ইকায়খুম্নরবা, চান্সেল্লর স্কোলজ,
লৈবাক অনিমক্কী মীহুৎ কাংবু,
মেদিয়াগী মরুপশিং,
খুরুমজরি!
গুতেন তেগ!
অহানবদা, ঐনা চান্সেল্লর স্কোলজ অমসুং মহাক্কী মীহুৎ কাংবু ভারত্তা তরাম্না ওকচরি। হৌখিবা চহি অনিদা অদোম ভারত্তা অহুমলকশুবা ওইনা তরাম্না ওক্নবগী খুদোংচাবা ঐখোয়না ফংবদা ঐ হরাওই।
হৌখিবা নুমিৎ ২-৩ দা পাংথোকখিবা থবকশিংদগী ভারত অমসুং জর্মনিগী মরক্তা লৈনরিবা অচেৎপা মরী অদু অদু অদোম্না খঙবা ঙমগনি। ঙসি অয়ুক, জর্মনি ব্যুজিনেসকী এসিয়া পেসিফিক মীফমদা ঐখোয় ৱা ঙাংখ্রে।
ঙাইহাক্কী মমাঙদা ঐগী অহুমশুবা তার্মগী অহানবা আই.জি.সি লোইশিনখ্রে। হৌজিক, ঐখোয় সি.ই.ও ফোরমদগী লাকপতা ঙাইরি। মসিগা লোয়ননা, জর্মন নেভিগী জহাজশিং পোর্ত কোলগীদমক গৱাদা লৈরি। অমসুং শান্নবগী থৌরম লাপ্না লৈবা নত্তে-ঐখোয়গী হোক্কি তিমশিংগী মরক্তা মরুপ-মপাং ওইবা মেতচশিং শান্নরি।
মরুপশিং,
চান্সেল্লর স্কোলজগী লমজিং মখাদা ঐখোয়গী মরী অনৌবা মাইকৈ অমসুং ইনোৎ ফংলে। চাউখৎ-থৌরাংগী ব্লুপ্রিন্ত অমা পীরিবা অমসুং মালেমগী খ্বাইদগী চাউবা গনতন্ত্র চৎপা লৈবাক অনিগী মরী অৱাং থাক্তা পুখৎনবা জর্মনিগী “ফোকস ইন্দিয়া” লাল্লোংগীদমক ঐনা চান্সেল্লর স্কোলজ থাগৎপা ফোঙদোকচরি।
ঙসি, ঐখোয়গী ইন্নোবেসন অমসুং তেক্নোলোজি রোদমেপ হৌদোক্লে। মরুওইবা অমসুং নৌনা থোক্লকপা তেক্নোলোজিশিং, স্কিল হেনগৎহনবা অমসুং ইন্নোবেসনগী সরকারগী ওইবা থৌরাং অমশু য়ানবা পুরক্লে। মসিনা আর্তিফিসিএল ইন্তিলিজেন্স, সেমিকন্দক্তরশিং অমসুং ক্লিন ইনর্জিগুম্বা হিরমশিংদা মতেং পাংনবা হেনগৎহনগনি। মসিনা থাজবা অমসুং অৱাবা মায়োক্নবা ঙম্বা মালেমগী সপ্লাই ভেলু চেনশিং শেমগৎপদা মতেং পাংগনি।
মরুপশিং,
দিফেন্স অমসুং সেকুরিতিদা মতেং পাংনবা হেনগৎলকপা অসিনা ঐখোয় অমনা অমবু চেৎনা থাজবগী মমি তারে। ক্লাসিফাইদ ইনফোর্মেসন পীথোক-পীশিন তৌনবগী য়ানচে অসি মাইকৈ অসিদা থাংজিনবা অনৌবা খোঙথাং অমনি। ঙসি খুৎয়েক পীনখিবা ম্যুচুএল লিগেল এসিস্তেন্স ত্রিতি অসিনা তেরোরিজম অমসুং তোখাই তানিংবশিং থেংন্নবা ঐখোয়গী অপুনবা থবকশিং হেন্না ফগৎহনগনি।
মৈখু থাংদবা অমসুং তুংকোইনা চৎনবা য়াবা চাউখৎ-থৌরাং পায়খৎনবা থাজবা পীনদুনা লৈবাক অনিমক লেপ্তনা থবক তৌরি। ঙসি, ঐখোয়গী গ্রিন অমসুং স্তেনেবল দিবলপমেন্ত পার্তনরশিপ মাঙলোমদা চঙশিন্দুনা, গ্রিন অর্বান মোবিলিতি পার্তনরশিপগী অনিশুবা ফেজ ঐখোয় য়ানবা পুরক্লে। মসিগী মথক্তা, গ্রিন হায়দ্রোজেন রোদমেপশু হৌদোক্লে।
মরুপশিং,
য়ুক্রেন অমসুং নোংচুপ এসিয়াদা লাল চৎথরিবা অসি লৈবাক অনিমক নুংনাংনবগী মচাক অমা ওইরে। লালনা ৱাথোক অমা ৱারোইশিন পুরকপা ঙম্লোই হায়বসি ভারতনা মতম চুপ্পদা থাজৈ অমসুং শান্তি হঞ্জিল্লক্নবা মাইকৈদা পাংবা য়াবা মতেংশিং পাংনবা থৌরাং তৌদুনা লৈরি।
মালেমগী আইনশিংগী মতুংইন্না ইন্দো-পেসিফিক লমদমদা অথিংবা লৈতনা জহাজ হোনবা য়ানবা অমসুং আইনগী ওইবা চৎন-কাংলোন ঙাক্নবা ঐখোয়না য়ানরে।
২০শুবা চহিচাদা শেমখিবা মালেমগী লুপশিংনা ২১শুবা চহিচাগী অৱাবশিং কোকহনবা ঙমদ্রে হায়বা ঐখোয়না য়ানরে। য়ু.এন সেকুরিতি কাউন্সিল য়াওনা মালেমগী তোঙান-তোঙানবা লুপশিং অমুক হেন্না শেমদোকপগী তঙাইফদবা লৈরে।
মাইকৈ অসিদা ভারত অমসুং জর্মনি মখা তানা থৱায় য়াওনা মতেং পাংনগনি।
মরুপশিং,
মীগা-মীগা লৈনবা মরীশিং অসি ঐখোয়গী মরীগী মরুওইবা য়ুম্বী অমনি। ঙসিদি, স্কিল হেনগৎহনবা অমসুং ভোকেসনেল ইজুকেসনদা পুন্না থবক তৌমিন্নবা হায়না ঐখোয়না ৱারেপ লৌরে। ঐখোয়গী মহৈরোয়শিং দুএল দিগ্রি প্রোগ্রাম অমগী খুদোংচাবা লৌবা য়ানবা আই.আই.তি চেন্নাই অমসুং দ্রেসতেন য়ুনিভর্সিতিগী মরক্তা য়ানচে অমা খুৎয়েক পীনরে।
জর্মনি চাউখৎপা অমসুং নুংঙাই-য়াইফবদা ভারতকী হৈথোই-শিংথোইবনা মতেং পাংলি। ভারতকীদমক জর্মনিনা ফোঙখিবা “স্কিল লেবর স্ত্রাতেজি” ঐখোয়না তরাম্না ওক্লি। জর্মনি চাউখৎপদা ঐখোয়গী নহা ওইরিবা হৈথোই-শিংথোইরবা নহারোলশিংনা হেন্না ফবা খুদোংচাবশিং ফংগনি হায়না ঐনা থাজৈ। ভারতকী হৈথোই-শিংথোইবদা অমসুং তৌবা ঙম্বদা থাজবা থম্বগীদমক ঐনা চান্সেল্লর স্কোলজ থাগৎপা ফোঙদোকচরি।
ইকায়খুম্নরবা,
অদোমগী খোঙচৎ অসিনা ঐখোয়গী মরীদা অনৌবা ইনোৎ, থৌনা অমসুং থৱায় য়াওবা ভারত্তা পীরে। ঐখোয়গী মরী নাখৈ শেংলে অমসুং তুংলমচৎ ফরি হায়না ঐনা চাউথোক্না হায়রি।
জর্মনদা, অল্লেস লার, এল্লেস গত!
অদোম থাগৎপা ফোঙদোকচরি।
দানকে চোন।
मैं चांसलर शोल्ज़ और उनके delegation का भारत में हार्दिक स्वागत करता हूँ।
— PMO India (@PMOIndia) October 25, 2024
मुझे ख़ुशी है, कि पिछले दो वर्षों में हमें तीसरी बार भारत में उनका स्वागत करने का अवसर मिला है: PM @narendramodi
जर्मनी की “फोकस ऑन इंडिया” स्ट्रेटेजी के लिए मैं चांसलर शोल्ज़ का अभिनन्दन करता हूँ।
— PMO India (@PMOIndia) October 25, 2024
इसमें विश्व के दो बड़े लोकतंत्रों के बीच पार्टनरशिप को comprehensive तरीके से modernize और elevate करने का ब्लू प्रिन्ट है: PM @narendramodi
आज हमारा इनोवैशन and टेक्नॉलजी रोडमैप लॉन्च किया गया है।
— PMO India (@PMOIndia) October 25, 2024
Critical and Emerging Technologies, Skill Development और Innovation में whole of government approach पर भी सहमति बनी है।
इससे आर्टिफिशियल इंटेलिजेंस, Semiconductors और क्लीन एनर्जी जैसे क्षेत्रों में सहयोग को बल मिलेगा:…
यूक्रेन और पश्चिम एशिया में चल रहे संघर्ष, हम दोनों के लिए चिंता के विषय हैं।
— PMO India (@PMOIndia) October 25, 2024
भारत का हमेशा से मत रहा है, कि युद्ध से समस्याओं का समाधान नहीं हो सकता।
और शांति की बहाली के लिए भारत हर संभव योगदान देने के लिए देने के लिए तैयार है: PM @narendramodi
इन्डो-पैसिफिक क्षेत्र में अंतर्राष्ट्रीय कानूनों के तहत freedom of navigation और rule of law सुनिश्चित करने पर हम दोनों एकमत हैं।
— PMO India (@PMOIndia) October 25, 2024
हम इस बात पर भी सहमत हैं, कि 20वीं सदी में बनाये गए ग्लोबल फोरम, 21वीं सदी की चुनौतियों से निपटने में सक्षम नहीं हैं।
UN Security Council सहित अन्य…
