য়োর এক্সেলেন্সী রাস্ত্রপতী ত্রম্প,
লৈবাক অনিমক্তগী দেলিগেতশিং,
মেদিয়াগী মরুপশিং,
হেলো!
অহানবমক্তদা, ঐগী নুংশিরবা মরূপ রাস্ত্রপতী ত্রম্পকী মফমদা তরাম্না ওকপিবগীদমক থম্মোয়নুংদগী থাগৎচবা ফোঙদোকচরি। মহাক্কী লুচিং মখাদা, রাস্ত্রপতী ত্রম্পনা ইন্দিয়া-US মরীবু হেন্না চেৎশিনহল্লে অমদি নৌনা থৱায় হাপ্লে।
মহাক্কী অহানবা তর্মদা ঐখোয়না পুন্না থবক তৌমিন্নখিবগী মওং মতৌদুমক ঙসিসু ঐগী ইফমদা চপ মান্ননা ফাওরি।
ঙসি খন্ন-নৈনখিবা অসিনা মহাক্কী অহানবা তর্মদা ঐখোয়না ফংবা ঙমখিবশিং অমসুং নাকল অনিদা চেৎনা থাজবা থম্নবগী অপেনবদুদা মরী হেন্না চেৎশিনহহনখি। অদুগা অমুকসু, অনৌবা পান্দমশিং ফংনবা ফিরেপসু লৌখি। ভারত অমসুং অমেরিকাগী মরক্তা খুৎশম্ননা চৎমিন্নবা অমদি তেংবাংমিন্নবা অসিনা হেন্না ফবা মালেম অমা শেম্লকপা ঙমগনি হায়না ঐনা থাজৈ।
মরূপশিং,
অমেরিকা মচাশিংনা মেক অমেরিকা গ্রেত এগেন, নৎত্রগা ‘MAGA’ হায়বা রাস্ত্রপতী ত্রম্পকী খোল্লাউ নীংথিনা খঙনরে। ভারতকী মীয়ামসু পারী পুরীগী লন অমদি চাওখৎ থৌরাংগী পরিংদা “বিক্সিত ভারত ২০৪৭” গী ফিরেপকা লোয়ননা খোঙজেল য়াঙনা চাওখৎ মায়কৈদা চঙশিল্লি।
অ্রমেরিকাগী লোন্দাদা হায়রগদি, চাওখৎপা ভারত হায়বগী ৱাহন্থোক্তি মেক ইন্দিয়া গ্রেত এগেন হায়বদি “MIGA” হায়বসিমক্নি। য়ুনাইতেদ স্তেতস অমসুং ভারতনা পুন্না থবক তৌমিন্নরবা মতমদা হায়বদি “MAGA” প্লস “MIGA” লৈরবা মতমদা, নুংঙাই য়াইফবগী “MEGA” পার্ত্নরসিপ অমা শেম্মি। অদুগা হায়রিবা মেগা স্পিরিত অসিনা ঐখোয়গী পান্দমদা অনৌবা মীৎয়েঙ অমদি ঙমখৈ পীরি।
মরূপশিং,
ঙসি, ঐখোয়না বাইলেতরেল ত্রেদ অসি ২০৩০ ফাওবদা শরুক অনিদগী হেন্না দোলর বিলিয়ন ৫০০ য়ৌহন্নবা পান্দম অমা থম্লে। ঐখোয়গী কাঙবুশিংনা নাকল অনিমক্তা কান্নগদবা ত্রেদ এগ্রীমেন্ত অমা অথুবা মতমদা লোইশিন্নবা থবক পায়খৎকনি।
ঐখোয়না ভারতকী ইনর্জী সিক্যুরিতী লৈহন্নবা থাউ অমসুং গ্যাসকী ত্রেদ মপাঙ্গল কনখৎহনগনি। ইনর্জী ইনফ্রাস্ত্রকচরদা ইনভেস্তমেন্ত তৌবগী চাং হেনগৎহনগনি।
ন্যুক্লিয়র ইনর্জী সেক্তরদা, ঐখোয়না স্মোল মোদুলার রিএক্তরগী মায়কৈদা তেংবাংনবা হেনগৎহন্নবা ৱারীসু শানখি।
মরূপশিং,
ভারতকী দিফেন্স পার্ত্নরসিপ্তা অমেরিকাগী মরুওইবা থৌদাং লৈ। স্ত্রেতেজিক অমদি থাজনিংঙাই ওইবা খোঙবু ওইনা, ঐখোয়না জোইন্ত দিভেলপমেন্ত, জোইন্ত প্রদক্সন, অমদ ত্রান্সফর ওফ তেক্নোলোজীগী মায়কৈদা ইচঙ থৌনা চঙশিল্লি।
লাক্কদৌরিবা মতমসিদা, অনৌবা তেক্নোলোজী অমসুং ইকুইপমেন্তনা ঐখোয়গী তৌবা ঙম্বা মতিং হেনগৎহল্লক্কনি। ঐখোয়না ওতোনোমস সিস্তেম ইন্দস্ত্রী এলাইএন্স হৌদোক্না ফিরেপ লৌরে।
দিফেন্স কোওপরেসন ফ্রেমৱর্ক মথঙগী দেকেদতা শেম্লগনি। দিফেন্স ইন্তর-ওপরেবিলিতী, লোজিস্তিক্স, রিপ্যার অমসুং মেন্তেনেন্সসু মসিগী মরুওইবা শরুক ওইগনি।
মরূপশিং,
কুনমাথোই শুবা চহিচা অসি তেক্নোলোজীনা থৌদুনা পুবা চহিচানি। দিমোক্রেতিক ভেল্যুশিংদা থাজবা থম্বা লৈবাকশিংগী মরক্তা তেক্নোলোজী সেক্তরদা তেংবাংনবনা মীওইবা খুন্নাই পুম্বদা অনৌবা মায়কৈ, পাঙ্গল অমদি খুদোংচাবশিং পীগনি। ভারত অমসুং য়ুনাইতেদ স্তেতসনা অর্তিফিসিএল ইন্তলিজেন্স, সেমিকন্দক্তর্স, ক্বান্তম, বাইওতেক্নোলোজী, অমদি অতৈ তেক্নোলোজীশিংদা পুন্না থবক পায়খৎমিন্নগনি।
ঙসি, ঐখোয়না TRUST, হায়বদি ত্রান্সফোর্মিং রিলেসনসিপ য়ুতিলাইজিং স্ত্রেতেজিক তেক্নোলোজী দা য়ানবা ৱাফম অমা পুরক্লে। মসিগী মখাদা, ক্রিতিকেল মিনরেল, এদভান্স মেতরিএল, অমসুং ফার্মাসিউতিকেল্সকী অকনবা সপ্লাই চেনশিং শেমগৎনবা মীৎয়েঙ চঙগনি। লিথিয়ম অমদি র্যার আর্থকুম্বা স্ত্রেতেজিক ওইবা মিনরেলশিংগী রিকভরী অমদি প্রোসেসিং ইনিসিএতিব অমসু হৌদোক্নবা ফিরেপসু লৌরে।
ঐখোয়গা US কা স্পেসকী লমদা নক্ননা তেংবাংনরি। "ISRO" অমদি "NASA" না খুৎশম্নরবা শাখিবা "NISAR" সেতলাইতনা অথুবা মতমদা ভারতকী লোঞ্চ ভেহিকলদা স্পেসতা পাইরগনি।
মরূপশিং,
ভারত অমসুং য়ুনাইতেদ স্তেতসকী মরক্তা লৈরিবা খোঙবু ওইবগী মরী অসিনা দিমোক্রেসী অমদি দিমোক্রেতিক ভেল্যু অমসুং সিস্তেমদা মরুওইবা মীৎয়েঙ থম্লি। ঐখোয়না ইন্দো-পেসিফিক্তা ইং-তপ্পা, মরা চেৎপা অমসুং নুংঙাই য়াইফবা পুরক্নবা পুন্না থবক তৌমিন্নগনি। ক্বাদনা মসিদা অখন্নবা থৌদাং অমা লৌগনি।
চহি অসিদা ভারত্তা পাঙথোক্কদৌরিবা ক্বাদ সম্মিত অসিদা, ঐখোয়না অনৌবা হীরমশিংদা খোঙবু লৈবাকশিংগা লৈনরিবা তেংবাংনবগী মরী হেনগৎহনগনি। "IMEC" অমসুং "I2U2" ইনিসিএতিবকী মখাদা, ঐখোয়না ইকনমিক কোরিদোর অমসুং কন্নেক্তিবিতী ইনফ্রাস্ত্রকচরগী লমদা পুন্না থবক পায়খৎমিন্নগনি।
ভারত অমসুং য়ুনাইতেদ স্তেসনা তেরোরিজম থেংনবদা পুন্না খোঙফম চেৎনা লেপমিন্নরি। ক্রোস-বোর্দর তেরোরিজম মুত্থৎনবা পুন্নিং হোনমিন্নবা চঙই হায়না ঐখোয়না য়ানরি।
ভারত্তা ২০০৮ দা মীহাৎ মীপুন চত্থখিবা মরাল লৈবা মীওইশিং হৌজিক ভারত্তা খুৎশিন্ননবা ফিরেপ লৌরকপগীদমক ঐহাক্না রাস্ত্রপতীগী মফমদা থাগৎচরি। হৌজিক্তি ভারতকী ৱায়েলশঙনা চপ চাবা থবক পায়খৎলগনি।
মরূপশিং,
অমেরিকাদা লৈরিবা ভারত মচাশিং ঐখোয়গী মরীদা মরুওইবা শম্নফম অমনি। ঐখোয়গী মীগা মীগগী মরক্তা লৈনরিবা মরী চেৎশিলহন্নবা, ঐখোয়না লোস এঞ্জেলেস অমসুং বোস্তনদা অনৌবা ইন্দিয়ন কোন্সুলেতশিং হাংদোক্লগনি।
ঐখোয়না অমেরিকান য়ুনিভর্সিতীশিং অমসুং এজুকেস্নেল ইন্সতিত্যুসনশিংবু ভারত্তা ওফ-সোর কেম্পস হাংদোক্নবা পাউজেল পীজরি।
রাস্ত্রপতী ত্রম্প,
অদোমগী মরুপ মপাঙ ওইবগী মরী অমদি ভারতকীদমক লেপ্লিবা খোঙফমগীদমক ঐহাক্না অদোমবু থাগৎচরি। ভারতকী মীয়াম্না অদোম্না ২০২০ দা লাক্লম্বদু হৌজিকসু নীংশিংলি, অমদি রাস্ত্রপতী ত্রম্পনা মখোয়গী মনাক্তা অমুক্কা হন্না লাক্কনি হায়না মখোয়না থাজবা থম্লি।
ভারত মচা বিলিয়ন ১.৪ গী মহুৎ শিল্লগা, ঐহাক্না অদোমবু ভারত্তা লেঙবিরক্নবা হায়জরি।
অদোমবু ঙমখৈ লৈতনা থাগৎচরি।
सबसे पहले मैं, मेरे प्रिय मित्र राष्ट्रपति ट्रम्प को मेरे शानदार स्वागत और आतिथ्य सत्कार के लिए हार्दिक आभार व्यक्त करता हूँ।
— PMO India (@PMOIndia) February 13, 2025
राष्ट्रपति ट्रम्प ने भारत और अमेरिका संबंधों को अपने नेतृत्व से संजोया है, जीवंत बनाया है: PM @narendramodi
हम मानते हैं कि भारत और अमेरिका का साथ और सहयोग एक बेहतर विश्व को shape कर सकता है: PM @narendramodi
— PMO India (@PMOIndia) February 13, 2025
अमेरिका के लोग राष्ट्रपति ट्रम्प के मोटो, Make America Great Again, यानि “मागा” से परिचित हैं।
— PMO India (@PMOIndia) February 13, 2025
भारत के लोग भी विरासत और विकास की पटरी पर विकसित भारत 2047 के दृढ़ संकल्प को लेकर तेज गति शक्ति से विकास की ओर अग्रसर हैं: PM @narendramodi
अमेरिका की भाषा में कहूं तो विकसित भारत का मतलब Make India Great Again, यानि “मीगा” है।
— PMO India (@PMOIndia) February 13, 2025
जब अमेरिका और भारत साथ मिलकर काम करते हैं, यानि “मागा” प्लस “मीगा”, तब बन जाता है –“मेगा” पार्ट्नर्शिप for prosperity.
और यही मेगा spirit हमारे लक्ष्यों को नया स्केल और scope देती है: PM
भारत की defence preparedness में अमेरिका की महत्वपूर्ण भूमिका है।
— PMO India (@PMOIndia) February 13, 2025
Strategic और trusted partners के नाते हम joint development, joint production और Transfer of Technology की दिशा में सक्रिय रूप से आगे बढ़ रहे हैं: PM @narendramodi
आज हमने TRUST, यानि Transforming Relationship Utilizing Strategic Technology पर सहमती बनायीं है।
— PMO India (@PMOIndia) February 13, 2025
इसके अंतर्गत critical मिनरल, एडवांस्ड material और फार्मास्यूटिकल की मजबूत सप्लाई chains बनाने पर बल दिया जायेगा: PM @narendramodi
भारत और अमेरिका की साझेदारी लोकतंत्र और लोकतान्त्रिक मूल्यों तथा व्यवस्थाओं को सशक्त बनाती है।
— PMO India (@PMOIndia) February 13, 2025
Indo-Pacific में शांति, स्थिरता और समृद्धि को बढ़ाने के लिए हम मिलकर काम करेंगे।
इसमें Quad की विशेष भूमिका होगी: PM @narendramodi
आतंकवाद के खिलाफ लड़ाई में भारत और अमेरिका दृढ़ता से साथ खड़े रहे हैं।
— PMO India (@PMOIndia) February 13, 2025
हम सहमत हैं कि सीमापार आतंकवाद के उन्मूलन के लिए ठोस कार्रवाई आवश्यक है: PM @narendramodi
