“ঙসি সরকারগী পোলিসীশিং অমসুং ৱারেপশিংনা পুরকপা অফবা ফল অসি খ্বাইদগী মথৌ তাবা মফমশিংদনা হেন্না ময়েক শেংনা উবা ফংলি”
“ঙসি মীয়াম্না সরকার অসি অপনবা অমা ওইনা উদ্রে; মসিগী মহুৎ মীয়াম্না ঐখোয়গী সরকারবু অনৌবা খুদোংচাবশিংগী কেতলিস্ত ওইনা উরি। তশেংনমক মসিদা তেক্নোলোজীনা অচৌবা থৌদাং অমা লৌখি”
“প্রজাশিংনা সরকারদা মখোয়গী ৱাখল্লোনশিং লাইনা ফোঙদোকপা অমসুং মখোয়গী সোল্যুসনশিং খুদক্তা ফংবা ঙম্লে”
“ঐখোয়না খুন্নাইগী কাংলুপ খুদিংমক্তা দিজিতেল রিভোল্যুসনগী কান্নবশিং ফংহনবগা লোয়ননা ভারত্তা মোদর্ন দিজিতেল ইনফ্রাস্ত্রকচর শেমগৎলি”
“এ.আই.না ৱারোইশিন পুরকপা ঙম্বা খুন্নাইগী অদুগুম্বা সমস্যা ১০ ঐখোয়না খঙদোকপা য়ারোইদ্রা”
“সরকার অমসুং মীয়ামগী মরক্তা থাজবা ৱাৎলিবা অসি মীখা পোনবগী ৱাখল্লোন্না মরম ওইরগনি”
“খুন্নাইদা লৈরিবা থাজবা অসি মপাঙ্গল কনখৎহন্নবগীদমক মালেমগী খ্বাইদগী ফবা প্রেক্তিসশিংদগী ঐখোয়না তমশিনবা তাই”

প্রধান মন্ত্রী, শ্রী নরেন্দ্র মোদীনা ‘ইজ ওফ লিবিং য়ুজিং তেক্নোলোজী’ হায়বা হীরমদা বজেৎ মতুংগী ৱেবিনার অমদা ৱা ঙাংখ্রে। মসি কেন্দ্রগী বজেৎ ২০২৩দা লাউথোকখিবা থৌশিলশিং নীংথিনা ইমপ্লিমেন্ত তৌনবগী ৱাখল্লোন অমদি পাউতাকশিং লৌনবা সরকারনা পাঙথোকপা বজেৎ মতুংগী ৱেবিনার ১২গী মঙাশুবনি।

থৌরম অসিদা ৱা ঙাংলদুনা প্রধান মন্ত্রীনা হায় ২১শুবা চহিচাগী ভারতনা মাগী প্রজাশিংবু তেক্নোলোজী শীজিন্নদুনা শক্তি পীনবা লেপ্পা লৈতনা হোৎনরি। মহাক্না হায় হৌখিবা চহি খরা অসিদা বজেৎ খুদিংমক্না তেক্নোলোজীগী মতেংগা লোয়ননা মীয়ামগীদমক ইজ ওফ লিবিংদা মীৎয়েং থমদুনা লাকখি। চহি অসিগী বজেৎতা তেক্নোলোজী অমসুং হ্যুমেন তচতা মরু ওইবা মীৎয়েং চংখি হায়না ফোঙদোকখি।

মমাং সরকারশিংগী মরু ওইবা মীৎয়েং থম্লিবশিংগা খেন্নৈ হায়না ফোঙদোক্লদুনা প্রধান মন্ত্রীনা সরকারগী মীৎয়েংগীদমক মীয়ামগী অখন্নবা শরুক অমনা করম্না ঙাইদুনা লাকখি অমসুং মীয়ামগী য়াইফনবা তৌরক্কনি হায়না থাজবা থমখিবগে নীংশিংখি। অদুম ওইনমক প্রধান মন্ত্রীনা হায়খি মদুদি মখোয়গী পুন্সি চুপ্পা খুদোংচাবশিং অসি ফংদনা লাকখি। মীয়ামগী অতোপ্পা শরুক অমনা মাংদা চংশিনবা পামখি অদুবু সরকারগী খোঙথাংশিংনা পীখিবা প্রেসর অমদি অপনবশিংনা মখোয়বু চীংথখি হায়না মহাক্না ফোঙদোকখি। প্রধান মন্ত্রীনা হোংলক্লিবা অহোংবশিংগী মতাংদা পল্লদুনা হায় খ্বাইদগী মথৌ তাবা মফমশিংদা ওইরিবা ফীভমশিংদা পোলিসী অমসুং মখোয়গী অফবা ফলশিং অদু উবা ফংখি অমরোমদা মসিনা পুন্সিশিং নুংঙাইহল্লি অমসুং ইজ ওফ লিবিং হেনগৎহল্লি। মহাক্না হায় সরকারনা অপনবা পীবা হন্থহনখি অমসুং প্রজাশিংনা সরকার অসি অপনবা অমা ওইনা উখিদ্রে। মসিগী মহুৎ প্রজাশিংনা সরকার অসি কেতলিস্ত অমা ওইনা উরি হায়রিবা অসিদা তেক্নোলোজীনা অচৌবা থৌদাং লৌখি।

প্রধান মন্ত্রীনা ৱান নেসন ৱান রাসন কার্দ  অমসুং জে.এ.এম. (জন ধন – আধার – মোবাইল) ত্রিনিতী, অরোগ্যা সেতু অমসুং কোৱিন এপ, রেলৱে রিজর্বেসন অমসুং কম্মন সর্ভিস সেন্তরগী খুদমশিং পীরদুনা তেক্নোলোজীগী থৌদাংগী মতাংদা ফোঙদোকখি। ৱারেপশিং অসিগা লোয়ননা সরকারনা প্রজাশিংগী ইজ ওফ লিবিং হেনগৎহনখি হায়না প্রধান মন্ত্রীনা ফোঙদোকখি।

দাইলোগ তৌবা লাইরকপা অমসুং মীয়াম্না থুনা রোজোল্যুসনশিং ফংলিবা অসিনা মরম ওইদুনা ইজ ওফ কম্ম্যুনিকেসনগী মীয়াম্না য়ারবা ৱাখল্লোনগী মতাংদা  প্রধান মন্ত্রীনা ফোঙদোকখি। মহাক্না ইনকম তেক্স সিস্তেমগা মরী লৈনবা গ্রীভান্সশিংগী ফেসলেস রিজোল্যুসনগী খুদমশিং পীখি। মহাক্না হায়, “হৌজিক্তি নখোয়গী গ্রিভান্সশিং অমসুং রিদ্রেসেলগী মরক্তা মীওই অমত্তা লৈত্রে, তেক্নোলোজী খক্তা লৈ”। প্রধান মন্ত্রীনা তোঙান-তোঙানবা বিভাগশিংদা মখোয়গী সমস্যাশিং কোকহন্নবা অমসুং গ্লোবেল স্তেন্দর্দশিং য়ৌবা ঙম্নবা তেক্নোলোজী শীজিন্ননবগী মতাংদা পুন্না খন্ননবা হায়খ্রে। মহাক্না মখা তারদুনা হায়, “মাংদা খোঙথাং অমা চখৎলদুনা ঐখোয়না সরকারগা লোয়ননা তৌরিবা দাইলোগ অসি হেন্না খুদোংচাহন্নবা লমশিং খঙদোকপা তাই”।

প্রধান মন্ত্রীনা মিসন কর্ময়োগীগী মতাংদা পল্লদুনা হায় সরকারগী কর্মচারীশিং অসি হেন্না সিতিজেন সেন্ত্রিক ওইহন্নবা ৱাখল্লোনগা লোয়ননা ত্রেন তৌরি। মহাক্না ত্রেনিং তৌবগী থৌওং লেপ্তনা অপদেৎ তৌবগী মথৌ তাই হায়খি অমসুং প্রজাশিংদগী লাকপা ফীদবেক্তা য়ুম্ফম ওইরগা শেমদোক শেমজিন তৌবনা শীংথানীংঙাই ওইনা ফগৎলকপা উবা ফংগনি হায়খি। প্রধান মন্ত্রীনা ত্রেনিং ফগৎহন্নবগী ফীদবেক লাইনা পীবা য়াবা সিস্তেম অমা শেম্নবসু অপাম্বা ফোঙদোকখি।

প্রধান মন্ত্রীনা তেক্নোলোজীনা মীপুম খুদিংমক্তা পীরিবা চপ মান্নবা খুদোংচাবশিংগী মাংদা ফোঙদোক্লদুনা হায় সরকার অসিনা তেক্নোলোজীদা চাউনা ইনভেস্ত তৌরি। মোদর্ন দিজিতেল ইনফ্রাস্ত্রকচর শেম্বগা লোয়ননা সরকারনা দিজিতেল ইনফ্রাস্ত্রকচরগী কান্নবশিং মীপুম খুদিংদা থোং মান্ননা য়ৌহন্নবা হোৎনরি। মহাক্না অপীকপা বিজিনেসমেনশিং অমসুং স্ত্রীৎ ভেন্দরশিং ফাওবা সরকারগী প্রোক্যুর্মেন্তদা শরুক য়াহল্লিবা জি.ই.এম. পোর্তেলগী মতাংদা ফোঙদোকখি। মতৌ অসুম্না ই-নামনা লৌমীশিংবু তোঙান-তোঙানবা মফমশিংদা বায়রশিংগা লিঙ্ক তৌহনখি।

৫জি অমসুং এ.আই. অমদি মখোয়না ইন্দস্ত্রী, মেদিসিন, এজুকেসন অমসুং এগ্রিকলচরদা পীরিবা কান্নবগী মতাংদা পল্লদুনা প্রধান মন্ত্রীনা পান্দম খরা থম্বা মথৌ তাই হায়না অকনবা ৱাফম থমখি। মহাক্না মীচম প্রজাশিংগী য়াইফনবা তেক্নোলোজী দিপ্লোই তৌবা য়াআ লম্বীশিং অমসুং মীৎয়েং চংগদবা সেক্তরশিংগী মতাংদা হংখি। মহাক্না হায়, “ঐখোয়না এ.আই.না কোকহনবা য়াবা খুন্নাগী অদুগুম্বা সমস্যা ১০ খঙদোকপা য়ারোইদ্রা”।

সরকার অসিনা তেক্নোলোজী শীজিন্নবগী খুদমশিং পীরদুনা প্রধান মন্ত্রীনা কম্পনীশিং অমসুং ওর্গনাইজেসনশিংনা মখোয়গী চে-চাংশিং স্তোর তৌবা য়াহল্লিবা এন্তিতীশিংগীদমক  অমসুং সরকারগী এজেন্সীশিংদা মখোয়বু শিয়র তৌবা য়াহল্লিবা দিজিলোকর সর্ভিসশিংগী মতাংদা ফোঙদোকখি। মহাক্না মখোয়দগী মীওই কয়ানা কান্নবা ফংনবা সর্ভিসশিং অসি হেন্না পাকথোক চাউথোক্নবগী লম্বীশিং পুথোক্নবা অপাম্বা ফোঙদোকখি।

হৌখিবা চহি খরা অসিদা এম.এস.এম.ই.শিং মতেং পাংনবা অচৌবা খোঙথাং কয়ামরুম পাইখৎখি অমসুং ব্রেনস্তোর্ম তৌবগী মতৌ তাবা অমদি এম.এস.এম.ই.শিংনা মায়োক্নবা শীংনবশিং খঙদোক্নবা ৱাফম প্রধান মন্ত্রীনা ফোঙদোকখি। বিজিনেসকী ওইনদি মতম হায়বা অসি শেলনি হায়রদুনা প্রধান মন্ত্রীনা মতম ককথদুনা অপীকপা এন্তর্প্রাইসশিংগীদমক কমপ্লায়েন্স কোস্ত হন্থহন্নবা সরকারগী খোঙথাংশিংগী মতাংদা ফোঙদোকখি। মহাক্না হায়খি মদুদি মসি কান্নদ্রবা কমপ্লায়েন্সশিংগী লিস্ত শেমদোকপগী চপ চারবা মতমনি মরমদি সরকারনা মমাংদা কমপ্লায়েন্স লিশিং নিফু হেন্না মুৎথৎখ্রে।

সরকারনা অপীকপা মরালশিং দিক্রিমিনেলাইজ তৌদুনা অমসুং এম.এস.এম.ই.শিংগীদমক লোন গরেন্তর অমা ওইদুনা প্রজাশিংগী থাজবা অমুক হন্না ফংখি হায়না ফোঙদোক্লদুনা প্রধান মন্ত্রীনা হায়, “সরকার অমসুং মীয়ামগী মরক্তা থাজবা ৱাৎলিবা অসি মীখা পোনবগী ৱাখল্লোন্না মরম ওইরগনি। মহাক্না সরকার অমসুং প্রজাগী মরক্তা থাজবা লৈহন্নবা অতোপ্পা লৈবাকশিংদা পাইখৎলিবা থবক্কী মরমদা মালেমগী খ্বাইদগী ফবা প্রেক্তিসশিংদগী এক্সপরিয়েন্স লৌনবা হায়খি।

তেক্নোলোজীগী থৌদাংগী মতাংদা পল্লদুনা প্রধান মন্ত্রীনা হায়খি তেক্নোলোজীনা গ্লোবেল মার্কেৎ খুদুম চনবদা মতেং পাংবা য়াবা ফিনিশ প্রদক্তশিং শেম্বদা মতেং পাংবা য়াগনি। মহাক্না হায় কনাগুম্বা অমত্তনা ইন্তর্নেৎ অমসুং দিজিতেল তেক্নোলোজীদা খক্তা লোইশিল্লোইদবনি। ৱারোল পীবা লোইশিনবদা প্রধান মন্ত্রীনা হায় বজেৎকী মাইপাকপা নত্ত্রগা সরকারগী পোলিসী অসি মখোয়না কয়াম নীংথিনা শেম শাবগে হায়বগী মখা পোল্লি অদুবু মসিদা মীয়ামগী কোওপরেসনসু মরু ওই হায়না ফোঙদোকখি। মহাক্না ভারতকী তেলেন্ত লৈরবা নহারোলশিং, স্কিল লৈবা মেনপাৱর অমসুং খুঙ্গংশিংদা তেক্নোলোজী শীজিন্নবগী অপাম্বা অসিগী মতাংদা পল্লদুনা মসিদগী কান্নবা লৌহৌনবা লম্বীশিং পুথোক্নবা অপাম্বা ফোঙদোকখি। লোইশিনবদা প্রধান মন্ত্রীনা হায়, “বজেৎ অসিদগী চাউনা কান্নবা লৌহৌনবা নখোয়না খন্নবা তাই”।

ৱা ঙাংখিবগী মপুংফাবা ৱারোল পানবা মসিদা নম্বীয়ু

Explore More
৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল

Popular Speeches

৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল
India on track to become $10 trillion economy, set for 3rd largest slot: WEF President Borge Brende

Media Coverage

India on track to become $10 trillion economy, set for 3rd largest slot: WEF President Borge Brende
NM on the go

Nm on the go

Always be the first to hear from the PM. Get the App Now!
...
সোসিয়েল মিদিয়াগী মফম 23 ফেব্রুৱারি, 2024
February 23, 2024

Vikas Bhi, Virasat Bhi - Era of Development and Progress under leadership of PM Modi