ইকায়খুম্নরবা, রাস্ত্রপতি মোইজু,
লৈবাক অনিমক্কী মীহুৎ কাংবুশিং.
মেদিয়াগী মরুপ-মপাংশিং,
পুম্নমক তরাম্না ওকচরি!
অহানবদা, ঐনা রাস্ত্রপতি মোইজু অমসুং মহাক্কী মীহুৎ কাংবু তরাম্না ওকচরি।
ভারত অমসুং মালদিবস চহি চা কয়া শুরবা মরীশিং লৈনরক্লি।
ভারত অসি মালদিবসকী খ্বাইদগী নক্নবা য়ুম্লোন্নবা লৈবাক অমসুং খ্বাইদগী নক্নবা মরুপনি।
ঐখোয়গী “য়ুম্নোন্নবনা অহানবা” থৌশিল অমসুং “সাগার” ভিজন অনিমক্তা মালদিবসনা মরুওইবা মফম অমা কল্লি।
মালদিবসনা অৱা-অনা তারকপদা অহানবা ওইনা মতেং পাংবা লৈবাক অমগী থৌদাং মতম পুম্নমক্তা ভারতনা লৌরি।
মসি মালদিবসকী মীয়ামগী তঙাইফদবা পোৎলমশিং ফংহনবদা ওইবা য়াই,
মহৌশানা থোকহনবা অৱা-অনা মনুংদা অফবা থক্নবা ঈশিং পীবা,
কোবিদ মনুংদা ভেক্সিন পীবদা ওইবা য়াই,
য়ুমথংনবা লৈবাক অমা ওইনা ভারতনা মতম পুম্নমক্তা লৈবাক অসিনা পাংথোকফম থোকপা থবকশিং পাংথোক্লি।
লৈবাক অমগা অমগ মতেং পাংন্নবগী মরুওইবা মাইকৈ অমা তাক্নবা ঙসি ঐখোয়না “কমপ্রেহন্সিপ ইকোনোমিক এন্দ মেরিতাইম সেকুরিতি পার্তনরশিপ” কী ভিজন চৎনবা হৌরে।
মরুপশিং,
চাউখৎ-থৌরাংগী মতেং পাংনবা অসি ঐখোয়গী মরীশিংগী মরুওইবা য়ুম্বী অমনি।
মালদিবসকী মীয়ামগী য়াইফনবা থবকশিংদা ঐখোয়না মতম পুম্নমক্তা মরুওইনা লৌরি।
চহি অসিদা, এস.বি.আইনা মালদিবসতা দোল্লর মিল্লিয়ন ১০০গী “ত্রেজুরি বিল্ল’ পীরে।
ঙসি, মালদিবসকী দরকার ওইবা মতুংইন্না, দোল্লর মিল্লিয়ন ৪০০ অমসুং লুপা করোর ৩০০০গী করেন্সি শ্বাপ এগ্রিমেন্ত অমা য়ানরে।
মালদিবসদা ইনফ্রাস্ত্রকচর শেমগৎনবগী মতাংদা মতেং পীন্নবা ৱাফম ঐখোয়না খন্নরে।
ঙসি, ঐখোয়না নৌনা শেমগৎলবা হানিমাধু এয়রপোর্ত শঙ্গারে।
হৌজিক, গ্রেতর মালে কন্নেক্তিবিতি প্রোজেকশু য়াংখৎহল্লগনি। থিলাফুসিদা অনৌবা হিথাংফম অমা শেমগৎনবা মতেংশু পীরগনি।
ঙসি, ভারতকী মতেংগা লোয়ননা শাখিবা সোসিএল হাওসিং য়ুনিত ৭০০ হেন্না খুৎশীন্নখ্রে।
মালদিবসকী ইথৎ ২৮ দা ঈশিং অমসুং সিৱরেজ প্রোজেকশিং লোইশিনখ্রে।
অতোপ্পা ইথৎ ৬ তা থবকশিং অথুবা মতমদা লোইশিল্লগনি।
হায়রিবা প্রোজেকশিং অসিনা মীওই লিশিং ৩০ দা অফবা থক্নবা ঈশিং ফংহনগনি।
“হা দালু” দা এগ্রিকলচর ইকোনোমিক জোন অমা শেমগৎনবা অমসুং “হা অলিফু”দা ঙা শেম-শানবা য়ুনিত অমা লিংখৎনবা মতেংশু পীরগনি।
ঐখোয়না ওসিনোগ্রাফি অমসুং ব্লু ইকোনোমিদা পুন্না থবক তৌমিন্নগনি।
মরুপশিং,
শেন-থুমগী মরীশিং হেন্না ফগৎনবা, ফ্রি ত্রেদ এগ্রিমেন্ত অমগী মতাংদা খন্নবা হৌনবা ঐখোয়না ৱারেপ লৌরে।
লোকেল করেন্সিদা ললোন-ইতিক পাংথোকপা য়ানবা থবকশু পায়খৎলগনি।
ঐখোয়না দিজিতেল কন্নেক্তিবিতিদশু মীৎয়েং চঙলে।
ঙাইহাক্কী মমাংদা, মালদিবসতা রুপে কার্দ হৌদোকখ্রে।
তুংদা, ভারত অমসুং মালদিবস য়ু.পি.আইনা শম্ননবা থবক পায়খৎলগনি। ভারতকী অনৌবা কন্সুলেত অমা অদুদা লিংখৎনবা অমসুং মালদিবসনা কন্সুলেত অমা বেঙ্গালুরুদা লিংখৎনবা ঐখোয়না ৱারি শান্নরে।
হায়রিবা থবকশিং অসিনা মীগা মীগা লৈনবা মরীশিং হেন্না মপাঙ্গল কনখৎহনগনি।
মরুপশিং,
দিফেন্স অমসুং সেকুরিতি লমশিংদা মতেং পাংনবগী মতাংদা ৱাফম কয়া ঐখোয় কুপ্না খন্নরে।
য়ুনিতি হার্বর প্রোজেক্কী থবক য়াংনা খুমাঙচাউশিল্লে।
মালদিবস নেসনেল দিফেন্স ফোর্সশিংগী ত্রেনিং অমসুং কেপাসিতি বিল্দিংদা ঐখোয় মখা তানা মতেং পাংনগনি।
ভারত মহাসাগর লমদমদা তুংদু-লৈতাবা অমসুং শান্তি পুরক্নবা ঐখোয় পুন্না থবক তৌমিন্নগনি।
হায়দ্রোগ্রাফি অমসুং অৱা-অনাদা মতেং পাংনবা মখা তানা হেনগৎহনগনি।
ফাউন্দিং মেম্বর অমা ওইনা কলম্বো সেকুরিতি কনক্লেপতা শরুক য়ানবা মালদিবস তরাম্না ওক্লি।
অইং-অশাগী খল হোংলকপা অসি লৈবাক অনিমক্না মায়োক্নরিবা অচৌবা শিংনবা অমনি।
হিরম অসিগী মতাংদা, ভারতনা সোলার ইনর্জি অমসুং ইনর্জি লিক্না শীজিন্নবগী মতাংদা লৈবাক অসিনা খঙজবশিং মালদিবসদা পীনবা থৌরাং তৌদুনা লৈরি।
ইকায়খুম্নরবা,
অদোম অমসুং অদোমগী মীহুৎ কাংবু অমুক হন্না ভারত্তা তরাম্না ওকচরি।
অদোমগী খোঙচৎ অসি ঐখোয়গী মরীশিংদা অনৌবা পন্দুব অমা হাংদোকপনি।
মালদিবসকী মীয়াম চাউখৎনবা অমসুং নুংঙাই-য়াইফনবা ঐখোয়না মখা তানা ঐখোয়গী পাংবা য়াবা মতেং পাংগনি।
অদোম ঙমখৈ লৈতনা থাগৎচরি।
भारत और मालदीव के संबंध सदियों पुराने हैं।
— PMO India (@PMOIndia) October 7, 2024
और भारत, मालदीव का सबसे करीबी पड़ोसी और घनिष्ठ मित्र देश है।
हमारी “Neighbourhood First” policy और “सागर” Vision में भी मालदीव का महत्वपूर्ण स्थान है: PM @narendramodi
भारत ने सदैव मालदीव के लिए First Responder की भूमिका निभाई है।
— PMO India (@PMOIndia) October 7, 2024
चाहे मालदीव के लोगों के लिए essential commodities की जरूरत पूरा करना हो, प्राकृतिक आपदा के समय पीने का पानी उपलब्द्ध कराना हो, कोविड के समय वैक्सीन देने की बात हो, भारत ने हमेशा अपने पड़ोसी होने के दायित्व को निभाया…
आज, हमने पुनर्विकसित हनीमाधु एयरपोर्ट का उद्दघाटन किया है।
— PMO India (@PMOIndia) October 7, 2024
अब, Greater ‘माले’ Connectivity Project में भी तेजी लाई जाएगी।
थिलाफुशी में नए commercial पोर्ट के विकास में भी सहयोग दिया जायेगा।
आज, भारत के सहयोग से बनाये गए 700 से अधिक सोशल हाउसिंग यूनिट्स hand over किये गए हैं:…
मालदीव में RuPay कार्ड लॉन्च किया गया है।
— PMO India (@PMOIndia) October 7, 2024
आने वाले समय में, भारत और मालदीव को UPI से भी जोड़ने के लिए काम किया जायेगा: PM @narendramodi
