ইকাইখুম্নজরিবা প্রধান মন্ত্রী শ্রী নরেন্দ্র মোদীনা ঙসি জি২০ লুচিংবশিংগী খা অফ্রিকাগী জোহনসবর্গতা পাঙথোকপা মীফমগী নাকন্দা জপানগী প্রধান মন্ত্রী হিস এক্সিলেন্সী সানে তাকাইচিগা লৈবাক অনিগী ওইবা মীফম অমা পাংথোকখ্রে।
লুচিংবা অনিনা পুৱারীদগী শাগোন্নরক্লবা মান্নবা ৱাখল্লোন, মান্নবা পুক্নিং অমসুং অথিংবা লৈতবা ইন্দো-পেসিফিককী ইনোৎনা শাগৎতুনা লাকখ্রবা ভারত-জপান স্পেসল স্ত্রেতেজিক অমসুং গ্লোবেল পার্তনর্শিপকী মরুওইবা নৌহৌননা নীংশিংখি। লুচিংবা অনিনা ভারত-জপান মরী অসিবু লমদমগী অমসুং মালেমগী থাক্তা তংদু লৈতাবা পুরক্নবা, চাউখৎপা অমসুং শান্তি পুরক্নবা হেন্না চেৎশিলহন্নবা অপাম্বা ফোঙদোক্নখি।
লুচিংবশিংনা লৈবাক অনিগী মরক্তা লৈনরিবা মরী অসি ১৫শুবা ভারত-জপান চহিগী মীফমনা হেন্না চেৎশিলহল্লকপগী মতাংদসু ফোংদোক্নখি অমসুং ঙাকশেল অমসুং সেক্যুরিতী, লল্লোন ইতীক অমসুং ইনভেস্তমেন্ত এস.এম.ই. আর্তিফিসিএল ইন্তেলিজেন্স, ক্রিতিকেল মিনরেল, সেমিকন্দক্তর, ইনফ্রাস্ত্রকচর শেমগৎপা, তেক্নোলোজী অমসুং ইন্নোভেসন, মীয়ামগী মরক্তা লৈনবা মরীগী য়ানখিবা ৱাফমশিং থবক্তা ওন্থোক্নবগী মতাংদসু ফোংদোক্নখি। মখোয়্না ভারত অমসুং জপানগী মরতা স্ত্রেতেজিক ওইবা সেক্তরশিংদা লৈবা খুদোংচাবশিং লান্ননবা অমসুং লমদমগী অমসুং মালেমগী মীৎয়েংগী মফমদা খন্নখি। ভারতনা ফেব্রুৱারী ২০২৬ তা য়ুম্বু ওইদনা পাঙথোক্কদবা AI সম্মিতপু প্রধান মন্ত্রী তাকাইচিনা শৌগৎখি।
লুচিংবা অনিনা ভারত অমসুং জপান লেঙদবা মরুপ ওইমিন্নদুনা লৈমিন্ননিংবগী অপাম্বা ফোংদোকখি। লৈবাক অনিগী মরক্তা লৈনরিবা অচেৎপা মরী অসি মালেমগী শান্তি পুরক্নবা, অমসুং তংদু লৈতাবা পুরক্নবগীদমক থদৎনবা য়ারোই হায়না ফোংদোক্নখি।
লুংচিংবা অনিনা পাউ ফাওনদুনা লৈনবা অমসুং অথুবদা অমুক হন্না উননবা য়ানখি।
Had a productive meeting with Prime Minister Sanae Takaichi of Japan. We discussed ways to add momentum to bilateral cooperation in areas such as innovation, defence, talent mobility and more. We are also looking to enhance trade ties between our nations. A strong India-Japan… pic.twitter.com/4UexmElSwQ
— Narendra Modi (@narendramodi) November 23, 2025
