মরূপশিং,
ক্লাশ্নিকোব এসোল্ত রাইফল্স পুথোকনবগীদমক রসিয়ন-ইন্দিয়ন ইন্তর্প্রাইজ হৌদোকপদা ঐহাক্না ময়াম্বু তরাম্না ওকচরি।
রসিয়া অমসুং ভারতকী মরক্তা মিলিতরী অমসুং তেক্নিকেল কোওপরেসন অসি স্পিসিয়েল অমসুং প্রিভিলেজ স্ত্রাতেজিক পার্তনরশিপকী মরুওইবা লমশিংগী মরক্তা অমা ওইরি। চহী তরাগী খুজিং তরেৎকী মথক্তগী ঐখোয়না ভারতকী মরূপশিংদা থাজনীংঙাই ওইবা অমদি অফবা মখলগী লানগী খুৎশু-খুৎলায়শিং পীদুনা লাক্লি। ঐখোয়গী লৈবাক্কী মতেংগা লোয়ননা ভারত্তা মিলিতরী অমদি ইন্দস্ত্রীয়েল ফেসিলিতী চাউরাক্না ১৭০ লিংখৎখ্রে।
অনৌবা জোইন্ত ভেঞ্চর অসিনা খ্বাইদগী নৌবা ২০০ পরিংগী মালেমদা মমিং চৎলবা ক্লাশ্নিকোব এসোল্ত রাইফল পুথোক্লগনি। মতৌ অসুম্না ইন্দিয়ন দিফেন্স-ইন্দস্ত্রীয়েল সেক্তরবু নেস্নেল সেক্যুরিতী এজেন্সীশিংগীদমক অপীকপা খুৎলায়গী কেতেগোরীগী দরকার ওইবা অদু এদভান্স রসিয়ন তেক্নোলোজীগী খুদোংচাবা লৌদুনা মপুং ফাহন্নবা তঞ্জা ফংলগনি।
ঐহাক্না ময়ামদা অমুক হন্না নীংশিংজরী মদুদি মমাংগী ওক্তোবর থাদা ভারত্তা ঐহাক্কী ওফিসিয়েল খোংচৎ মনুংদা ঐহাক্কা ফম মান্নবা অমদি মরূপ শ্রী মোদী অমসুং ঐহাক্না লৈবাক অসিদা ক্লাশ্নিকোব পুথোকফম লিংখৎনবা য়ান্নখি। মসিগা মরী লৈননা অতেনবা মতমগী মনুংদা ইন্তর্গোবর্নমেন্তেল এগ্রীমেন্ত শেম শাখি অমদি খুৎয়েক পীনখি। মসিগা মরী লৈননা, ঐহাক্না প্রোজেক্ত অসিবু অতেনবা মতমগী মনুংদা মাই পাকহনবদা থৌদাং লৌখিবা রসিয়া অমসুং ভারতকী স্পেসিয়েলিস্তশিংবু তৌবীমল খঙবা উৎচরি। প্লান্ত অসিনা ঐখোয়গী লৈবাক অনি অসিগী মরক্তা মরূপ ওইবা অমসুং অচেৎপা কোওপরেসনগী অতোপ্পা খুদম অমা ওইরগনি।
ঐহাক্না অদোমগী মায় পাক্নবা থৌনীজরী অমদি য়াইফা পাওজেল পীজরি।
