Share
 
Comments
সম্বা জিলাদা লৈবা পল্লি পঞ্চায়ত্তগী লৈবাক শিনবা থুংনা লৈরিবা গ্রাম সভা পুম্নমক্তা ৱা ঙাংখ্রে
লুপা করোর ২০,০০০গী শেনফম ওইবা চাউখৎ-থৌরাং কয়াগী খোঙথাংশিং শঙ্গাখ্রে অমসুং উরেপ উয়ুং তমখ্রে
জম্মু অমসুং কশ্মিরগী মফমশিংবু হেন্না নকশিন্নবদা মতেং ওইরগদবা বনিহাল কাজিগুন্দ রোদ তন্নেল শঙ্গাখ্রে
দিল্লী-অমৃতসর-কত্রা এক্সপ্রেসৱে অমসুং রাতল অমসুং ক্বার হায়দ্রোইলেক্ত্রিক প্রোজেক্তশিংগী রোদ পেকেজ অহুম উরেপ উয়ুং তমখ্রে
লৈবাক অসিগী জিলা খুদিংদা ঈশিংগী ওইবা মফমশিং ৭৫ ফগৎহন্নবা অমসুং হিংগৎহন্নহবা খোঙথাং ওইরিবা পান্দম -অমৃত সরোবর হৌদোকখ্রে
“নেস্নেল পঞ্চায়তী রাজ দেগী থৌরম জম্মু অমসুং কশ্মিরদা পাংথোকপনা য়াম্না চাউবা অহোংবা অমা পুরক্লি”
“দেমোক্রেসী ওইগেরা নত্ত্রগা চাউখৎ-থৌরাংগী ৱারেপ ওইগেরা, ঙসিদি জম্মু অমসুং কশ্মিরনা অনৌবা খুদম অমা ওইনা উৎলি। হৌখিবা চহি ২-৩দা, জম্মু অমসুং কশ্মিরদা চাউখৎ থৌরাংগী অনৌবা মাইয়োন অমা পুরক্লি”
“জম্মু অমসুং কশ্মিরদা চহি কয়া রিজার্বেসনগী কান্নবা ফংলক্ত্রবশিং, হৌজিক্তি রিজার্বেসনগী কান্নবসু ফংলে”
“থম্মোয়নুংগী ওইগেরা, লোলশিং, চৎনবীশিং নত্ত্রগা ললশিংগী থাপ্নবা
লেপতনেন্ত গবর্নর জম্মু অমসুং কশ্মির শ্রী মনোজ সিংহ, কেন্দ্রগী মন্ত্রীশিং শ্রী গীরিরাজ সিংহ, দাঃ জিতেন্দ্র সিংহ অমসুং শ্রী কাপিল মোরেশ্বর পতিলনা থৌরম অদুদা শরুক য়াবশিং ওইখি।
মহাক্না সম্বা জিলাগী পল্লি পঞ্চায়ত্তা চৎখি। প্রধান মন্ত্রীনা লুপা করোর ২০,০০০গী শেমফম ওইবা চাউখৎ থৌরাং কয়াগী থবকশিং শঙ্গাখি অমসুং উরেপ উয়ুং তমখি। মহাক্না অমৃত সরোবরগী খোঙথাংসু হৌদোকখি।
হোৎনরিবা অসিনা জম্মু অমসুং কশ্মিরগী নহারোলশিং কয়াদা থবক পীরগনি”, হায়না মহাক্না হায়খি।
প্রধান মন্ত্রী, শ্রী নরেন্দ্র মোদীনা ঙসি নেস্নেল পঞ্চায়তী রাজ দে থৌরম শরুক য়ানবা জম্মু অমসুং কশ্মির চৎখ্রে অমসুং লৈবাক শিনবা থুংনা লৈরিবা গ্রাম সভাশিংদা ৱা ঙাংখ্রে।

প্রধান মন্ত্রী, শ্রী নরেন্দ্র মোদীনা ঙসি নেস্নেল পঞ্চায়তী রাজ দে থৌরম শরুক য়ানবা জম্মু অমসুং কশ্মির চৎখ্রে অমসুং লৈবাক শিনবা থুংনা লৈরিবা গ্রাম সভাশিংদা ৱা ঙাংখ্রে। মহাক্না সম্বা জিলাগী পল্লি পঞ্চায়ত্তা চৎখি। প্রধান মন্ত্রীনা লুপা করোর ২০,০০০গী শেমফম ওইবা চাউখৎ থৌরাং কয়াগী থবকশিং শঙ্গাখি অমসুং উরেপ উয়ুং তমখি। মহাক্না অমৃত সরোবরগী খোঙথাংসু হৌদোকখি। লেপতনেন্ত গবর্নর জম্মু অমসুং কশ্মির শ্রী মনোজ সিংহ, কেন্দ্রগী মন্ত্রীশিং শ্রী গীরিরাজ সিংহ, দাঃ জিতেন্দ্র সিংহ অমসুং শ্রী কাপিল মোরেশ্বর পতিলনা থৌরম অদুদা শরুক য়াবশিং ওইখি।   

থৌরম অদুদা ৱা ঙাংলদুনা, প্রধান মন্ত্রীনা হায়খি মদুদি ঙসি অসি জম্মু অমসুং কশ্মিরগী চাউখৎ থৌরাংগী লম্বীদা লেন্দমার্ক ওইবা নুমিৎ অমনি। মহাক্না জম্মু অমসুং কশ্মিরগী মীয়াম্বু থৱায় য়াওনা শরুক য়াবগীদমক্তা থাগৎপা ফোংদোকখি। প্রধান মন্ত্রীনা হায়খি, মতম শাংনা রাজ্য অসিগা লোয়নরকপনা মরম ওইদুনা, মখোয়দা লৈরিবা ইসুশিং খঙই অমসুং ঙসি শঙ্গাখিবা অমসুং উরেপ উয়ুং তমখিবা প্রোজেক্তশিংদা মিৎয়েং চংবগীদমক্তা নুঙাইবা ফোংদোকখি। “লম্বী থোং ফাওনবা অমসুং ইলেক্ত্রিসিতীগা মরী লৈনবা লুপা করোর লিশিং ২০গী প্রোজেক্তশিং মফম অসিদা শঙ্গাখ্রে অমসুং উরেপ উয়ুং তমখ্রে। জম্মু অমসুং কশ্মিরগী চাউখৎ থৌরাংদা অনৌবা শাফু অমা পীনবা, থবকশিং অসি য়াম্না য়াংনা পাংথোক্লি। হোৎনরিবা অসিনা জম্মু অমসুং কশ্মিরগী নহারোলশিং কয়াদা থবক পীরগনি”, হায়না মহাক্না হায়খি।  ঙসিদি খুঙ্গংসিদা ইমুং কয়ানা মখোয়গী য়ুমগী প্রোপর্তী কার্দ ফংখ্রে। মসিগী মপু ওইবগী কার্দ অসিনা খুঙ্গং অসিদা অনৌবা ওইথোকপা য়াবা কয়াগী মংলান অমা পীরগনি। জন ঔশধী কেন্দ্রনা জম্মু অমসুং কশ্মিরগী লায়রবা অমসুং ময়াই ওইবা ক্লাসকী ইমুংশিংদা অহোংবা মমলগী হিদাক লাংথক অমসুং সর্জিকেলগী পোৎলমশিং ফংহন্নবা মচাক অমা ওইরগনি, হায়না মহাক্না হায়খি। প্রধান মন্ত্রীনা তাকখি মদুদি কেন্দ্র সরকারগী স্কীম পুম্বা জম্মু অমসুং কশ্মিরদা পীরি অমসুং মীয়াম্না মসিদগী কান্নবা ফংলি। খুঙ্গংদা লৈরিবা মীওইনা এল.পি.জি., তোইলেৎ, ইলেক্ত্রিসিতী, লমগী হকশিং অমসুং ঈশিং শম্নবা স্কীমশিংগী বেনিফিসরী খ্বায়দগী য়াম্বা ওইরি। ফমফম্লাংদা লেঙশিন্দ্রিঙৈদা প্রধান মন্ত্রীনা য়ু.এ.ই.গী দেলিগেসনশিংগা উনখি। প্রধান মন্ত্রীনা হায়খি মদুদি চাউখৎ থৌরাংগী অনৌবা ৱারী অমা ইখ্রে অমসুং জম্মু অমসুং কশ্মিরদা লনাইগী ইনভেস্তর কয়ানা থৱায় য়াওরক্লি। নিং-খা তম্বগী দিকেদ ৭তা জম্মু অমসুং কশ্মিরদা লনাইগী ইনভেসমেন্ত শুপ্নতগী লুপা করোর লিশিং ১৭ খক্তমক তৌখি। অদুবু হৌজিক্তি মসিদা চাওরাক্না লুপা করোর ৩৮,০০০ লোম য়ৌখ্রে। লমকোইবশিং অমুক হন্না হেনগৎলক্লি, হায়না প্রধান মন্ত্রীনা পনখি।   

মমাংদা দিল্লীদগী ফাইল অমা থাবা ফাওবা চয়োল ২-৩ চংলম্বা অদু সোলর প্লান্ত কিলোৱাত ৫০০ লিংখৎপদা চয়োল অহুম খক্তমক চংখিবা খুদম পীদুনা, প্রধান মন্ত্রীনা জম্মু অমসুং কশ্মিরদা থবক তৌবগী মওংদা অহোংবা লাক্লিবা অসিদা মরুওইবা পীখি।  মহাক্না হায়খি পল্লি পঞ্চায়তকী ইমুং খুদিংমক্তা সোলর পাৱর ফংলিবা অসি গ্রাম উর্জা স্বারাজকী মতিক চাবা খুদম্নি অমসুং থবকশিং তৌবদা অহোংবা লাক্লিবা অসিনা জম্মু অমসুং কশ্মিরবু অনৌবা থাক অমদা পুখৎলগনি। প্রধান মন্ত্রীনা জম্মু অমসুং কশ্মিরগী নহারোলশিংদা থাজবা পাখি। মহাক্না হায়খি “মরুপশা, ঐহাক্না হায়রিবশিং থাজবিয়ু, অদোমগী ইমা ইপা অমসুং ইপু ইবেন্না থেংনখিবা অৱাবশিং অদোম্না থেংনররোই। মসি ঐহাক্না থুংহনগনি অমসুং মদু অদোমগী মফমদা শোইদনা ফংনবগীদক ঐহাক্না লাকপা তাই”।

শ্রী মোদীনা ইন্তর্নেস্নেল এনভাইরোন্তমেন্তেল অমসুং ক্লাইমেৎ চেঞ্জকী প্লেতফোর্মদা ভারতকী লুচিংবশিং মতাংদা থমখি অমসুং পল্লি পঞ্চায়তনা কার্বোন ন্যুত্রেল পঞ্চায়ত অহানবা ওইনবগী লম্বীদা চৎলিবা অসিদা চাউথোকচবা ফোংদোকখি। “পল্লি পঞ্চায়ত অসি লৈবাক অসিদা অহানবা কার্বোন ন্যুত্রেল পঞ্চায়ত ওইনবা চংশিল্লি। ঙসি, ঐহাক্না পল্লি খুঙ্গংদা লৈবাক অসিগী খুঙ্গংশিংগী মীয়ামগী মীহুৎশিংগা লোয়ননা থেংনবগী খুদোংচাবসু ফংজরে। মসিগী চাউনা মায় পাকপা অমসুং চাফখৎ থৌরাংগী থবকশিং অসিগীদমক্তা জম্মু অমসুং কশ্মিরবু হন্না-হন্না থাগৎপা ফোংদোকচরি”, হায়না মহাক্না হায়খি।

প্রধান মন্ত্রীনা হায়খি মদুদি “জম্মু অমসুং কশ্মিরদা নেস্নেল পঞ্চায়তী রাজ দে থৌরম পাংথোকপা অসিনা য়াম্না চাউনা অহোংবা অমা পুরক্লি”। শ্রী মোদীনা য়াম্না অপেনবা ফোংদোকখি অমসুং জম্মু অমসুং কশ্মিরদা দেমোক্রেসী অসি মখোঙদগী হৌনা লাক্লি হায়বা অসিদা চাউথোকচৈ। “দেমোক্রেসী ওইগেরা নত্ত্রগা চাউখৎ থৌরাংগী ৱারেপ ওইগেরা, ঙসি জম্মু অমসুং কশ্মিরনা অনৌবা খুদম অমা উৎলি। হৌখিবা চহি ২-৩দা, জম্মু অমসুং কশ্মিরদা চাউখৎ থৌরাংগী অনৌবা মাইয়োন অমা লাক্লি”, হায়না প্রধান মন্ত্রীনা মরুওইবা পীখি।  অহানবা ওইনা, জম্মু অমসুং কশ্মিরদা তায়-অহুমগী পঞ্চায়ত রাজ সিস্তেম-গ্রাম পঞ্চায়ত, পঞ্চায়ত সমিতী অমসুং দি.দি.সি.গী মীখল পাংথোকখ্রে।

লৈবাক্কী চাউখৎ থৌরাংগী খোঙচৎতা জম্মু অমসুং কশ্মিরনা য়াওরকপগী থৌওংশিং অসি থম্লদুনা, প্রধান মন্ত্রীনা পাউদমখি মদুদি জম্মু অমসুং কশ্মিরদা কেন্দ্রগী লোশিং ১৭৫ হেন্না চৎনরি। মসিদা খ্বায়দগী য়াম্না কান্নবা ফংলিবা বেনিফিসরীশিং অসি নুপী, লায়রবা অমসুং শোৎথরবশিংনি। মহাক্না রিজার্বেসন ক্লোসশিংদা য়াওরিবা এনোমালিশিং লৌথোক্নবগী মরমদা ৱা ঙাংখি। “বালমিকি সমাঝাশিংবু দিকেদ কয়া মখোয়গী মখোঙদা পুন্দুনা লৈরকপা কোৎলৌশিং লৌথোকখ্রে। ঙসিদি ফুরুপ খুদিংগী মচা-মশুশিংনা মখোয়গী মংলানশিং মংফাওনবা ঙমহল্লে। জম্মু অমসুং কশ্মিরনা চহি কয়াদগী কান্নবা ফংলক্ত্রবা রিজার্বেসন হৌজিক্তি কান্নবসু ফংলে” হায়না মহাক্না হায়খি।  

মহাক্কী মিৎয়েং ‘এক ভারত শ্রেস্ত ভারত’তা থমদুনা, প্রধান মন্ত্রীনা শন্দোক্না হায়খি মদুদি মিৎয়েং অসি লম্বী ফাওনবা অমসুং অথাপ্পশিং লৈহন্দবা অসিদা থম্লি। “থম্মোয়নুংগী ওইগেরা, লোলশিং, চৎনবীশিং নত্ত্রগা ললশিংগী থাপ্নবা অসিবু মুথৎপা হায়বা অসি ঙসিদি ঐখোয়গী খ্বায়দগী চাউবা অহানবা থবক ওইরি”, হায়না মহাক্না মখা তাখি।

প্রধান মন্ত্রীনা লৈবাক অসিগী চাউখৎ থৌরাং অসি পঞ্চায়তকী থৌদাংশিংদা থমখি অমসুং হায়খি মদুদি “নিং-খা তম্বগী ‘অমৃত কাল’ অসি ভারতকী গোল্দন পেরিওদ ওইগদৌরিবনি। মসিগী ৱাশক অসি সবকা প্রয়াসনা থুংহনগনি। মসিদা, গ্রাম পঞ্চায়তকী থৌদাং অসি, দেমোক্রেসীগী মখোঙদগী হৌদুনা লাক্লি অমসুং অদোম পুম্নমকপু মসিদা খ্বায়দগী মরুওইবা অমা ওইরি”, হায়না মহাক্না হায়খি। মসি সরকারগী কন্না হোৎনজবনি, হায়না মহাক্না মরুওইবা পীখি, মদুদি খুঙ্গংগী চাউখৎ থৌরাংশিংগা মরী লৈনবা প্রোজেক্তশিং পুম্বগী থৌরাংশিংদা পঞ্চায়তকী থৌদাংশিং হেন্না লুম্না লৌগদবনি। “মসিগা লোয়ননা, লৈবাক্কী ৱারেপশিং মায় পাকপদা পঞ্চায়তশিংনা মরুওইবা মরী অমা থমগদবনি”, হায়না মহাক্না হায়খি। প্রধান মন্ত্রীনা হায়খি মদুদি ২০২৩গী ওগস্ত ১৫ ফাওবদা জিলা খুদিংদা সরোবর ৭৫ লৈরগনি। মহাক্না কন্না তকশিনখি মদুদি সরোবরশিং অসি উ-পাম্বীশিংগা লোয়ননা অথৌবশিং অমসুং নিংতম লান্মীশিংগী মমিংদা লেঙগনি। শ্রী মোদীনা গ্রাম পঞ্চায়তশিংগী ময়েং শেংবা অমসুং শক্তি পীবা ইনখৎনবগী মতাংদা শন্দোক্না হায়খি। ই-গ্রাম স্বারাজগুম্বা খোঙথাংশিংনা প্লানিংদগীনা পেমেন্ত ফাওবগী থৌওংশিংদা লিঙ্ক তৌরি। মহাক্না ইন্সতিত্যুসন অসিদা নুপীগী থৌদাংশিং অমসুং খুঙ্গংগী লৈঙাক মরুওইনা ঈশিংগী লৈঙাক উৎখি।

মহৌশাগী লৌউদা মহাক্না কন্না হোৎনরিবা অসিদা হন্না হায়দুনা প্রধান মন্ত্রীনা হায়খি মদুদি কেমিকেলশিংনা লৈবাক অমসুং লৈনুংগী ঈশিং শোকহনবা মরম্না ইমা পৃথিবীবু কনবা অসি য়াম্না লুই। মহাক্না হায়খি করিগুম্বা ঐখোয়গী খুঙ্গংশিংনা মহৌশাগী লোউদা চংশিল্লবা অদু ওইরবদি মীওইবা পুম্বদা কান্নবা ফংগনি। মহাক্না মতৌ করম্না মহৌশাগী লৌউবু গ্রাম পঞ্চায়তকী থাক্তা পুক্নিং থৌগৎপা য়াগদগে হায়না হংখি, মসিগীদমক্তা পুন্না হোৎনবা অমা চংই। মসিগা মান্ননা, গ্রাম পঞ্চায়তশিংনা ‘সবকা প্রয়াস’কী মতেংগা লোয়ননা মচি ওইবা চিঞ্জাক ৱাৎপগী লান্থেংনবদা মরুওইবা থৌদাং লৌগনি। “থবক ওইনা তৌরিবা মীওইশিংনা লৈবাক অসিবু মচি ওইবা চিঞ্জাক ৱাৎপগী অমসুং এনিমিয়াদগী কন্ননবা কেন্দ্র সরকারনা লৌখৎলিবা খোঙথাংশিং অসিগী মরমদা খঙগদবনি। হৌজিক্তি সরকারগী স্কীমশিংগী মখাদা পীরিবা চেং অসি ফোর্তিফাইদ তৌরে”, হায়না মহাক্না পাউদমখি।   

২০১৯গী ওগস্ততা জম্মু অমসুং কশ্মিরগী য়েংদুনা কন্সতিত্যুস্নেল রিফোর্মশিং হৌদোকখিবদগী, সরকার অসিনা লৈঙাকপু থাক অমদা ফগৎনবা য়াম্না পাক চাউনা রিফোর্মশিং পুরক্নবা মিৎয়েং চংলি অমসুং মফম অসিদা লৈরিবা মীওইশিংদা অমুক্তা থোকখিদ্রিবা খোঙজেলদা ইজ ওপ লিবিং হেনগৎনবা হোৎনরি। শঙ্গাখিবা প্রোজেক্তশিং অমসুং উরেপ উয়ুং তমখিবশিং অসিনা মফম অসিদা তঙাইফদনা চংগদবা পোৎলম, চৎথোক-চৎশিন্দা নুঙাইহনবা অমসুং ইনফ্রাস্ত্রকচরগী চাউখৎ থৌরাং লায়থোকহল্লগনি।

প্রধান মন্ত্রীনা লুপা করোর ৩১০০ চংবা শাবা বনিহাল কাজিগুন্দ রোদ তন্নেল শঙ্গাখ্রে। কি.মি. ৮.৪৫ শাংবা তন্নেল অসিনা বনিহাল অমসুং কাজিগুন্দগী মরক্তা লৈরিবা লম্বীগী অথাপ্পা কি.মি. ১৬তা হন্থহল্লগনি অমদি চৎপগী মতম্না চাওরাক্না পুং অমা মখায়দা হন্থরগনি। অসি অনি ফাংবা ত্যুব তন্নেলনি – অমনা মাইকৈ খুদিংমক চৎনবা - অনি ফাংবা ত্যুব অসিদা মিতর ৫০০ খুদিংগী ক্রোস পেসেজ অমনা শম্নরি, মসিনা শেম্নবা অমসুং খুদক্তা থোকপা য়ানবনি। তন্নেল অসিনা কুম্বী-কালেন নাইদনা জম্মু অমসুং কশ্মিরগা লম্বী ফাওনরগনি অমসুং মফম অনি হেন্না নকশিন্নরগনি।   

প্রধান মন্ত্রীনা লুপা করোর ৭৫০০ চংনা শাবা দিল্লী-অম্রিৎসর-কত্রা এক্সপ্রেসৱেগী রোদ পেকেজ অহুমগী উরেপ উয়ুং তমখ্রে। মসি দিল্লী-অম্রিৎসর-কত্রা এক্সপ্রেসৱে লাকশিন্নবা লেন ৪/৬গী শাগৎপনি: গুরহা বেলদরনগী এন.ঐচ.-৪৪দা বালসুৱা, হিরানগর; গুরহা বেলদরন, হিরানগরদগী জাখ, বিজয়পুর; অমসুং জাখ, বিজয়পুরদগী কুঞ্জৱঞ্জ, জম্মু এয়রপোর্তকা ফাওবা লম্বী ফাওনবগা লোয়ননা জম্মু ফাওবা। 

প্রধান মন্ত্রীনা রাতল অমসুং ক্বার হায়দ্রোইলেক্ত্রিক প্রোজেক্তশিংগী উরেপ উয়ুংসু তমখ্রে। মেগাৱাত ৮৫০গী রাতল হায়দ্রোইলেক্ত্রিক প্রোজেক্ত অসি চাওরাক্না লুপা করোর ৫৩০০ চংনা কিশত্বার জিলাগী চেনাব তুরেলদা শাগদবনি।  মেগাৱাত ৫৪০গী ক্বার হায়দ্রোইলেক্ত্রিক প্রোজেক্ত অসিনা লুপা করোর ৪৫০০ হেন্না চংনা কিশত্বার জিলাগী চেনাব তুরেলদা শাগদবনি। প্রোজেক্ত অনিমক্না মফম অসিগী পাৱরগী তঙাইফদবশিং ফংহল্লগনি।

জম্মু অমসুং কশ্মিরদা জন ঔশদী কেন্দ্রশিংগী নেৎৱার্ক মখা তানা পাকথোক-চাউথোক্নবা অমসুং অফবা মখলগী হিদাক লাংথক অহোংবা মমলদা ফংহন্নবা, কেন্দ্র ১০০ লৈবাক অসিদা প্রধান মন্ত্রীনা মথৌ তৌহনখ্রে অমসুং খুৎশিন্নখ্রে। মসিগী কেন্দ্রশিং অসি য়ু.তি.গী অরাপ্পা কাচিন্দা লৈরি।  মহাক্না পল্লিদা কে.দবল্যু. ৫০০গী সোলর পাৱর প্লান্ত অমসু শঙ্গাগনি, হায়রিবা অসিনা লৈবাক অসিগী কার্বোন ন্যুত্রেল ওইবা অহানবা পঞ্চায়ত ওইরগনি।

প্রধান মন্ত্রীনা বেনিফিসরীশিংদা এস.ভি.এ.এম.আই.তি.ভি.এ. কার্দশিং খুৎশিন্নখি। মহাক্না নেস্নেল পঞ্চায়তী রাজ দেদা মখোয়গী মায় পাকপশিংগীদমক কেতগরী কয়াদা এৱার্দ ফংখ্রবশিংদা পৈশা ওইনা এৱার্দ পীখি। প্রধান মন্ত্রীনা মফম অসিগী খুঙ্গংগী হেরিতেজ উৎলিবা ইনতাচ ফোতো গেল্লরী অমসুং ভারত্তা শ্মার্ত ভিলেজগী মপুং ফাবা খুঙ্গংগী ওইবা ওন্ত্রোপ্রিন্যুরশিপ্তা য়ুম্ফম ওইবা মোদেল দিজাইন ওইরিবা নোকিয়া শ্মার্তপুরসু চৎখি।

ঈশিংগী মফমশিং হিংগৎহন্নবগী মিৎয়েংগা লোয়ননা, প্রধান মন্ত্রীনা অমৃত সরোবর কৌবা অনৌবা খোঙথাং অমসু হৌদোকখ্রে। মসিনা অজাদি কা অমৃত মহোৎসবকী থৌরমগী শরুক অমা ওইনা লৈবাক অসিগী জিলা খুদিংদা ঈশিংগী মফমশিং ৭৫ ফগৎহন্ননবা অমসুং হিংগৎহন্ননবা পান্দম থম্লি।

ৱা ঙাংখিবগী মপুংফাবা ৱারোল পানবা মসিদা নম্বীয়ু

Explore More
পি.এম.না ৭৬শুবা নীংতম নুমিৎকী থৌরমদা লাল কিলাগী লানবন্দগী জাতি মীয়ামদা থমখিবা ৱারোল

Popular Speeches

পি.এম.না ৭৬শুবা নীংতম নুমিৎকী থৌরমদা লাল কিলাগী লানবন্দগী জাতি মীয়ামদা থমখিবা ৱারোল
What prof Rajan didn't get about Modi govt's PLI scheme'

Media Coverage

What prof Rajan didn't get about Modi govt's PLI scheme'
...

Nm on the go

Always be the first to hear from the PM. Get the App Now!
...
PM shares memories with Lata Mangeshkar ji
September 28, 2022
Share
 
Comments

The Prime Minister, Shri Narendra Modi has shared memories and moments of his interactions with Lata Mangeshkar ji.

Quoting a tweet thread from Modi Archives, the Prime Minister tweeted:

“Lovely thread. Brings back so many memories…”