নোংমগী ওইবা খোংচৎ অমদা প্রধান মন্ত্রী শ্রী নরেন্দ্র মোদী ২০১৮গী মে ১৯দা জম্মু অমসুং কশ্মীরদাচৎকনি।
প্রধান মন্ত্রীনা লেহদা ১৯শুবা কুশোক বকুলা রিনপোচেগী বর্থ সেন্তিনরী সেলেব্রেসন লোইশিনবগী থৌরমদা শরুক য়াগনি। থৌরম অদু মক্তদা মহাক্না জোজিলা তনেল থবক হৌবগী প্লেক অমা মায়খুম হাংদোক্কনি।
কিলোমীতর ১৪ শাংবা জোজিলা তনেল অসি ভারতকী খ্বাইদগী শাংবা রোদ তনেল ওইরগনি অমদি এসিয়াগী খ্বাইদগী শাংবা বাই-দাইরেক্সনেল তনেল ওইরগনি। প্রধান মন্ত্রী শ্রী নরেন্দ্র মোদীনা লুচিংবা ইকোনোমিক এফিয়র্সকী মন্ত্রীমন্দলনা চহি অসি হৌরকপদা লুপা কোতি ৬৮০০ চংনা এন ঐচ-১এগী শ্রীনগর-লেহ সেক্সনদা বলতাল অমসুং মিনামার্গকী মরক্তা তনেল অসিগী কন্সত্রক্সন, ওপরেসন অমসুং মেন্তিনেন্সতা অয়াবা পীখি। তনেল অসি শেমগৎপনা শ্রীনগর, কার্গীল অমসুং লেহগী মরক্তা ওল-ৱেদর কনেক্তিবিতী ফংহল্লগনি। মসিনা জোজিলা পাস লানথোকপদা হৌজিক হৌজিক পুং অহুম মখায় চংলিবা অসি মিনিৎ ১৫দা লানথোকপা ঙমহল্লগনি।
প্রধান মন্ত্রীনা শ্রীনগরদা লৈবা শের-ই-কশ্মীর ইন্তর্নেস্নেল কনফরেন্স সেন্তর (এস কে আই সি সি)দা ৩৩০ মেগা ৱাৎ, কিষনগঙ্গা হাইদ্রোপাৱর স্তেসন জাতীদা খুৎশিন্নগনি। মহাক্না শ্রীনগর রিং রোদকী উরেপ উয়ুংসু তমগনি।
জম্মুদা লৈরিবা জেনরেল জোরাৱর সিংহ ওদিতোরিয়মদা প্রধান মন্ত্রীনা পাকুল দুয়েল পাৱর প্রোজেক্ত অমসুং জম্মু রিং রোদ উরেপ উয়ুং তমগনি। মহাক্না তারাকোতে মার্গ অমসুং শ্রী মাতা বাইস্নো দেবী শ্রাইন বোর্দকী মেতরিয়েল রোপৱেসু শঙ্গাগনি। তারাকোতে মার্গনা শ্রাইনদা ভক্তশিং লাকপদা খুদোং চাহল্লগনি।
প্রধান মন্ত্রীনা শের-ই-কশ্মীর য়ুনিবর্সিতী ওফ এগ্রীকলচরেল সাইন্সেস & তেক্নোলোজী, জম্মুগী কনভোকেসনদসু শরুক য়াগনি।
