প্রধান মন্ত্রী শ্রী নরেন্দ্র মোদীনা ঙসি নই দিল্লীগী তাজ পেলেস হোতেলদা রিপব্লিক সম্মিত্তা ৱা ঙাঙখ্রে।
প্রধান মন্ত্রীনা ঙসিগী মীয়ামদা ৱা ঙাঙবদা রিপব্লিক সম্মিৎকী শরুক ওইবদা নুংঙাইবা ফোংদোক্লদুনা মখোয়না মথংগী থাদা চহি 6 মপুং ফাগদৌরিবা অসিগীদমক্তা মখোয়গী তীম পুম্নমকপু থাগৎখি। প্রধান মন্ত্রীনা “ভারতকী পুংফম” হায়বা থীমগা লোয়নবা রিপব্লিক সম্মিত 2019দা শরুক য়াখিববু নিংশিংলদুনা, মীয়াম্না থংন-থংননা অনিশুবা ওইনা য়াম্লবা মেজোরিতী অমসুং তংদু লৈতাবগী মতৌ চেনবা সরকার অমা খনখিবা অদুগী মনুংদা য়াওরিবা মীয়ামগী মেন্দেত অসিনা থীম অসিগী বেকগ্রাউন্দ ওইখি হায়না ফোংদোকখি। “লৈবাক অসিনা ভারতকী মতম অসি হৌজিক্কী মতম অসিনি হায়বা খঙলে”, প্রধান মন্ত্রীনা হায়খি। ‘ত্রান্সফোর্মেসনগী মতম’ হায়রিবা হন্দক্কী চহিগী থীমগী মতাংদা পল্লদুনা, চহি 4গী মমাংদা মঙখিবা ত্রান্সফোর্মেসনগী মঙলান অদু মীয়াম্না হৌজিক উবা ফংলগনি হায়না প্রধান মন্ত্রীনা হায়খি।
লৈবাক অমগী চাউখৎপগী চাং অসি মদুদা পায়খৎলিবা চাউখৎ থৌরাংগী খোঙজেলদগী ওল্লি হায়না প্রধান মন্ত্রীনা হায়খি। ভারতকী শেন্মিৎলোন ত্রিলিয়ম 1গী থাক য়ৌবদা চহি 60 চঙখি অদুগা ঐখোয়না 2014দা ত্রিলিয়ন 2 য়াম্না ৱানা য়ৌখি, মসিনা হায়বদি, দিকেদ 7দা ত্রিলিয়ন 2গী শেন্মিৎলোন ওইখি হায়বনি, অদুগা মসিগী মতুংগী শুপ্নগী চহি 9দা ভারতনা চাউরাকপা ত্রিলিয়ন অহুম মখায়গী শেন্মিৎলোন ওইবা ঙমখি হায়না মহাক্না ফোংদোকখি। থৌওং অসিসু চহি চাম্মদা অমুকখক থোকপা মালেমগী লাইচৎকী ইরাং মরক্তনি হায়না মহাক্না মখা তাখি। মালেমগী অতোপ্পা শেন্মিৎলোন কয়ানা অৱাবা মাইয়োক্নরিঙৈ মতমদা, ঐখোয়গী শেন্মিৎলোন্না ইরাং অসিদগী মপান থোক্লকপখক নত্তনা খোঙজেল য়াঙনা শাহৌসু লৌখি হায়না মহাক্না হায়খি।
প্রধান মন্ত্রীনা রাজনিতীনা পীবা শাফুগী মতাংদা পল্লদুনা, ফর্স্ত ওর্দর ইম্পেক্ত অসিদি পোলিসী অমা হেক্তগী অহানবা পান্দম্নি অমসুং মসি য়াম্না তেনবা মতমদা উবা ফংই হায়খি। অদুবু, পোলিসী খুদিংগী অনিশুবা অমসুং অহুমশুবা ইম্পেক্তসু লৈ, মখোয় অসিনা মনুং হুৎচিল্লি অদুগা উবা ফংবদা মতম চঙই। নিংতম্বা ফংলবা মতুংদা শেমখিবা পোলিসী কয়ানা সরকারনা পুম্নমক লাকশিনবা, চাংয়েংনবা লৈহন্দবা, লন্নাইগী ইন্দস্ত্রী অমসুং MSMEশিংবু চাউখৎপদগী থিংবগী ফিভম লাকহনখি হায়না প্রধান মন্ত্রীনা হায়খি। পোলিসীশিং অসিগী ফর্স্ত ওর্দর ইম্পেক্তনা কা হেন্না লাইরবা মশিং হেনগৎহনখি, অদুগা অনিশুবা ইম্পেক্তনা অমুক্কা হেন্না খুদোংথীবা ওইখি, ভারতকী কঞ্জম্পসন গ্রোথনা মালেমগা চাংদম্নবদা য়াম্না হন্থখি। মেন্যুফেকচর সেক্তরগী মপাঙ্গল য়াম্না হন্থখি অমসুং ঐখোয়না ইনভেস্তমেন্তকী লমদা খুদোংচাবা কয়া মাঙখি। হায়রিবা পোলিসীশিং অসিগী অহুমশুবা ইম্পেক্ত অসিনা লৈবাক অসিদা ইন্নোভেসন ইকোসীস্তেম লৈতবা অসিনি, মসিনা মরম ওইরগা ইন্নোভেতিব ঐবা ইন্তর্প্রাইস মশিং য়ামখিদে অমসুং থবক্সু য়াম্না লৈখিদে হায়না শ্রী মোদীনা মখা তাখি। নহাশিংনা সরকারগী থবক্কী মখা পোন্দনা লৈনখি অমসুং মখোয়গী ৱাখলসু ফমজিন্দুনা অদুমক লৈখি।
হৌজিক্কী সরকার অসিনা 2014গী মতুংদা শেমখিবা পোলিসীশিংনা অহানবা বেনেফিতশিংগী মথক্তা অনিশুবা অমসুং অহুমশুবা ওর্দর ইফেক্তশিংদা মিৎয়েং চঙখি। পি.এম. অৱস য়োজনাগী মখাদা মীয়ামদা য়েন্থোকপা য়ুম মশিংনা মমাংগী চহি 14দা করোর 1.5তগী করোর 3.75 হেন্না হেনগৎখি অমসুং য়ুম অয়াম্বগী মপুনা নুপীশিংনা ওইখি। য়ুমশিং অসিগী অশামলনা লুপা লাক্ষ অমদগী হেনবনিনা নুপী করোর কয়ানা ঙসি ‘লাক্ষপতি দিদি’ ওইবসিদা মহাক্না নুংঙাইবা ফোংদোকখি। স্কিম অসিনা থবক্কী খুদোংচাবা কয়াসু পীখিবা অসিদা মহাক্না মীয়ামগী পুক্নিং চিংশিনখি। “পি.এম. অৱস য়োজনানা লাইরবা অমসুং শোত্থরবা খুন্নাইগী মশাদা থাজবগী চাংবু অৱাংবা থাক্তা পুখৎখি”, মহাক্না মখা তাখি।
মাইক্রো অমসুং অপীকপা ওন্তোপ্রিনরশিংদা শেলগী তেংবাং পীরিবা মুদ্র য়োজনাগী মতাংদা প্রধান মন্ত্রীনা পল্লদুনা, স্কিম অসিনা নুমিৎ খরনিগী মমাংদা চহি 8 মপুং ফাখ্রে হায়খি। মুদ্র য়োজনাগী মখাদা থাদোকখিবা লোন করোর 40গী মনুংদা অপুনবা বেনিফিশরীগী চাদা 70দি নুপীনি হায়না প্রধান মন্ত্রীনা পাউদমখি। স্কিম অসিগী অহানবা ইম্পেক্ত অসিদি থবক অমসুং মশানা মশাবু থবক পীজবা হেনগৎহনবনি হায়না মহাক্না হায়খি। নুপীশিংগী জন ধন একাউন্ত হাংদোকপা ওইরো, নত্ত্রগা নুপীশিংনা ইমুং-মনুংদা ৱারেপ লৌবা ঙম্বগী মতিক লৈহনখিবা সেল্ফ হেল্প গ্রুপশিংবু ইন্সেন্তিবাইজ তৌবগী থৌওং ওইরো, পুম্নমক অসিনা খুন্নাইদা অহোংবা অমা পুরকখি হায়না মহাক্না হায়খি। লৈবাক্কী নুপীশিংনা জোব ক্রিএতর ওইরক্তুনা লৈবাক অসিগী শেন্মিৎলোনগী মপাঙ্গল হেনগৎহল্লি হায়না মহাক্না মখা তাখি।
প্রধান মন্ত্রীনা পি.এম. স্বামিত্বা স্কিমগী অহানবা, অনিশুবা অমসুং অহুমশুবা ওর্দর ইম্পেক্তশিংবু শন্দোক্না তাকখি। তেক্নোলোজী শিজিন্নদুনা শাবা প্রোপর্তী কার্দশিংনা প্রোপর্তী সেক্যুরিতীগী হীরমদা থাজবা লৈহনখি। মসিগী দিমান্দ হেনগৎলকপদগী দ্রোন সেক্তর পাকথোক চাউথোরকপা অসিনা মসিগী অতোপ্পা শাফু অমনি। লোয়ননা, প্রোপর্তী কার্দশিংনা লমগী মতাংদা উংখৎনবা হন্থহনখি অমসুং পুলিস অমসুং জস্তিস সীস্তেমদগী অৱাবা পোৎলুম অমসু হন্থনহখি। মখা তারকপা, লন থুমগী চে চাং পায়নবদগী খুঙ্গংশিংগী বেঙ্কতগী মতেং লৌবদসু লাইথোকহনখি।
প্রধান মন্ত্রীনা গ্রাউন্দ লেভেলদা ইহৌ পুরকখিবা DBT, মৈ অমসুং ঈশিংগী ফেসিলিতীশিংগী স্কিমগী মতাংদা পনখি। “লৈবাক্কী লাইরবশিংনা সেক্যুরিতীগা লোয়ননা মশাবু ইকায় খুম্নজবগী মতৌ অহানবা ওইনা ফংখি”, শ্রী মোদীনা হায়খি। মতম অমদা পোৎলুম্নি হায়না খল্লম্বা মীওইশিংনা ঙসিদি লৈবাক্কী চাউখৎ থৌরাংগী লম্বীগী মাইকৈ তাক্লি হায়না মহাক্না মীয়ামগী পুক্নিং চিংশিনখি। “স্কিমশিং অসিনা চাউখৎপা ভারত অমগী য়ুম্ফম ওইরি”, মহাক্না মখা তাখি।
মমাংগী চহি 9দা, মাইনোরিতী, শোত্থরবা, ত্রাইবেল, নুপী লাইরবা অমসুং মিদ্দল ক্লাসকী মীওই খুদিংনা অহোংবা মতৌ অমা থেংনরে হায়না শ্রী মোদীনা হায়খি। লৈবাক অসিনা থবক কয়া অমা মিসন মোদতা পথাপ নাইনা পাংথোকপগী ফিভম উরি। “ঐখোয়না শক্তি পায়বশিংগী সর্ভিসকী ৱাখল্লোন্দা অহোংবা পুরক্লে অমসুং লাইরবশিংগী য়াইফ য়ুম্বালবু ঐখোয়গী পাম্বৈ ওইহল্লে। ঐখোয়না ‘তুস্তিকরন’গী মহুত্তা ‘সন্তুশ্তিকরন’বু ঐখোয়গী বেজ ওইহল্লে। মসিগুম্বা থৌওং অসিনা মিদ্দল ক্লাসকী ঙাক্লোন চুঙ্গৈওমা শেম্লে”, মহাক্না হায়খি। আয়ুশমান য়োজনা, অহোঙবা হিদাক, লেম্না তীকা থাবা, লেম্না দাইলাইসীস তৌবা অমসুং ইমুং করোর কয়াগী এক্সিদেন্ত ইন্স্যুরেন্সকুম্বা স্কিম কয়া অসিনা লৈবাক মীয়ামগী শেলসু তুংশিনবা ঙমহল্লে হায়না মহাক্না পাউদমখি।
প্রধান মন্ত্রীনা পি.এম. গরিব কলয়ান অন্না য়োজনাগী মতাংদা পাউদম্লদুনা কোরোনাগী অরুবা লানফমদা লৈবাক্কী য়াম্লবা মীয়াম্বু মবুক হাঙলগা অহিং তুমহনখিদবা স্কিম অমনি হায়খি। ৱান নেসন, ৱান রাসন কার্দ নত্ত্রগা JAM তৃনিতীদা ওইরো, সরকারনা অন্না য়োজনা স্কিম অসিগীদমক্তা লুপা করোর লাক্ষ 4 চাদিং তৌরি হায়না মহাক্না পাউদমখি। লাইরবশিংনা মখোয়গী ফংফম থোকপা শরুক খুদিংমক সরকারগী মফমদগী ফংলকপা মতমদা সোসিএল জস্তিসকী তসেংবা ৱাহন্থোক ফংবা ঙম্মি হায়না মহাক্না হায়খি। কোরোনাগী মতমদা ফাওবা তেংবাংখিবা মসিগুম্বা পোলিসী অসি লৈবনা মরম ওইরগা লৈবাক্কী শাথীনা লাইরবশিংগী মশিং লোইশিল্লক্লে হায়না IMFকী খ্বাইদগী নৌবা ৱর্কিং পেপর অমনা পাউদমখি হায়না প্রধান মন্ত্রীনা হায়খি।
প্রধান মন্রীনা MNREGAগী মতাংদা পাউদম্বা মতমদা, 2014গী মমাংদা মওং মরিল তাদবা থৌওং কয়া লৈরম্মি অমসুং পর্মানেন্ত এসেত অমত্তা লৈরমদে হায়না ফোংদোকখি। অদুবু, একাউন্ততা শেল হকথেংননা হাপ্তুনা নুং পান ফাওনা উবা অমসুং য়ুম, পুখ্রি, কেনেল, বাওদীঞ্চিংবা কয়া খুঙ্গংশিংদা রিসোর্স শেমগৎপগী থবক কয়া ঐখোয়না উবা ফংলে হায়না মহাক্না হায়খি। “হৌজিক্তি পেমেন্ত অয়াম্বনা নুমিৎ 15গী মনুংদা থাদোক্লে অমসুং শিন্মীশিংগী আধার কার্দকী চাউরাকপা চাদা 90 অসি লিঙ্ক তৌরে, মসিনা চাউরাকপা লুপা করোর লিশিং 40মুক হাইৎহপা জোব কার্দকী ৱাথোক কয়া থোকহনবদগী থিংলে”, মহাক্না হায়খি।
“অহোংবা পুরকপগী মসিগুম্বা খোঙচৎ অসিনা হৌজিক মতমগা চুনবতা নত্তনা তুংগী মতমগীসু খল্লি”, দিকেদ কয়াদগী শেম শাদুনা লাক্লিবা থৌওংশিংদা মিৎয়েং চঙলদুনা প্রধান মন্ত্রীনা হায়খি। চহি কয়া নত্ত্রগা দিকেদ কয়াগী মতুংদা অনৌবা তেক্নোলোজী য়ৌরকপগী মতমশিংবু প্রধান মন্ত্রীনা নিংশিংখি। প্রধান মন্ত্রীনা ভারতনা মসিগুম্বা চৎনবী অসি মমাংগী চহি 9দা লোইশিল্লে হায়রদুনা মসি পাংথোকপদা চঙখিবা খোঙথাং কয়াগী মতাংদা তাকখি। তেক্নোলোজীগা মরী লৈনবা সেক্তরশিংবু সরকারগী কন্ত্রোলদগী মনিং তমহনবা, লৈবাক্কী তঙাই ফদবগী মখা পোন্না ভারত্তা তেক্নোলোজী শানবা তকশিনবা, অদুগা খ্বাইদগী অরোইবা ওইনা, তুংগী মতমগী তেক্নোলোজীগী মতাংদা রিসর্চ অমসুং দিভেলপমেন্ত পাংথোকপগী মিসন মোদকী থৌওং শিজিন্নবগী মতাংদা মহাক্না পাউদমখি। মহাক্না 5G তেক্নোলোজীগী খুদম পীরদুনা মসিগী দিভেলপমেন্ততা ভারতনা উৎলিবা খোঙজেল অসিবু মালেম পুম্বনা নৈনরি হায়না মহাক্না হায়খি।
প্রধান মন্ত্রীনা কোরোনা লাইচৎপু অমুক হন্না নিংশিংলদুনা ভারতনা তংদু লৈতাদবা মতমগী মরক্তা মরোমদোম লেপচবগী লম্বী খনখি হায়খি। ভারতনা তেল্লবা মতমগী মনুংদা লমদমসিদা শাজবা মথৌ নিংথীনা পাংথোকপা ভেক্সিন পুথোকখিবা, মালেমগী খ্বাইদগী চাউবা অমসুং মায় পাকপা ভেক্সিনেসন দ্রাইব হৌদোকখিবগী মতাংদা মহাক্না পনখি। “মসিগী মায় পাকপা অসিসু ভারত্তা শাবা ভেক্সিন পামদে, মীরমদা শাবা ভেক্সিন ইম্পোর্ত তৌসি হায়না মীওই খরনা লাওনরিঙৈ মতমদা ফংখিবনি”, মহাক্না মতমদু নিংশিংদুনা হায়খি।
দিজিতেল ইন্দিয়া কেম্পেনগী খোঙচত্তা অয়েৎপা কয়া থেংনখিবা লৈরবসু হৌজিক্তি মীপুম খুদিংনা মসিগী মতাংদা ৱারী শানরি হায়না প্রধান মন্ত্রীনা হায়খি। JAM ত্রিনিতী লেপহন্নবা হোৎনরকখিবা অমসুং স্যুদো-ইন্তেল্লেকচুএলনা দিজিতেল পেমেন্তপু করেম্নবগী থৌওং কয়াবু মহাক্না অমুক্কা হন্না নিংশিংখি। ভারতনা ঙসিদি দিজিতেল পেমেন্ত খ্বাইদগী মশিং য়াম্না তৌরি হায়না মহাক্না হায়খি।
“অমৃত কাল অসিদি ‘সবকা প্রয়াস’কীনি, ভারত মচা খুদিংগী হোৎনবা কনবা অমসুং হৈশিংবগী মতিক্না অমত্তা ওইরকপা মতমদা ঐখোয়না চাউখৎপা ভারত অমগী মঙলানবু অথুবা মতমদা মঙফাওনগদৌরিবনি”, হায়রদুনা প্রধান মন্ত্রীনা মহাক্কী ৱারোল লোইশিনখি।
At a time when the world's biggest economies were stuck, India came out of the crisis and is moving forward at a fast pace. pic.twitter.com/m2JRjnhdx1
— PMO India (@PMOIndia) April 26, 2023
In the policies our government made after 2014, not only the initial benefits were taken care of, but second and third order effects were also given priority. pic.twitter.com/oGtCUDnsor
— PMO India (@PMOIndia) April 26, 2023
For the first time in the country, the poor have got security as well as dignity. pic.twitter.com/iAIfmRNQw3
— PMO India (@PMOIndia) April 26, 2023
आज देश में बहुत systematic approach के साथ काम हो रहा है, mission mode पर काम हो रहा है। pic.twitter.com/CbCH92igyn
— PMO India (@PMOIndia) April 26, 2023
PM Garib Kalyan Anna Yojana is a protective shield for a large section of people in the country. pic.twitter.com/ZxIqDtnC0w
— PMO India (@PMOIndia) April 26, 2023
We increased the budget for MGNREGA, enhanced its transparency. pic.twitter.com/IATu6uJkfy
— PMO India (@PMOIndia) April 26, 2023
India is working on three aspects... pic.twitter.com/igJ6OcFp5Q
— PMO India (@PMOIndia) April 26, 2023
In times of crisis, India chose the path of self-reliance. India launched the world's largest, most successful vaccination drive. pic.twitter.com/gKmznT6hLR
— PMO India (@PMOIndia) April 26, 2023
