প্রধান মন্ত্রী, শ্রী নরেন্দ্র মোদীনা ঙসি 17শুবা লোক সভাগী অরোইবা মীফমদা ৱা ঙাংখ্রে।
হাউস্তা ৱা ঙাংলদুনা প্রধান মন্ত্রীনা হায়খি মদুদি ঙসিগী থৌরম অসি ভারতকী দেমোক্রেসীগী মরু ওই। প্রধান মন্ত্রী মোদীনা 17শুবা লোক সভাগী মেম্বর পুম্নমক্না মরু ওইবা ৱারেপশিং লৌনবা পাইখৎখিবা খোঙথাংশিং অমসুং লৈবাকপু অচুম্বা মাইকৈদা পুখিবগীদমক থাগৎপা ফোঙদোকখি। মহাক্না হায়খি মদুদি ঙসি অসি অখন্নবা খোঙচৎ অমসুং অফবা ওইনবগী তানফম অমা ওইরিবা জাতিদা কত্থোক্লবা মরু ওইবা থোরম অমা ওইরি। “রিফোর্ম, পরফোর্ম অমসুং ত্রান্সফোর্ম অসিনা হৌখিবা চহি 5গী মন্ত্র ওইদুনা লাকখি”, হায়না মহাক্না ফোংদোক্লদুনা হায় মসি ঙসি লৈবাক পুম্বদা এক্সপরিয়েন্স তৌবা ফংগনি। প্রধান মন্ত্রীনা ভারতকী মীয়াম্না 17শুবা লোক সভা অসিবু মাগী খোঙথাংশিংগীদমক থৌজাল মখা তানা পীখিগনি হায়বগী থাজবা ফোঙদোকখি। হাউসকী মেম্বর পুম্নমক্তা শরুক তমখিবশিংগী মতাংদা পল্লদুনা শ্রী মোদীনা মখোয়দা, মরু ওইনা হাউসকী স্পীকরবু থাগৎপা ফোঙদোকখি। প্রধান মন্ত্রীনা স্পীকরবু থাগৎখকি অমসুং মহাক্কী মমোন-মীনোক, বেলেন্স ওইবা অমসুং খেন্না থমদনা হাউস হেন্দল তৌববা ঙম্বা মতৌবু শীংথাখি।
প্রধান মন্ত্রীনা মতম অসিদা চহিচাগী খ্বাইদগী চাউবা খুদোংথিবা মদুদি কোরোনা লাইচৎ মীওইবা জাতিদা নংখিবা অদুসু পনখি। মহাক্না হায়খি পার্লিয়ামেন্তদা শেম শাখি অমসুং লৈবাক্কী থবক অসি হাউস্তা লেপহনদনবা হোৎনখি। মহাক্না মেম্বরশিংবু সান্সদ নিধি মশানা য়ানা থাদোকখিবা অমসুং মখোয়গী তোলোপকী চাদা 30 মেম্বরশিংনা লাইচৎ মতুংদা কত্থোকখিবা অদুবু থাগৎখি। মহাক্না স্পীকরদা মীয়ামদগী চাউনা কম্মেন্ত লাকহনখিবা মেম্বরশিংগীদমক সবসিদাইজ কেন্তীন ফেসিলিতীশিং লৌথোকখিবা অসিগীদমক্তসু থাগৎপা ফোঙদোকখি।
প্রধান মন্ত্রীনা স্পীকরনা অনৌবা পার্লিয়ামেন্ত বিল্দিং শাবগী মতাংদা মেম্বর পুম্নমকপু অমত্তা ওইনা য়ানবা পুরক্তুনা মসি শাবা ঙমহনখি অমসুং হৌজিক সেসন অসি মফম অসিদা পাঙথোকপা ঙমহনবগীদমক থাগৎখি।
অনৌবা পার্লিয়ামেন্ত পার্লিয়ামেন্ত বিল্দিংদা সেঙ্গোল খিনখিবগী মতাংদা ৱা ঙাংলদুনা প্রধান মন্ত্রীনা হায়খি মদুদি মসি ভারতকী হেরিতেজ নৌনা উৎথোক্নবা অমসুং নীংতম্বগী অহানবা মীকুপ নীংশিংনবগী খুদম অমনি। মহাক্না স্পীকরনা চহিগী ওইবা থৌরমদা সেঙ্গোলবু শরুক অমা ওইহন্নবা ৱারেপ থাগৎখি অমসুং হায়খি মদুদি মসিনা তুংগী মীরোলশিংবু ভারতনা নীংতম্বা ফংখিবগী মীকুপ অদুগ কন্নেক্ত তৌদুনা ইথিলগী হৌরকফম অমা ওইহল্লি।
প্রধান মন্ত্রীনা হায়খি G20 সম্মিৎ প্রসিদেন্সীনা মালেমদা মশক তাকখি অমসুং মসিগীদমক রাজ্য খুদিংমক্না জাতিগী মতিক-ময়াইশিং অদু উৎখি। মতৌ অসুম্না P20 সম্মিৎনা ভারতপু দেমোক্রেসীগ মমা ওইনা মাগী ক্রিদেন্সিএলশিং হেনগৎহনখি।
প্রধান মন্ত্রীনা হায়খি স্পীচ অমসুং এসেস কন্তেস্তশিং পাঙথোক্তুনা লৈবাক শিনবা থুংবদা চহিগী হৈকৎ লৈকৎ থম্বগী থৌরম পাঙথোক্লিবা অসিসু ফোঙদোকখি। রাজ্য খুদিংমক্তগী তোপ কন্তেন্দর অনিনা দিল্লীদা লাক্তুনা দিগনিতরীগী মতাংদা ৱা ঙাংখি। পি.এম. মোদীনা হায় মসিনা লৈবাক্কী পার্লিয়ামেন্তরীগী চৎনবীশিংগা লোয়ননা মহৈরোয় লাখ কয়াবু কন্নেক্ত তৌখি। প্রধান মন্ত্রীনা মীচম মীয়ামগীদমক পার্লিয়ামেন্ত লাইব্রেরী হাংদোকপগী মরু ওইবা ৱারেপকী মতাংদা ফোঙদোকখি।
প্রধান মন্ত্রীনা পেপরলেস পার্লিয়ামেন্ত ওইহনবগী অমসুং স্পীকরনা দিজিতেল তেক্নোলোজী ইমপ্লিমেন্ত তৌনবগী ৱাখল্লোন পুথোকিবগী মতাংদা পনখি অমসুং থৌশিল অসিগীদমক মহাকপু থাগৎখি।
প্রধান মন্ত্রীনা মেম্বরশিংগী অপুনবা খোঙথাং অমসুং স্পীকরগী স্কিলশিং অমসুং 17শুবা লোক সভাগী প্রদক্তিবিতীবু চাদা 97 য়ৌহনখিবগীদমক মেম্বরশিংগী এৱের্নেসপু থাগৎখি। মশিং অসি শীংথানীংঙাই ওইরবসু প্রধান মন্ত্রীনা মেম্বরশিংদা 18শুবা লোক সভা হৌবা মতমদা প্রদক্তিবিতী চাদা চামা য়ৌহন্নবা ফিরেপ লৌনবা হায়খি। মহাক্না হাউস্তা হায়খি মদুদি সেসন 7দি হাউসনা অহিংবা ফাওবা ফম্দুনা অমসুং মেম্বর পুম্নমক্তা মখোয়গী ৱাখল্লোনশিং ফোঙদোকহন্দুনা চাদা চামগী প্রদক্তিবিতী হেন্না য়ৌবা ঙমহনখি। প্রধান মন্ত্রীনা হায়খি মদুদি 17শুবা লোক সভাগী অহানবা সেসন্দা বিল 30 পাস তৌখি, মসিমক রেকোর্দ অমা ওইখি।
আজাদী কা অমৃত মহোৎসব মনুংদা মেম্বর ওফ পার্লিয়ামেন্ত অমা ওইবগী নুংঙাইবা ফোঙদোক্লদুনা প্রধান মন্ত্রীনা মহোৎসব অসিবু মখোয়গী কেন্দ্রশিংদা মীয়ামগী ইহৌ অমা ওইহনখিবগীদমক মেম্বরশিংবু থাগৎখি। মতৌ অসুম্না সম্বিধানগী 75শুবা চহিনা মীপুম খুদিংমক্তা ইথিল পীখি।
প্রধান মন্ত্রীনা হায়খি 21শুবা চহিচাগী ভারতকী শক্তি লৈবা য়ুম্ফম থোনখিবা অসি মতম অসিদা গেম-চেঞ্জর রিফোর্মশিং উবা য়াই। “ঐখোয়না চাউথোকচবগা লোয়ননা হায়বা য়াই মদুদি মীরোল কয়ানা চহিচা কয়া ঙাইদুনা লৈরকখিবা থবকশিং 17শুবা লোক সভাদা থুংহনবা ঙমখি”, হায়না প্রধান মন্ত্রীনা ফোঙদোকখি। মহাক্না হায়খি মদুদি আর্তিকল 370 এব্রোগেৎ তৌখিবা অসিগা লোয়ননা সম্বিধানগী মপুং ফাবা মতিক ময়াই উথোকপা ঙমহনখি। মসিনা সম্বিধান শেমখিবশিংবু পেলহল্লমগনি, হয়না মহাক্না ফোঙদোকখি। “ঐখোয় ঐখোনা জম্মু অমসুং কাশ্মিরগী মীয়ামদা সোসিএল জস্তিস ফংহন্নবা ফিরেপ লৌরি”, পি.এম. মোদীনা মখা তাখি।
তেরোরিজমগী অকিবা অদু নীংশিংলদুনা প্রধান মন্ত্রীনা হায়খি মদুদি হাউস্তা অকনবা লোশিং শেমখিবা অসিনা তেরোরিজমগী মায়োক্তা চংশিনবা লান মপাঙ্গল কনখৎহল্লগনি। মসিনা তেরোরিজমগী মায়োক্তা লান শোক্নরিবশিংগী থাজবা হেনগৎহনখি অমসুং তেরোরিজম মপুং ফানা মুৎথৎপা শোইদনা ঙমগনি হায়না ফোঙদোকখি।
লোগী অনৌবা কোদশিং এদোপ্ত তৌবগী মতাংদা পল্লদুনা “ঐখোয়না চাউথোকচবগা লোয়ননা হায়বা হায় মদুদি লৈবাক অসিনা চহি 75 পেনেল কোদকী মখাদা হিংলম্বা য়াই অদুবু হৌজিক্তি ন্যায় সমহিতাগী মখাদা হিংলি”, হায়না প্রধান মন্ত্রীনা ফোঙদোকখি।
প্রধান মন্ত্রীনা নারী সক্তি বন্দন অধিনিয়ম পাস তৌবগা লোয়ননা অনৌবা পার্লিয়ামেন্ত বিল্দিংদা প্রোসিদীশিং হৌখিবগী মতাংদা স্পীকরবু থাগৎখি। অহানবা সেসন অসি অতৈ সেসনদগী হেন্না তেল্লবসু নারী শক্তি বন্দন অধিনিয়ম পাস তৌখিবগী ফকনা হাউস অসিদা লাক্কদৌরিবা মতমশিংদা নুপী মেম্বরশিংনা থলহল্লগনি হায়না প্রধান মন্ত্রীনা ফোঙদোকখি। মহাক্না 17শুবা লোক সভাদা নুপীশিংগী হকশিং ঙাক্নবা ত্রিপল তলাক মুৎথৎখি হায়নসু ফোঙদোকখি।
লৈবাক্কী মথংগী চহি 25 অসি মরু ওই হায়রদুনা প্রধান মন্ত্রীনা হায়খি লৈবাক অসিনা মাগী মঙলানশিং থুংহন্নবা ফিরেপ লৌখি। মহাত্মা গান্ধীনা ইং কুমজা 1930দা হৌখিবা সোল্ত সত্যগ্রহ অমসুং স্বদেশি অন্দোলনগী মতাংদা ঙাংলদুনা প্রধান মন্ত্রীনা হায়খি থৌদোকশিং অসি হৌদোকপা মতমদা মরু ওইদ্রবসু মখোয়না 1947দা ভারতকী নীংতম্বা ফংখিবগী মথংগী চহি 25গী য়ুম্ফম থোনখি। মহাক্না হায়খি মদুদি 2047 ফাওবদা চাউখৎপা লৈবাক অমা ওইহন্নবা মীপুম খুদিংমক্না ফিরেপ লৌনবা লৈবাক মনুংদা চপ মান্নবা ইথিল অদু ফাওগনি।
নহারোলগী থৌশিলশিং অমসুং লোশিংগী মতাংদা পল্লদুনা প্রধান মন্ত্রীনা পেপর লীক ওইবগী সমস্যাগী মায়োক্তা শক্তি লৈবা লোশিং শেমখি হায়খি। প্রধান মন্ত্রীনা রিসর্চকী মরু ওইবা অমসুং নেস্নেল রিসর্চ ফাউন্দেসন এক্তকী মরু ওইবা অদুগী মতাংদা ফোঙদোকখি। মহাক্না এক্ত অসিনা ভারতপু রিসর্চ অমসুং ইন্নোবেসনগী গ্লোবেল হব অমা ওইহনবদা মতেং পাংগনি হায়না থাজবা ফোঙদোকখি।
21শুবা চহিচাদা মালেমদা তঙাই ফদবা মথৌ তাবশিংদা অহোংবা লাকখি হায়না ফোঙদোক্লদুনা প্রধান মন্ত্রী দেতাগী ভেল্যুগী মতাংদা থমখি। মহাক্না হায়খি দিজিতেল পর্সনেল দেতা প্রোতেক্সন এক্ত পাস তৌখিবা অসিনা হৌজিক্কী মীরোলনা দেতা শাফনা থমখি অমসুং মালেম শিনবা থুংবদগী মীৎয়েংসু চীংশিল্লি। ভারত্তা মসিগী মরু ওইবা অদু থমলদুনা প্রধান মন্ত্রীনা লৈবাক্কী দাইভর্সিতী অমসুং লৈবাক মনুংদা জেনরেৎ তৌখিবা দাইভর্সিফাইদ দেতাগী মতাংদা ফোঙদোকখি।
সেক্যুরিতীগী অনৌবা দাইমেন্সনশিংগী মতাংদা পল্লদুনা প্রধান মন্ত্রীনা মেরিন, স্পেস অমসুং সাইবর সেক্যুরিতীগী মরু ওইবগী মতাংদা ফোঙদোকখি। “ঐখোয়না লমশিং অসিদা পোজিতিব কেপাবিলিতীশিং শেম্বা ঙমখি অমসুং নেগেতিব ফোর্সশিংগা লোয়ননা থেংনবা ঙম্নবসু দিবেলপ তৌগনি” ফোঙদোক্তুনা প্রধান মন্ত্রীনা মখা তারদুনা হায় মদুদি স্পেস রিফোর্মশিং অসিনা তুং কোইনা কান্নগদবশিংগা লোয়ননা মাং লোনদা মীৎয়েং থম্মি।
17শুবা লোক সভাদা পাইখৎখিবা ইকনোমিক রিফোর্মশিংগী মতাংদা পল্লদুনা প্রধান মন্ত্রীনা হায়খি মীচম প্রজাগী পুন্সি লাইথোকহন্নবা কমপ্লায়েন্স লিশিং কয়া লৌথোকখি। ‘মিনিমম গভর্নমেন্ত অমসুং মেক্সিমম গভর্নান্স’তা থাজবা থম্বগী মতাংদা নৌহৌনা ফোঙদোক্লদুনা হায় দেমোক্রেসী অমা হেক্তগী তৌবা ঙম্বা অসি প্রজাশিংগী পুন্সিদা সরকারনা খুৎ থিংজিনবা হন্থরবা মতমদা ঙমগনি।
প্রধান মন্ত্রীনা হায়খি কান্নদ্রবা লো 60 হেন্না লৌথোকখি। মসি ইজ ওফ দুইং বিজিনেস হেনগৎহন্নবগীদমক মথৌ তাই। মহাক্না প্রজাশিংদা থাজবা থম্বা মথৌ তাই হায়খি। মহাক্না জন বিশ্বাস এক্তনা এক্তিবিতী 180 দিক্রিমিনেলাইজ তৌখি হায়খি। মেদিএসন এক্তনা কান্নদ্রবা লিতিগেসনগা মরী লৈনবা ইস্যুশিং মাংহনবদা মতাং পাংখি।
ত্রান্সজেন্দর ফুরুপকী অৱাবগী মতাংদা পল্লদুনা পি.এম. মোদীনা মেম্বরশিংদা ফুরুপ অসিগীদমক এক্ত পুথোকখিবগী থাগৎখি। মহাক্না হায়খি শোত্থরবা শরুকশিংগীদমক সেন্সিতিব প্রোবিজনশিং অসি মালেমনা থাগৎনরি। মহাক্না হায়খি ত্রান্সজেন্দর মীওইশিংনা আইদেন্তিতী অমা ফংলি অমসুং সরকারগী স্কিমশিংগী কান্নবা লৌদুনা ওন্তপ্রিনোরশিং ওইরি। ত্রান্সজেন্দরনা পদ্ম এৱার্দী লিস্ততসু য়াওবা ঙম্লি।
প্রধান মন্ত্রীনা হাউসকী প্রোসীদিংশিং চহি 2 রোম অকাইবা পীখিবা কোবিদ লাইচৎনা মরম ওইদুনা লৈখিদ্রবা মেম্বরশিংগীদমক অৱাবা ফোঙদোকখি।
“ভারতকী দেমোক্রেসীগী খোঙচৎ অসি লোইনাইদে অমসুং লৈবাক অসিনা অপুনবা মীওইবা খুন্নাইগী শেবা তৌনবা মাগী পান্দম লৈখৈ” হায়না পি.এম. মোদীনা ফোঙদোকখি অমসুং হায়খি মালেমনা ভারতকী পুন্সিগী মওং অসি য়ারি অমসুং মেম্বরশিংদা মসিগী চৎনবী অসি মাংদা পুখৎনবা হায়খি।
লাক্কদৌরিবা মীখলশিংগী মতাংদা পল্লদুনা প্রধান মন্ত্রীনা হায়খি মীখলশিং অসি মহৌশানি অমসুং দেমোক্রেসীগী তঙাই ফদ্রবা মশক অঞনি। “ঐহাক্না থাজৈ মদুদি ঐখোয়গী দেমোক্রেসীগী মতিক ময়াইগী মতুং ইন্না মীখলশিং পাঙথোক্কনি” হায়না মহাক্না ফোঙদোকখি।
প্রধান মন্ত্রীনা হাউসকী মেম্বর পুম্নমকপু মখোয়না 17শুবা লোক সভাদা শরুক তমখিবা অদুগীদমক থাগৎখি। রাম মন্দির প্রান প্রতিস্থা তৌবগী থৌরমগী মতাংদা ঙসি পাস তৌখিবা রিজোল্যুসনগী মতাংদা পল্লদুনা মহাক্না হায় মসিনা হেরিতেজতা চাউথোকচবা পোকহন্নবা লৈবাক্কী তুংগী মীরোলশিংদা কনস্তিত্যুস্নেল পাৱরশিং পীরগনি। মহাক্না হায়খি রিজোল্যুসনশিং অসিদা ‘সবকা সাথ, সবকা বিকাস’কী মন্ত্রগা লোয়ননা ‘সম্বেদনা’, ‘সঙ্কল্প’ অমসুং ‘সহানুভুতি’ য়াওরি।
ৱারোল পীবা লোইশিনবদা প্রধান মন্ত্রীনা হায়খি মদুদি পার্লিয়ামেন্তনা মখা তানা মাগী মেম্বরশিংদা তুংগী মীরোলশিংগীদমক লেগেসী অমা থনম্নবা অমসুং মাগী মেম্বরশিংগী অপুনবা খোঙথাংশিংগা লোয়ননা তুংগী মীরোলশিংগী মঙলানশিং অমসুং অনীংবা অপাম্বশিং থুংহন্নবা থবক তৌগনি।
17th Lok Sabha has been witness to numerous important decisions. These five years have been about 'Reform, Perform and Transform.' pic.twitter.com/jAF34BW0u4
— PMO India (@PMOIndia) February 10, 2024
भारत को इस कालखंड में G-20 की अध्यक्षता मिली और देश के हर राज्य ने विश्व के सामने देश का सामर्थ्य और अपनी पहचान बखूबी प्रस्तुत की। pic.twitter.com/2UeLa3UMYj
— PMO India (@PMOIndia) February 10, 2024
हम संतोष से कह सकते हैं कि हमारी कई पीढ़ियां जिनका सदियों से इंतजार करती आ रही थीं, वे काम 17वीं लोकसभा में हुए। pic.twitter.com/sJnHdyCw91
— PMO India (@PMOIndia) February 10, 2024
The next 25 years are crucial for India. pic.twitter.com/WElzMDttkv
— PMO India (@PMOIndia) February 10, 2024
