ইয়োর রোয়েল হাইনেস,
ইয়োর এক্সেলেন্সী প্রধান মন্ত্রী,
লৈবাক অনিমক্কি বিজিনেস কোলিগশিং,
ঙসি নোর্ৱে অমসুং ভারতকি বিজিনেস অমসুং রিসর্চকি লুচিংবশিংগী মরক্তা ৱারি শানবগী খুদোংচাবা অমা ওইরে । ঐহাক্না নোর্ৱেগী প্রধান মন্ৎরিবু থমোই শেঙনা থাগৎপা ফোঙদোকচরি মদুদি মহাক্না সমীৎ অসি অসুক য়াম্না চাওনা পাংথোকখি।
ঙসি নোর্ৱে অমসুং ভারতকি বিজিনেস অমসুং রিশরশ কমুনিতিশিংগী মরক্তা লৈবা অসি ঐগীদমকতদি য়াম্না নুংঙাইবা অমনি। ঐহাক্কি মরুপ খরদগী তাবা ফংজবদা ঐহাক্না থাজবা থম্লি মদুদি ঐখোয়গী পার্ত্নরশিপকি য়ুমফম অসি য়াম্না চেৎলি।
মসি পোতেন্সিয়েলগী পার্ত্নরশিপ খক্তমক নত্তে; মসি খুদম লৈরবা পার্ত্নরশিপ অমনি। ঙসি ফুদ, ফ্যুএল, অমসুং ফর্তিলাইজরগী সেক্যুরিতি অসি মালেমগী ওইবা শিংনবা অমা ওইরকপা মতমদা, ভারত অমসুং নোর্ৱেনা পুন্না থবক তৌমিন্নদুনা মখোয়বু কোকহল্লি। ভারতকি ফুদা সেক্তরদা ওরক্লানা শেল থাদবা ওইরবসু, ইকুই কুইদনা ভারত্তা এল.পি.জি. অমসুং এল.এন.জি. সপ্লাই তৌবগী ৱাফম ওইরো, নত্রগা য়ারাগী ভারতকী ফর্তিলাইজরগী লমদা লৌবা থৌদাং ওইরো।
ঐহাক্না নুংঙাইবা ফাওই মদুদি অদোম সি.ই.ও কয়ানা মতম পুম্নমক্তা ভারতকি ভাইব্রেন্ত গুজরাৎ অমসুং অতোপ্পাা ইনভেস্তর সমীৎশিংদা থৱাই য়াওনা শরুক য়াবিরি। হৌজিক ঐখোয়না পার্ত্নরশিপ অসিগী ইন্তেন্সিতি হেঙ্গৎহনগদবনি অমসুং মসিবু অনৌবা ফ্রন্তিয়রশিংদা পুখৎকদবনি।
অমসুং মসি খোঙথাং অমদা লৌখৎপা অসিনা থবক ওইনা পাঙথোক্লোই। ঐখোয়না খোঙজেল হেনগৎহনগদবনি অমসুং য়াম্না ৱাংবা পান্দমশিং থমগদবনি।
মরুপশিং,
ভারতকা শম্নরিবা অদোম, অমসুং মফম অসিনা ঐহাক্না অদোমগা ৱারি শানখিবা অদু... মসিদাগী হেন্না ফবা মতম অমা লৈবা ঙম্লোই হায়না ঐহাক্না থাজৈ। ঙসি ঐখোয়না মসিবু অচুম্বা মওংদা শিজিন্নবগী খুদোংচাবা অমা ফংলিবা মতম অমনি।
২০২৫গী ওক্তোবরদা ঐখোয়না য়ুরোপিয়ন ফ্রী ত্রেদ এসোসিএসনগা লোয়ননা ত্রেদ অমসুং ইকোনোমিক পার্ত্নরশিপ এগ্রীমেন্ত নত্রগা "তেপা" ইমপ্লিমেন্ত তৌখি। মসিগী অখন্নবা অমসুং অখন্নবা য়ানচে অসি ঐখোয়গী মরক্তা তেলেন্ত, তেক্নোলোজি, অমসুং নাকল অনিগী থাজবগী য়ানচে অমনি।
য়ানচে অসিগী খুৎথাংদা ঐখোয়না দোল্লর বিলিয়ন ১০০গী ইনভেস্তমেন্ত পুক্নিং চিংশিনবা অমসুং মথংগী চহি তরাগী খুজিং মঙাদা ই.এফ.তি.এ.গী লৈবাকশিংদগী ভারত্তা থবক মিলিয়ন অমা পিনবা পান্দম থম্লি। মসি অচৌবা পান্দম অমনি, অদুবু মসি ফংবা য়াবা অমনি। অমসুং ঐহাক্না অদোমদা থাজবা পিরি মদুদি ভারত্তা অদোমগী ইনভেস্তমেন্তশিং অদু আওতকমদা ওন্থোক্কনি হায়বগী গরেন্তি ঐখোয়না পিরি।
মরুপশিং,
ঐহাক্না অদোমদা কান্নবা ওইরকপা য়াবা শেক্তর অনি পনজগে । ভারতকি খোঙজেল য়াংনা চাওখৎলকলিবা মিদল ক্লাস অসিনা ন্যুত্রিশন অমসুং হেল্থ সেক্তরদা অচৌবা দিমান্দ অমা শেমগৎলি। মসিগী দিমান্দা অসি ফংহনবদা নোর্ৱেগী ফুদ, ফিসরিজ, অমসুং হেল্থকেয়র কম্পেনিশিংনা ভারতকি অচেৎপা পার্ত্নর ওইবা য়াই।
মতৌ অসুম্না ক্লিন ইনরজিদা ভারতকি মঙলান অসি চাংদম্নবা ঙমদে। ২০৩০ ফাওবদা ঐখোয়না ক্লিন ইনরজি গীগাৱাৎ ৫০০ অমসুং গ্রীন হায়দ্রোজেন তন মিলিয়ন ৫ পুথোকনবা পান্দম থম্লে। ক্লিন ইনরজি ইনভেস্তমেন্ত অসিসু নোর্ৱেগী ৱেলথ ফন্দগীদমক মরু ওইবা অমনি। ভারতকি ক্লিন ইনরজি তুংলমচৎতা মরু ওইবা পার্ত্নর অমা ওইনবা ঐহাক্না নোর্ৱেবু কৌজরি ।
মরুপশিং,
ঐখোয়না রিফোর্ম, পর্ফোর্ম, অমসুং ত্রান্সফোর্ম হায়বা মন্ত্র অসিগা লোয়ননা মাংলোমদা চঙশিল্লি। হৌজিক য়েংলুরগদি হৌখিবা চহি ১২ অসিনা ভারতকি ইকোনোমিক দি.এন.এ. অসি মপুং ওইনা য়াংশিলহনখ্রে।
ঐখোয়না লেপ্তনা কমপ্লাইএন্স হন্থহল্লি, অমসুং সরকারনা ললোন-ইতিক তৌবদা লাইবা হেনগৎহন্নবা য়াম্না প্রোএক্তিব ওইবা খোঙথাংশিং লৌখৎলি।
হন্দক্তা ঐখোয়না তেক্স, লেবর কোদ, অমসুং গবর্নান্সগুম্বা হিরমশিংদা মথংগী মীরোলগী রিফোর্মশিং পায়খৎলে। হৌজিক ভারততা মেন্যুফেকচরিংবু মথংগী থাক অমদা পুখৎনবা ঐখোয়না খ্বাইদাগী ফবা খুদোংচাবশিং ফংহল্লি হায়না ঐনা থাজৈ। মরুওইবা সেক্তর কয়াদসু ঐখোয়না ইনশেন্তিবশিং পিরি।
মসিগী মঙাল নাইরবা খুদম অমদি ঐখোয়গী জহাজ শাবগী সেক্তরনি। স্ত্রেতেজিক মেন্যুফেকচরিং সেক্তর অমা ওইনা সেক্তর অসিবু য়াম্না থুনা মাংলোমদা পুখৎনবা ঐখোয়না থবক পায়খৎলি। ঐখোয়না জহাজ শাবগী ক্লস্তরশিং শেমগৎলি অমসুং লোয়বা নাইদবা ইকোসিস্তেম অমা শেমগৎলি।
জহাজ শাবগা লোয়ননা ভারত অসি এম.আর.ও., গ্রীন শিপিং, অমসুং মেরিতাইম সর্ভিসশিংগী মালেমগী হব অমা ওইরক্লি।
ঙসিদি নোর্ৱেগী জহাজশিংগী চাওরাক্না ১০%দি ভারত্তা শারি। মথংগী চহি মঙাদা মসি ২৫%দা হেনগৎহনবা ঙমগদ্রা? মসি অরুবা থবক অমনি হায়না ঐনা থাজৈ। ঐখোয়না হৌজিক খোঙজেল য়াংখৎলে। ঐখোয়না অচৌবা পান্দমশিংগা লোয়ননা অচৌবা খোঙথাংশিং মথৌ তাই।
ভারতকি পোলিসি তংদু লৈতাবা অমসুং ইন্সেন্তিবশিংগী কান্নবা লৌদুনা হীরম অসিনা অচৌবা পার্ত্নর অমা ওইনাবা ঐনা ময়াম পুম্নমকপু কৌজরি।
মরুপশিং,
ঙসি প্রধান মন্ৎরি অমসুং ঐহাক্না ভারত-নোর্ৱেগী মরি অসি গ্রীন স্ত্রেতেজিক পার্ত্নরশিপ অমদা হেঙ্গৎহল্লে। মসিগী স্ত্রেতেজিক পার্ত্নরশিপ অসিনা মরুওইবা মিনরেলশিং, এ.আই., সাইবর, স্পেস, অমসুং দিফেন্সগুম্বা সেক্তরশিংদা নোর্ৱেগী কম্পেনিশিংদসু মপূঙ ফানা মতেং পাংগনি। হীরম পুম্নমক অসিনা ভারতপু ইনোবেসন অমসুং মেন্যুফেকচরিং বেজ অমা ওইহন্নবা ঐহাক্না অদোমদা তকশিল্লি।
মরুপশিং,
ঙসি ঐখোয়না লেব-তু-লেব, য়ুনিভর্সিতি-তু-য়ুনিবর্সিতি, অমসুং সাইন্তিস্ত-তু-সাইন্তিস্ত পার্ত্নরশিপ য়াওনা ভারত-নোর্ৱেগী মরি চেৎশিলহল্লি। ভারতকি সি.এস.আই.আর., স্তার্ত-অপ ফন্দশিং, অমসুং নোর্ৱেগী রিসর্চ ইন্সতিত্যুসনশিংনা পুন্না থবক তৌমিন্নবা হেনগৎহল্লি। মসিনা লৈবাক অনিমক্কি রিসর্চ অমসুং স্তার্ত-অপ ইকোসিস্তেমগা শম্নহল্লগনি।
মরুপশিং,
নোর্ৱেগী ওইনদি, ঐখোয়না ইনভেস্ত ইন্দিয়াদা কৎথোক্লবা ত্রেদ ফেসিলিতেসন দেস্ক অমা হাংদোক্লে, মসিনা ৱাফম অসি অকক্ননা কোকহনগনি। মসিগী দেস্ক অসিনা ভারততা অদোমগী ইনভেস্তমেন্তকি খোঙচৎ অদু হেন্না নিংথিনা, য়াম্না থুনা অমসুং হেন্না ইফেক্তিব ওইহল্লগনি।
অসিগুম্বা কৎথোক্লবা সিস্তেম অসিনা মশক থোকপা খুদোংচাবা পিরি। রাজ্যশিংগা কোওর্দিনেসন ফাওবা খুদোংচাই। অমসুং করিগুম্বা অদোম্না ৱারেপ লৌবগী থৌওংদা অহোঙবা অমা পুরকপা মথৌ তারবদি মদুসু য়াম্না থুনা থোকপা য়াই। অমসুং মরম অসিনা ঐখোয়না অখন্নবা থৌরাং অমা শেম্লে।
হৌজিক অদোম পুম্নমক্তা ঐহাক্কি মরুওইবা পাওজেলদি মসিনি: লাকউ, ভারত্তা অদোমগী স্কোপ অমসুং এম্বিসন অনিমক পাকথোক চাওথোকহনবিয়ু। ঐহাক্না নখোয়বু ভারত্তা লাক্নবা কৌজরি।
অদোম্না এক্সপরিয়েন্স পুম্নমক অসিগী মতাংদসু খঙবিগনি। ঐহাক্না নখোয়দা ঐহাক্কি থাজবা অদুসু পিজরে। অমসুং মওং অমদা বোল অদু অদোমগী কোর্ততা লৈরিবগুম্বনি।
অদোম্না এক্সপরিয়েন্স পুম্নমক অসিগী মতাংদসু খঙবিগনি। ঐহাক্না নখোয়দা ঐহাক্কি থাজবা অদুসু পিজরে। অমসুং মওং অমদা বোল অদু অদোমগী কোর্ততা লৈরিবগুম্বনি।
থাগৎচরি।
