Share
 
Comments
ঐখোয়না হৌজিক্কী দিকেদ অমসুং লাক্কদৌরিবা দিকেদশিংগী তঙাই ফদবশিং থেংনবা ঙম্নবা শেম-শাদুনা লৈগদবনিঃ পি.এম.

প্রধান মন্ত্রী, শ্রী নরেন্দ্র মোদীনা লুচিংদুনা কাউন্সিল ওফ সাইন্তিফিক অমসুং ইন্দস্ত্রীএল রিসর্চ (সি.এস.আই.আর.) সোসাইতীগী মীফম অমা ঙসি ভিদিও কনফরেন্সিংগী খুত্থাংদা ফমখ্রে।

থৌরম অসিদা ৱা ঙাংবদা, প্রধান মন্ত্রীনা কোরোনা লাইচৎ অসিনা হন্দক্কী চহি-চা অসিগী খ্বাইদগী চাউবা শিংনবা অমা ওইরে হায়না ফোংদোকখি। অদুবু, হৌখিবা মতমশিংদা মীওইবা খুন্নাইগী অচৌবা শিংনবা কয়া লৈখিবা মতমদা, সাইন্সনা অফবা তুংগী লম্বী শেমখি। সাইন্সকী তৌফম থোকপা থৌওংদি, শিংনবা মনুংদা ৱারোইশিন অমসুং ওইথোকপা য়াবা থৌওং পুথোক্তুনা অনৌবা পাঙ্গল লৈহনবনি হায়না মহাক্না মখা তানা হায়খি।

প্রধান মন্ত্রীনা সাইন্তিস্তশিংনা মীওইবা খুন্নাইবু লাইচৎ অসিদগী কনবা ঙম্নবা চহি অমগী মনুংদা ভেক্সিন পুথোক্নবগীদমক্তা পাক-চাউনা অমসুং খোঙজেল য়াঙনা হোৎনখিবগীদমক্তা মখোয়বু থাগৎপা ফোংদোকখি। মসিগুম্বা চাউরবা থৌদোক অমা পুৱারীদা থোকখিবা অসি হন্দক্কী অসিনা অহানবনি হায়না মহাক্না মখা তাখি। মমাংগী চহি চাদদি, অতোপ্পা লৈবাকশিংনা অনৌবা কয়া পুথোকপনি অমসুং ভারতনা মদুগীদমক্তা চহি কয়া ঙাইখিবনি হায়না মহাক্না হায়খি। অদুবু, ঙসিদি, ঐখোয়গী লৈবাক্কী সাইন্তিস্তশিংনা অতোপ্পা লৈবাক্কা মান্নবা খোঙজেল অমসুং চাংদা থবক তৌরি। কোরোনাগী মাইয়োক্তা লান্থেংনরিবা অসিদা ভারতপু কোবিদ-১৯গী ভেক্সিন, তেস্তিং কিৎ, তঙাই ফদবা খুৎলায় অমসুং মথৌ পাংথোকপা ঙম্বা অনৌবা হিদাকশিংগী মতাংদা মরোমদোম লেপ্পা ঙমহনবগীদমক্তা মহাক্না সাইন্তিস্তশিংবু থাগৎখি। সাইন্স অমসুং তেক্নোলোজীবু চাউখৎপা লৈবাকশিংগা চাং মান্ননা পুরকপা অসিনা ইন্দস্ত্রী অমসুং মার্কেৎশিংগী কান্নবা ওইগনি হায়না মহাক্না মখা তানা ফোংদোকখি।

প্রধান মন্ত্রীনা ঐখোয়গী লৈবাক অসিদা সাইন্স, খুন্নাই অমসুং ইন্দস্ত্রীবু মান্নবা থাক্তা লৈহন্নবগীদমক্তা সি.এস.আই.আর.না ইন্সতিত্যুসনশিং শিন্দোক-শিঞ্জিন তৌবগী থৌদাং লৌদুনা মথৌ তৌরি হায়খি। ঐখোয়গী অসিগুম্লবা ইন্সতিত্যুসন অসিনা শান্তি স্বরুপ ভত্নাগরগুম্বা হৈ-শিংবা মীওই অমসুং সাইন্তিস্ত কয়া লৈবাক অসিদা পীখ্রবনি অমসুং মখোয়না ইন্সতিত্যুসন অসিবু মাংজিল থাহল্লিবনি। সি.এস.আই.আর.গী মপাঙ্গল লৈবা রিসর্চ সেৎ অমসুং পেতেন্ত ইকোসীস্তেম কয়া অমা লৈ হায়না ফোংদোকখিবগা লোয়ননা লৈবাক অসিনা থেংনরিবা শিংনবা কয়াগী ৱারোইশিন পুরক্নবা সি.এস.আই.আর.না কন্না হোৎনরি হায়নসু মহাক্না ফোংদোকখি।

প্রধান মন্ত্রীনা লৈবাক অসিগী পান্দম অমসুং ২১শুবা চহি চাগী লৈবাক মীয়ামগী মঙলান্দি হৌরকফম ওইরিবা মখোঙদা য়ুম্ফম ওইরে হায়খি। মরম অদুনা, সি.এস.আই.আর.গুম্বা ইন্সতিত্যুসন অসিগী পান্দমদি মহৌশাদগী তোঙানবনি। ঙসিগী ভারতনা সেক্তর খুদিংনা দিজাজতর মেনেজমেন্ততগী হৌদুনা দিফেন্স তেক্নোলোজী ফাওবা অমসুং ভেক্সিন্দগী হৌদুনা ভর্চুএল রিএলিতী ফাওবদা মরোমদোম লেপচবা অমসুং মপাঙ্গল লৈবা পাম্মি। ঙসিদি ভারতনা, তুং কোইনা চাউখৎকদবা অমসুং অশেংবা ইনর্জীগী মতাংদা মালেমদা লম্বী তাক্লি হায়নসু মহাক্না মখা তাখি। ঙসিদি, ভারতনা মালেম চাউখৎপদা অচৌবা থৌদাং য়ারদুনা সোফৱেয়রদগী সেতিলাইৎ ফাওবদা, অতোপ্পা লৈবাকশিংনা চাউখৎপদা খোঙজেল য়াঙখৎহল্লি। মরম অসিনা, ভারতকী পান্দম অসিদি হৌজিক্কী দিকেদ অসিগা লোয়ননা লাক্কদৌরিবা দিকেদশিংগী তঙাই ফদবশিংদা য়ুম্ফম ওইদুনা থমগদবনি হায়না মহাক্না ফোংদোকখি।

প্রধান মন্ত্রীনা মালেমগী অখঙ-অহৈ কয়ানা অইং-অশা হোংবগী মতাংদা থোকহন্নীংদবা থৌদোক থোক্লকপা য়াবগী ৱাফম কয়া তত্তনা ফোংদোক্নরি হায়না পনখি। মহাক্না সাইন্তিস্ত অমসুং ইন্সতিত্যুসনশিংনা সাইন্সতা য়ুম্ফম ওইদুনা মসিগা থেংনবা ঙম্নবা থৌরাং তৌদুনা লৈনবা ৱাফমসু ফোংদোকখি। মহাক্না কার্বোন কেপচরদগী ইনর্জী তুংশিন্দুনা থম্বা অমসুং গ্রীন হাইদ্রোজেন তেক্নোলোজী ফাওবগী সেক্তরশিংদা খ্বাইদগী মমাংদা লৈদুনা লমজিংনবা ৱাফমসু থমখি। মহাক্না সি.এস.আই.আর.দা খুন্নাই অমসুং ইন্দস্ত্রীবুসু থৌওং অসিগী মনুং চলহনসি হায়নসু ফোংদোকখি। মহাক্কী ৱাফম ইন্দুনা মীয়ামদগী পাউতাক লৌবা হৌখিবগীবগীসু মহাক্না সি.এস.আই.আর.বু থাগৎখি। ইং ২০১৬তা হৌদোকখিবা এরোমা মিসন্দা সি.এস.আই.আর.না লৌখিবা থৌদাংবুসু মহাক্না থাগৎপা ফোংদোকখি। লৈবাক অসিগী লৌমী লিশিং কয়ানা ঙসিদি ফ্লোরিকলচরগী খুত্থাংদা মখোয়গী মরল-মথুমদা অহোংবা পুরক্নরি হায়না মহাক্না মখা তাখি। ভারতনা মীরমদগী লৈদুনা মীপাল তাংলম্বা এসাফোতিদাবু লৈবাক অসিদা থানবা তেংবাংবগীদমক্তা মহাক্না সি.এস.আই.আর.গী মফমদা থাগৎপা ফোংদোকখি।

প্রধান মন্ত্রীনা সি.এস.আই.আর.দা তুংগী থৌরাং য়াৎথোকপগা লোয়ননা নীংথিনা শেম্লবা লম্বীদা তুংলমচৎকীদমক্তা চৎনবা হায়খি। মসিগী কোরোনাগী কোবিদ-১৯ ইরাং অসিনা চাউখৎপগী চাং য়াম্না তপথহল্লে অদুবু আত্মানির্ভর ভারতকী পান্দম ফংনবা খোঙফম চেৎপদি হনবা লৈতনা লেংদনা লৈরি। ঐখোয়গী লৈবাক অসিদা ফংলিবা খুদোংচাবা কয়াবু নীংথিনা শিজিন্ননবা ৱাফম অমসু মহাক্না ফোংদোকখি। ঐখোয়গী এম.এস.এম.ই. অমসুং স্তার্ত-অপশিংগীদি লৌউ-শিংউদগী হৌদুনা এজুকেসন সেক্তর ফাওবগী লম খুদিংদা তৌবা ঙম্বগী চাউরবা মতিক অমা লৈরি হায়না মহাক্না পাউদমখি। ঐখোয়গী সাইন্তিস্ত অমসুং ইন্দস্ত্রীশিংনা কোবিদ ইরাংগী মনুংদা হীরম খুদিংদা ফংখিবা মায়-পাকপশিংবু অমুক্কা হন্না পাংথোকসি হায়না মহাক্না মখোয়গী মফমদা তকশিনখি।

 

ৱা ঙাংখিবগী মপুংফাবা ৱারোল পানবা মসিদা নম্বীয়ু

'মন কী বাত'কীদমক্তা হৌজিক অদোমগী ৱাখল্লোন অমদি তান-ৱাশিং শেয়র তৌবীয়ু!
Modi Govt's #7YearsOfSeva
Explore More
It is now time to leave the 'Chalta Hai' attitude & think of 'Badal Sakta Hai': PM Modi

Popular Speeches

It is now time to leave the 'Chalta Hai' attitude & think of 'Badal Sakta Hai': PM Modi
PLI scheme for auto sector to re-energise incumbents, charge up new players

Media Coverage

PLI scheme for auto sector to re-energise incumbents, charge up new players
...

Nm on the go

Always be the first to hear from the PM. Get the App Now!
...
Minister of Foreign Affairs of the Kingdom of Saudi Arabia calls on PM Modi
September 20, 2021
Share
 
Comments

Prime Minister Shri Narendra Modi met today with His Highness Prince Faisal bin Farhan Al Saud, the Minister of Foreign Affairs of the Kingdom of Saudi Arabia.

The meeting reviewed progress on various ongoing bilateral initiatives, including those taken under the aegis of the Strategic Partnership Council established between both countries. Prime Minister expressed India's keenness to see greater investment from Saudi Arabia, including in key sectors like energy, IT and defence manufacturing.

The meeting also allowed exchange of perspectives on regional developments, including the situation in Afghanistan.

Prime Minister conveyed his special thanks and appreciation to the Kingdom of Saudi Arabia for looking after the welfare of the Indian diaspora during the COVID-19 pandemic.

Prime Minister also conveyed his warm greetings and regards to His Majesty the King and His Highness the Crown Prince of Saudi Arabia.