Share
 
Comments
“ঙসি, ঐখোয়না অমৃত মহোতসব পাংথোক্লি, ঐখোয়না বাপুগী 'গ্রামীন বিকাস'কী মংলান অদু মংফাওনহনগদবনি”
“পঞ্চায়ত রিপ্রজেন্তেতিব লাখ অমা মখায়গা লোয়ননা খন্ন-নৈনবগী অচুম্বা অসিদগী হেনবা ইন্দিয়ন দেমোক্রেসীগী মপাঙ্গলগী খুদম করিসু লৈতে”

প্রধান মন্ত্রী শ্রী নরেন্দ্র মোদীনা ঙসি অহমেদবাদতা গুজরাত পঞ্চায়ত মহাসমেলনদা ৱা ঙাংখ্রে৷ থৌরম অসিদা রাজ্য পুম্বদগী পঞ্চায়তি রাজ রিপ্রজেন্তেতিবশিংনা শরুক য়াখি৷

গুজরাত অসি বাপু অমদি সরদার বল্লভ ভাই পতেলগী লমদমনি হায়না প্রধান মন্ত্রীনা ফোংদোকখি৷ “বাপুনা মতম পুম্নমক্তা খুঙ্গংগী চাওখৎ-থৌরাং, মশা মরোমদোম লেপচবা ঙম্বা খুঙ্গংশিং ওইহনবগী মতাংদা ৱারি শাখি৷ ঙসিদি, ঐখোয়না অমৃত মহোতসব পাংথোকপা মতম অসিদা, ঐখোয়না বাপুগী 'গ্রামীন বিকাস'কী মংলান অদু মংফাওনহনগদবনি৷

গুজরাতকী পঞ্চায়ত অমদি খুঙ্গংশিংনা লাইনা-লাইচৎ অসি নিংথিনা অমদি চেকশিন্না থেংনবদা লৌরিবা থৌদাং অদু প্রধান মন্ত্রীনা থাগৎখি৷ গুজরাত্তা, নুপী পঞ্চায়ত মীহুৎশিংগী মশিং অসি নুপা মীহুৎশিংদগী হেল্লি হায়নসু মহাক্না ফোংদোকখি৷ পঞ্চায়ত  রিপ্রজেন্তেতিব  লাখ অমা মখায়গা লোয়ননা খন্ন-নৈনবগী অচুম্বা অসিদগী হেনবা ইন্দিয়ন দেমোক্রেসীগী মপাঙ্গলগী খুদম করিসু লৈতে হায়না মহাক্না ফোংদোকখি৷

খুঙ্গংদা অপিকপা অমদি খ্বাইদগী মরু ওইবা ইনিসিয়েতিবশিং শিজিন্নদুনা মতৌ করম্না খুঙ্গংবু চাওখৎহনগদগে হায়বগী মতাংদা প্রধান মন্ত্রীনা পঞ্চায়ত মেম্বরশিংদা লমজিং-লমতাক পীখি৷ মখোয়গী মহৈলোইশঙগী মপোক কুমওন নুমিৎ পাংথোক্নবা মহাক্না হায়খি৷ মসিগা মরী লৈননা, মহৈলোইশঙগী কেম্পস অমদি ক্লাসশিংবু শেংদোক্নবা অমদি মহৈলোইশঙগীদমক অফবা থবক থৌরমশিং পাইখৎনবা মহাক্না হায়খি৷ লৈবাক অসিনা ওগস্ত ২৩ ফাওবা অজাদি কা অমৃত মহোতসব পাংথোক্কদৌরি হায়না ফোংদোক্লদুনা, মহাক্না মতম অসিগী মনুংদা খুঙ্গংদা প্রভাত ফেরি (অয়ুক্কী খোংচৎ) ৭৫ পাংথোক্নবা মহাক্না হায়খি৷

মখা চৎথরকপদা, মহাক্না মতম অসিগী মনুংদা প্রোগ্রাম ৭৫ শিন্নবা হায়খি, মসিদা খুঙ্গংদা লৈরিবা মীয়াম পুম্বনা পুন্না শরুক য়ামিন্নগদবনি অমদি খুঙ্গংগী চাওখৎ-থৌরাংগীদমক খন্নগদবনি৷ অহেনবা সজেসন অমগা ফোংদোক্লদুনা, ভারতকী নিং-খা তম্বগী চহি ৭৫ শুরকপদা খুঙ্গংশিংনা অপিকপা উমং অমা শেমদুনা উ পাম্বী ৭৫ থাগদবনি হায়না মহাক্না ফোংদোকখি৷ মহৌশাগী লৌউ পথাপ শিজিন্নবা লৌমী য়ামদ্রবদা ৭৫দি খুঙ্গং খুদিংমক্তা লৈগদবনি৷ মালেম ইমাবু ফর্তিলাইজরশিং অমদি কেমিকেলশিংগী ফৎতবা হু অসিদগী কনগদবনি হায়না মহাক্না ফোংদোকখি৷ ফার্মগী পুখ্রি ৭৫দি নোংগী ইশিং য়োকশিনহনগদবনি, মসিনা লৈনুংদা লৈরিবা ইশিংগী চাং অসি হেনগৎহল্লগনি অমদি মসিনা কালেন থাগী মতমশিংদা মতেং পাংলগনি হায়না প্রধান মন্ত্রীনা মখা তাখি৷

শা-ষনবু ফুত অমসুং মাউথ দিজিজ অসিদগী কন্ননবগীদমক শা-ষন অমতবু ভেক্সিন কাপথোক্তনা থমহৌদনবসু মহাক্না পাউতাক পীখি৷ পঞ্চায়ত হাউস অমসুং লম্বীশিংদা এল.ই.দি. বল্বশিং থান্দুনা মৈ হেন্না শিজিন্নবদগী কন্নবা প্রধান মন্ত্রীনা মখোয়দা অপীল তৌখি৷ সরকারগী থবক্তগী পোৎথাখ্রবা এমপ্লোইয়ীশিংনা খুঙ্গংদা থবক পাংথোক্নবগীদমক শেম-শাদুনা লৈগদবনি অমদি খুঙ্গংগী মপোক-কুমওন অদুসু মীয়াম পুন্দুনা অমদি মীয়ামগী য়াইফ-থৌরাংগী মতাংদা খন্ন-নৈনদুনা পাংথোক্কদবনি হায়নসু মহাক্না ফোংদোকখি৷ পঞ্চায়ত মেম্বরশিংগী মেম্বর অমনা লমদম অদুগী মহৈলোইশঙদা নোংমদা য়ামদ্রবদা মিনিৎ ১৫ খক্তা ওইরবসু অমুক্তং চৎকদবনি, মসিনা খুঙ্গংগী মহৈলোইশঙ অদু চেকশিনহনগনি অমদি মহৈ-মশিং তম্বা অমসুং লুবা-নানবগী অফবা স্তেন্দর্দশিং অদু ঙাক্তুনা থম্বা ঙমগনি হায়না মহাক্না পঞ্চায়ত মেম্বরশিংদা পাউতাক পীখি৷ পঞ্চায়ত মেম্বরশিংনা মীয়ামবু মীকপ থোকহন্দুনা তশেংনা সরকারগী হাইৱেজ ওইরিবা কম্মন সর্ভিস সেন্তরশিং (সি.এস.সি.শিং) অসিদগী খ্বাইদগী চাওনা কান্নবা লৌনবা মহাক্না পঞ্চায়ত মেম্বরশিংদা এপীল তৌখি৷ মসিনা মীয়াম্না রেলৱে বুক্কিংগীদমক অচৌবা শহরশিংদা চৎপদগী ঙাকথোকপদা মতেং পাংলগনি৷ অরোইবদা, অঙাংশিংনা খাংউ থক্তা মহৈ তম্বা তোক্তনবা অমদি অঙাং অমতবু মখোয়গী ইলিজিবিলিতীগী মতুং ইন্না স্কুল নত্রগা অনগনৱাদিদা মিং চন্দনা লৈহন্দনবা প্রধান মন্ত্রীনা পঞ্চায়ত মেম্বরশিংদা পাউতাক পীখি৷ প্রধান মন্ত্রীনা শরুক য়ারিবা পঞ্চায়ত মীহুৎশিংদগী অসুম্না তৌনবা ৱাশক লৌখি অমদি খুবাক্কী অহৌবা মখোলগা লোয়ননা শরুক য়ারিবা পঞ্চায়ত মীহুৎশিংনা মখোয়গী ওইবা অয়াবা পীখি ৷

Explore More
পি.এম.না ৭৬শুবা নীংতম নুমিৎকী থৌরমদা লাল কিলাগী লানবন্দগী জাতি মীয়ামদা থমখিবা ৱারোল

Popular Speeches

পি.এম.না ৭৬শুবা নীংতম নুমিৎকী থৌরমদা লাল কিলাগী লানবন্দগী জাতি মীয়ামদা থমখিবা ৱারোল
India’s non-fossil energy has grown by 25 per cent in 7 years

Media Coverage

India’s non-fossil energy has grown by 25 per cent in 7 years
...

Nm on the go

Always be the first to hear from the PM. Get the App Now!
...
PM applauds those who are displaying their products on GeM platform
November 29, 2022
Share
 
Comments
GeM platform crosses Rs. 1 Lakh crore Gross Merchandise value

The Prime Minister, Shri Narendra Modi has applauded the vendors for displaying their products on GeM platform.

The GeM platform crosses Rs. 1 Lakh crore Gross Merchandise value till 29th November 2022 for the financial year 2022-2023.

In a reply to a tweet by Union Minister, Shri Piyush Goyal, the Prime Minister tweeted;

"Excellent news! @GeM_India is a game changer when it comes to showcasing India’s entrepreneurial zeal and furthering transparency. I laud all those who are displaying their products on this platform and urge others to do the same."