ঙসি প্রধান মন্ত্রী শ্রী নরেন্দ্র মোদীনা “শেন-থুম চাউখৎপা তুংকোইনা লৈহনবা অমসুং ফগৎহনবা” হায়বা হিরমদা মীৎয়েং থমদুনা, অনিশুবা তাঙ্কক্কী বজেত মতুংগী ৱেবিনারদা ৱা ঙাংখ্রে। হৌখিবা চয়োলদা লৈখিবা খোঙজেলগী মতাংদা, প্রধান মন্ত্রীনা হায়খি অহানবা ৱেবিনার মাইপাক্না পাংথোকখ্রে অমসুং বজেত্ত পনখিবসিং থবক ওইনা পাংথোক্নবগী মতাংদা অফবা পাউতাকশিং ফংখি।
প্রধান মন্ত্রীনা হায়খি মদুদি হৌজিক পাংথোক্লিবা ৱেবিনার অসি লৈবাক অসিগী শেন-থুম চাউখৎপদা মখা তানা থৌনা হাপ্নবগা মরী লৈনৈ। মালেমগী সপ্লাই চেনশিং অমুক হন্না শেমদোকপগা লোয়ননা, ভারতকী অফবা শেন্মিৎলোন অসি মালেমগী থাজবগী মৈরা অমা ওইরক্লে। শেন্মিৎলোন য়াংনা চাউখৎলকপা অসি বিকসিত ভারত অমগী অকনবা য়ুম্ফম অমনি।
প্রধান মন্ত্রীনা হায়খি সরকারগী নাখৈ শেংবা পান্দম অমসুং নাখৈ শেংবা ৱারেপ লৈরি। ঐখোয়গী মাইকৈ নাখৈ শেংলি, ঐখোয়গী ৱারেপ নাখৈ শেংলি, হেন্না শেমগৎলি, হেন্না পুথোক্লি, হেন্না শম্নরি, হেন্না মপান্দা থাদোক্লি। ঙসি অদোমগা পাংথোক্কদৌরিবা খন্ন-নৈনবশিং অসিনা ফংলকপা পাউতাকশিংনা মরুওইবা থৌদাং অমা লৌগনি।
তোঙান তোঙানবা হিরমশিং পুন্না থবক তৌমিন্নবগী মতাংদা, প্রধান মন্ত্রীনা হায়খি মেনুফেকচরিং, লোজিষ্টিক্স, এম.এস.এম.ইশিং অমসুং সহরগী মফমশিং নাইতোম লৈবা নত্তে, শেন-থুমগী অমগা অমগা শম্নবা য়ুম্বীশিংনি। মেনুফেকচরিং চাউখৎপনা মপান্দা পোৎ-চৈ থাদোকপা হেনগৎহল্লি অদুগা এম.এস.এম.ইশিং চাংদম্নবনা থবক মখল কয়া পায়খৎপা অমসুং অনৌবা থবক হেনগৎহল্লি। চহি অসিগী বজেতনা হায়রিবা য়ুম্বীশিংদা অকনবা মপাঙ্গল হাপ্লে।
প্রধান মন্ত্রীনা হায়খি মদুদি উদ্যোগ, শেন-থুমগী লোয়শঙশিং অমসুং রাজ্য সরকারশিংনা থৱায় য়াওনা শরুক য়াদ্রবদি থৌশিল অমনা মথন্থ মহৈ চাবা ফংলোই। মরী লৈনবশিংনা মেনুফেকচরিং, পোৎথোক পুথোকপা হেনগৎনবা অমসুং শেন য়াম্না চঙহন্দনা পুথোকপা ঙম্নবা খন্ন-নৈনবা মরুওইনা লৌগদবনি। হায়রিবা মাইকৈশিং অসিদা অদোমগী পাউতাকশিংনা লৈবাক অসিগী কাচিন-কোয়া খুদিংমক চাউখৎহনবদা মরুওইবা থৌদাং লৌগনি।
প্রধান মন্ত্রীনা হায়খি মদুদি মরুওইবা থবকশিং ফগৎনবা অমসুং মেনুফেকচরিং সেক্তরদা লৈরিবা খুদোংচাদবশিং কোকহন্নবা সরকারগী থবকশিং ফগৎহল্লে। দেদিকেতেদ রিয়র আর্থ কোরিদোরশিং অমসুং কন্তেন্নর শাবগুম্বা হিরমশিংদা পান্দম থম্বা অসিনা ললোন-ইতিক্কী থবক ফগৎহনগনি।
প্রধান মন্ত্রীনা হায়খি মদুদি বজেত্ত বাইওফার্মা শক্তি মিসন লাউথোক্তুনা বাইওলোজিক্স অমসুং অনৌবা থেরাপিশিংগীদমক ভারত মালেমগী মফম অমা ওইহন্নবা পান্দম থম্লি। অৱাংবা থাক্কী বাইওফার্মা রির্ছা অমসুং মেনুফেকচরিংদা লুচিংবা ওইনবা মাইকৈদা চঙশিনবা ঐখোয় পাম্মী।
মালেমগী ওইনা হোংলক্লিবা ফিবমশিংগী মতাংদা, প্রধান মন্ত্রীনা হায়খি মদুদি মতিক চাবা অমসুং খুদোংথিবা মায়োক্নবা ঙম্বা মেনুফেকচরিং লৈবাকশিং মালেম্না থিরি। রিছার্স অমসুং অৱাংবা থাক্কী তেক্নোলোজিশিংদা মরী লৈনবশিংনা শেন থাদগদবনি অমসুং মালেমগী ক্বালিতি ষ্টেন্দার্দশিং ঙাক্না চৎগদবনি। ঙসি ভারতনা মসিগী থৌদাং অসি লৌনবা খুদোংচাবা ফংলে।
ফ্রি ত্রেদ এগ্রিমেন্তশিং (এফ তি এ)গী মতাংদা, প্রধান মন্ত্রীনা হায়খি মদুদি ভারতনা লৈবাক কয়াগা ফ্রি ত্রেদ এগ্রিমেন্তশিং খুৎয়েক পীনরে, ঐখোয়গী অচৌবা থোঙ অমা হাংদোক্লে অমসুং অসিগুম্বা ফিবম অমদা, কৈদৌঙৈদা গুন য়াওবা পোৎথোক পুথোকপদা শন্তাইন্দবা হায়বসি ঐখোয়গী থৌদাংনি। মীয়াম্না শীজিন্নবদা নুংঙাইগদবা পোৎথোকশিং পুথোক্নবা মালেমগী কঞ্জুমরশিংগী অপাম্বশিং খঙনবা থিজিনবা দরকার ওইরে। মতম অদু খক্তদা ঐখোয়না ফ্রি ত্রেদ এগ্রিমেন্তশিংগী কান্নবশিং লৌবা ফংগনি।
এম.এস.এম.ই সেক্তরগী মতাংদা, প্রধান মন্ত্রীনা হায়খি মদুদি হন্দক অওনবশিং মখল খায়দোকখিবা অসিনা অপীকপা ললোন-ইতিক্কী থবকশিং পাকথোক-চাউথোকপদা অকিবা লৈরম্বা অদু কোকহল্লে। সরকারনা মখা তানা শেন্থং পীবা হেনগৎহল্লে অমসুং তেক্নোলোজিশিং ফগৎহল্লে, অশেংনবা কান্নবদি এম.এস.এম.ইশিংনা মালেমগী চাংদম্নবা শরুক য়াবা ঙম্বগী মখা পোল্লে। হৌজিক্কী মতম অসি এম.এস.এম.ইশিংনা মখোয়গী পোৎথোক হেনগৎহনবা, মখোয়গী পোৎথোকশিংগী গুনশিং হেনগৎহনবা অমসুং দিজিতেলগী থবকশিং পায়খৎপা অমসুং অফবা ভেলু চেনশিং লৈহনবা মতম ওইরে।
প্রধান মন্ত্রীনা হায়খি মদুদি লৈবাক অসি চাউখৎনবা লাল্লোংদা ইনফ্রাষ্ট্রকচর অমসুং লোজিষ্টিক্স অসি মরুওইবা য়ুম্বীশিংনি, চহি অসিগী বজেত্ত য়াম্লবা কেপিতেল এক্সপেন্দিচর অমনা শৌগৎলি। থবক ফজনা পাংথোক্নবা অয়াংবা রেল, মল্তি-মোদাল কন্নেক্তিবিতি অমসুং জহাজ শেমজিনবগী খুদোংচাবশিং লৈহনবা তঙাইফদে। মখোয়গী লাল্লোংশিংগী মতুংইন্না, উদ্যোগ অমসুং ইনভেষ্টরশিংনা থবক ওইনা পাংথোকপা মতমদা ইনফ্রাষ্ট্রকচর অসিগী কান্নবা ফংগনি।
প্রধান মন্ত্রীনা হায়খি মদুদি ভারতকী তুংগী চাউখৎপা লৈবাক অসিগী সহরশিং মপুংফানা থৌরাং তৌবা অমসুং অশীন-অরাং তৌবগী মখা পোল্লি। তয়ার-২ অমসুং তয়ার-৩ সহরশিংনা অনৌবা চাউখৎপগী ইঞ্জিনশিং ওইবা য়াগনি। হিরম অসিগী মতাংদা পাউতাকশিং পীরকপা য়াম্না মরুওই।
প্রধান মন্ত্রীনা হায়খি মদুদি হৌজিক মালেম্না তুংকোইনা চৎনবা য়াবদা মাইওনশিল্লে, হৌজিক কৈথেলশিংনা মমলগী মথক্ত মহৌশাদা পীবা অকায়বদা ওইনা য়েংলে। কার্বোন চুপশিনবা, শীজিন্নবা অমসুং লীদুনা থম্নবা মিসন অসি য়াম্না মরুওইবা থবক অমনি, ললোন-ইতিক্কী মরুওইবা লাল্লোংদা তুংকোইনা চৎনবা য়াবগা পুনশিনবা অসি তঙাইফদে। মৈখু থাংদবা তেক্নোলোজিদা শেন থাদরিবা উদ্যোগশিং মতমগী মতুংইন্না লাক্লিবা চহিশিংদা অনৌবা কৈথেলশিংদা য়ৌবা ঙমগনি।
প্রধান মন্ত্রীনা হায়খি বিকসিত ভারত অমগী পান্দম ফংনবা অপুনবা ওইনা মপু ওইমিন্নবা দরকার ওই। শরুক য়ারিবশিংনা খন্ন-নৈনবদগী হেন্না য়েংগদবনি অমসুং সরকারগী থবকশিংগী ঙাক্লৌদা শরুক য়ানবা হোৎনগদবনি। অদোমগী পাউতাক খুদিংমক অমসুং থবক খুদিংমক্না অফবা ফলশিং পুরকপা ঙমগনি।
ৱা ঙাংখিবগী মপুংফাবা ৱারোল পানবা মসিদা নম্বীয়ু
हमारी दिशा स्पष्ट है... हमारा संकल्प स्पष्ट है...
— PMO India (@PMOIndia) March 3, 2026
Build more, produce more, connect more...Export more: PM @narendramodi
आज दुनिया विश्वसनीय और resilient manufacturing partners की तलाश में है।
— PMO India (@PMOIndia) March 3, 2026
भारत के पास यह अवसर है कि वह इस भूमिका को मजबूती से निभाए: PM @narendramodi
भारत ने बहुत सारे देशों के साथ Free Trade Agreement किए हैं।
— PMO India (@PMOIndia) March 3, 2026
हमारे लिए अवसरों का बहुत बड़ा द्वार खुला है।
ऐसे में हमारी ज़िम्मेदारी है कि हम quality पर कभी भी समझौता न करें: PM @narendramodi
इस दिशा में Carbon Capture, Utilisation and Storage Mission एक महत्वपूर्ण पहल है।
— PMO India (@PMOIndia) March 3, 2026
अब sustainability को आपको core business strategy का हिस्सा बनाना ही होगा।
जो उद्योग समय रहते clean technology में निवेश करेंगे, वे आने वाले वर्षों में नए बाजारों तक बेहतर पहुंच बना पाएंगे: PM
आज दुनिया की अर्थव्यवस्था में एक बड़ा परिवर्तन चल रहा है।
— PMO India (@PMOIndia) March 3, 2026
बाजार अब केवल लागत नहीं देखते, वे sustainability भी देखते हैं: PM @narendramodi
