প্রধান মন্ত্রী শ্রী নরেন্দ্র মোদীনা দিল্লীদা থুংখিবদা তরাম্না ওকখ্রে। প্রধান মন্ত্রীনা চন্দ্রয়ান-3 থাদা মাই পাক্না লেন্দ তৌখ্রবা মতুংদা ISRO তীমগা উনরবা মতুংদা বেঙ্গলুরুদগী দিল্লীদা থুংখ্রে। প্রধান মন্ত্রীনা খা অফ্রিকা অমসুং গ্রীসতা নুমিৎ 4গী খোংচৎ চৎলুরবা মতুংদা বেঙ্গলুরু তম্না চৎখিবনি। শ্রী জে পি নদ্দানা প্রধান মন্ত্রীবু তরাম্না ওকখি অমসুং মহাক্কী মাইপাক্লবা খোঙচৎ অমসুং ভারতকী বিজ্ঞানিকশিংগী অচৌবা মাইপাকপশিং অসিগীদমক মহাকপু ইকাই খুম্নবা উৎখি।
মীয়াম্না তরাম্না ওকপা অসিগী মতাংদা ৱা ঙাংলদুনা প্রধান মন্ত্রীনা চন্দ্রয়ান-3 মাইপাকপদা মীয়াম্না নুংঙাইবা ফোঙদোক্লিবা অসিদা মহাক্না তৌবীমল খঙবা উৎখি। প্রধান মন্ত্রীনা মহাক্না ISRO তীমগা ৱারী শাবগী মতাংদা ফোঙদোকখি অমসুং চন্দ্রয়ান-3গী মুন লেন্দরনা তাখিবা পোইন্ত অদু ‘শিব শক্তি’ হায়না খঙনরগনি হায়না মহাক্না ফোঙদোকখি। শিব হায়বদি সুভম হায়বনি অমসুং শক্তিনা নারী শক্তি তাক্লি। শিব শক্তিনা হিমালয় অমসুং কন্যাকুমারিগী মরীসু তাক্লি। মতৌ অসুম্না প্রধান মন্ত্রীনা চন্দ্রয়ান 2না মাগী ফুতপ্রিন্ত 2019দা তাহনখিবা পোইন্ত অদুবু ‘তিরঙ্গা’ হায়না হৌজিক কৌরগনি। মহাক্না হায়খি মদুদি মতম অদুদসু প্রপোজেল অমা লাকখি অদুবু মতম অদুদা থমোয় অসিনা শেম শাদুনা লৈখিদে। মহাক্না হায়খি চন্দ্রয়ান-2গী পোইন্ধ মমিং থোনবগী ফিরেপ অসি মিসন অসিনা মপুং ফানা মাইপাক্লবা মতুংদা খক্তা তুমিন্না লৌখি। “তিরঙ্গানা শীংনবা খুদিংমক মায়োক্ননবা শক্তি পীখি’ হায়না প্রধান মন্ত্রীনা ফোঙদোকখি। মহাক্না ওগস্ত 23 অসিবু নেস্নেল স্পেস দে হায়না পালন তৌনবা ৱারেপসু লাউথোকখি। প্রধান মন্ত্রীনা মহাক্কী খোঙচৎ মনুংদা ভারত্তা মালেমগী মীয়াম্না পীরকপা য়াইফ পাউজেল অমসুং নুংঙাইবা ফোঙদোকপগী পাউজেলশিং মীয়ামদা পাউদমখি।
প্রধান মন্ত্রীনা হায়খি ভারতনা মাগী ফীদম অমসুং মাইপাকপশিংদা য়ু্ম্ফম ওইদুনা অনৌবা শাফু অমা পীরি অমসুং মসি মালেম্না খংলি।
ভারতকী প্রধান মন্ত্রী অমনা হৌখিবা চহি 40 অসিদা অহানবা ওইনা চৎখিবা মহাক্কী গ্রীস খোঙচৎ অদুগী মতাংদা পল্লদুনা পি.এম. মোদীনা গ্রীসতা ভারতকীদমক ফাওরিবা মীনুংশি অমসুং ইকাই খুম্নবা অদু পাউদমখি অমসুং হায় অমরোমদা গ্রীসনা য়ুরোপ ফাওবগী ভারতকী গেতৱে অমা ওইরগনি অমসুং ভারত অমদি EUগী অফবা মরীশিংগী মপাঙ্গল লৈবা মেদিয়ম অমা ওইরগনি।
প্রধান মন্ত্রীনা সাইন্স হেন্না চাউখৎহনবদা নহারোলশিংগী থৌদাং তঙাই ফদে হায়না ফোঙদোকখি। মহাক্না হায় মরম অসিনা স্পেস সাইন্স অসি মীচম মীয়ামগী গুদ গভর্নান্সকীদমক অমসুং ইজ ওফ লিবিংগীদমক করম্না শীজিন্নবা য়াবগে য়েংবা তঙাই ফদে। সর্ভিস দেলিবরী, ত্রান্সপরেন্সী অমসুং পরফেক্সন লৈহনবদা স্পেস সাইন্স শীজিন্নবগী লম্বিশিং পুথোক্নবা সরকারগী বিভাগশিং দিপ্লোই তৌবগী মহাক্কী ৱারেপশিং নৌহৌননা ফোঙদোকখি। মসিগীদমক লাক্কদৌরিবা নুমিৎশিংদা হেকাথোনশিং পাঙথোক্কনি।
21শুবা চহিচা অসি তেক্নোলোজী দ্রিভন ওই। “2047দা ভিক্সিৎ ভারতকী পান্দম ফংনবা ঐখোয়না সাইন্স অমসুং তেক্নোলোজী লম্বেল অসিদা অচেৎপা থাজবগা লোয়ননা মতুং ইনগদবনি” হায়না মহাক্না হায়খি। হৌগৎলক্লিবা নহারোলশিং অসি সান্তিফিক তেম্পর লৈহন্নবা চন্দ্রয়ান্না মাইপাকপদগী ফাওরক্লিবা ইহুল অসি শক্তিদা ওন্থোকপা মথৌ তাই। মসিগীদমক্তা সেপ্তেম্বর 1দগী MyGovতা ক্বিজ কম্পিতিসন অমা পাংথোক্লগনি। অনৌবা নেস্নেল এজুকেসন পোলিসী অসিনা সাইন্স অমসুং তেক্নোলোজীদা অনৌবা প্রোভিজনশিং পীরি হায়না মহাক্না ফোঙদোকখি।
প্রধান মন্ত্রীনা হায়, লাক্কদৌরিবা G-20 সম্মিৎ অসি লৈবাক পুম্বা য়ুম্বু ওইগদবা থৌরম অমনি অদুবু খ্বাইদগী চাউবা থৌদাংদি দিল্লীদা লৈ। “লৈবাক অসিগী ফিরাল, ইকাই খুম্নবা অসি অৱাংবা থাক্তা পুখৎনবা খুদিংচাবা অমা ফংলিবা অসি দিল্লীগী মরাইবক ফবনি” হায়না শ্রী মোদিনা ফোঙদোকখি। দিল্লীনা ‘অতিথি দেবো ভবা’গী চৎনবী অদু মতুং ইনবা মথৌ তারে মরমদি মসি ভারতকী হোস্পিতেলিতী উৎনবা য়াম্না মরু ওইবা থৌরম অমনি। দিল্লীগী মীয়াম্না থেংনগদৌরিবা খুদোংচাদবশিং অসিগীদমক ঐহাক্না মাংজৌননা ঙাকপীনবা হায়জরি। ইমুং মনুং অমা ওইনা দিগনিতরী খুদিংমক ঐখোয়গী মীথুংলেনশিংনি অমসুং ঐখোয়না G20 সম্মিৎ অসি অপুনবগী শক্তিনা অচৌবা মাইপাকপা অমা ওইহনগদবনি”।
লাক্কদৌরিবা রক্ষা বন্ধন অমসুং থা অসিবু ইমা পৃথীবিগী মবুং মৌপ্বা ওইনা লৌবগী ভারতকী চৎনবগী মতাংদা পল্লদুনা প্রধান মন্ত্রী নুংঙাই য়াইফবা রক্ষা বন্ধন অমগী পাউজেল পীখি অমসুং হরাউ নুংঙাইবনা থল্লবা কুহ্মৈ অসিনা মালেমদা ঐখোয়গী চৎনবী তাক্লগনি হায়না আশা তৌই হায়না ফোঙদোকখি। মহাক্না হায় সেপ্তেমবর থা অসিদা দিল্লীগী মীয়াম্না G20 সম্মিৎ অসি চাউনা মাইপাকহন্দুনা ঐখোয়গী সাইন্তিস্তশিংনা পুরক্লিবা মাইপাকশিং অসিদা অনৌবা থৌনা হাপ্লগনি হায়না ঐহাক্না থাজবা থম্লি।
