প্রধান মন্ত্রী অমসুং সাপ্রসকী রাষ্ট্রপতিনা সাইপ্রস অমসুং ভারতকী ললোন-ইতিক্কী লুচিংবশিংগা ৱারি শানখ্রে

ঙসি প্রধান মন্ত্রী শ্রী নরেন্দ্র মোদী অমসুং সাইপ্রসকী রাষ্ট্রপতি নিকোস খৃষ্টোদৌলিদেসনা সাইপ্রস অমসুং ভারতকী ললোন-ইতিক্কী লুচিংবশিংগা লোয়ননা লিমাসোলদা মীফম অমা পাংথোকখ্রে। মীফম অদুদা বেঙ্কিং, ফাইনান্সিএল ইন্সতিতুসনশিং, মেনুফেকচরিং, দিফেন্স, লোজিস্তিক্স, মেরিতাইম, সিপ্পিং, তেক্নোলোজি, ইন্নোবেসন, দিজিতেল তেক্নোলোজিশিং, আই.তি, এ.আই, তুরিজম অমসুং মোবিলিতিগী মীহুৎশিং শরুক য়াখি।

হৌখিবা চহি ১১ দা ভারতকী শেন-থুমগী অওনবা য়াংনা লাক্লিবা অসি পল্লদুনা, প্রধান মন্ত্রীনা হায়খি মদুদি ভারতনা অওনবশিং পুরক্লে, থৌশিলশিং তম্বা ঙম্লে, তুংদু-লৈতাবা লৈঙাক লৈরে অমসুং ললোন-ইতিক্কী থবক লাইরে অমসুং মালেমদা খ্বাইদগী য়াংনা চাউখৎলক্লিবা অচৌবা ইকোনোমি অমা ওইরে। ইন্নোবেসন, দিজিতেলগী অওনবা, ষ্টার্দ-অপ অমসুং ইনফ্রাস্ত্রকচর শেমগৎপদা মীৎয়েং চঙলে, মালেমদা ৫শুবা খ্বাইদগী চাউবা ইকোনোমি ওইরিবা ভারত চহি খরগী মতুংদা ৩শুবা খ্বাইদগী চাউবা ইকোনোমি ওইরগনি। মহাক্না হায়খি মদুদি ভারতকা লোয়ননা থবক তৌমিন্ননবা ভারতকী সিবিল এভিএসন, হিথাংফম, জহাজ শাবা, দিজিতেল পেমেন্তশিং অমসুং গ্রিন দিবলপমেন্ত সেক্তরশিংনা সাইপ্রসকী কম্পেনিশিংদা খুদোংচাবা কয়া পীরে। ভারতকী অফবা হৈথোই-শিংথোইরবা মীওইশিং অমসুং ষ্টার্দ-অপকী থবকশিং লৈরি অমসুং মেনুফেকচরিং, এ.আই, ক্বান্তম, সেমিকন্দক্তর অমসুং ক্রিতিকেল মিনরেলশিংগুম্বা অনৌবা হিরমশিংনা ভারতকী চাউখৎপগী ৱারিদা মতেং পাংলি।

প্রধান মন্ত্রীনা হায়খি মদুদি ফোরেন দাইরেক্ত ইনভেস্তমেন্তগী লমদা সাইপ্রস ভারতকী মরুওইবা শেন-থুমগী মরুপ অমনি অমসুং ভারতকী শেন্মিৎলোন্দা নৌনা শেন থাদনবা সাইপ্রসনা থৱায় য়াওরকপা অসি তরাম্না ওক্লি। এন.এস.ই ইন্তরনেসনেল একচেঞ্জ গিফ সিতি, গুজরাত অমসুং সাইপ্রস স্তোক একচেঞ্জ অনিগী মরক্ত এম.ও.য়ু অমা খুৎয়েক পীনবদা লুচিংবা অনিনা তরাম্না ওকখি অমসুং লৈবাক অনিগী মরক্ত শেন থাদোকপা থাজিন য়ানবা য়ু.পি.আই হৌদোক্নবা য়ুরোবেঙ্ক সাইপ্রসকা য়ানবা অমা পুরকপা অসিনা লমকোয়বা মীওইশিং অমসুং ললোন-ইতিক তৌরিবশিংদা কান্নবা পীরগনি। ইন্দিয়া-গ্রিস-সাইপ্রস ব্যুজিনেস এন্দ ইনভেস্তমেন্ত কাউন্সিল হৌদোকপদা প্রধান মন্ত্রীনা তরাম্না ওকখি অমসুং মসিনা সিপ্পিং, লোজিস্তিক্স, রিন্যুবল ইনর্জি, সিবিল এভিএসন অমসুং দিজিতেলগী থবকশিংদা মতেং পাংনবা হেনগৎহনগনি। ভারতকী কম্পেনি কয়ানা সাইপ্রস অসি য়ুরোপ য়ৌনবা থোঙ্গল অমা ওইনা উরি অমসুং আই.তি, শেন-থুমগী থবকশিং অমসুং তুরিজমগী মফম অমা ওইরি।

সাইপ্রসনা মথং চহিদা ই.য়ু কাউন্সিলগী প্রসিদেন্ত ওইগদৌরিবা অসিগা লোয়ননা, ইন্দিয়া-ই.য়ু ষ্ট্রাতেজিক পার্তনরশিপ মখা তানা মপাঙ্গল কনখৎহন্নবা লুচিংবা অনিনা অমুক হন্না থাজবা পীনখি। চহি অসিগী অরোইবা শরুক্ত ইন্দিয়া-ই.য়ু ফ্রি ত্রেদ এগ্রিমেন্ত ৱারোইশিন পুরক্কনি হায়বগী থাজবা মখোয়না থমখি অমসুং মসিনা লৈবাক অনিগী মরক্ত ললোন-ইতিক অমসুং শেন-থুমগী মতেং পাংনবা হেনগৎহনগনি। প্রধান মন্ত্রীনা হায়খি মদুদি ললোন-ইতিক্কী মীফম অসিনা শেন-থুমগী লম্বী অমা শেম্নবা, ললোন-ইতিক, ইন্নোবেসন অমসুং মরুওইবা হিরমশিংদা মতম শাংনা থবক তৌমিন্ননবা য়ুম্ফম অমা শেমগনি।

মান্নবা অনিংবশিং অমসুং তুংগী উবা থৌরাং অমগা লোয়ননা, অনৌবা যুগ অমগী অমসুং লৈবাক অনিমক কান্নবা ফংবা শেন-থুমগী মতেং পাংনবগীদমক ভারত অমসুং সাইপ্রসনা থৌরাং তৌরে।

ৱা ঙাংখিবগী মপুংফাবা ৱারোল পানবা মসিদা নম্বীয়ু

Boosting business linkages!

President Nikos Christodoulides and I interacted with leading CEOs in order to add vigour to commercial linkages between India and Cyprus. Sectors like innovation, energy, technology and more offer immense potential. I also talked about India’s… pic.twitter.com/hVcbloCMyP

— Narendra Modi (@narendramodi) June 15, 2025

Ενίσχυση των επιχειρηματικών δεσμών!

Ο Πρόεδρος Νίκος Χριστοδουλίδης και εγώ συναντηθήκαμε με κορυφαίους Διευθύνοντες Συμβούλους, με στόχο την ενίσχυση των εμπορικών δεσμών μεταξύ Ινδίας και Κύπρου. Τομείς όπως η καινοτομία, η ενέργεια, η τεχνολογία και άλλοι προσφέρουν… pic.twitter.com/GtrI1J40tm

— Narendra Modi (@narendramodi) June 15, 2025