রিপব্লিক ওফ সাউথ আফ্রিকাগী রাস্ত্রপতি,
হিজ এক্সিলেন্সী শ্রী সাইরিল রামাফোসা,
ভারত অমসুং সাউথ আফ্রিকাগী কোর্পোরেৎ ৱার্ল্দগী লুচীংবশিং;
ভদ্রগোল অমসুং ভদ্রমহিলাশিং।
খুরুমজরি!
ইন্দিয়া–সাউথ আফ্রিকা বিজিনেস ফোরম অসিদা ময়ামগা লোয়ননা মফম অসিদা উনবা ফংজবা অসিদা ঐহাক অপেনবাফাওই। য়োর এক্সিলেন্সী শ্রী রাস্ত্রপতিনা ঐখোয়গা লোয়ননা শরুক য়াবিবা অসিদা ঐখোয়না পুকচেল শেংনা ইকায়খুম্নজরি।
হয়েং পাংথোক্কদৌরিবা ঐখোয়গী ৭০ শুবা রিপব্লিক দে পেরেদতা অদোম্না অথোইবা মীথুংলেন ওইগদবা অসি চাওখ্রবাঅধিকারগী ৱাফম্নি। ঐখোয়গী পার্তনরশিপ্না পুৱারিগী থুগায়বা ঙম্লরোয়দবা মরী অমা শন্দোকখ্রি মদুনা ভারত অমসুংসাউথ আফ্রিকাগী নেস্নেল মুবমেন্তশিংগা মরী লৈনরি।
হৌজিক্তি ঐখোয়গী পার্তনরশিপ অসি সেয়ার্দ অমসুং প্রোসপেরস ফ্যুচর অমগী মতাংদা ওইরি মদুনা ঐখোয়গীমীয়ামগীদমক মাদিবা অমসুং মহাত্মাগী মংলানশিং অদু মংফাওনহনবনি। ঐখোয়গী প্রজাশিং অমসুং মালেমগী তুংগীয়াইফনবগীদমক ঐখোয়না লেপ্পা লৈতনা এঙ্গেজ অমসুং কোলাবোরেৎ তৌনবা হোৎনরি।
চহী ২২গী মমাংদা রেদ ফোর্ত দিক্লারেসনগী থোংদা ঐখোয়না স্ত্রেতেজিক পার্তনরশিপ অমা সিল তৌখি। ঐহাক্না থাজৈমদুদি অরিবা মরূপ অনিগী মরক্তা মখা তানা ৱারি শান্নবনা লম্বী খুদিংমক্তা ঐখোয়বু নকশিন্নহল্লি।
ভারত অমসুং সাউথ আফ্রিকাগী মরক্তা চত্থরিবা ললোন ইতিক অসি খম থেংবা থাক্তা লৈরি, অমদি ২০১৭–১৮দা দোলরবিলিয়ন ১০ হেনখি। অচৌবা বিজিনেস ইনিসিয়েতিব অনিনা ২০১৮দা মসিদা মতেং পাংলি। অমনা ২০১৮গী এপ্রিল থাদাজোহন্সবর্গতা পাংথোকখিবা ইন্দিয়া–সাউথ আফ্রিকা বিজিনেস সম্মিৎ ওইখি। অতোপ্পা অমদুনা ২০১৮গী নবেম্বরদাজোহন্সবর্গতা পাংথোকখিবা ইনবেস্ত ইন ইন্দিয়া বিজিনেস ফোরম্নি।
অদুম ওইনমক হৌজিকসু পোতেন্সিয়েল চাওনা লৈরি। ঐহাক্না ভারত অমসুং সাউথ আফ্রিকাগী গবর্নমেন্ত এজেন্সীশিং, ইনবেস্তমেন্ত প্রমোসন ওর্গনাইজেসনশিং লোয়ন লোয়ননা লৈবাক অনিমক্কী বিজিনেস লুচীংবশিংবু অশেংবাপোতেন্সিয়েল অদু খংহন্নবা থৱায় হকচাং য়াওনা থবক তৌনবা হায়জরি।
গুজরাতকী মুখ্য মন্ত্রী ওইনা ঐহাক্কী অঙনবা মতমগী থৌদাংদা সাউথ আফ্রিকাদগী লাকপা মচিন তুম্লবা পার্তিসিপেন্তশিংবুতরাম্না ওকচবদা ঐহাক নুঙায়জখি। মসি অপেনবগী মশক্নি মদুদি মমাং হপ্তাদা পাংথোকখিবা বাইবরেন্ত গুজরাত্তা সাউথআফ্রিকাদগী মশিং য়াম্লবা ঐখোয়গী মরূপশিং অমসুং পার্তনরশিংবু অমুক হন্না তরাম্না ওকচবা ফংজখি। নুমীৎ অমবুঅখন্ননা আফ্রিকা দে হায়না পাংথোকখি।
ঐখোয়গী মরী অসি ঐখোয়না ইচম চম্না খনবা অদুদগী হেন্না চেৎলি হায়বদু মসিনা উৎলি। মসিনা ঐখোয়গী লৈবাকঅনিগী ইকোনোমিক পার্তনরশিপতসু অঙকপা ওইহল্লি। ইচিল–ইনাও অমসুং ইচল–ইচেশিং, ভারতকী ইকোনোমীগীহৌজিক ওইরিবা ২.৬ ত্রিলিয়ন দোলর অসি মালেমদা খ্বাইদগী খোংজেল য়াংনা চাওখৎলক্লিবা অচৌবা ইকোনোমিনি।
অমদি, মালেমগী ওইনা মঙাশুবা খ্বাইদগী চাওবা ইকোনোমী ওইরক্নবগী লম্বীদা ঐখোয় হৌজিক লৈরি। ৱার্ল্দ বেঙ্ককী ইজওফ দুইং বিজনেস রিপোর্তকী খ্বাইদগী নৌবা এদিসন্দা ভারত ৭৭শুবা পোজিসন্দা চোংখৎলক্লে– হৌখিবা চহী মরিদা মফম৬৫ হায়গৎলে।
য়ু.এন.সি.তি.এ.দি.না লিস্ত তৌবা মকোক থোংবা এফ.দি.আই. দেস্তিনেসনশিংদা ঐখোয় অমা ওইরি। অদুবু ঐখোয়অপেনবা ফাওদ্রি। ইকোনোমীগী মরুওইবা সেক্তরশিংদা নুমীৎ খুদিংগী ঐখোয়না দরকার ওইবা অহোংবশিং অমসুংরিফোর্মশিং পাংথোক্লি।
মেক ইন ইন্দিয়া, দিজিতেল ইন্দিয়া অমসুং স্তার্ত অপ ইন্দিয়াগুম্বা ঐখোয়গী অখন্নবা প্রোগ্রামশিংনা মালেমগীইমাজিনেসনশিং অদু ফাজিনলি।
ঐখোয়গী ইন্দস্ত্রীশিং অসি ইন্দস্ত্রী ফোর পোইন্ত জেরো অমসুং অর্তিফিসিয়েল ইন্তেলিজেন্স, 3-D প্রিন্তিং, রোবোতিক য়াওনাঅতোপ্পা ইনোবেতিব তেক্নোলোজীশিংগী মায়কৈদা চংশিল্লি। মীওইবা জাতিগী শরুক তরুক থোকপগী অমা ওইরিবাঐখোয়গী প্রজা ১.৩ বিলিয়নগী পুন্সি মহিং হেন্না ফগৎহন্নবা ঐখোয়গী সরকারনা হোৎনবা য়াবা পুম্নমক হোৎনরি।
নেক্স জেনরেসন ইনফ্রাস্ত্রকচরগা লোয়ননা অনৌবা ভারত অমা শেমগৎনবা ঐখোয়না ৱারেপ লৌরে।
এক্সিলেন্সী,
অনৌবা সাউথ আফ্রিকা অমগী ওইবা অদোমগী মীৎয়েং অদুগী মায়কৈদা ২০১৮দা অদোম্না মশিং য়াম্লবা দাইনামিকইনিসিয়েতিবশিং হৌদোকখি। সাউথ আফ্রিকাদা ফোরেন দাইরেক্ত ইনবেস্তমেন্ত পুক্নিং চিংশিন্নবা অদোম্না হোৎনখিবশিংঅমসুং চহী অহুমগী মনুংদা নহাশিংদা থবক মিলিয়ন অমা হেন্না ফংহনখিবা অদু ঐখোয়না ৱিস তৌই।
মসিগী ওবজেক্তিবশিং অসিদা ভারতনা থৌদাং য়ারিবা অসিদা ঐহাক নুঙাইবা ফাওই। সাউথ আফ্রিকাদা ঐখোয়গীঐখোয়গী ইনবেস্তমেন্ত অসি লেপ্পা লৈতনা হেঙ্গৎলক্লি। মসিনা দোলর বিলিয়ন ১০ য়ৌহন্দুনা মফম অদুগী মীওই ২০,০০০হেন্না থবক পীরি।
মচিল মনাও ওইবা লৈবাক ওইবনা ভারতনা পোলিসী রিফোর্মস অমসুং গ্রাউন্দ লেভেল এজেন্সীশিং লিংখৎপদাএক্সপরিয়েন্সশিং সেয়ার তৌবদা নুঙাইবা ফাওগনি। সাউথ আফ্রিকাদা ইন্দিয়ান কম্পেনিশিংনা অহেনবা ইনবেস্তমেন্ততৌবদা ঐখোয়না পুক্নিং থৌগৎলি অমদি ভারতকী কৈথেলদা সাউথ আফ্রিকাগী কম্পেনি কয়া অমসু চংলক্কনি হায়বাথাজবা থম্লি।
ঐহাক্না নখোয়দা থাজবা পীরি মদুদি অনৌবা ভারতনা অখন্ননা ফুদ এন্দ এগ্রো প্রোসেসিং, দীপ মাইনিং, দিফেন্স, ফিন–তেক, ইন্সুরেন্স অমদি ইনফ্রাস্ত্রকচর সেক্তরদা ফংলিবা খুদোংচাবা পুম্নমক য়েংনবা অদোম্বু তরাম্না ওক্লি।
মতৌ অদুম্না, স্তার্ত অপস, হেল্থ কেয়ার এন্দ ফার্মা, বাইও–তেক, আই.তি. অমসুং আই.তি. ইনেবল্দ সেক্তরদা ভারতনাসাউথ আফ্রিকাগা লোয়ননা পুন্না চৎমিন্নগনি।
হন্দক্তা হৌদোকখিবা গান্ধী মন্দেলা স্কিল্স ইন্সতিত্যুৎকী থোংদা সাউথ আফ্রিকা স্কিল্স স্তোরীগী শরুক অমা ওইবদা ঐখোয়অপেনবা পোকই। ইনিসিয়েতিব অসিনা নহাশিংদা শক্তী পীরি।
ঐখোয়গী লৈবাক অনিগী মরক্তা অতোপ্পা মরুওইবা কোলাবোরেসন্দি জেম্স অমসুং জ্বেলরী সেক্তর ওইবা য়াই।
অখন্ননা ইন্তরনেস্নেল সোলর এলাইন্সকী থোংদা ন্যু এন্দ রিন্যুয়েবল ইনর্জীগীদমক ঐখোয়গী কেম্পেন্দা সাউথ আফ্রিকানাভারতকা পুন্না খুৎশম্নদুনা চৎমিন্নবা য়াই।
ললোন ইতিক তৌরিবা মীওই অমসুং লমকোয়বশিংগীদমক হৌজিক লৈরিবা ভিজা রিজিম অসি লায়থোকহবা অমসুংদাইরেক্ত কনেক্তিবিতীনা মখা তানা বিজিনেস অমসুং পিপল–তু–পিপল একচেঞ্জ লায়থোকহল্লগনি।
ইচল–ইচে অমসুং ইচিল–ইনাওশিং,
ইন্দিয়া–সাউথ আফ্রিকা পার্তনরশিপতা অচৌবা পোতেন্সিয়েল লৈরি। ঐখোয়গী লৈবাক অনি অসিগী অমদি প্রজাশিংগীকাননবগীদমক, অনৌবা ইরা অমগীদমক ঐখোয়না পুন্না থবক তৌগদবনি।
য়োর এক্সিলেন্সীগী খোংচৎ অসিনা মসিগী মরী অসি মাংলোমদা পুখৎনবা অচৌবা খুদোংচাবা অমা ঐখোয়দা পীনবিরে।
মসিগী পুন্না হোৎনরিবা অসিদা অদোমগা লোয়ননা লেং মান্ননা থবক তৌমিন্নবা এক্সিলেন্সীগী মফমদা ঐহাক্না ৱাশকচরি।
থাগৎচরি।
হন্না–হন্না থাগৎচরি।
