নারীশক্তি বন্দন অধিনিয়ম অমতা ওইনা শৌগৎনবা রাজ্য সভাগী মেম্বরশিংদা তকশিনখ্রে
“অনৌবা সংসদ অসি শুপ্নগী অনৌবা শঙলেন অমা নত্তে, অনৌবা অহৌবা অমগী খুদম অমনি”
“শক্নাইরবা কয়াগী থবকশিংনা মতম পুম্নমক্তা রাজ্য সভাগী খন্ন-নৈনবশিং মপুংফাহনখি। চিংলেম্লবা হাওস অসিনা ভারতমচাশিংগী অপাম্বশিং ফংহন্নবা থৌনা হাপকনি”
“মরুওইবা থবক কয়াদা কোওপরেতিপ ফেদেরেলিজম্না মসিগী মপাঙ্গল উৎথোক্লে”
“অনৌবা সংসদ শঙলেন অসিদা ঐখোয়না নিংতম্বগী চহি ১০০শুবা থৌরম পাংথোকপা মতমদা, মসি চাউখৎলবা ভারতকী সনাগী চহিচা ওইরগনি”
“নুপীশিংগী তৌবা ঙম্বদা খুদোংচাবশিং পীগদবনি। মখোয়গী পুন্সিদা ‘অদু ওইরবদি অমসুং অদুবু’ হায়বগী মতম হৌখ্রে”
“ ঐখোয়না হিংবদা লাইহন্নবা ৱারি শাবা মতমদা, অহানবদা নুপীশিং হিংবদা লাইহন্নবা ওইগদবনি”

ঙসি প্রধান মন্ত্রী শ্রী নরেন্দ্র মোদীনা অনৌবা সংসদ শঙলেন্দা রাজ্য সভাদা ৱা ঙাংখ্রে।

ঙসিগী থৌরম অসি পুৱারি ওইরবা অমসুং নিংশিংদুনা লৈহৌরগদবা থৌরম অমনি হায়না প্রধান মন্ত্রীনা শিংথাখি। মহাক্না লোক সভাদা ৱা ঙাংখিবা অদু মহাক্না নিংশিংখি অমসুং অখন্নবা থৌরম অসিদা রাজ্য সভাদা ৱা ঙাংনবা খুদোংচাবা পীবগীদমক চিয়ার্মেন থাগৎপা ফোঙদোকখি।

রাজ্য সভা অসি সংসদকী অপ্পর হাওসনি হায়না লৌনরি হায়না ফোঙদোক্লদুনা প্রধান মন্ত্রীনা হায়খি রাজনিতিগী অকা-অকুমগী খোঙচৎশিংগী মথক্তা লৈদুনা হাওস অসি য়াম্না কন্না খন্ন-নৈনবগী মফম অমা ওইহনবা হায়বসি সংবিধান শেম্বদা শরুক য়াখিবশিংগী অচেৎপা ৱাখল্লোন্নি। মসি লৈবাক অসিগী অপাম্বনি। লৈবাক্কীদমক অসিগুম্বা থবকশিং পাংথোকপনা হাওসকী থবকশিংগী মগুন হেনগৎহল্লে।

সর্ভপাল্লি রাধাকৃষ্ণন পল্লদুনা প্রধান মন্ত্রীনা হায়খি সংসদ অসি শুপ্নগী আইন শেম্নবা লুপ অমা খক নত্তে মসি খন্ন-নৈন্নবা লুপ অমনি। রাজ্য সভাদা মগুন লৈবা খন্ন-নৈনবশিং তাবদা নুংঙাইবা ফাওই। অনৌবা সংসদ অসি শুপ্নগী অনৌবা শঙলেন অমা নত্তে, অনৌবা অহৌবা অমগী খুদম অমনি। অমৃত কাল হৌরকপদা, অনৌবা শঙলেন অসিনা ভারতমচা করোর ১৪০দা অনৌবা থৌনা পীরগনি।

প্রধান মন্ত্রীনা হায়খি লৈবাক অসিনা মখা তানা ঙাইনবা থৌরাং তৌদুনা লৈতবা মরম্না অপীবা মতমগী মনুংদা পান্দমশিং ফংহনবা হোৎনবা দরকার ওই। মীয়ামগী অনিংবশিং থুংহন্নবা অনৌবা ৱাখল্লোন অমসুং মওংগা লোয়ননা থবক তৌগদবা মতম অদু য়ৌরে অমসুং থবক অমসুং ৱাখল খনবগী মওং পাকথোক-চাউথোকহনবা দরকার ওইরে। সংসদকী মগুনশিংগী মতাংদা লৈবাক শীনবা থুংনা লৈরিবা লেজিসলেতিপ বোদিশিংগীদমক হাওস অসি ইথিলগী হৌরকফম অমা ওইগনি।

হৌখিবা চহি ৯ দা লৌখিবা ৱারেপশিং ফোঙদোক্লদুনা প্রধান মন্ত্রীনা হায়খি চহি কয়া পন্দুনা লাক্লবা ৱাফমশিং খন্নবা হায়বসি রাজনিতিগী মীৎয়েংদগী অচৌবা অশোইবা অমনি হায়না খন্নখি। রাজ্য সভাদা মখোয়গী দরকার ওইবা মশিং লৈত্রবসু হিরম অসিদা সরকারনা মরুওইবা ৱারেপশিং লৌখি। লৈবাক্কী য়াইফনবা ৱাফমশিং পুখৎলকখিবা অমসুং ৱারোইশিন পুরকখিবদা অপেনবা পোকই। মসি ৱাখল মপুংফারবা মেম্বরশিংগী মপান্দগী পাংথোকপা ঙমখিবনি। রাজ্য সভাগী ইকায়খুম্নবা অসি হাওসকী মশিংনা লেপ্পা নত্তে, হৈশিংনা থবক পাংথোকপা অমসুং ভাব তামিন্নবনা মসিগী মগুন লেপ্পনি। মসিগী মাইপাকপা অসিগীদমক হাওসকী মেম্বর খুদিংমক প্রধান মন্ত্রীনা থাগৎপা ফোঙদোকখি।

প্রধান মন্ত্রীনা হায়খি গনতন্ত্রগী থবকশিং অহোংবা কয়া লৈরবসু লৈবাক্কী য়াইফনবা থবকশিংনা মরুওইনা লৌরি। রাজ্যশিংগী হাওস ওইনা রাজ্য সভাগী থৌদাং পল্লদুনা প্রধান মন্ত্রীনা হায়খি মরুওইবা থবক কয়াদা কোওপরেতিপ ফেদেরেলিজম্না মসিগী মপাঙ্গল উৎথোক্লে। কোরোনা লাইচৎ অসি কেন্দ্র-রাজ্য মতেং পাংনবগী খুদম অমনি।

প্রধান মন্ত্রীনা হায়খি অৱাবা মতম খক্তদা নত্তনা কুহ্মৈ-হরাওগী মতমদসু ভারতনা মালেমগী পুক্নিং চিংশিল্লে। জি-২০গী থৌরম মনুংদা সহর ৬০ হেনবদা অমসুং দিল্লিগী মীফমদা অচৌবা লৈবাক অসিগী খেন্নবশিং উৎখ্রে। মসি কোওপরেতিপ ফেদেরেলিজমগী শক্তিনি। অনৌবা শঙলেন অসিদা আর্তফেকশিং ওইনা রাজ্যশিংগী মফম অমা কন্দুনা অনৌবা শঙলেন অসি ফেদেরেলিজমগী ৱাখল্লোন মহুৎশিল্লে।

নোংমগী পুন্সিদা তেক্নোলোজিনা কান্নবা পীবগী মতাংদা প্রধান মন্ত্রীনা হায়খি মাইপাকপদা চহি ৫০ হেন্না চঙগদবা থবকশিং হৌজিক চয়োল অমদা পাংথোকপা ঙম্লে। তেক্নোলোজিগী খুমাঙচাউশিনবা হেনগৎলক্লিবা অসিদা চুশিন্নবা ঙম্নবা কনাগুম্বা অমনা মশামক শেমদোক্কদবনি।

প্রধান মন্ত্রীনা হায়খি ২০৪৭দা অনৌবা শঙলেন্দা নিংতম্বগী চহি ১০০শুবা থৌরম পাংথোকপা মতমদা, মসি চাউখৎলবা লৈবাক অমগী হরাওবা ফোঙদোকপা ওইগনি। অরিবা শঙলেন অসিদা ঐখোয় মালেমগী মকোক থোংবা ইকোনোমিগী ৫শুবা মফমদা য়ৌবা ঙমখি। অনৌবা শঙলেন অসিদা ঐখোয় মালেমগী মকোক থোংবা ইকোনোমিশিংগী ৩শুবা মফমদা য়ৌবা  ঙমগনি হায়না ঐনা থাজবা থম্লি। ঐখোয়না লায়রবশিংগী য়াফিনা থবক কয়া পায়খৎলকপা মতমদা, অনৌবা শঙলেন অসিদা ঐখোয়না হায়রিবা স্কিমশিং মপুংফানা পায়খৎপা ঙমগনি।

প্রধান মন্ত্রীনা হায়খি অনৌবা সংসদ শঙলেন অসিদা অনৌবা তেক্নোলোজি শীজিন্নবা দরকার ওই অমসুং হাওসতা অনৌবা তেক্নোলোজি শীজিন্নরে। হাওসতা ফংলিবা অনৌবা তেক্নোলোজিশিং শীজিন্নবা হৈনবা মেম্বরশিংনা অমনা অমগী মতেং পাংনগদবনি। দিজিতেলগী যুগ অসিদা ঐখোয়গী পুন্সিদা তেক্নোলোজি অসি শরুক অমা ওইহনগদবনি অমসুং মসিগীদমক লৈবাক অসিনা অনৌবা থৌনাগা লোয়ননা থবক কয়া পায়খৎলে।

লোক সভাদা পুথোকখিবা নারীশক্তি বন্দন অধিনিয়মগী মতাংদা প্রধান মন্ত্রীনা হায়খি ঐখোয়না হিংবদা লাইহন্নবা ৱারি শাবা মতমদা, অহানবদা নুপীশিং হিংবদা লাইহন্নবা ওইগদবনি। হিরম কয়াদা নু্পীশিং শোইদনা শরুক য়াহনগদবনি। নুপীশিংগী তৌবা ঙম্বদা খুদোংচাবশিং পীগদবনি। মখোয়গী পুন্সিদা ‘অদু ওইরবদি অমসুং অদুবু’ হায়বগী মতম হৌখ্রে। বেতি বাচাউ বেতি পরাউ থৌরম অসি মীয়ামগী থৌরম অমা ওইরে। জন ধন য়োজনা অমসুং মুদ্রা য়োজনাদা নুপীশিং মশিং য়াম্না শরুক য়ারে। নুপীশিং য়াইফনবা উজ্বালা য়োজনা পায়খৎলে অমসুং ত্রিপল তালাগ মুৎথৎলে অমসুং নুপীশিং অশোই-অঙাম থোক্তনবা অকনবা আইনশিং শেম্লে। নুপীনা লমজিংবা চাউখৎপা অসি জি-২০গী খন্ন-নৈনবদা অচৌবা হিরম অমা ওইখি।

প্রধান মন্ত্রীনা হায়খি  সংসদতা নুপীশিংগী সিত খাকপগী ৱাফম চহি কয়া পন্দুনা লাকখি অমসুং মখোয়না ঙমজবা থাক্তা হিরম অসিদা মীওই খুদিংমক্না মতেং পাংখি। নুপীশিংগী সিত খাকপগী মতাংদা অহানবা বিল অহানবা ওইনা ১৯৯৬তা পুথোকখি। বিল অসি অতল জিগী মতমদা হাওসতা কয়ারক পুথোকখি অদুবু নুপীশিংগী মঙলান মঙফাওন্নবা দরকার ওইবা মশিং ফংখিদে। মসিগী থবক অসি পাংথোক্নবা ঈশ্বরনা ঐ খল্লে হায়না ঐনা থাজৈ। রিজার্বেসন ওফ ৱুমেন ইন পর্লিয়ামেন্ত বিল অয়াবা পীনবা কেন্দ্রগী মন্ত্রীমন্দলনা ৱারেপ লৌরে।  লৈবাক্কী থবক-থৌরমশিংদা মখোয়গী থবক হেনগৎহন্নবা থৌশিল শেম্বগী থবকশিংদা নুপীশিং হেন্না শরুক য়াহনবা দরকার ওইরে। পুৱারি ওইরবা নুমিৎ অসিদা নুপীশিংদা খুদোংচাবশিং পীনবা মেম্বরশিংনা থোং হাংদোক্কদবনি। বিল অসিনা লো ওইরকপা মতমদা অনৌবা শঙলেনগী অনৌবা শক্তিগা লোয়ননা অনৌবা লৈবাক শেমগৎনবা নারী শক্তি থবক ওইনা পাংথোক্কনি।

মহাক্না হায়খি ঙসি লোক সভাদা কন্সিতুতুসন এমেন্দমেন্ত বিল অমা ওইনা নারী শক্তি বন্দন অধিনিয়ম পুথোক্নবা সরকারনা ৱারেপ লৌরে অমসুং মসি হয়েং খন্নগনি। রাজ্য সভাগী মেম্বরশিংনা বিল অসি অমতা ওইনা শৌগৎনবা তকশিল্লদুনা প্রধান মন্ত্রীনা মহাক্কী ৱারোল লোইশিনখি।

 

 

 

ৱা ঙাংখিবগী মপুংফাবা ৱারোল পানবা মসিদা নম্বীয়ু

Explore More
৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল

Popular Speeches

৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল
Union Cabinet approves amendment in FDI policy on space sector, upto 100% in making components for satellites

Media Coverage

Union Cabinet approves amendment in FDI policy on space sector, upto 100% in making components for satellites
NM on the go

Nm on the go

Always be the first to hear from the PM. Get the App Now!
...
10 years of unprecedented development in Varanasi
February 22, 2024

Last ten years have seen unprecedented development in Varanasi. Realising PM Modi's mantra of 'Vikas Bhi, Virasat Bhi', the city is transforming into a modern hub while preserving its rich cultural heritage. Infrastructure development and improved connectivity have revitalised the city. Renovated ghats, Kashi Vishwanath Dham Corridor and recent developments mark significant chapter in its ongoing evolution.

Download the Booklet Here