প্রধান মন্ত্রী শ্রী নরেন্দ্র মোদীগী হিস মাজেস্তী সুলতান হাইথম বিন তারিক্কা মস্কেত্তা নাকল অনিগী ওইবা মীফম পাঙথোকখ্রে। মহাক্না রোয়েল পেলেসতা থুংখিবগা প্রধান মন্ত্রীবু হিস মাজেস্তীনা ওক্তুনা তরাম্বা ওকপগী থৌরম অমা পাঙথোকখি।
লুচিংবা অনিনা অমমমতা ওইনা অমদি দেলিগেসন য়াওনা উনখি। মখোয়না মমায় কয়া লোঙবা ইন্দিয়া-ওমন স্ত্রেতেজিক পার্ত্নরসিপ য়েংশিনখি অমদি নাকল অনিগী মরীদা তপ্না তপ্না খুমাঙ চাওশিল্লকপবু শিংথাখি। লৈবাক অনিমক্না চহি অসিদা দিপ্লোমেতিক ওইবা মরী চহি ৭০ মপুং ফারকপবু সেলেব্রেত তৌবগা লোয়ননা খোচৎ অসি ইন্দিয়া-ওনম মরীদা অখন্ননা মরুওইবা খোঙচৎ অমনি হায়না মখোয়না ফোঙদোক্নখি।
মখোয়না কম্প্রিহেন্সিব ইকনমিক পার্ত্নরসিপ এগ্রীমেন্ত [CEPA] খুৎয়েক পীনখিবব নাকল অনিগী মরীদা মশক নাইবা খোঙথাঙ অমনি হায়না য়ানখি অমদি মসিনা স্ত্রেতেজিক পার্ত্নরসিপ অসিদা অচৌবা ইনোৎ অমা হাপ্লগনি হায়না ফোঙদোক্নখি। নাকল অনিগী লল্লোন ইতিক্কী মরীনা বিলিয়ন US$ ১০ লানখিবা অমদি নাকল অনিমক্কী ইনভেস্তমেন্তকী ঈচেলনা মাঙদা চঙশিল্লকপদা অপেনবা ফোঙদোক্লদুনা, প্রধান মন্ত্রীনা CEPA না নাকল অনিগী লল্লোন ইতিক অমদি ইনভেস্তমেন্ত মশক থোক্না য়োকখৎকনি, থবক কয়া পীগনি অমদি লৈবাক অনিমক্তা খুদোংচাবা কয়া পুরক্কনি হায়খি।
লুচিংবা অনিনা লোং-তর্ম ইনর্জী এরেঞ্জমেন্ত, রিনিউওবল ইনর্জী ভেঞ্চর অমদি গ্রীন হায়দ্রোজেন অমসুং গ্রীন এমোনিয়া প্রোজেক্তশিংগী খুত্থাঙদা ইনর্জীগী লমদা তেংবাংনবদা অনৌবা খোঙজেল হাপচিন্নবা ৱাফমসু খন্নখি। ওমন্না ইন্তরনেস্নেল সোলার এলাইএন্সতা য়াওরকপগীদমক প্রধান মন্ত্রীনা থাগৎপা ফোঙদোকখি অমদি লৈবাক অসিবু কোএলিসন ফোর দিজাস্তর রেজিলিএন্ত ইনফ্রাস্ত্রকচর অমদি গ্লোবেল বাইওফ্যুল এলাইএন্সতা য়াওননবা ৱাফমসু থমখি।
প্রধান মন্ত্রীনা লৈবাক অনিনা এগ্রিকলচরেল সাইন্স, এনিমেল হজবেনদ্রী, এক্বাকলচর অমদি চনান থাবা য়াওনা লৌউ-শিংউগী লমদা তেংবাংনবনা লৈবাক অনিমক্তা কান্নবা পুরক্কনি হায়বা ৱাফম থমখি।
মহৈ মশিংগী লমদা তেংবাংনবগী মরুওইবা ৱাফমশিং থম্লদুনা, লুচিংবা অনিনা ফেকল্তী অমদি রিছর্চর এক্সচেঞ্জ তৌনবনা নাকল অনিমক্তা কান্নগনি হায়বা ৱাফম থম্নখি।
লুচিংবা অনিনা ফুদ সিক্যুরিতী, মেনুফেকচরিং, দিজিতেল তেক্নোলোজী, ক্রিতিকেল মিনরেল, লোজিস্তিক্স, হ্যুমেন কেপিতেল শেমগৎপা অমদি স্পেসকী লমদা তেংবাংনবগী মতাঙদশু খন্নখি।
ফাইনেন্সিএল সর্ভিসশিংগী মতাঙদা মখোয়না UPI অমদি ওমানগী দিজিতেল পেমেন্ত সিস্তেমগী মরক্তা মরী শাগৎপা, রুপে কার্দ শীজিন্নবা অমদি মফমদুগী শেনয়েক্তা লল্লোন ইতিক তৌনবগী কান্নবশিংসু খন্নখি।
প্রধান মন্ত্রীনা হার অমদি লৌউ-শিংউগী লমগী থিজিনমিন্নবনা নাকল অনিমক্তা ইকান্দা কান্নগদবা ৱাফম্নি হায়না থমখি অমদি মখোয়না জোইন্ত ইনভেস্তমেন্ত য়াওনা হায়রিবা লমশিং অসিদা হেন্না চাউনা খুৎশম্ননা চৎমিন্নগদবনি হায়বা ৱাফমশিং ফোঙদোক্নখি।
লুচিংবা অনিনা মেরিতাইম দোমেন য়াওনা দিফেন্স অমদি সিক্যুরিতী কোলাবোরেসন হেন্না কনখৎহন্নবা খোঙফম লৌমিন্নখি।
প্রধান মন্ত্রীনা হিস মাজেস্তীবু ওমান্দা লৈরিবা ভারত মচাশিংগী য়াইফ-থৌরাংগীদমক থাগৎপা ফোঙদোকখি। মেরিতাইম, লোল য়োকখৎপ, য়ুথ এক্সচেঞ্জ, অমদি শান্ন-খোৎনবগী লমদা অনৌবা নাকল অনিগী থৌশিল কয়া পায়খৎপনা মীগা মীগগী মরক্তা লৈনরিবা মরী ফগৎহনগনি হায়বা ৱাফম থমখি। মখোয়না লৈবাক অনিগী মান্নবা নাৎকী পারী পুরীগী লনগী মতাঙদসু খন্নখি অমদি মেরিতাইম ম্যুজিয়মগী মতাঙদা খুৎশম্ননা চৎমিন্না, অমদি অর্তিফেক্ত অমসুং এক্সপর্তিজ এক্সচেঞ্জ তৌনবগী মরুওইবা ৱাফমশিং পুথোক্নখি।
লুচিংবশিং অদুনা ওমান ভিজন ২০৪০ অমসুং ভারতকী ২০৪৭ ফাওবদা চাওখৎপা লৈবাক হায়বদি বিক্সিত ভারত পুরক্নবা পান্দমগী মরক্তা লৈরিবা চুনবা ৱাফমশিংববু তরাম্না ওক্নখি, অমদি নাকল অনিগী মীয়ামগী অনিংবা অপাম্বশিং থুংননবা হোৎনবদা ঙাক্লৌ পীগনি হায়বা ৱাফমশিং ফোঙদোক্নখি।
লুচিংবশিং অদুনা রিজনেল অমদি মালেমগী ওইরক্লিবা ফীভমশিংদা মখোয়গী মীৎয়েঙশিং ফোঙদোক্নখি অমদি ইং তপ্পা অমসুং মরা চেৎপা ফীভম পুরক্নবা লেপ্নরিবা খোঙফমশিং চেৎশিনমিন্নহনখি।
খোঙচৎ অদুদা, CEPA গী মথক্তা নাকল অনিনা মেরিতাইম হেরিতেজ, মহৈ মশিং, লৌউ-শিংউ, অমদি চনান থাবগী মতাংদসু MoU শিং/ এরেঞ্জমেন্তশিং খুৎয়েক পীনখি।
