প্রধান মন্ত্রী শ্রী নরেন্দ্র মোদীনা ঙসি নিউ জীলেন্দগী প্রাইম মিনিস্তর দি রাইত ওনরেবল খৃস্তোফর লক্সোনগা তেলিফোন্দা ৱারী শানখ্রে। লুচিংবা অনিনা পুৱারী ওইণবা, মঙলান চাউবা অমদি নাকল অনিমক্তা কান্নবা পীগদবা ইন্দিয়া-নিউ জীলেন্দ ফ্রী ত্রেদ এগ্রীমেন্ত (FTA) খুৎয়েক পীনখিববু পুন্না লাউথোকমিন্নখি।
মার্চ ২০২৫ দা প্রাইম মিনিস্তর লক্সোন্না ভারত্তা লাক্লম্বা মতমদা ৱারী শানবা হৌদোক্লম্বগা লোয়ননা, লুচিংবা অনিনা তেল্লবা থা ৯ খক্তদা FTA য়ানখিবা অসিদা লৈবাক অনিগী মান্নবা পান্দমশিং অমদি মরী চেৎশিলহন্নবা রাজনিতীগী ৱাখল্লোনগী মমি তারি হায়না য়ানখি। FTA অসিনা লৈবাক অনিগী মরক্তা লৈনরিবা শেন্মিৎলোনগী মরী চেৎশিনহনগনি, মার্কেৎ এক্সেস হেনগৎহনগনি, ইনভেস্তমেন্ত ফ্লো পুরক্কনি, স্ত্রেতেজিক কোওপরেসন মপাঙ্গল কনখৎহনগনি, অমদি লৈবাক অনিমক্কী তোঙান তোঙানবা সেক্তরশিংদা ইনোভেতর, ওন্ত্রপ্রিন্যুর, লৌমী, MSME, মহৈরো অমদি নহাশিংগী অনৌবা খুদোংচাবা কয়ামরুম পুরক্কনি।
FTA অসিনা পীরিবা অকনবা অমদি থাজনিংঙাই ওইরবা য়ুম্ফম অসিগা লোয়ননা, লুচিংবা অনিনা মথঙগী চহি মঙাগী মনুংদা নাকল অনিগী লল্লোন ইতিক্কী মরী অসি শরুক অনি থোক্না হেনগৎলক্কনি লোয়য়ননা মথঙগী চহি ১৫ দা নিউ জীলেন্দদগী ভারত্তা USD বিলিয়ন ২০ গী ইনভেস্তমেন্ত তৌরক্কনি হায়বগী থাজবা ফোঙদোক্নখি। লুচিংবশিংনা ঙাকশেল, শান্ন-খোৎনবা, মহৈ মশিং অমদি মীগা মীগগী মরক্তা লৈনরিবা মরী য়াওনা নাকল অনিগী মরক্তা তেংবাংনবগী অতৈ মরীশিংগী খোঙজেলবুসু তরাম্না ওক্নখি, অমদি ইন্দিয়া-নিউ জীলেন্দগী খোঙবু ওইবগী মরী হেন্না মপাঙ্গল কনখৎহন্নবা খোঙফম লৌমিন্নখি।
লুচিংবশিংনা মখা তানা পাউ ফাওননবা ৱাফমসু য়ানখি।
An important moment for India-New Zealand relations, with a strong push to bilateral trade and investment!
— Narendra Modi (@narendramodi) December 22, 2025
My friend PM Christopher Luxon and I had a very good conversation a short while ago following the conclusion of the landmark India-New Zealand Free Trade Agreement.…
The India-NZ partnership is going to scale newer heights. The FTA sets the stage for doubling bilateral trade in the coming 5 years.
— Narendra Modi (@narendramodi) December 22, 2025
India welcomes investment worth over USD 20 billion from New Zealand across diverse sectors. Our talented youth, vibrant startup ecosystem and…
