প্রধান মন্ত্রী শ্রী নরেন্দ্র মোদীনা নই দিল্লীদা সি.এস.আই.আর.গী মীফম অমদা সভাপতি ওইখ্রে।
সি.এস.আই.আর.না পাংথোকপা থবক থৌরমশিং প্রধান মন্ত্রীগী মফমদা মীৎয়েং তাহনখি। পায়খৎলিবা থবক থৌরমশিং অদু মহাক্না থাগৎপা ফোংদোকখি অমসুং তুংগী রোদ মেপ অমা পুথোক্নবসু মহাক্না পাউতাক পীখি।
লৈবাক্কী কাচিন খুদিংদা লৈরিবা মহৈরোইশিংগী কাংলুপ খুদিংদা সাইন্সপু মাংলোমদা পুখৎপা ঙমহন্নবা প্রধান মন্ত্রীনা ভর্চুয়েল লেবশিং দিবেলপ তৌবগী মরুওইবা অদু ফোংদোকখি। মহাক্না নহা ওইরিবা মহৈরোইশিংবু সাইন্সকী মায়কৈদা পুক্নিং চিংশিন্নবা অমসুং মথংগী জেনরেসন্দা সাইন্তিফিক এক্যুমেন মখা তানা চেৎশিলহনবগী দরকার ওইবা অদু ফোংদোকখি। মহাক্না মালেমগী তোঙান তোঙানবা মফমশিংদা থবক তৌরিবা ভারত মচাশিংগী মরক্তা আর&দি প্রোজেক্তশিংদা কোলাবোরেসন হেঙ্গৎহন্নবা খোংথাংশিং পায়খৎনবসু খংহনখি।
ভারতকী অপাম্বা দরকার ওইবশিংদা থবক তৌনবা সাইন্তিস্তশিংদা হায়রদুনা মহাক্না হায়খি মদুদি সি.এস.আই.আর.না মালন্যুত্রিসন-এগ্রিকলচর পোত্থোকশিংদা ভেল্যু এদিসনগী থোংদা- অমসুং ৱাতর কঞ্জারবেসন অসিনচিংবা ভারতনা মায়োক্নরিবা রিয়েল-তাইম সোসিয়েল ইসুশিংদা মীৎয়েং চংবা মথৌ তাই।
প্রধান মন্ত্রীনা রিন্যুয়েবল ইনর্জী স্তোরেজকীদমক ৫জি, এ.আই. অমদি এফোর্দেবল অমসুং লোং লাস্তিং বেতরীশিংবু সাইন্তিস্তশিংনা মীৎয়েং চংবা দরকার ওইবা মচিল তুমখৎলক্লিবা শিংনরকপা খরগুম খন্দোকখি। মহাক্না ৱার্ল্দ ক্লাস প্রদক্তশিং দিবেলপ তৌনবা ত্রেদিস্নেল নোলেজ অমসুং মোদর্ন সাইন্স পুন্সিনবগী দরকার ওইবা অদু ফোংদোকখি। মহাক্না ইনোবেসনবু কমর্সিয়েলাইজ তৌবগী মরুওইবগী মতাংদসু ঙাংখি।
প্রধান মন্ত্রীনা সি.এস.আই.আর.দা লৈরিবা সাইন্তিফিক কম্যুনিতীদা মীচপ প্রজাগী পুন্সীগী ক্বালিতী ফগৎহন্নবগী মায়কৈদা থবক তৌনবা তকশিনখি।
