হকশেল অমসুং য়াইফ-য়ুম্বালগী কেন্দ্র মন্ত্রী শ্রী জে.পি. নদ্দা, চিলীগী হান্নগী রাষ্ট্রপতি অমসুং পি.এম.এন.সি.ঐচ.কী বোর্দ চেয়র দা. মাইকেল বচেলেৎ, অমদি ময়াম্না শকখঙনরবা এক্তর অমসুং য়ুনিসেফকী গুদৱিল এম্বেসেদর প্রিয়ঙ্কা চোপ্রা, পি.এম.এন.সি.ঐচ. পার্তনর ফোরমগী চেম্পিয়ন অহুম, শ্রী এ.কে. চৌবে, রাজ্য মন্ত্রী (হকশেল অমসুং য়াইফ-য়ুম্বাল) অমসুং শ্রীমতী প্রীতি সুদান, সেক্রেতরী (হকশেল অমসুং য়াইফ-য়ুম্বাল) য়াওবা, দ পার্তনরশিপ ফোর মেতর্নেল, ন্যুবোর্ন এন্দ চাইল্দ হেল্থ (পি.এম.এন.সি.ঐচ.)কী মীহুৎ কাংবুনা ঙসি প্রধান মন্ত্রী শ্রী নরেন্দ্র মোদীগা উনদুনা মফমদা, ইং ২০১৮গী দিসেম্বর ১২-১৩দা ন্যু দিল্লীদা পাংথোক্কদৌরিবা পার্তনর্স ফোরম ২০১৮গী বার্তন তৌখ্রে। ফোরম অসিদা তোঙান তোঙানবা লৈবাকশিংদগী রাজ্যগী লুচিংবশিং অমদি হকশেল মন্ত্রীশিং অমসুং মীহুৎ কাংবু ১২০০না শরুক য়াগনি। পি.এম.এন.সি.ঐচ. অসি লৈবাক ৯২ অমসুং ওর্গনাইজেসন ১০০০ হেনবগী গ্লোবেল পার্তনর অমনি। প্রধান মন্ত্রীনা পি.এম.এন.সি.ঐচ. ফোরমগী পেত্রোন ওইবদা অয়াবা পীখি অমসুং ফোরমগী লোগো অদু তরাম্না লৌখি।
দা. মাইকেল বচেলেৎনা পার্তনরশিপতা শিন্নরিবা অদু শন্দোক্না পনখি অমসুং ৱুমেন এমপৱর্মেন্ত, অঙাং মচা অমসুং নহাশিংনা মায়োক্নরিবা অদু মতৌ করম্না মাংলোমদা পুখৎকদগে হায়বগী মতাংদা প্রধান মন্ত্রীগী ওইবা ৱাখল্লোনশিং অদু তাখি। প্রাইভেৎ সেক্তরগা লোয়ননা পার্তনরশিপকী খুত্থাংদা ইনস্তিত্যুস্নেল দেলিবরিশিং হেঙ্গৎহন্নবগীদমক গুজরাত্তা পায়খৎলিবা অনৌবা খোংথাংশিংদা মহাক্কী ওইবা মরন্নাইগী এক্সপরিয়েন্সশিং অদু প্রধান মন্ত্রীনা সেয়র তৌখি।
