প্রধান মন্ত্রী শ্রী নরেন্দ্র মোদীনা ঙসি হঙ্গেরীগী প্রধান মন্ত্রী হিজ এক্সিলেন্সী বিক্তর ওর্বনগা ফোন্দা ৱারী শাখ্রে।
লুচিংবা অনিনা হৌজিক য়ুক্রেন্দা ওইরিবা ফীভমগী মতাংদা খন্নখি অমসুং খুদক্তা সিজফায়র তৌবগী তঙাই ফদবা অমসুং দিপ্লোমেসী অমসুং দাইলোগ তৌনবগী মথৌ তাই হায়না য়ান্নখি।
প্রধান মন্ত্রীনা হিজ এক্সিলেন্সী ওর্বনদা অমসুং হঙ্গেরিয়ন সরকারমা য়ুক্রেন – হঙ্গেরী বোর্দরগী খুত্থাংদা ভারতকী প্রজা ৬০০০ হেন্না ইভাক্যুএসন তৌবদা মতেং পাংখিবগীদমক থাগৎপা ফোঙদোকখি। প্রধান মন্ত্রী ওর্বননা য়ুক্রেন্দগী ইভাক্যুএৎ তৌরকখিবা ভারতকী মেদিকেল মহৈরোয়শিংদা য়াইফ-মঙ্গোল পীখি অমসুং করিগুম্বা মখোয়না পাম্লবদি হঙ্গেরীদা মখোয়গী মহৈ তম্বা মখোয় চত্থবা য়াগনি হায়না ফোঙদোকখি। প্রধান মন্ত্রীনা পুকচেল শেংলবা মতেং অদুগীদমক মহাক্কী থাগৎখি।
লুচিংবশিংনা হৌজিক ওইরক্লিবা ফীভম অসিদা তোয়না পাউ ফাওননবা অমসুং লান অসি লোইশিনবদা পুক্নিং থৌগৎনবা মখা তানা মখোয়না খোঙথাংশিং লৌৎপদা য়ান্নখি।
