Share
 
Comments
পি.এম.না উত্তর প্রদেশ দিফেন্স ইন্দস্ত্রিএল কোরিদোরগী অলিগর নোদকী এগজিবিসন মোদেলশিংদসু চৎখ্রে
ঙসিগী মীরোল অসিনা লৈবাক অসিগী থৱায় থাখিবা হেরো অমসুং হেরোইনশিংগী মরমদা খঙদ্রি। ২১শুবা চহিচাদা ভারতনা ২০শুবা চহিচাদা তৌখিবা অশোইবা কয়া অসি চুম্থোরক্লি: পি.এম.
রাজা মহেন্দ্র প্রতাপ সিংহ জীগী পুন্সিনা, ঐখোয়না ঐখোয়গী মংলান অমা মংফাওননবা মায়থিবা পীবা ঙম্দ্রবা থৌনা অমসুং হোৎননিংবা অমা তম্বী: পি.এম.
ভারতনা মালেমগী ওইবা য়াম্না চাউবা দিফেন্স ইপোর্তর অমগী মমি তাই অমসুং মালেমগী ওইবা মরুওইবা দিফেন্স এক্সপোর্তর অমগী অনৌবা শক্লোন অমা পাম্লি: পি.এম.
উত্তর প্রদেশ অসি লৈবাক অসিগী অমসুং মালেমগী ওইবা অপিকপা অমসুং অচৌবা ইনভেস্তরশিংগী পুক্নিং য়াম্না চিংশিনবা মফম অমা ওইরক্লি: পি.এম.
ঙসিদি উত্তর প্রদেশ অসি দবল ইঞ্জিন সরকারগী দবল ইঞ্জিন ওইনা কান্নবা ফংবগী চাউরবা খুদম অমা ওইরক্লি: পি.এম.

ভারত ইমানা য়াইফরে,

ভারত ইমানা য়াইফরে৷

উত্তর প্রদেশকী রাজ্যপাল, শ্রীমতি অনন্দিবেন পতেল জি, উত্তর প্রদেশকী মুখ্য মন্ত্রী, য়োগি অদিত্যনাথ জি, দিপুতী মুখ্য মন্ত্রী, দিনেশ শর্ম জি, উত্তর প্রদেশকী মন্ত্রীশিং, অতোপ্পা এম.পি.শিং, এম.এল.এ.শিং অমসুং অলিগরগী ঐগী নুংশিরবা ইয়াম্বা-ইনাউ অমদি ইচল-ইচেশিং,

ঙসি অসি অলিগর অমসুং নোংচুপ থংবা উত্তর প্রদেশকী ইতিহাসিক ওইরবা নুমিৎ অমনি৷ ঙসি অসিসু রধা অস্তমিনি৷ মসিগী থৌরম অসিনা অমুক্কা হেন্না নুংঙাই-য়াইফহল্লে৷ ব্রজভুমিগী মফম খুদিংদা রধা লৈ৷ রধা অস্তমিদা ঐনা নখোয় পুম্নমক্তা অমসুং লৈবাক পুম্বদা য়াইফ-পাউজেল পীরি৷

মসিগী ইশ্বোরগী নুমিৎ অসিদা দিবেলপমেন্ত ৱার্ক কয়া অমা ঙসিদগী হৌখিবা অসি ঐখোয়গী ওইনা লাইবক ফবনি৷ অফবা থবক অমা হেক্তা পাংথোকপা মতমদা ঐখোয়না ঐখোয়গী অহল-লমনশিং নিংশিংবা অসি ঐখোয়গী চৎনবিদা য়াওদুনা লৈ৷ লৈবাক অসিগী মতিক লৈরবা মচানুপা লৈখিদ্রবা কল্য়ান সিংহ জি য়াওখিদবা অসি ঐ য়াম্না নুংঙাইজদে৷ ঙসি ঐখোয়গী ইরক্তা কল্য়ান সিংহ জিনা য়াওরম্বা থোক্লবদি, দিফেন্স সেক্তরদা অলিগরগী হৌজিক লৈরিবা প্রোফাইল অমসুং রাজা মহেন্দ্র প্রতাপ সিংহ স্তেত য়ুনিভর্সিতী শেমগৎলিবা অসি উরুবা মতমদা মহাক্না অসুক্কী মতিক নুংঙাইবা ফাওগনি৷ মহাক্কী থৱাইনা ঐখোয়দা য়াইফ-মঙ্গোল পীবিবা ওইরসনু৷

মরুপশিং,

চহি লিশিং কয়াগী ভারতকী পুৱারি অসি অসিগুম্বা মরৈবাক নিংবা মীওইশিংগী তিনেসিতী অমসুং কৎথোকখিবগা লোইননা মতম মতমগী মতুং ইন্না ভারত্তা দাইরেক্সন পীখিবা মরৈবাক নিংবা মীওইশিংনা পিক থন্না য়াওরি৷ অসুম্না নিংথিনা মমিং লৈরবা মীওইশিংনা মখোয়গী হৈজ-শিংজবা পুম্নমক ঐখোয়গী নিংতম-ইহৌদা কৎথোকখি৷ অদুবু লৈবাক অসিনা মনিং-মখা তম্লবা মতুংদা অসিগুম্বা নেস্নেল হেরোশিং অমসুং লমজিংলিবা নুপীশিংগী কৎথোকপা অসি লৈবাক অসিগী লাক্লিবা মীরোনশিংদা উবা ফংখিদবা অসি লৈবাক অসিগী ওইনা লাইবক থিবা ওইখি৷

ঙসি ২১শুবা চহি-চাগী ভারতনা ২০শুবা চহি-চাগী লৈখিবা অদুগুম্বা অশোইবা অরানবশিং অদু চুমথোক্লি৷ মহারাজা সুহেলদেব জিবু ওইরবসু, দীনবন্ধু চৌধুরী ছোতু রাম জিবু ওইরবসু নত্রগা হৌজিক্কী রাজা মহেন্দ্র প্রতাপ সিংহ জিবু ওইরবসু, অনৌবা জেনেরেসন অসিনা লৈবাক অসি শেমগৎপদা মখোয়গী থৌদাং অদু খঙহন্নবা লৈবাক অসিদা থবকশিং পুকচেল শেংনা পাইখৎলি৷ ঙসি, লৈবাক অসিনা মমিং-মখা তম্লকপা চহি ৭৫ শুরকপা, অমিৃত মহোতসব পাংথোকপা মতমদা, হায়রিবা ইফর্তশিং অসিদা মখাতাবা ইম্পিতস পীখ্রে৷ ভারতকী নিংতম্বদা রাজা মহেন্দ্র প্রতাপ সিংহনা লৌখিবা থৌদাং অদুদা ইকাই খুম্নবা উৎনবা হোৎনরিবা অসিসু অদুগুম্বা মরু ওইবা থৌরমগী মনুংদা অমনি৷

 

মরুপশিং,

ঙসি অচৌবা মংলান মংলিবা অমসুং অচৌবা পান্দমশিং ফংবা পাম্লিবা লৈবাক অসিগী নহা খুদিংমক্না রাজা মহেন্দ্র প্রতাপ সিংহ জিগী মরমদা শুংশোই শোইদনা খঙগদবনি৷ ঐখোয়গী মংলানশিং অসি মংফাওনবা ঙম্নবা রাজা মহেন্দ্র প্রতাপ সিংহ জিগী পুন্সিদগী মহাক্কী হনবা লৈতবা থৌনা অমসুং পেসন অদু ঐখোয়না তমগদবনি৷ ভারতনা মনিং-মখা তম্বা মহাক্না পাম্লমখি অমদি মসিদা মহাক্না মহাক্কী পুন্সিগী তাংকক খুদিংমক কৎথোকখি৷ মহাক্না ভারত্তা লৈদুনা ভারতকী প্রজাশিংগী পুক্নিং থৌগৎলম্বা খক্তা নত্তনা, মহাক্না ভারতপু মনিং-মখা তম্নবগীদমক মালেম অসিগী মফম খুদিংমক্তা চৎখিরম্মী৷ অফগানিস্তান, পোলেন্দ, জপান, সাউথ অফ্রিকাবু ওইরবসু মহাক্না মহাক্কী পুন্সিগী রিক্সশিং লৌজখি অমসুং ভারতপু মনিং-মখা তমহন্নবা মহাক্না হোৎনখি৷

লৈবাক অসিগী নহাশিংনা ঐনা হায়রিবা অসিদা মুন্না তাবা পাম্লি মদুদি নখোয়না পান্দম অমা হেক্তা লুই হায়না নত্রগা খুদোংথিবশিং থেংনরবদি, নখোয়গী ৱাখলদা রাজা মহেন্দ্র প্রতাপ সিংহ নিংশিংদুনা লৈবা ঐনা পাম্লি অমসুং মদুনা নখোয়গী থৌনা অদু হেনগৎহনগনি৷ ভারতনা মনিং-মখা তম্নবগীদমক পান্দম অমা অমসুং কৎথোকপগা লোইননা রাজা মহেন্দ্র প্রতাপ সিংহ জিনা হোৎনখিবগী মওং অসিনা ঐখোয়দা লেপ্প-লৈতনা পুক্নিং থৌগৎলি৷

অমদি মরুপশিং,

নখোয়দা ৱারি শাবা মতমদা, ঐনা লৈবাক অসিগী মতিক লৈরবা অতোপ্পা নিংতম লান্মী, গুজরাতকী মচা, শ্যামজি কৃষ্ণ ভর্ম জিবু নিংশিংহল্লি৷ অহানবা লাঞ্জাওগী মতমদা, রাজা মহেন্দ্র প্রতাপ জিনা অখন্ননা শ্যামজি কৃষ্ণ ভর্ম জি অমদি লালা হর্দয়ল জি উননবা য়ুরোপতা চৎখি৷ মীফম অদুদা খন্ন-নৈনখিবা অদুনা অফগানিস্তানদা ভারতকী অহানবা সরকার মপান লমদা শেম্বা ঙমখি৷ মসিগী সরকার অসিনা রাজা মহেন্দ্র প্রতাপ সিংহ জিনা লুচিংখি৷

ঐনা গুজরাতকী মুখ্য মন্ত্রী ওইখিবা মতমদা শ্যামজি কৃষ্ণ ভর্ম জিগী উৎশিং অদু চহি ৭৩গী মতুংদা ভারত্তা ঐনা মাই পাক্না পুরকপা ঙমখিবা অসি ঐগী লাইবক ফবা ওইখি৷ করিগুম্বা নখোয়না কতচতা চৎপগী খুদোংচাবা লৈরবদি, মন্দবিদা শ্যামজি কৃষ্ণ ভর্ম জিগী উৎশিং থম্লিবা য়াম্না পুক্নিং শুমহৎনিংঙাই ওইরবা মিমোরিএল অমা লৈবনি অমদি মদুনা নখোয়বু ইমা লৈবাক্কীদমক হিংননবা পুক্নিং থৌগৎপিবনি৷

লৈবাক অসিগী প্রধান মন্ত্রী ওইরুবনা, ঙসি অমুক্কা হন্না রাজা মহেন্দ্র প্রতাপ সিংহ জিগুম্বা তুংগী ফিভম শান্না উবা ঙম্বা অমসুং মমিং লৈরবা নিংতম লান্মী অমগী মমিংদা য়ুনিভর্সিতী অমা উরেপ-উয়ুং তম্বগী খুদোংচাবা অসি ফংখিবনি৷ মসি ঐগী পুন্সিগী য়াম্না লাইবক ফবনি৷ অসিগুম্বা ইশ্বরগী থৌরম অমদা নখোয় ময়াম লাক্তুনা নখোয়গী মঙ্গলশিং পীরিবা অসিসু য়াম্না ইনর্জেতিক ওই অমদি ঐনসু নখোয়গা উনবা ফংলগনি৷

 

মরুপশিং,

রাজা মহেন্দ্র প্রতাপ সিংহ জিনা ভারতকী নিংতম্বদা লান্থেংনখিবা খক্তা নত্তনা, ভারতকী ফ্যুচরগী ফাউন্দেসন শেমগৎপদা মহাক্না এক্তিব ওইনা থৌদাং লৌখি৷ মহাক্না মপান লমশিংদা চৎলুবা মতমদা ফংলকপা মহাক্কী এক্সপরিয়েন্সশিং অদু ভারতকী এজুকেসন সিস্তেম অসি মোদর্নাইজ তৌবদা শিজিন্নখি৷ মহাক্না মহাক্কী মপা-মপুগী লৈরম্লিবা লন-থুম কৎথোক্তুনা মহাক্কী মরল-মথুমশিং শিজিন্নদুনা ব্রিন্দাবনদা মোদর্ন তেক্নিকেল কোলেজ অমা শেমগৎখি৷ রাজা মহেন্দ্র প্রতাপ সিংহনসু অলিগর মুস্লিম য়ুনিভর্সিতীগীদমক পাক চাওরবা লম কৎথোকখ্রে৷ ঙসি, ২১শুবা চহি চাদা, নিংতম্বগী নুংঙাইরবা মতম অসিদা ভারতনা এজুকেসন অমসুং স্কিল দিবেলপমেন্তগী লম্বীদা চংশিনলক্লি, ইমা ভারতকী মমল লৈরবা মচানুপা অসিগী মমিং লৌদুনা য়ুনিভর্সিতী অমা শেমগৎলকপা অসি মঙোন্দা তশেং-তশেংনা ইকাই খুম্নবা উৎপনি৷ মসিগী ৱাখল্লোন অসি রিএল্লিতীদা ওন্থোকখিবগীদমক য়োগি জি অমসুং মহাক্কী তীম পুম্নমক্তা হন্না-হন্না থাগৎলি৷

মরুপশিং,

মসি য়ুনিভর্সিতী অসি মোদর্ন এজুকেসনগী অচৌবা সেন্তর অমা ওইরক্কদবা খক্তা নত্তনা, মোদর্ন দিফেন্স স্তদীশিং, লৈবাক অসিগী তেক্নোলোজী অমসুং মেনপৱার দিবেলপমেন্তগা মরী লৈনবা দিফেন্স মেনুফেকচরিংগী সেন্তর অমসু ওইরক্লগনি৷ অনৌবা নেস্নেল এজুকেসন পোলিসীনা লোকেল লেঙ্গুয়েজতা তাক্কদৌরিবা স্কিলশিং অমসুং এজুকেসনগী ফিচরশিং অসিনা য়ুনিভর্সিতী অসিগী মহৈরোইশিংদা কান্নহল্লগনি৷

মিলিতরী স্ত্রেঙ্গদা মশা-মরোমদোম লেপচবা ঙম্নবা ভারতনা হোৎনরিবশিং অসিনা য়ুনিভর্সিতী অসিদা নৈনরিবশিংদা অনৌবা ইম্পিতস অমা পীরগনি৷ লৈবাক অসি খক্তা নত্তনা, মালেম পুম্বনা ভারতনা মোদর্ন গ্রেনেদশিং অমসুং রাইফলশিংদগী হৌদুনা ফাইতর এয়রক্রাফত, দ্রোনশিং, লানগী জহাজশিং পুথোক্লিবা উরি৷ মালেম অসিগী খ্বাইদগী চাওবা দিফেন্স ইম্পোর্তর ওইরম্বদগী ভারতনা থোক্লক্লি অমদি মালেম অসিগী য়াম্না মরু ওইবা দিফেন্স এক্সপোর্তর অমগী অনৌবা শকলোন লৌননবা চংশিনলক্লি৷ লৈবাক অসিনা মনিং-মখা তম্বা চহি ৭৫ শুখ্রে, অমদি ঐখোয়না লেপ্প-লৈতনা দিফেন্স ইক্যুইপমেন্ত পুশিল্লক্লি৷ উত্তর প্রদেশনা মসিগী ত্রান্সফোর্মেসন অসিগী অচৌবা সেন্তর অমা ওইরক্লি অমদি ঐনা উত্তর প্রদেশতগী এম.পি. অমা ওইরুবনা য়াম্না চাওথোকচবা ফাওই৷

মরুপশিং,

অতেনবা মতম খরগী মমাংদা, ঐনা দিফেন্স কোরিদোরগী ‘অলিগর নোদ’কী প্রোগ্রেস অদু উখি৷ লুপা বিলিয়ন কয়াগী শেনফম থাদদুনা দিফেন্স মেনুফেকচরিং কম্পেনী তরেৎ হেনবনা থবক লিশিং কয়া ফংহল্লগনি৷ অপিকপা খুৎশু-খুৎলাইশিং, আর্মমেন্তশিং, দ্রোনশিং অমসুং এরোস্পেসকা মরী লৈনবা র্কদক্তশিং, মেতেল কম্পোমেন্তশিং, এন্তি দ্রোন সিস্তেমশিং দিফেন্স কোরিদোরগী অলিগর নোদতা শেমগৎনবা অনৌবা ইন্দস্ত্রীশিং লিংখৎলক্লি৷ অসিনা অলিগর অমসুং অনকপা মফমশিংদা অনৌবা আইদেন্তিতী অমা পীরগনি৷

মরুপশিং,

ঙসি ফাওবদা, প্রজা মীয়াম্না মখোয় মখোয়গী য়ুমশিং অমসুং দুকানশিংগী সেক্যুরিতীগীদমক অলিগরদা মখা পোন্দুনা লৈনরম্মী হায়বসি নখোয়না শোইদনা খঙলম্লগনি৷ অদুগা ঙসি ঐনা ঐগী অৱাং ওইরিঙৈগী মতমগী ৱারি খরা নিংশিংলি৷ মসি চহি ৫৫-৬০রোম শুরে৷ মুস্লিম মীওই অমনা ঐখোয়গী খুঙ্গংদা থা অহুম খুদিংগী পেদলোকশিং য়োনবা লাক্লম্বা অদু ঐখোয় অঙাং ওইরি৷ মহাক্না অমুবা জেকেৎ অমা লিৎতুনা লাকলম্বা অদু ঐ নিংশিংলি৷ মহাক্না মহাক্কী পেদলোকশিং দুকানশিংদা য়োল্লমদুনা, মহাক্কী শেলশিং অদু খোমজিন্নবা থা অহুমগী মতুংদা মহাক লাক্কনি৷ মহাক্না পেদলোকশিং অদু থংনবা খুঙ্গংশিংদা লৈরিবা ত্রেদরশিংদসু য়োল্লমগনি৷ ঐগী ইপাগা মহাক্কা অদুক্কী মতিক অফবা মরুপ-মপাং ওইবগী মরী লৈনখি৷ মহাক্না লাকপা মতমদা নুমিৎ মরি-তরুক্নি ফাওবদা ঐখোয়গী খুঙ্গংদা মহাক্না লৈরম্মী৷ মহাক্না নুমিৎ অদুদা খোমজিল্লিবা শেলশিং অদু ঐগী পাবুংদা শিন্নরম্মী অমসুং ঐগী পাবুংনসু শেলশিং অদু চেকশিন্না শেন্নখিরম্মী৷ অদুগা নুমিৎ মরি-তরুক্নিগী মতুংদা মহাক্না খুঙ্গং অদু থাদোক্তুনা চৎখিবা মতমদা, ঐগী পাবুংদগী মহাক্কী শেল অদু লৌখিগনি অমসুং ত্রেন তোংদুনা চৎখিগনি৷ অঙাং ওইরিঙৈ মতমদা, ঐখোয়না উত্তর প্রদেশকী শহর অনি-সিতাপুর অমসুং অলিগর য়াম্না তোইনা তোইনা তারমখি৷ করিগুম্বা ঐখোয়গী খুঙ্গংগী মীওই অমনা মীশিং লাইয়েংগে হায়রবদি মহাক অদু সিতাপুরদা চৎননবা হায়রম্মী৷ মতম অদুদা ঐখোয়না কা-হেন্না খঙলুবা তৌখিদে, অদুবু সিতাপুর হায়বা ৱাহৈ অসি য়াম্না তোইনা তোইনা তারম্মী৷ মতৌ অসিগুম্না, চিং-লেম্লবা মীওই অদুগী মফমদগী অলিগর হায়বা ৱাহৈ অসিসু ঐখোয়না য়াম্না তোইনা তোইনা তারম্মী৷

অদুবু মরুপশিং,

অলিগরগী মমিং লৈরবা পেদলোকশিং শিজিন্নদুনা য়ুমশিং অমদি দুকানশিং ঙাক শেল্লম্বা অলিগর অসি লৈবাক অসিগী বাউন্দরীশিং ঙাক শেনগদৌরিবা প্রদক্তশিং শেম্বগীদমক হৌজিক্তি মমিং নিংথিনা লৈরে৷ অসিগুম্বা খুৎশু-খুৎলাইশিং অসি মফম অসিদা শারগনি৷ ৱান দিস্ত্রিক ৱান প্রদক্ত স্কিমগী মখাদা, য়ু.পি. সরকারনা অলিগরগী পেদলোকশিং অমসুং হার্দৱেয়রদা অনৌবা আইদেন্তিতী অমা পীখ্রে৷ মসিনা নহাশিং অমসুং এম.এস.এম.ই.শিংদা অনৌবা খুদোংচাবশিং ফংহল্লি৷ হৌজিক্তি, হৌজিক লৈরিবা ওল্তরপ্রিনরশিং অমসুং এম.এস.এম.ই.শিং অসিনা অনৌবা কান্নবশিং ফংলগনি অমসুং অনৌবা এম.এস.এম.ই.শিং অসিনা দিফেন্স ইন্দস্ত্রীগী খুৎথাংদা ইন্সেন্তিবশিংসু ফংলগনি৷ দিফেন্স কোরিদোরগী অলিগর নোদনা অপিকপা ওল্তরপ্রিনরশিংগীদমক অনৌবা খুদোংচাবশিং ফংহল্লগনি৷

ইয়াম্বা-ইনাউ অমদি ইচল-ইচেশিং,

মালেম অসিগী খ্বাইদগী ফরবা মিসাইলশিংগী মনুংদা অমা ওইরিবা, ব্রহ্মোস অসিসু দিফেন্স কোরিদোরগী লখনৌ নোদতা শাননবা পুথোরক্লি৷ হিরম অসিগীদমক লাক্কদৌরিবা চহিশিং অসিদা লুপা কোতি ৯,০০০রোমগী শেনফম থাদরগনি৷ লোইন-লোইননা ঝান্সি নোদতা অনৌবা মিসাইল মেনুফেকচরিং য়ুনিত শেমগৎনবা হৌদোরকখি৷ য়ু.পি. দিফেন্স কোরিদোরনা অসিগুম্বা অচৌবা ইনবেস্তমেন্তশিংগা লোইননা থোক্লক্লগনি অমসুং থবক্কী খুদোংচাবশিং ফংহল্লগনি৷

মরুপশিং,

উত্তর প্রদেশ অসি লৈবাক অসিগী অমদি মালেম অসিগী অপিকপা অমসুং অচৌবা ইনবেস্তর খুদিংমক্কী য়াম্না পুক্নিং চিংশিল্লিবা মফম অমা ওইরক্লি৷ হায়রিবা অসি ইনবেস্তমেন্তগী দরকার ওইরিবা এনবাইরোনমেন্ত অমদি তঙাই ফদবা ফেসিলিতীশিং অসি ফংহল্লবা মতমদা থোক্কনি৷ ঙসিদি উত্তর প্রদেশনা দবল ইঞ্জিন গভর্মেন্তগী দবল বেনিফিৎকী মরু ওইবা খুদম অমা ওইরক্লি৷ সবকা সাথ, সবকা বিকাস, সবকা বিস্বাসকী মন্ত্র অসি ইন্দুনা য়োগি জি অমদি মহাক্কী তীম অসিনা উত্তর প্রদেশপু অনৌবা শকলোন অমা লৌননবা শেমখ্রে৷ মীপুম খুদিংমক্না হোৎনদুনা মসি মখাতানা চত্থহনগদবনি৷ সমাজতা দিবেলপমেন্তগী খুদোংচাবশিংদগী লাপ্না লৈখিবা মীওই পুম্নমক এজুকেসন অমদি সরকারগী থবকশিংদা খুদোংচাবা পীরি৷ ঙসিদি, অচৌবা ইনফ্রাস্ত্রকচর প্রোজেক্তশিং অমদি মরু ওইবা ৱারেপশিংগীদমক উত্তর প্রদেশ অসি শক্ন-শোন্নরি৷ নোংচুপ থংবা উত্তর প্রদেশ অসি মসিগী অচৌবা বেনিফিসরী অমনি৷

নোংচুপ থংবা উত্তর প্রদেশতা মোদর্ন হাইৱেজশিং, এক্সপ্রেসৱেজশিং, মেত্রো কন্নেক্তিবিতী, দিল্লী-মীরুত রিজনেল রেপিদ ত্রান্সিত সিস্তেম, জেৱর ইন্তরনেস্নেল এয়রপোর্ত, মল্তি মোদেল লোজিস্তিক্স হক অমদি গ্রেতর নোইদাদা ইন্তিগ্রেতেদ ইন্দস্ত্রিএল তাউনশিপ শেমগৎপগী থবক চত্থরি৷ লুপা কোতি লিশিং কয়াগী মমল ওইরিবা য়ু.পি.দা পাইখৎলিবা প্রোজেক্তশিং অসিনা লাক্কদৌরিবা চহিশিংদা ভারতকী প্রোগ্রেসকী অচৌবা বেসিস অমা ওইরগনি৷

ইয়াম্বা-ইনাউ অমদি ইচল-ইচেশিং,

লৈবাক অসিগী দিবেলপমেন্তদা থিন্থহল্লি হায়না উরমখিবা য়ু.পি অসিমক্না লৈবাক অসিগী অচৌবা কেম্পেন্দশিং চত্থবদা লমজিংলিবা অসিদা ঐ য়াম্না নুংঙাই৷ লেত্রিনশিং শাননবা, লাইরবশিংগী পক্কা হাউসশিং শাবিনবা, উজ্জৱলাগী মখাদা গ্যাসশিং পীববু ওইরবসু, মৈ শমহনবগী কেম্পেন্দবু ওইরবসু, পি.এম.কিসান সম্মন নিধিবু ওইরবসি, য়োগি জিগী য়ু.পি.না স্কিম অমদি মিসন খুদিংমক চৎনহন্দুনা লৈবাক অসিগী পান্দমশিং ফংনবা হোৎনবদা লমজিংখ্রে৷

মরুপশিং,

মফম অসিদা থোকখিবা স্কেম মখলশিং অমদি গভর্মেন্স অদুবুনা করপ্তা শিন্নখিবা অদু য়ু.পি.গী মীয়াম্না কাওবা ঙম্লোই৷ ঙসিদি, য়োগি জিগী সরকারনা য়ু.পি. চাওখৎননবা থমোই শেংনা থবক তৌরি৷ মফম অসিদা লৈরমখিবা সাসন অদু গুন্দাশিং অমদি মাফিয়ানা চলাইবগী মতম অমা লৈরম্মী, অদুবু হৌজিক্তি এক্সতোর্সনিস্তশিং অমদি মাফিয়া রাজ অদুবু চলাইরিবা মীওইশিং অদু কৈশুমশঙশিংদা থমখ্রে৷

ঐনা নোংচুপ থংবা উত্তর প্রদেশকী মীয়ামদা অখন্ননা নিংশিংবা পাম্লি৷ চহি মরি-মঙাগী মমাং ফাওবদা, মসিগী লমদম অসিগী ইমুংশিংনা মখোয় মশাগী ময়ুমশিংদা অকিবা অমগা লোইননা লৈনরম্মী৷ ইচে-ইচলশিং অমদি ইচানুপীশিংনা স্কুলশিং অমসুং কোলেজশিং চৎননবগীদমক মখোয়গী ময়ুমশিংদগী থোক্লকপা কিরমখি৷ মমা-মপা ওইরিবশিংনা মচানুপীশিং অদুনা ময়ুমদা তেক-কাইদনা হল্লক্ত্রিফাওবা ৱাখল তংদু লৈতানা লৈনরমদে৷ অসিগুম্বা এতমোস্ফেয়র অমদা, মীওই কয়া অমনা মখোয়গী মপা-মপুশিংনা থমবিরম্বা ময়ুমশিং অসি থাদোক্তুনা চৎনরমখি৷ ঙসিদি, য়ু.পি.দা লৈবা ক্রিমিনেল অমনা অরানবা থবক অমা তৌদ্রিঙৈ মাংওইননা চাম্মরক হন্না খল্লি!

য়োগিগী সরকারনা লাইরবগী খোল্লাউ তাই অমদি মখোয়বু ইকাই খুম্নৈ৷ কেম্পেন্দ পুম্নমক্তা ভেক্সিন লেম্না য়েনবা অসিনা য়োগি জিগী লুচিং মখাদা সাসন তৌরিবা য়ু.পি. ৱার্কিং স্তাইলগী মরু ওইবা খুদম অমনি৷ হৌজিক ফাওবদা, উত্তর প্রদেশনা ভেক্সিন দোজ কোতি ৮ হেন্না কাপখ্রে৷ য়ু.পি.না লৈবাক অসিদা নোংমদা ভেক্সিন খ্বাইদগী য়াম্না কাপ্পগী রেকোর্দ থম্লি৷ কোরোনাগী ক্রাইসিস অসিদা লাইরবদা মীৎয়েং চংবা অসিনা সরকার অসিগী খ্বাইদগী মরু ওইবা প্রাইয়োরিতী ওইরি৷ লাইরবশিংনা মবুক লাম্না লৈতনবগীদমক থা কয়া চুপ্না চানবা চেং-হৱাইশিং লেম্না য়েল্লি৷ চাবা ফংদবদগী লাইরবশিং অসি কন্নবগীদমক, মালেম অসিদা লৈরিবা চাওখৎলবা লৈবাকশিংনা তৌবা ঙমদবা অদু ভারচ অমদি উত্তর প্রদেশনা তৌরি৷

মরুপশিং,

খুঙ্গংগী শেল-থুমগী ফিভমদসু অহোংবা থুনা লাক্লি৷ চহি খুজিংশিংগী মমাংদা, অহোংবশিংগা লোইননা মতৌ করম্না খোঙ থাংগদগে হায়বগী মতাংদা চৌধুরী চরন সিংহ জি মশামক্না লৈবাক অসিদা উৎখ্রে৷ চৌধুরী সহিবনা উৎলম্বা লম্বী অসিদগী মতৌ করম্না লৈবাক অসিগী এগ্রীকল্তরেল লেবররশিং অমদি অপিকপা লৌমীশিংনা কান্নবা লৌখিবগে হায়বদু ঐখোয় পুম্নমক্না খঙই৷ মসিগী রিফোর্মশিং অসিগী মতেংদগী ঙসিগী শুরোল কয়া অমনা ইকাই খুম্নরবা পুন্সি অমদা হিংবা ঙম্লিবিনি৷

সরকার অসিনা লৈবাক অসিগী অপিকপা লৌমীশিংগা খুৎশম্নদুনা চৎমিন্নবা অসি য়াম্না মরু ওই৷ হায়রিবা অপিকপা লৌমীশিং অসিগী লম হেক্তর অনিদগী হেন্না তানা লৈনৈ অমদি লৈবাক অসিদা লৈরিবা অপিকপা লৌমীশিংগী মশিং অসি চাদা ৮০দগী হেল্লি৷ অতোপ্পা ৱাহৈশিংদা হায়রবদা, লৈবাক অসিগী লৌমী ১০না মপু ওইজবা লমশিংগী মনুংদা, লৌমী ৮দি অপিকরপা লমশিং লৈ৷ মরম অদুনা, অপিক লৌমীশিং অসি য়োকখৎননবগীদমক কেন্দ্র সরকারনা লেপ্প-লৈতনা হোৎনরি৷ এম.এস.পি. শরুক অমগা মখায়রক ওইরবসু, কিসান ক্রেদিৎ কার্দপু ওইরবসু, ইন্সুরেন্স স্কিমবু ওইরবসু, ৩,০০০ পেন্সনগী প্রোভিজনবু ওইরবসু; অসিগুম্বা ৱারেপশিং অসিনা অপিকপা লৌমীশিং অসি য়োকখৎলি৷

কোরোনাগী মতমদা, সরকার অসিনা লৈবাক অসিগী অপিকপা লৌমীশিংগী একাউন্দশিংদা লুপা কোতি লাখ অমা হেন্না হকথেংননা ত্রান্সফর তৌখ্রে অমদি য়ু.পি.গী লৌমীশিংনা লুপা কোতি ২৫,০০০ হেন্না ফংখ্রে৷ হৌখিবা চহি মরিদা য়ু.পি.দা এম.এস.পি.দা লৌশিন্নবদা অনৌবা রেকোর্দশিং থম্বা ঙমখিবা অসি ঐ য়াম্না নুংঙাই৷ সুগরকেন পেমেন্তগা মরী লৈনবা প্রোব্লেমশিং অদুসু লেপ্প-লৈতনা শেমদোক্লি৷ হৌখিবা চহি মরিদা, য়ু.পি.গী চু থাবা লৌমীশিংদা লুপা কোতি লাখ ১ লিশিং ৪০ হেন্না পীখ্রে৷ লাক্কদৌরিবা চহিশিংদা য়ু.পি.গী চুগী লৌমীশিং অসিগীদমক অনৌবা পোজিবিলিতীশিংগী খোঙশিং হাংলগনি৷ চুদগী ফংলিবা ইথানোল অসি বাইও-ফ্যুইল ওন্থোক্তুনা ফ্যুল অমা ওইনা শিজিন্নরি৷ মসিনা নোংচুপ য়ু.পি.গী চু থারিবা লৌমীশিংদা কান্নবা পীরগনি৷

মরুপশিং,

অলিগর য়াওনা নোংচুপ থংবা উত্তর প্রদেশ চাওখৎহন্নবগীদমক য়োগি জিগী সরকার অমদি কেন্দ্র সরকারনা য়াম্না কন্না হোৎনরি৷ ঐখোয়না অমতা ওইনা চিংশিনমিন্নদুনা,লমদম অসি হেন্না চাওখৎহন্নবা, মফম অসিদা ইচানুপাশিং অমদি ইচানুপীশিংগী তৌবা ঙম্বা হেনগৎহন্নবা অমদি এন্তি-দিবেলপমেন্ত ফোর্স পুম্নমক্তদগী উত্তর প্রদেশপু কনগদবনি৷ রাজা মহেন্দ্র প্রতাপ সিংহ জিগুম্বা নেস্নেল হেরোশিংগী থৌনা লৌদুনা ঐখোয় পুম্নমক্না ঐখোয়গী পান্দমশিং অসি মাই পাক্না ফংবা ঙম্বা ওইরসবু৷ ঐবু থৌজানবিনবা নখোয় মশিং য়াম্না লাকখি, নখোয় পুম্নমক উননবগী খুদোংচাবা অদু ঐনা ফংখি, মসিগীদমক নখোয়বু ঐনা থাগৎলি অমদি অফবতা ওইয়ু হায়না ঐনা নখোয় পুম্নমক্তা য়াইফ-মঙ্গোল পীরি৷

নখোয়গী খুৎ অনিমক থাংগৎতুনা ঐগা লোইননা নখোয়না ঙাংগদবনি৷ ঐনা রাজা মহেন্দ্র প্রতাপ সিংহ হায়গনি, নখোয়না নখোয়গী খুৎশিং থাংগৎতুনা – অমর ওইরসনু, অমর ওইরসনু হায়না হায়গনি৷

রাজা মহেন্দ্র প্রতাপ সিংহ

অমর ওইরসনু, অমর ওইরসনু৷

রাজা মহেন্দ্র প্রতাপ সিংহ

অমর ওইরসনু, অমর ওইরসনু৷

রাজা মহেন্দ্র প্রতাপ সিংহ

অমর ওইরসনু, অমর ওইরসনু৷

ভারত ইমানা য়াইফরে৷

ভারত ইমানা য়াইফরে৷

হন্ন হন্না থাগৎচরি৷

 

সেবা অমসুং সমর্পনগী চহি 20 তাক্লিবা ফোতো 20
Explore More
It is now time to leave the 'Chalta Hai' attitude & think of 'Badal Sakta Hai': PM Modi

Popular Speeches

It is now time to leave the 'Chalta Hai' attitude & think of 'Badal Sakta Hai': PM Modi
India's forex kitty increases by $289 mln to $640.40 bln

Media Coverage

India's forex kitty increases by $289 mln to $640.40 bln
...

Nm on the go

Always be the first to hear from the PM. Get the App Now!
...
সোসিয়েল মিদিয়াগী মফম 27 নবেম্বর, 2021
November 27, 2021
Share
 
Comments

India’s economic growth accelerates as forex kitty increases by $289 mln to $640.40 bln.

Modi Govt gets appreciation from the citizens for initiatives taken towards transforming India.