা মতমগী সিভিলাইজেসন, চৎনবী অমসুং নাৎনা অমত্তা ওইনা পুনবগী নুংঙাইবা ফোংদোকপনি হায়খি। মহাক্না কাশী-তমিল শঙ্গমমসু থা খরগী মমাংদা পাংথোকখিবতা ঙাইরি হায়না নিংশিংলদুনা মহাক্না নুমিৎ খরনিগী মমাংদা সাউরাস্ত্রা-তমিল শঙ্গমমদসু শরুক য়াখি অমসুং নিংতম্বগী অমৃত কাল অসিদি ভারতকী তোঙান-তোঙানবা মতৌ চেনবা অমসুং চৎনবীশিংনা অমত্তা ওইনা পুল্লিবা অসিগী খুদম্নি হায়না ফোংদোকখি। “তোঙান-তোঙানবা মতৌ চেনবগী থৌওং কয়াগী অপুনবা অসিনা তুংগী মতমদা ভারত্তা ইনর্জী শোইদনা পীগদবা লৈবাক চাউখৎপগী অমৃত অমা শেম্লি”, প্রধান মন্ত্রীনা হায়খি।

প্রধান মন্ত্রীনা কাশী অমসুং মসিগী মীয়ামগা তেলেগুগা লৈনরিবা মরীদা মিৎয়েং চঙলদুনা কাশীনা মখোয়বু চারোন শুরোন কয়াদগী তরাম্না ওক্তুনা লাক্লি অমসুং শহর অসিগী মতৌগুম্না মরী অসি মতম শাংনদগী লৈরক্লবনি হায়খি। তেলেগু মীয়ামদা কাশীনা থাজবা থম্লিবা অসিসু কাশীগুম্না অশেংবা অমা ওই। কাশীদা লাক্লিবা লাইনিংবা অয়াম্বনা আন্ধ্র অমসুং তেলঙ্গানাদগী লাকপা মীওইনা ওই হায়না মহাক্না পনখি। “তেলেগুগী রাজ্য অসিনা কাশীগী মফমদা অথোইবা লাইনিংবা, অচার্য়া অমসুং লম্বোইবা কয়া পীখ্রে”, কাশীগী মীওই অমসুং লাইনিংবশিংনা বাবা বিশ্বানাথ খুরুম্বা চৎপা মতমদা মখোয়না তাইলাং স্বামীগী আশ্রমদসু মহাক্কী থৌজাল লৌনবগীদমক্তা চৎলি হায়না পল্লদুনা প্রধান মন্ত্রীনা ফোংদোকখি। বিজিয়ানাগ্রমদা পোকখিবা তাইলাং স্বামী অসিবু স্বামী রামকৃষ্ণ পরমহন্সনা কাশীগী অহিংবা শিব হায়না মিংথোল্লি হায়না প্রধান মন্ত্রীনা হায়খি। কাশীদা ঙসিসু নুংশিনা নিংশিংলিবা জিদ্দু কৃষ্ণমুর্তী অমসুং অতোপ্পা কয়াগী মতাংদসু প্রধান মন্ত্রীনা ৱাফম থমখি।

তেলেগু মীয়াম্বু কাশীনা লৌশিনবা অমসুং খঙবীবা অসিগা চপ মান্ননা তেলেগু মীয়াম্না কাশীবু মখোয়গী থৱাইগা শাগোন্নরি হায়না প্রধান মন্ত্রীনা হায়রদুনা দক্ষিনা কাশী হায়না কৌরিবা বেমুলাৱারাগী শেংলবা লাইফমগী মতাংদসু পনখি। আন্ধ্র অমসুং তেলঙ্গানাগী লাইশঙশিংগী খুৎশিংদা পুল্লিবা অমুবা লং অসিবুসু কাশী দারম কৌবসিদা মহাক্না মীয়ামগী পুক্নিং চিংশিনখি। কাশীগী মতিক মগুন অসি তেলেগু লোল অমসুং লিতরেচরদা ময়েক শেংনা পল্লিবা অসিগী মতাংদা প্রধান মন্ত্রীনা পাউদম্লদুনা শ্রীনাথ মহাকবীগী খান্দমু গ্রন্থ, এঙ্গুল বিরাস্বামিয়াগী কাশী য়াত্রা কেরেক্তর অমসুং মমিং লৈরবা কাশী মাজিলী কথালুগী মতাংদসু পনখি। অসুক য়াম্না থাপ্না লৈবা শহর অমবু থম্মোইগা অসুক য়াম্না নক্নরিবা অসি করম্বা মতৌননো হায়না অপ্তোপ্পা মীওইশিংনা খনগনি হায়না প্রধান মন্ত্রীনা ফোংদোক্লদুনা, অসুম্না মখা তাখি, “ভারতকী হেরিতেজনা ‘এক ভারত, শ্রেস্থ ভারত’কী থাজববু চহি কয়াদগী ঙাক্তুনা লাক্লি”।

“কাশী অসিদি অফা অপুন্দগী নিংতম্বা অমসুং পাপ্তগী কোকপগী মফম্নি”, প্রধান মন্ত্রীনা হায়খি। তেলেগু মীয়াম্না কাশী য়ৌনবা মাইল লিশিং কয়া চৎলম্বগী মতৌবু প্রধান মন্ত্রীনা নিংশিংলদুনা ঙসিগী মতমসিদা ফিভম অসি য়াম্না হোংলে হায়খি। মহাক্না বিশ্বানাথ ধামগী নিংথিরবা শক্তম, গঙ্গা ঘাৎকী নিংথীরবা মওং-মতৌ অমসুং শোরোক অমসুং হাইৱে পাকথোক্লিবা অসিগী মতাংদা পনখি। আন্ধ্র অমসুং তেলঙ্গানাদগী লাকপা মীওইশিংনা শহর অসিদা লাক্লিবা অহোংবশিং থম্মোইদা ফাওগনি অমসুং অনৌবা হাইৱে শাবনা মরম ওইরগা এয়রপোর্ত্তগী দশাশ্বমেধ ধাম য়ৌবগী মতমসু য়াম্না হন্থরে হায়না মহাক্না হায়খি। শহর অসিদা লৈরিবা চাউখৎ থৌরাংগী খুদম পীরদুনা, প্রধান মন্ত্রীনা মফম কয়াদা ইলেক্ত্রিক ৱাইয়র লৈনুংদা ফুম্বা, শহর অসিগী কুন্দ, নাৎকী ওইবা মফমশিং অমসুং লাইশঙগী খোঙলম্বী নৌনা শেমগৎপা  অমসুং গঙ্গাদা CNGগী হি চেল্লিবা অসিগী মতাংদসু পনখি। অথুবা মতমদা লৈরক্লগদবা রোপৱে অসিনা কাশীদা খুদোংচাবা য়াম্না পীরগনি হায়না মহাক্না হায়খি। ঘাৎশিংবু লু নান্না থম্বগা মরী লৈনবা মীয়ামগী অচৌবা ইহৌ অমা পুরক্লিবা অসিদি কাশীগী মীয়ামগী হোৎনজমনগী মহৈনি হায়না মহাক্না ফোংদোকখি।

মীথুংলেনশিং তরাম্না ওকপা অমসুং সেবা তৌবদা কাশীগী মীয়াম্না অৱাৎ অপা অমত্তা লৈহন্দে হায়না প্রধান মন্ত্রীনা মহাক্কী থাজবা ফোংদোকখি। “বাবাগী থৌজাল, কাল ভৈরব অমসুং ইমা অন্নপুর্নাগী দর্শন তৌবা অসিসু মহৌশানা য়াম্না নুংঙাইবা থৌওং ওইরিবনি। গঙ্গা অমুকখক ইরুপ্পনা অদোমগী থৱাইবু নুংঙাইনা থমগনি”, প্রধান মন্ত্রীনা হায়খিবগা লোয়ননা লসসি, থন্দাই, চাত, লিত্তি-চোখা অমসুং বনারসী ক্বাগুম্বা চাবগী মথেল কয়া অসিনা খোঙচৎ অসিবু হেন্না নুংঙাইহনগনি হায়খি। ইতিকোপক্কা শান্নপোৎকা মান্নবা ভরানসীদা য়োনবা উগী শান্নপোৎ অমসুং বনারসী সারীশিংবু আন্ধ্র প্রদেশ অমসুং তেলঙ্গানাগী মরুপশিংনা ময়ুমদা পুদুনা হনখিবা য়াগনি হায়না মহাক্না মখা তাখি।

“ঐখোয়গী ইপা ইপুশিংনা ভারতকী কন্সিয়সনেসপু মফম কয়াদা লিংখৎলমখি অমসুং পুম্নমক অসিনা ইমা ভারতকী মপু ফাবা শক্তম অমা শেম্লি”, প্রধান মন্ত্রীনা হায়খি। মহাক্না কাশীগী বাবা নিশ্বানাথ অমসুং বিশলক্সি শক্তিপীথ, আন্ধ্রগী মল্লিকার্জুনা অমসুং ইমা ভ্রমরম্বা, তেলঙ্গানাগী ভগ্বান রাজ-রাজেশ্বরগী মতাংদা পল্লদুনা মসিগুম্বা অশেংবা লাইফম অসিদি ভারতকী মরু ওইবা মফমনি অমসুং নাৎকী ওইবা শক্তাক্নি। প্রধান মন্ত্রীনা মহাক্কী ৱারোল লোইশিনবা ওইনা ঐখোয়না লৈবাক অসিগী তোঙানবা মতৌ চেনবগী মওংশিংবু মপুং ফানা উবা মতমদা ভারতকী মপুং ওইবা শক্তম অমসুং মতিক মগুন খঙবা ঙমগনি হায়না ফোংদোকখি। “মসিগী মতুংদতা ঐখোয়না ইশাগী মপুং ফাবা মতিক ফুদোকপা ঙমগনি”, শ্রী মোদীনা হায়খি। গঙ্গা পুস্করালুগুম্বা কুহ্মৈ অসিনা লৈবাক সেবাগী মসিগুম্বা ৱারেপশিংবু তুংলমচত্তা লেপ্তনা পুগনি হায়না থাজৈ হায়না মহাক্না হায়খি।

ৱা ঙাংখিবগী মপুংফাবা ৱারোল পানবা মসিদা নম্বীয়ু

Explore More
৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল

Popular Speeches

৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল
India eliminates extreme poverty

Media Coverage

India eliminates extreme poverty
NM on the go

Nm on the go

Always be the first to hear from the PM. Get the App Now!
...
সোসিয়েল মিদিয়াগী মফম 3 মার্চ , 2024
March 03, 2024

A celebration of Modi hai toh Mumkin hai – A journey towards Viksit Bharat