প্রধান মন্ত্রী শ্রী নরেন্দ্র মোদীনা উত্তরাখন্দগী হরসীলদা ত্রেক অমসুং বাইক রেলিগী লমথারবা মতুংদা ৱিনতর তুরিজম প্রোগ্রামদা শরুক য়াখ্রে। মহাক্না মুখৱাদা লৈবা মা গঙ্গাগী নীংথম খুভমদা পূজা অমসুং দর্শনসু পাংথোকখি। মীয়াম তিনখিবা অদুদা ৱা ঙাংলদুনা মহাক্না মানা খুঙ্গংদা থোকখিবা নুংঙাইতবা থৌদোক অদুগী অৱাবা ফোংদোকখি অমসুং থৌদোক অদুদা লৈখিদ্রবশিংগী ইমুং মনুংগী মীওইশিংদা অৱাবা ফোংদোকখি। মহাক্না হায়খি মদুদি অৱাবা তারিবা মতম অসিদা
“দেবভুমি হায়না খঙনবা উত্তরাখন্দগী লম অসি স্পিরিচুএল ইনর্জীনা থল্লবা অমসুং চার ধাম অমসুং অতোপ্পা মশিং লাকঙমদ্রবা লাইফম কয়া লৈ,” হায়না প্রধান মন্ত্রীনা ফোংদোক্লদুনা লমদম অসিনা পুন্সি পীনবিরিবা ইমা গঙ্গাগী নীংথম খুবম ওইরি হায়না মহাক্না ফোংদোকখি। মহাক্না অমুক হন্না লাকপা ফংজবা অমসুং মীয়াম অমসুং মখোয়গী ইমুং-মনুংশিংগা উন্নবগী খুদোংচাবা ফংখিবগীদমক মহাক্না তৌবীমল খঙবা উৎখি। মহাক্না হায়খি মদুদি ইমা গঙ্গাগী থৌজালদগী চহি তরাগী খুজিং কয়া উত্তরাখন্দদা থবক তৌবগী খুদোংচাবা ফংখি। শ্রী মোদীনা মহাক্না কাশীদা ইমা গঙ্গানা মহাকপু কৌখিবগী মহাক্কী ৱারোল অদু নীংশিংলদুনা হায়খি "ইমা গঙ্গাগী য়াইফ-মঙ্গোলনা ঐহাকপু কাশীদা লমজিংখি, মফম অসিদা হৌজিক ঐহাক পার্লিয়ামেন্তকী মীহুৎ অমা ওইনা থবক তৌরি” অমসুং মা গঙ্গানা হৌজিক্তি মহাকপু মহাক্কী মশা মচাগুম্না লৌশিল্লে হায়খি।
প্রধান মন্ত্রীনা হায়খি মদুদি ইমা গঙ্গানা মহাক্কী মচাগীদমক থম্লিবা নুংশিবা অমসুং থৌজাল অসিনা মহাকপু মহাক্কী মমাগী লমদম ওইরিবা মুখৱা খুঙ্গংদা পুরকখি অমসুং মহাকপু মুখিমথ-মুখৱাদা দর্শন অমসুং পুজা পাংথোকপগী খুদোংচাবা ফংখি। শ্রী মোদীনা হরসীলগী লমদমদা চৎখিবা অদুগী মতাংদা পল্লদুনা মহাক্না "দিদি-বুলিয়া" হায়না কৌখিবা মফম অদুগী নুপীশিংনা উৎখিবা নুংশিবা অদুগী নুংশিরবা মীকুপশিং অদু ফোংদোক্লদুনা, শ্রী মোদীনা হরসীলগী রাজমা অমসুং অতোপ্পা মফম অদুগী পোত্থোকশিং থারকখিবা অদু পনখি। মহাক্না মখোয়গী নুংশিবা, মরী অমসুং খুদোলশিংগীদমক থাগৎপা ফোংদোকখি।
প্রধান মন্ত্রীনা মহাক্কী বাবা কেদর্নাথ খোঙচৎ অদু নীংশিংখি মফম অদুদা মহাক্না হায়খি মদুদি, "মসিগী দিকেদ অসি উত্তরাখন্দগী দিকেদ ওইগনি।" মহাক্না হায়খি মদুদি ৱাহৈশিং অদুগী মপাঙ্গল অসি বাবা কেদর্নাথ মশামক্তগী লাকখিবনি। মহাক্না হায়খি মদুদি, বাবা কেদর্নাথকী য়াইফ-মঙ্গোলগা লোয়ননা মসিগী মঙলান অসি তপ্না-তপ্না তশেং তশেংবা ওইরক্লি। উত্তরাখন্দগী খুমাং চাউশিনবগী অনৌবা লম্বীশিং হাংলি, রাজ্য অসি শেমখিবগী পান্দমশিং অদু মপুং ফাহল্লক্লি হায়না পল্লদুনা শ্রী মোদীনা হায়খি মদুদি উত্তরাখন্দগী চাউখৎ-থৌরাংগীদমক লৌখিবা ৱাশকশিং অসি লেপ্তনা মায় পাকপা অমসুং অনৌবা মাইলস্তোনশিংগী খুত্থাংদা মপুং ফাহল্লক্লি। মহাক্না মখা তাখি, "ৱিন্তর তুরিজম অসি মসিগী মাইকৈ অসিদা মরু ওইবা খোঙথাং অমনি, মসিনা উত্তরাখন্দগী শেন্মিৎলোনগী ওইথোকপা য়াবশিং শীজিন্নবদা মতেং পাংলি" অমসুং মহাক্না উত্তরাখন্দ সরকারবু মসিগী অনৌবা খোঙথাং অসিগীদমক থাগৎপা ফোংদোকখি অমসুং রাজ্য অসিগী চাউখৎপগীদমক মহাক্কী য়াইফ পাউজেল পীখি।
প্রধান মন্ত্রীনা হায়খি মদুদি তুরিজম সেক্তরবু মখল-মখা কয়াগী ওইহনবা অমসুং চহি চুপ্পগী ওইবা থবক থৌরম অমা ওইহনবা অসি উত্তরাখন্দগী ওইনা য়াম্না মরু ওই অমসুং মথৌ তাই। উত্তরাখন্দদা "ওফ-সিজন" লৈরোইদবনি অমসুং তুরিজম অসি সিজন খুদিংগী চাউখৎকদবনি। মহাক্না হায়খি হৌজিক্কী ওইনা, চীংগী লমশিংদা তুরিজম অসি সিজনেল ওই। মার্চ, এপ্রিল, মে অমসুং জুন থাদা তুরিস্ত কয়া অমা লাকই। অদুম ওইনমক, তুরিস্ত মশিং অসি মতুং তারকপদা য়াম্না হন্থরকই হায়না মহাক্না মখা তাখি, মসিনা হোতেল, রিজোর্ৎ অমসুং হোমস্তে অয়াম্বা নীংথম মতমদা হাংদুনা লৈহৌই। অসুম্না খল কাইবা অসিনা উত্তরাখন্দদা চহিগী অয়াম্বা শরুক অসি ইকনোমিক স্তেগনেসন থোকহল্লি অমসুং মসিনা অকোইবগী ফিভমদা অৱাবা কয়া অমসু থোকহল্লি হায়না মহাক্না পনখি।
শ্রী মোদীনা, "নীংথম মতমদা উত্তরাখন্দদা চৎপদা দেবভুমিগী ঈশ্বরগী মশক অদু উবা ফংই" হায়না ফোংদোক্লদুনা মহাক্না লমদম অসিদা ৱিন্তর তুরিজম্না পীরিবা ত্রেকিং অমসুং স্কিয়িংগুম্বা এক্তিবিতীশিংগী নুংঙাইবা অদু পনখি। মহাক্না হায়খি মদুদি উত্তরাখন্দদা ধর্মগী খোঙচৎশিংগীদমক্তা নীংথমগী মরুওইবা লৈ অমসুং মসিগী মতম অসিদা অখন্নবা থৌরম কয়া পাঙথোকপা মফম কয়া অমা লৈ। মহাক্না মুখৱা খুঙ্গংদা পাঙথোকপা ধর্মগী থৌরমশিং অসি লমদম অসিগী অরিবা অমসুং মশক থোকপা চৎনবীশিংগী শরুক অমনি হায়না পনখি। চহি চুপ্পগী তুরিজমগীদমক উত্তরাখন্দ সরকারনা লৌখৎলিবা খোঙথাং অসিনা মীয়ামদা লাইগী ওইবা এক্সপরিয়েন্সগা শম্ননবা খুদোংচাবা পীগনি হায়না প্রধান মন্ত্রীনা ফোংদোকখি। মহাক্না হায়খি মদুদি খোঙথাং অসিনা চহি চুপ্পগী ওইবা থবক পীবগী খুদোংচাবশিং লৈহল্লগনি। মসিনা মফম অদুগী মীয়াম অমসুং উত্তরাখন্দগী নহাশিংদা চাউনা কান্নবা ফংহল্লগনি।
প্রধান মন্ত্রীনা হায়খি, "উত্তরাখন্দবু চাউখৎলবা রাজ্য অমা ওইহন্নবা কেন্দ্র অমসুং রাজ্যগী ঐখোয়গী সরকারশিংনা পুন্না থবক তৌমিন্নরি।" হৌখিবা চহি তরা অসিদা চার ধাম ওল ৱেদর রোদ, মোদর্ন এক্সপ্রেসৱে অমসুং রাজ্য অসিদা রেলৱেজ, এয়র অমসুং হেলিকোপ্তর সর্বিসশিং পাকথোক চাউথোকহনবগা লোয়ননা চাউখৎপা কয়া অমা উবা ফংলে। মহাক্না হায়খি মদুদি কেন্দ্রগী মন্ত্রীমন্দলনা হন্দক্তা কেদর্নাথ রোপৱে প্রোজেক্ত অমসুং হেমকুন্দ রোপৱে প্রোজেক্তকী অয়াবা পীখ্রে। মহাক্না হায়খি মদুদি কেদর্নাথ রোপৱে অসিনা চৎপগী মতম পুং 8-9 দগী চাউরাক্না মিনিত 30দা হন্থহল্লগনি। মসিনা মরুওইনা অহল ওইরবা মীওইশিং অমসুং অঙাংশিংগীদমক চৎপা হেন্না লায়হল্লগনি। রোপৱে প্রোজেক্তশিং অসিদা লুপা করোর লিশিং কয়া ইনবেস্ত তৌগনি হায়না শ্রী মোদীনা অকনবা ৱাফম থমখি। অহোংবা পুরক্নবা থৌরাংশিং অসিগীদমক মহাক্না উত্তরাখন্দ অমসুং লৈবাক পুম্ববু থাগৎপা ফোংদোকখি।
ইকো-লোগ হতশিং, কনভেন্সন সেন্তরশিং অমসুং চীংশিংদা হেলিপেদ ইনফ্রাস্ত্রকচর শেমগৎপদা মীৎয়েং চংলিবা অদু পল্লদুনা শ্রী মোদীনা হায়খি, "তিমর-সাইন মহাদেব, মানা খুঙ্গং, অমসুং জাদুং খুঙ্গংগুম্বা মফমশিংদা অনৌবা তুরিজম ইনফ্রাস্ত্রকচর শেমগৎলি।" মহাক্না মখা তাখি মদুদি সরকারনা 1962দা মমাংদা খুন্তাক লান শীরুরবা মানা অমসুং জাদুংগী খুঙ্গংশিং অদু অমুক হন্না শেমগৎনবা থবক পায়খৎলি। মসিনা মরম ওইদুনা হৌখিবা চহি তরা অসিদা উত্তরাখন্দদা লাকপা তুরিস্ত মশিং য়াম্না হেনগৎলক্লি হায়না মহাক্না পনখি। মহাক্না হায়খি মদুদি 2014গী মমাংদা চার ধাম য়াত্রাদা চহি খুদিংগী চাংচত্তা তীর্থয়াত্রী লাখ 18 লাকখি। হৌজিক্তি চহি খুদিংগী তীর্থয়াত্রী লাখ 50 য়ৌরে। প্রধান মন্ত্রীনা হায়খি মদুদি চহি অসিগী বজেৎ অসিদা তুরিস্ত দিস্তিনেসন 50 চাউখৎহন্নবা প্রোভিজনশিং য়াওরি, হায়রিবা মফমশিং অসিদা লৈরিবা হোতেলশিংদা ইনফ্রাস্ত্রকচরগী থাক পীরি। মহাক্না অকনবা ৱাফম থমখি মদুদি খোঙথাং অসিনা তুরিস্তশিংগীদমক খুদোংচাবশিং হেনগৎহল্লগনি অমসুং লোকেলগী থবক পীবগী খুদোংচাবশিং হেনগৎহল্লগনি।
উত্তরাখন্দগী ঙমখৈগী মফমশিংদসু তুরিজমদগী কান্নবা ফংহন্নবা সরকারনা হোৎনরিবশিং অদু পল্লদুনা প্রধান মন্ত্রীনা হায়খি, "করিগুম্বা মতমদা "অরোইবা খুঙ্গংশিং" হায়না খঙনরম্বা খুঙ্গংশিং অদু হৌজিক্তি লৈবাক অসিগী "অহানবা খুঙ্গংশিং" হায়না খঙনরক্লি।" মখোয়গী চাউখৎ-থৌরাংগীদমক ভাইব্রেন্ত ভিলেজ প্রোগ্রাম হৌদোকখিবগী মতাংদা মহাক্না পনখি। মসিগী মখাদা লমদম অসিগী খুঙ্গং 10 য়াওহনখ্রে। মহাক্না নেলোং অমসুং জাদুং খুঙ্গংশিংবু অমুক হন্না খুন্দা লৈতাহন্নবা হোৎনরি হায়না পনখি অমসুং মমাংদা পাংথোকখিবা থৌরম অদুদগী জাদুংদা বাইক রেলী অমা লমথাখিবগী মতাংদা পনখি। মহাক্না হায়খি মদুদি হোমস্তে শাবশিংদা মুদ্রা য়োজনাগী মখাদা কান্নবা পীগনি। শ্রী মোদীনা উত্তরাখন্দ সরকারনা রাজ্য অসিদা হোমস্তেশিং প্রমোৎ তৌবদা মীৎয়েং থম্লিবা অসিদা থাগৎপা ফোংদোকখি। মহাক্না ফোংদোকখি মদুদি চহি তরাগী খুজিং কয়াদগী ইনফ্রাস্ত্রকচর লৈতবা খুঙ্গংশিং অসিদা হৌজিক অনৌবা হোমস্তেশিং হাংলি। মসিনা তুরিজম হেনগৎহল্লি অমসুং মফম অদুগী মীওইশিংগী শেন্থোক হেনগৎহল্লি।
লৈবাক অসিগী মফম খুদিংমক্কী মীয়াম, মরুওইনা নহারোলশিংদা অখন্নবা আপিল তৌদুনা, শ্রী মোদীনা হায়খি মদুদি লৈবাক অসিগী অয়াম্বা শরুকশিংদা নীংথম থা মনুংদা লৈচিল থাবা থেংনৈ, অদুগা চীংদদি নুংশা য়াইবগী নুংঙাইবা ফংই, মসি অখন্নবা থৌরম অমা ওইহনবা য়াই। মহাক্না গারহৱালিদা "গাম তাপো তুরিজম"গী ৱাখল্লোন পুথোক্নবা ৱাফম থমখি মসিনা লৈবাক শিনবা থুংবদগী লাকপা মীওইশিংবু নীংথম মতমদা উত্তরাখন্দদা চৎনবা পুক্নিং থৌগৎলগনি। লমদম অসিদা মীফমশিং, কনফরেন্সশিং অমসুং একজিবিসনশিং পাংথোক্তুনা ৱিন্তর তুরিজমদা শরুক য়ানবা মহাক্না কোর্পোরেৎ ৱর্ল্দদা অখন্ননা তকশিনখি। মহাক্না দেবভুমি উত্তরাখন্দদা MICE সেক্তরগী অচৌবা পোতেন্সিএল অদু পনখি। প্রধান মন্ত্রীনা হায়খি মদুদি উত্তরাখন্দনা য়োগ অমসুং আয়ুর্বেদকী খুত্থাংদা ভিজিতরশিংদা রিচার্জ অমসুং রি-এনর্জাইজ তৌহন্নবা খুদোংচাবা পীরি। মহৈরোইশিংগী ৱিন্তর ত্রিপশিংগীদমক উত্তরাখন্দ খন্ননবা মহাক্না য়ুনিভর্সিতীশিং, প্রাইবেৎ স্কুলশিং অমসুং কোলেজশিংদা আপিল তৌখি।
লুপা করোর লিশিং কয়া ওইরিবা ৱেদিং ইকনোমীনা চাউনা শরুক তম্মিবা অদু পল্লদুনা, প্রধান মন্ত্রীনা লৈবাক অসিগী মীয়ামদা "ৱেদ ইন ইন্দিয়া" হায়বগী মহাক্কী আপিল অদু অমুক হন্না ফোংদোকখি অমসুং ৱিন্তর ৱেদিংগীদমক উত্তরাখন্দবু দেস্তিনেসন অমা ওইনা লৌনবা পুক্নিং থৌগৎখি। ভারতকী ফিল্ম ইন্দস্ত্রীদগী মহাক্না আশা তৌরিবশিং অদুসু ফোংদোক্লদুনা উত্তরাখন্দনা "মোস্ত ফিল্ম-ফ্রেন্দলী স্তেৎ"গী মিংথোল ফংখ্রে হায়না মহাক্না পনখি। মফম অসিদা অনৌবা খুদোংচাবশিং য়াম্না থুনা শেমগৎলকপা অসিদা মহাক্না অকনবা ৱাফম থমখি। মসিনা উত্তরাখন্দ অসি নীংথম মতমদা ফিল্ম শুতিং তৌনবগীদমক্তা অফবা মফম অমা ওইহল্লি।
শ্রী মোদীনা লৈবাক কয়াদা ৱিন্তর তুরিজম মীয়াম্না পাম্নবগী মতাংদা পনখি অমসুং উত্তরাখন্দনা মশাগী ৱিন্তর তুরিজম প্রমোৎ তৌনবগীদমক মখোয়গী এক্সপিরিয়েন্সশিংদগী তমশিনবা য়াই হায়না অকনবা ৱাফম থমখি। মহাক্না উত্তরাখন্দগী তুরিজম সেক্তরদা লৈরিবা স্তেকহোল্দর পুম্নমক, হোতেল অমসুং রিজোর্ৎশিং য়াওনা লৈবাকশিং অসিগী মোদেলশিং নৈননবা হায়খি। মহাক্না উত্তরাখন্দ সরকারদা অসিগুম্বা স্তদীশিং অসিদগী লাকপা এক্সনেবল পোইন্তশিংবু থবক ওইনা পাংথোক্নবা হায়খি। মহাক্না লোকেলগী চৎনবীশিং, ঈশৈ, জগোয় অমসুং চিঞ্জাক প্রমোৎ তৌবগী মথৌ তাবা অদুসু ফোংদোকখি। প্রধান মন্ত্রীনা হায়খি মদুদি উত্তরাখন্দগী হোৎ স্প্রিংশিং অসি ৱেলনেস স্পা ওইনা শেমগৎপা য়াই, অমসুং ইং-চিকপা, উন্না কুপ্লবা মফমশিং অসি নীংথম মতমদা য়োগ রিত্রিৎশিং পাংথোকপা য়াই, মহাক্না য়োগ গুরুশিংদা উত্তরাখন্দদা চহি খুদিংগী য়োগ কেম্প অমা পাংথোক্নবা হায়খি। উত্তরাখন্দগী অখন্নবা শক্লোন অমা শেমগৎনবগীদমক্তা মহাক্না অখন্নবা ৱাইল্দলাইফ সাফারি পাংথোক্নবা ৱাফম থমখি। মহাক্না হায়রিবা পান্দমশিং অসি ফংনবগীদমক 360-দিগ্রীগী এপ্রোচ অমা শিজিন্নবা অমসুং থাক খুদিংমক্তা থবক তৌবগী মতাংদা অকনবা ৱাফম থমখি।
খুদোংচাবশিং শেমগৎপগা লোয়ননা, এৱেরনেস শন্দোকপা অসিসু চপ মান্ননা মরু ওই হায়না প্রধান মন্ত্রীনা অকনবা ৱাফম থমখি। মহাক্না লৈবাক অসিগী নহা ওইরিবা কন্তেন্ত ক্রিএতরশিংদা উত্তরাখন্দগী ৱিন্দর তুরিজম ইনিসিএতিব অসিবু প্রমোৎ তৌবদা মরু ওইবা থৌদাং লৌনবা আপিল তৌখি। তুরিজম সেক্তরবু খুমাং চাউশিনহনবদা কন্তেন্ত ক্রিএতরশিংনা লৌরিবা অচৌবা থৌদাং অদু পল্লদুনা শ্রী মোদীনা মখোয়দা উত্তরাখন্দগী অনৌবা দিস্তিনেসনশিং থিদোক্নবা অমসুং মখোয়গী এক্সপরিয়েন্সশিং মীয়ামদা শেয়র তৌনবা হায়খি। মহাক্না রাজ্য সরকারদা উত্তরাখন্দগী তুরিজম প্রমোৎ তৌনবা কন্তেন্ত ক্রিএতরশিংনা অতেনবা ফিল্ম শেম্বগী কম্পিতিসন অমা পাংথোক্নবা ৱাফম থমখি। মহাক্না লাক্কদৌরিবা চহিশিংদা সেক্তর অসি য়াম্না থুনা চাউখৎলগনি হায়বগী থাজবা ফোঙদোক্লদুনা মহাক্কী ৱারোল লোইশিনখি অমসুং চহি চুপ্পগী তুরিজম কেম্পেন চত্থবগীদমক উত্তরাখন্দবু থাগৎপা ফোংদোকখি।
থৌরম অদুদা উত্তরাখন্দগী মুখ্য মন্ত্রী, শ্রী পুস্কর সিং ধামি, কেন্দ্রগী রোদ ত্রান্সপোর্ত অমসুং হাইৱেজকী রাজ্য মন্ত্রী, শ্রী অজয় তামতা অমসুং অতোপ্পা শক্নাইরবশিংসু শরুক য়াখি।
বেকগ্রাউন্দ
উত্তরাখন্দ সরকারনা চহি অসিদা ৱিনতর তুরিজম প্রোগ্রাম অমা হৌদোক্লে। ভক্তা লিশিং কয়ানা গঙ্গোত্রী, য়ামুনোত্রী, কেদর্নাথ অমসুং বদ্রীনাথকী নীংথম খুবম অসিদা চৎখ্রে। প্রোগ্রাম অসিগী পান্দমদি রিলিজিয়স তুরিজম প্রমোৎ তৌবা অমসুং লোকেল ইকনোমী, হোমস্তে, তুরিজম বিজিনেস, অমসুং অতৈ কয়াবু পুক্নিং থৌগৎপনি।
ৱা ঙাংখিবগী মপুংফাবা ৱারোল পানবা মসিদা নম্বীয়ু
Blessed to be in Devbhoomi Uttarakhand once again: PM @narendramodi in Harsil pic.twitter.com/O6O5Ef2rUK
— PMO India (@PMOIndia) March 6, 2025
This decade is becoming the decade of Uttarakhand: PM @narendramodi pic.twitter.com/dfL6zq4Exv
— PMO India (@PMOIndia) March 6, 2025
अपने टूरिज्म सेक्टर को diversify करना...बारहमासी बनाना...उत्तराखंड के लिए बहुत जरूरी है: PM @narendramodi pic.twitter.com/9yqpJ6Q1dq
— PMO India (@PMOIndia) March 6, 2025
उत्तराखंड को विकसित राज्य बनाने के लिए हमारी डबल इंजन की सरकार मिलकर काम कर रही हैं: PM @narendramodi pic.twitter.com/Pwy70l7VnX
— PMO India (@PMOIndia) March 6, 2025
